Asrat Woldeyes | UncoverED | Global https://share.google/EfogPfs1pOV9TUw0H

ፕሮፌሰር አስራት ወልደየሱስ
©©©
1. ልደትና የልጅነት ዘመን
ፕሮፌሰር አስራት ወልደየሱስ ሰኔ 12 ቀን 1920 ዓ.ም በአዲስ አበባ ከተማ ተወለዱ። ገና በለጋ እድሜያቸው በፋሺስት ጣሊያን ወረራ ወቅት አያታቸውና አባታቸው በጠላት በመገደላቸው፣ ህይወታቸውን በስደትና በችግር ጀምረዋል።
2. ትምህርትና የህክምና ስኬት
የመጀመሪያ ደረጃ፦ ትምህርታቸውን በግብፅ (እስክንድርያ) በሚገኘው ቪክቶሪያ ኮሌጅ ተከታትለዋል።
ከፍተኛ ትምህርት፦ ወደ እንግሊዝ ሀገር በማቅናት በኤዲንብራ ዩኒቨርሲቲ በህክምና የመጀመሪያ ዲግሪያቸውን አግኝተዋል።
ስፔሻላይዜሽን፦ ቀጥለውም በለንደን በሮያል ኮሌጅ ኦፍ ሰርጀንስ (Royal College of Surgeons) በመመረቅ የመጀመሪያው ኢትዮጵያዊ የቀዶ ህክምና ስፔሻሊስት ለመሆን በቅተዋል።
3. የሙያ አገልግሎት
ወደ ሀገራቸው ከተመለሱ በኋላ ለኢትዮጵያ ህክምና እድገት መሰረት የሆኑ ስራዎችን ሰርተዋል፦
በልዕልት ፀሐይ ሆስፒታል (አሁን ጦር ኃይሎች) እና በጥቁር አንበሳ ሆስፒታል ለረጅም ዓመታት አገልግለዋል።
የቀዳማዊ ኃይለ ሥላሴ የግል ሀኪም ነበሩ።
የአዲስ አበባ ዩኒቨርሲቲ የህክምና ፋኩልቲ መስራች እና የመጀመሪያው ኢትዮጵያዊ ዲን በመሆን ለዘመናዊ ህክምና ትምህርት መስፋፋት ከፍተኛ ድርሻ አበርክተዋል።
በቀዶ ህክምና ጥበባቸው በሺዎች የሚቆጠሩ ኢትዮጵያውያንን ህይወት ታድገዋል።
4. ፖለቲካዊ ተሳትፎና እስር
በ1983 ዓ.ም የመንግስት ለውጥ ከተደረገ በኋላ፣ ፕሮፌሰሩ የኢትዮጵያን አንድነት አደጋ ላይ የሚጥሉ ሁኔታዎችን በጽኑ ተቃውመዋል።
መአህድ፦ "የመላው አማራ ህዝብ ድርጅት (መአህድ)" የተባለውን ድርጅት በመመስረት በሰላማዊ መንገድ መታገል ጀመሩ።
እስር፦ በመንግስት ላይ አመጽ በማነሳሳት ክስ ተመስርቶባቸው በ1986 ዓ.ም ለእስር ተዳረጉ። ለአምስት ዓመታት ያህል በቃሊቲ እስር ቤት ቆይተዋል።
5. ሕመም እና አሟሟት
ፕሮፌሰር አስራት በእስር ላይ እያሉ በደረሰባቸው ከፍተኛ የጤና መታወክ (በተለይም የልብና የደም ግፊት ህመም) ምክንያት በሀገር ውስጥ ህክምና ቢከታተሉም ለውጥ ሊመጣ አልቻለም።
ወደ ውጭ ሀገር ጉዞ፦ የጤና ሁኔታቸው እጅግ አሳሳቢ ደረጃ ላይ በመድረሱና በዓለም አቀፍ ደረጃ በደረሰ ጫና፣ በ1991 ዓ.ም ጥር ወር ላይ ለህክምና ወደ አሜሪካ እንዲሄዱ ተፈቀደላቸው።
ህልፈት፦ በሂውስተን፣ ቴክሳስ በሚገኝ ሆስፒታል ህክምና ሲከታተሉ ቆይተው ግንቦት 6 ቀን 1991 ዓ.ም (May 14, 1999) በተወለዱ በ71 ዓመታቸው ከዚህ ዓለም በሞት ተለዩ።
6. የቀብር ስነ-ስርዓት
አስከሬናቸው ወደ ሀገር ቤት ተመልሶ በነበረበት ወቅት፣ በሚሊዮን የሚቆጠር ህዝብ በታላቅ ሃዘን አቀባበል አድርጎላቸዋል። የቀብር ስነ-ስርዓታቸው በአዲስ አበባ በሚገኘው በመንበረ ፀባኦት ቅድስት ሥላሴ ካቴድራል በታላቅ ክብር ተፈጽሟል።
ትውፊታቸው፦ ዛሬም ድረስ ፕሮፌሰር አስራት በኢትዮጵያዊያን ዘንድ "የህክምና አባት"፣ "የአንድነት ምልክት" እና "ለእውነት የቆሙ ጀግና" ተብለው ይታወሳሉ።
©©©
ቅድሚያ ለጤና
የአማራ ህክምና ማህበር
ባህርዳር
ኢትዮጵያ

