📢 تبليغ إلى أعضاء فريق أمد

نود إعلامكم بأنه تم التواصل مع جميع الطلبة الذين تم قبولهم في الورشة، وتمت إضافتهم إلى كروب الورشة، حيث سيتم إرسال جميع التعليمات والتحديثات الخاصة بالورشة من خلاله.

أما الذين لم تصلهم رسالة قبول، فنعتذر لإبلاغكم بأنكم لم تكونوا ضمن الأسماء المقبولة في هذه الدفعة. نشكركم على اهتمامكم ونتمنى لكم التوفيق، وستكون هناك ورش ونشاطات قادمة بإذن الله.

سلام عليكم شباب بنات شلونكم ان شاءالله بخير .. اطباء الاسنان الي يداوم بجامعه البيان او بلتراث حاليا دكتور فيصل الحويزي مسوي زوم مجاني الكم اذا تحبون تنضمون وتستفسرون على مرحله رابعه فااهلا وسهلا بيكم 💚


واي شخص من غير جامعه اذا يريد يستفاد من الزوم ميت هلا بي … منتظريكم شباب 🤍

ليس كل ما يتعلم في الطب يوجد بين صفحات الكتب...

اكو اشياء ما تتعلمها الا من تمسك الجهاز بيدك، وتقيس الضغط، وتفحص السكر، وتعرف شلون كل رقم ممكن يفرق بحياة مريض.

بهالورشة ما كان هدفنا نحفظ خطوات وبس، هدفنا نبني ثقة، ونكتسب مهارة، ونخليكم اقرب للحياة العملية من اول خطوة.
شكرا لكل واحد حضر، وتفاعل، وحرص يتعلم حتى يطور نفسه ويصير افضل..

هذه ليست النهاية... بل بداية رحلة نصنع فيها اطباء اكثر علما، ومهارة، وانسانية

فريق امد الطبي 🤍

شباب

تذكير اخير للي بعده مو منضم لكروب صندوق امد للتبرعات

خلال الـ ٥ ايام القادمة راح يغلق الانضمام للكروب، وبعدها راح يقتصر على الاعضاء الموجودين بيه فقط

الاشتراك الشهري هو ٥ الاف دينار فقط وكل المبالغ تروح بالكامل للحملات والفعاليات الخيرية ومساعدة المحتاجين
يمكن ٥ الاف دينار ما تشكل عبء على الشخص، لكنها لما تجتمع من ناس تؤمن بالخير تتحول الى علاج او وسلة غذائية او حملة انسانية وفرحة لعائلة محتاجة

وهذا رابط الكروب

https://t.me/+r4u3uPMAKoFhMDEy

قريبا…

بعد نجاحات صنعتها جهودكم وثقتكم
نعود اليكم بحلة جديدة

مؤتمر أمد الطبي
تجربة مختلفة تجمع بين المعرفة والالهام والتطوير

بفقرات جديدة
وفعاليات جديدة
وشخصيات جديدة

كونوا على الموعد

فورمة التسجيل الجديدة لفريق امد الطبي

لكل اعضاء امد القدامى والجدد
فتحنا التسجيل من جديد

اذا كنت ويانا من قبل فهذه فرصتك ترجع وتكمل المشوار
واذا جديد فاهلا وسهلا بيك ويانا

شنو راح تستفاد؟

تشارك بحملات ومبادرات تطوعية
تحضر ورش وفعاليات طبية
تطور مهاراتك وتتعلم اشياء جديدة
تشتغل ضمن فريق وتكتسب خبرة
وتتعرف على اشخاص وتجارب جديدة

الفورمة بسيطة وما تاخذ منك وقت

عبيها وخلي اسمك ويانا بالمرحلة الجاية

https://forms.gle/Av2pSSrw1ynMT8RT6

امد الطبي | معا نصنع الفرق

تبليغ مهم

نود اعلام جميع اعضاء الفريق باعتماد فورمة التسجيل الجديدة كاجراء رسمي لتثبيت عضوية جميع الاعضاء

وعليه فان التسجيل في الفورمة الزامي لجميع الاعضاء دون استثناء سواء للاعضاء السابقين او الاعضاء الجدد

ويعد اكمال التسجيل شرطا اساسيا لاعتماد العضوية ضمن الهيكل التنظيمي للفريق

تنويه مهم: كل عضو لا يقوم باكمال الفورمة لن يتم اعتماد عضويته ضمن قوائم الاعضاء المعتمدين ويعتبر غير منضم للفريق

يرجى من الجميع الالتزام واكمال التسجيل

السلام عليكم ارفق لكم استمارة التسجيل في الوجبة الخامسة لدخول صالة العمليات في مستشفى الكفاءات

https://forms.gle/QSxf6AEADtgVR86a6

تنويه هام بشأن اختيار يوم دخول صالة العمليات:
يرجى العلم أن المقاعد المتاحة لكل يوم محدودة جداً. سيتم اعتماد اختيار الأيام بناءً على أسبقية التسجيل (أول 5 طلاب فقط لكل يوم).

