الشاعر عماد العملسي

لي ايام وانا ابدل القاف غير القاف
اراود جميع افكار شعري ومعناها

ابا امدح وبا اوصف ولو ماهناك اوصاف
توفيك في حقك وتاصل لمنواها

على حبك استنفر يمنا ثقال اخفاف
و٢٠ساحة شعبنا اليوم ملاها

بلهفة وشوق الي سنينة سنين اعجاف
علية السمان ابدت وهو كم تمناها

لك اتزينت كامل مدنا مع الارياف
تباها بميلادك وكنك حد ابناها

ولبيك يامعنئ العدالة والاستنصاف
وياخاتم الرسل الذي ربناء اغلاها

وياروح من سورة تبارك ومن الاعراف
ويامنقذ الامة ويا سر نجواها

ويانور في ليل الدجى له سنئ ينشاف
بك الله اعز امة قد النار مثواها

ربيعك ربيع النصر مابة علية خلاف
ثمار الولاء في كل ميدان شفناها

معك يارسول الله ماضرنا الاحلاف
ولاهزنا امريكا ولى من تولاها

ثقة باالذي امره يجي عكس نون وكاف
عليك انزلت ايأت وحنا اتبعناها

كما اجدادنا بل امس كانو لك الاكتاف
هنا احفادهم ماغير الكفر تقواها

وتاك الطريق الي سلكها معك الاسلاف
مع ال بيتك بل وفاء قد سلكناها

وروحيتك والدين والسيف والسياف
في السيد القايد جميعا لقيناها

لاايلاف ياطه لاايلاف لي إيلاف
قريش العصر تلعب بدينك على اهواها

على الزينة الخضراء يقولو بطر واسراف
والارواح يزهقها رخيصة وينساها

نرى امة المليار وشعوبها تختاف
قفئ عزة الاسلام تركع لمولاها

من البيت الابيض تسئل العون ولاالطاف
عطو المسجد الاقصئ قربان لااعداها

وشعب اليمن بلله والعتره الاشراف
تمسك بعروة سيد الرسل وازكاها

به الله رفع من شأننا بعد الاستضعاف
وفي حب طه كم صناعة صنعناها

وبه قد صمدنا ٩ اعوام في الاطراف
وسارت مسيرتنا عسئ الله يرعاها

سبحنى وسط بحر الشدايد بلى مجداف
وخضنا الملاحم والسفينه ركبناها

ثبتنى امام اطغئ الطواغيت والاجلاف
حقوق اليمن من عينهم قد نزعناها

فلبيك قلناها والارواح في الاكفاف
وفي جاهزية حسبي الله مااقواها

اذا اهل الكتاب انوو على الحق بااستهداف
بربي خططهم والله انا كشفناها

واذا نجد انوت بل هدن هذة استخفاف
تلاقي عواقب صعب يحمد لعقباها

الا يارسول الله في ختم هذا القاف
نجدد ولاءنا لك والافواج تقراها

على السمع والطاعة وياسين و الاحقاف
نبايع ابوجبريل سبط النبي طاها

وله نعلن التسليم لو بانروح اشقاف
بيده عصئ موسئ شديدة على اعداها

ومن مثلنا لو تفحص الكون بل كشاف
بصدق الولاء والطيب ماضن تلقاها

عماد العملسي
https://t.me/AMADKAID