ለመላው የእስልምና እምነት ተከታይ ወገኖቼ እንኳን ለ1447ኛው የዒድ አል-አድሃ (አረፋ) በዓል እንኳን በሠላም አደረሳችሁ ። አደረሰን ።

ኢድ ሙባረክ!!

የአማራ ሕክምና ማኅበር ይፋዊ የአቋም መግለጫ
ቀን፦ ሰኔ 1 ቀን 2018 ዓ.ም (የሰኔ 7/2026 እ.ኤ.አ)
©©©
«የጤና ባለሙያው መብትና ክብር ይጠበቅ፤ የደከመበት የዱቲ (ተረኝነት) ክፍያ በአስቸኳይ ይፈጸም!»
የአማራ ሕክምና ማኅበር (አሕማ) በክልላችን የሚገኙ የሕክምናና የጤና ባለሙያዎች ያሉባቸውን ዘርፈ-ብዙ መዋቅራዊና ወቅታዊ ችግሮች ለመፍታት፣ እንዲሁም ሙያዊ መብቶቻቸው እንዲከበሩ ከተለያዩ የመንግሥትና አጋር አካላት ጋር በቅርበት ሲወያይና ሲሠራ መቆየቱ ይታወቃል።
ሆኖም ግን፣ በአሁኑ ወቅት በክልሉ በሚገኙ የተለያዩ የጤና ተቋማት ውስጥ ሌት ከቀን ሕዝባቸውን እያገለገሉ ያሉ የህክምና ባለሙያዎች ላለፉት 5 (አምስት) ወራትና ከዚያ በላይ የሠሩበት የዱቲ (የተረኝነት ሰዓት) ክፍያ እንዳልተፈጸመላቸው ማኅበራችን በምሬትና በትዕግሥት ሲከታተለው የቆየው መራራ እውነታ ነው። ማኅበራችን ይህንን ሕጋዊና ፍጹም ሙያዊ የሆነ የክፍያ ጥያቄ ከክልል ጀምሮ እስከ ፈደራል ጤና ጥበቃ ሚኒስቴር ድረስ በተደጋጋሚ በደብዳቤና በአካል በማቅረብ መፍትሔ እንዲሰጠው ቢወተውትም፣ እስካሁን ድረስ ኃላፊነት ወስዶ ክፍያውን የሚፈጽም አካል አልተገኘም።
ከዚህም በላይ፣ ባለሙያዎች መብታቸውንና የደከሙበትን ጥሪት በሕጋዊ መንገድ በጠየቁበት ወቅት ከተለያዩ የመንግሥትና የጤና ተቋማት የሥራ ኃላፊዎች ዛቻ፣ ማስፈራሪያና አስተዳደራዊ ጫናዎች እየደረሰባቸው መሆኑን የሚያሳዩ ተጨባጭ መረጃዎች ለማኅበራችን ደርሰውታል። ይህ ድርጊት ሙያዊ ስነ-ምግባርን የሚጻረር፣ የባለሙያውን ሞራል የሚሰብርና ሕገ-ወጥ አሠራር በመሆኑ ማኅበራችን አጥብቆ ያወግዘዋል።
ስለሆነም የአማራ ሕክምና ማኅበር የሁኔታውን አሳሳቢነትና የዘመኑን የኑሮ ውድነት ከግምት ውስጥ በማስገባት የሚከተሉትን የአቋም መግለጫ ነጥቦች በጽኑ ያሳስባል፦
1. ያለምንም ቅድመ-ሁኔታ የዱቲ ክፍያ በአስቸኳይ ይፈጸም
የበጀት ዓመቱ ከመዘጋቱና ሂሳብ ከመታሸጉ በፊት፣ የሚመለከታቸው አሰሪ ተቋማት፣ የዞንና የከተማ አስተዳደር ጤና መምሪያዎች እንዲሁም የክልሉ ጤና ቢሮ የጤና ባለሙያዎች ባለፉት አምስት ወራትና ከዚያ በላይ የሠሩበትን የዱቲ ክፍያ ያለምንም ቅድመ-ሁኔታና ያለምንም መስተጓጎል በአስቸኳይ እንዲከፍሉ እናሳስባለን። የሰው ልጅ በላቡና በደሙ የሠራበትን ክፍያ መከልከል ሰብአዊም ሆነ ሕጋዊ መሠረት የለውም።
2. ሕጋዊና ሰላማዊ የጥያቄ ማቅረቢያ መንገዶች ይጠቀሙ
የሕክምና ባለሙያዎች መብታችሁን ለማስከበር የምታደርጉትን ጥረት ማኅበራችን ሙሉ በሙሉ ይደግፋል። ሆኖም ግን፣ የሚነሱ ጥያቄዎችና አቤቱታዎች ሁሉ ሕጋዊና ሰላማዊ በሆነ መንገድ ብቻ ለሚመለከታቸው የሕግ አካላት (ለፍትሕ አካላት፣ ለሠራተኛና ማኅበራዊ ጉዳይ እንዲሁም ለሰብአዊ መብት ተሟጋቾች) በጽሑፍና በማስረጃ በማቅረብ ህጋዊ መብታቹህን መጠየቅ ይገባቹሃል።
3. በባለሙያዎች ላይ የሚደርሰው ዛቻና ማስፈራሪያ በአስቸኳይ ይቁም!