يرجى الانضمام الى المجموعة الخاصة بقبول الطلبة

https://t.me/+57oLQsxhVqthOTYy

بعد نجاح الورشة الاولى … ونظرا للاقبال اللي صار عليها قررنا نعيدها الكم من جديد

الـ History Taking من اول المهارات السريرية اللي يحتاجها طالب الطب وبناء اساس قوي بيها راح يسهل عليك هواي بالـ Clinical و OSCE

بهذه الورشة راح نتعلم بشكل عملي
شلون تاخذ الـ Medical History بطريقة مرتبة
شلون ترتب تسلسل الاسئلة
شلون تتواصل ويا المريض بشكل صحيح
واهم الاخطاء اللي لازم تتجنبها

وراح نركز ايضا على نقاط مهمة بالـ OSCE مثل ترتيب الخطوات وادارة الوقت وطريقة التعامل داخل المحطة

اذا تريد تبني اساس قوي بالـ History Taking وتدخل للمرحلة السريرية بثقة اكبر
هاي الورشة الك

📅 السبت 12/9/2026
🕒 11:00 صباحا
📍 الحارثية - شارع الكندي - مدوركس

الورشة مجانية والمقاعد محدودة
التسجيل عبر الرابط

https://forms.gle/7ocpqXaZytuygMLJ8

سجل هسه واحجز مقعدك قبل اكتمال العدد

https://forms.gle/DzvCR3FnpezC4TvD9


استمارة الانضمام الى لجان فريق امد
فتحنا باب الانضمام الى لجان فريق امد حتى نختار ٥ اداريين لكل لجنة
الاداري مو مجرد اسم او منصب داخل اللجنة

الاداري هو شخص فعلي يشتغل ويا اللجنة ويشارك بتنظيم وتنفيذ فعالياتها وانشطتها ويحضر اجتماعات اللجنة ويشارك باللقاءات الرسمية ويمثل امد ضمن نشاطاته

ومن خلال هذا الدور رح تكون عنده فرصة حقيقية
انو يتعلم ويطور من نفسه ويكتسب خبرة بالعمل الجماعي والتنظيم

وكذلك يكون شبكة علاقات واسعة من خلال تواصله ويه الجامعات والمؤسسات والجهات المختلفة
وكل لجنة رح يكون بيها ٥ اداريين وماكو رئيس للجنة

الجميع بنفس الصفة والمسؤولية والمهام رح تتوزع بينهم حسب طبيعة الفعاليات وحاجة اللجنة

اذا تشوف نفسك تكدر تضيف وتشتغل وتكون جزء فعلي من نشاطات امد اختار اللجنة اللي تشوف نفسك مناسب الها

جانب من ورشة الاسعافات الاولية اللي اقمناها البارحة

من الورش اللي فعلا استمتعنا بكل لحظة بيها
تفاعل حلو وتطبيق عملي وطاقة خلت حتى المعلومة الثقيلة توصل ببساطة

هدفنا ما جان نحفظكم خطوات وبس
جان هدفنا تطلعون وانتم تعرفون شلون تتصرفون اذا صار موقف حقيقي قدامكم
لان مرات معلومة بسيطة تتعلمها اليوم ممكن باجر تنقذ بيها حياة

شكرا لكل شخص حضر وشارك ويانا
وجودكم وتفاعلكم هو اللي صنع جمال الورشة

5 / 9 / 2026
Medorx – بغداد

ومكملين وياكم بورش اقوى وتجارب احلى

سجل الان | بازار مؤتمر امد الطبي

ندعو اصحاب المشاريع والعلامات التجارية للمشاركة في بازار مؤتمر امد الطبي، مساحة تجمع الابداع وريادة الاعمال، وتمنح المشاريع فرصة لعرض منتجاتها، التعريف بعلاماتها، والوصول الى جمهور جديد.

تفاصيل البازار:
الخميس | 17/9/2026
الساعة | 9:30 صباحا
المكان | كلية الحكمة الجامعة – قاعة المؤتمرات

اذا لديك مشروع او علامة تجارية وترغب بالمشاركة، سجل بياناتك عبر الفورمة:

رابط استمارة التسجيل⁠

https://forms.gle/kiDduQCXJBPu5cFM8

ملاحظة: تعبئة الاستمارة لا تعني القبول النهائي، وسيتم مراجعة الطلبات والتواصل مع المشاريع المختارة لاحقا.