መብትን መጠየቅ ወንጀል አይደለም። በቅንነትና በታማኝነት ሕዝብን እያገለገለ ያለን ባለሙያ ማስፈራራትና ማሸበር የጤና ሥርዓቱን ማፍረስ ማለት ነው። በመሆኑም በየደረጃው ያሉ የተቋም መሪዎች በባለሙያው ላይ የሚያደርሱትን ማንኛውንም ዓይነት ተጽዕኖና ዛቻ በአስቸኳይ እንዲያቆሙ እንጠይቃለን። ማኅበራችን በማስፈራሪያ ድርጊት ላይ በቀጥታም ሆነ በተዘዋዋሪ የሚሳተፉ አካላትን በሕግ የመጠየቅ መብቱ የተጠበቀ ነው።
4. የጤና ሥርዓቱ እንዳይጎዳ ቅድሚያ ለጤና ትኩረት እንስጥ
አሁን ባለው አስቸጋሪ ሁኔታ ውስጥ የጤና ባለሙያው ተስፋ ከቆረጠና መሠረታዊ ጥቅማ ጥቅሞቹ ከተነፈጉ፣ በክልሉ የጤና መዋቅር ላይ ከባድ ጠባሳ እንደሚጠል ግልፅ የሆነ ጉዳይ ነው።ስለዚህ የክልሉ መንግሥትና የፌደራል ጤና ሚኒስቴር የጉዳዩን አሳሳቢነት በግልፅ በመረዳት ፣ የፋይናንስና የበጀት ማነቆዎችን ፈትተው ለአገልግሎት ሰጪው ባለሙያ ዋስትና እንዲሰጡ በጥብቅ እንጠይቃለን።
«የጤና ባለሙያዎችን መብት ማክበር፤ የሕዝብን ጤናና ደኅንነት የመጠበቅ የመጀመሪያው እርምጃ ነው!»
©©©
ቅድሚያ ለጤና
የአማራ ሕክምና ማኅበር /AMA/
ባህርዳር ኢትዮጵያ

A Proud Message of Congratulations
©©©
Dear Student, Hidase Zemen,
On behalf of the Amhara Medical Association – Bahir Dar, Ethiopia, we extend our heartfelt congratulations on your extraordinary achievement in the National University Entrance Examination, scoring 583 out of 600.
Your remarkable result reflects exceptional curiosity, scientific brilliance, discipline, and unwavering dedication. It is a proud accomplishment not only for you and your family, but also for our community.
As an association that values education and excellence, we are inspired by outstanding young scholars like you. Your determination and hard work serve as a model for other students and give us great hope for the future of our country.
We are confident that this success will become a strong foundation for your higher education journey. Should you choose to pursue a career in medicine, we would be delighted to see your talent and commitment contribute to saving lives and serving society.
Congratulations once again on this outstanding achievement! We wish you continued success, wisdom, and excellence in all your future academic and life endeavors.
Keep shining!
With great respect,
Amhara Medical Association
Bahir Dar, Ethiopia
Nehase 2018 E.C. (August 2026)

EMOH Hosts

https://www.facebook.com/share/v/1LAuQpiMbL/

የአማራ ህክምና ማህበር ከአማራ ክልል ስፔሻሊስት ሀኪሞች ጋር የምክክር መድረክ አካሄደ
©©©
የአማራ ህክምና ማህበር ነሐሴ 27 ቀን 2018 ዓ.ም ከአማራ ክልል ስፔሻሊስት ሀኪሞች ጋር በወቅታዊ እና አስቸኳይ የጤና ሴክተሩ ጉዳዮች ላይ ያተኮረ ፍሬያማ ውይይት አካሂዷል።በውይይቱም በርካታ ሀኪሞች የተሳተፉ ሲሆን ማህበሩ እስካሁን ያከናወናቸውን አበይት ተግባራት፣ ያጋጠሙትን ተግዳሮቶች እና በቀጣይ ሊከናወኑ የሚገባቸውን ስትራቴጂካዊ እርምጃዎች ለተሳታፊ ሀኪሞች በስፋት አቅርቧል።
በውይይቱ ከተነሱት ዋና ዋና ነጥቦች መካከል፡
ሀ) የጤና ስርዓቱ ወቅታዊ ሁኔታ፡ ስለ አማራ ክልል እና በጠቅላላው ስለ ኢትዮጵያ ህዝብ የጤና ስርዓት ተስፋዎችና ተግዳሮቶች፣
ለ) የዱቲ (Duty) ክፍያ ስርዓት፡ በ2018 ዓ.ም ያልተከፈለውን የዱቲ ክፍያ በተመለከተ የሚወሰዱ የመፍትሔ እርምጃዎች እና የወደፊት የክፍያ ማሻሻያ መንገዶች(212 ሰአትን በተመለከተና ሌሎችን)፣
ሐ) የማህበሩ ጥንካሬ እና አንድነት፡ የአማራ ህክምና ማህበርን የበለጠ ማጠናከርና ማገዝ የሚቻልበት መንገድ እንዲሁም የሙያ ማህበራት ከክፍፍል ይልቅ በአንድነት የመቆማቸው ወሳኝ አስፈላጊነት በሰፊው ተዳስሰዋል።
በውይይቱ ማጠቃለያ ላይ የጤና ባለሙያዎቻችን ለጤናው ስርዓት መሻሻል እና ለሙያተኞች መብት መከበር ያላቸውን ቁርጠኝነት እና ፅኑ አቋም ገልጸዋል። እንዲሁም በቀጣይ በየጊዜው በመገናኘት ምክክር ለማድረግ እና ማህበሩ የሚያከናውናቸውን እያንዳንዳቸውን እንቅስቃሴዎች በመገናኛ ብዙሃን ለህዝብ ይፋ ለማድረግ ውሳኔ ላይ ተደርሷል።
የጥሪ መልእክት፡
©©©
ጠንካራ የጤና ስርዓት ለመገንባት እና የጤና ባለሙያው መብት እንዲከበር ጠንካራ እና አንድ የሆነ ማህበር መኖሩ የግድ ይላል። ስለሆነም ሁላችንም በአንድነት በመቆም የጤና ስርዓታችንን ዘመኑ ከደረሰበት የእድገት ደረጃ አብሮ እንዲጓዝ፤ የጤና ሙያም እጅግ የተከበረና ተፈላጊ ለማድረግ ያለብንን ታሪካዊ ሀላፊነት እንወጣ ዘንድ ማህበሩ ጥሪውን ያቀርባል።
ቅድሚያ ለጤና!
የአማራ ህክምና ማህበር
ባህር ዳር፣ ኢትዮጵያ

የአማራ ህክምና ማህበር ለተለያዩ ተቋማት/ለክልሉ ርዕሰ መስተዳድር፣ለክልሉ ጤና ቢሮ፣ለሲቭል ሰርቪስና የሰው ሀብት ኮሚሽን፤ለክልሉ ፖሊስ ዋና ጠቅላይ መምሪያ፤ለኢትዮጵያ እንባ ጠባቂ ተቋም(ባህርዳር ቅርንጫፍ)፣ለክልሉ ፍትሕ ቢሮ፣ለአማራ ሚዲያ ኮርፐሬሽን/ስለ ጤና ባለሙያዎች የ2018 ዓ.ም ያልተከፈለ ዱቲና ስለ አዲሱ የሰው ሀይል ስምሪት ይፋው ደብዳቤ ፅፏል።ተቋማቱ የማህበሩን ጥያቄ በሚገባ በማጤን መልስ እንደሚሰጡና እንደሚያሰጡ እንጠይቃለን።
ቅድሚያ ለጤና
የአማራ ህክምና ማህበር
ባህርዳር ኢትዮጵያ

አዲስ ዓመት — የፈውስ፣ የጽናትና የሕይወት ተስፋ!
©©©
ውድ የሕይወት ዘበኞች — የሕክምና ባለሙያዎቻችን፤የተወደዳችሁ የአማራና የመላው ኢትዮጵያ ሕዝቦች፤
ዓመታት ይነጉዳሉ፤ ዘመናት ይፈራረቃሉ፤ ነገር ግን በጨለማ ውስጥ ተስፋ ሆኖ መብራት፣ በሚንቀጠቀጡ እጆች መካከል ሕይወትን መታደግ፣ በሕመም ከባድ ሲቃ ውስጥ የፈውስ እፎይታ መሆን የእናንተ የዕለት ተዕለት ቅዱስ ተልዕኮ ነው። ሌላው በሞቀ ቤቱ ከወዳጅ ዘመዶቹ ጋር ሲያሳልፍ፣ በቅዝቃዜው ሌሊትና በሆስፒታል ኮሪደሮች ውስጥ የሰው ሕይወት እንዳይጠፋ የምታደሩት አድር፣ የምትከፍሉት የማይነገር መስዋዕትነት በሰው ዘንድ ብቻ ሳይሆን በፈጣሪም ፊት ከፍ ያለ ዋጋ ያለው ተግባር ነው።
የታመመውን ሞቅ ባለ ፍቅር የምትቀበሉ፣ የቆሰለውን በጥበብና በትዕግሥት የምትጠግኑ፣ የሕመምተኞችን እንባ የምታብሱና ተስፋ ለቆረጡት አዲስ ሕይወት የምታበስሩ የሕክምና ባለሙያዎቻችን — እናንተ የዚህ ሕዝብ እውነተኛ አለኝታዎችና የጸና ግድግዳዎች ናችሁ!
ወደ አዲሱ 2019 ዓ.ም ስንሸጋገር የአማራ ሕክምና ማህበር ልባዊ ምኞቱን እያቀረበ፣ የሚከተለውን የፀና አቋም ያስተላልፋል።
ሀ) ለሕክምና ባለሙያዎቻችን፦ ድካማችሁ የሚመጥነውን ከፍ ያለ ክብርና ዋስትና እንድታገኙ፣ በሙያችሁ ሳታፍሩና ሳትሰጉ በፍቅር የምታገለግሉበት ምቹና ደህንነቱ የተጠበቀ የሥራ አካባቢ እንዲፈጠር የምናደርገውን ትግል አጠናክረን እንቀጥላለን።
ለ) ለሕሙማኖቻችንና ለህብረተሰባችን፦ እያንዳንዱ ታካሚ በሰውነቱ ብቻ ተከብሮ፣ ሙሉ እንክብካቤና ፈውስ የሚያገኝበት፣ የሰው ሕይወት ከማንኛውም ነገር በላይ ውድ ሆኖ የሚጠበቅበት ዓመት እንዲሆን በጽናት እንቆማለን።
ይህ አዲስ ዓመት እንባ የሚታበስበት፣ የቆሰለው ሕሊናና አካል የሚፈወስበት፣ ስቃይና ሕመም የሚቀልበት፣ ለሀገራችን ኢትዮጵያና ለሕዝባችን ደግሞ ፍቅር፣ ሰላም፣ እፎይታና አንድነት የሚሰፍንበት ይሁንልን!
አዲሱ 2019 ዓ.ም — የፈውስና የሰላም ዘመን ይሁንልን!
ቅድሚያ ለጤና
የአማራ ሕክምና ማህበር
ባህር ዳር ፣ኢትዮጵያ