حذفت الرسالة .. الهدف من الرسالة والله مو التجريح
جايين ع سنة شبه مصيرية يا شباب
اللعب ما عاد ينفع ، ومن هلق ورايح منحسن نبلش نعتبركن مهندسين
ما بصير مهندسين ينحكى انهن لحد الآن مو عرفانين يتعاونوا ليمضوا هالسنة على خير 🙂 ومو عرفانين لهلق من أين تُأكل الكتف 🙂🙀

الأربعين واحد يلي صوتوا بالاستفادة صاروا مؤتمنين ( طوعياً ) لتوضيح هالشي للباقي يلي ما شافوا ، للطلاب والأساتذة أصحاب القنوات ..

وبس وبإذن الله بإمكاننا اعتبار المشكلة انتهت
وإلى السنة الرابعة على بركة الله 🤍

صاحب القلب المكسور .. حبيبي على ايش زعلان ؟

على رسوبك بجامعة تصنيفها ٤٠٠٠ عالمياً ؟
ولا على خوفك أنه رزقك ينقطع إذا ما تخرجت ؟ وأنت مرزوق مرزوق في جميع الأحوال ..

لا تحط حالك بمقارنة مع غيرك الا في حال تساوي الظروف تماماً ، انت مو قاعد بحياة الناس "الناجحة" ومالك شايف الظروف المساعدة عالنجاح

بكفي أنك يا بطل درست بأعلى درجات الحرارة ، بعد زلزال ، ومواصلات تعبانة ، وأسعار بالنار ، وأسئلة تعجيزية ، ولسه ما منعرف وضعك العائلي والأسري ..
شع بيتك مهيأ للدراسة ؟ أهلك بامكانهن يفرغوك للدراسة وهنن يتكفلوا بالمصاريف ؟
وضع العيلة النفسي أصلا خرج ينعاش فيه ؟!

لا تقارن نفسك مع حدا تاني إلا في حال تساوي الظروف ، والأحسن أنك تقارن حالك مع حالك فقط وتجيب نسخة أفضل وأفضل منك ((( بناءاً ))) على ظروفك الشخصية.
حتى بامكانك تضل إنسان عادي يأكل ويشرب وينام فقط ، طول ما أنك ما عم تأذي حدا والناس ممنونة منك
ف كتر خيرك عملت الي عليك وزيادة 🤍🤍

باختصار : حرر نفسك من المقارنة الظالمة مع غيرك 🤍

هذا كل المقرر
استنينا لينعطى هالمحاضرتين مشان نتأكد انه ما في تغيير على المقرر.
المادة سهلة وما فيها شي
الي بحب يدرسها متل ما هية بيحسن
واللي بحب يعمل من الحبة قبة كمان بيحسن 😀
فاجئونا 😍💔

ومعلش تحسباً لأي طارئ ومفاجئ رح يشقلب المادة رأساً على عقب نحن موجودين لمتابعة ألمادة أول بأول
مافي داعي يخلص الفصل والاقي عشر أساتذة ( أو طلاب مرفعة المادة بالزور ، واحد تخرج من شهر ، واحد لسه ما تخرج ، واحد غريب ماشي بالشارع عادي ) منزلين نوط للمادة 😍💔

لأنه شكله هالسنة في نوط كتيييير لمواد كتييييير والتصحيح ليصير حلو كتييييير 😍😍😍😍
وخاصة للسنة الرابعة

اصدقائي طلاب الدفعة ٧٣ السكاكر 💙🍭

الملف ما كنا لنعيد صياغته بصراحة نتيجة ضغط الوقت .. ولكن نتيجة الطلب الزائد جداً من بعضكن قررنا تنقيحه وتنزيله وتكرم عيونكن 💙

النسخة القديمة من هاد الملف كل سنة ولمدة ٣ سنوات سابقة كانت الطلاب تدرس منه .. طلاب الدفعات ٧٠ ، ٧١ ، ٧٢ .. وانتوا إن شاء الله من بعدهن 💙 يعني بإذن الله الموثوقية 100% ..

وإن كان في إضافات جديدة ( مستبعد ) فرح نبعتها أول ب أول ..

موفقين ٧٣ 💙💙

مساء الخير يا اساتذة
دفعة ال ٧٣
مقرر معالجة ١
إن شالله راح نكمل تنزيل نوط للمادة (نوطة محاضرات مسائل العملي - دورات مسائل النظري والعملي - ونوطة النظري )
مادة باذن الله سهلة وهينة بس بدها تركيز شوي لكثرة القوانين مو اكتر
طبعا متل ما بتعرفو المادة راح يتم تقديم مذاكرة لالها الخميس القادم
العلامة من ٢٠+٢
علامتين زيادة تضمن سؤالين نظري مالكن مجبرين تحلو في حال كنتو مسكرين المسائل بتاخدو علامة تامة باذن الله تعالى
موفقين جميعا❤️

راح يتم إعطاء مكثفة للمادة لل استاذ حازم امانه
مدة المكثفة جلستين
راح نبدا يوم الثلاثاء
راح ينعطا فيا اهم المسائل وشرح عن نموذج الامتحاني وكيفية الإجابة عليه
كلفة الدورة ب 10.000
يلي برغب بالانضمام يتواصل على الرقم 0960020321

مساء الخير يا اساتذة
الطلاب يلي عم تدرس من نوطة اماس (معالجة ١)
داخل معكن لل صفحة ١٧ فقط (نوطة عملي المحاضرات)
في حال ورود اي استفسار او سؤال
تواصلو مع الاستاذ حازم @Hazemammaneh

مساء الخير يا اساتذة
بالنسبة لمقرر المعالجة ١
الدكتور في مسائل ما طالبتكن فيهن بمذاكرة العملي
ف المطلوب منكن من نوطة اماس للصفحة ١٣ فقط

بعض الأخطاء الموجودة بالنوطة
هي تصحيح تبعا
بعتذر من الجميع سامحونا❤️

هي مسألة جديدة انعطت هل سنة
كفكرة موجودة بالنوطة ولكن بغير صغية اطلعو عليها

#مطارات
النوطة كافية وشاملة للمذاكرة إن شاء الله
ناقصها مسألة (((واحدة))) فقط لا غير
يعني ناقصها مسألة عن كل المقرر المعطى هالسنة ، والمحاضرات العملية انتهت ..
فور كتابتها مننزللكن ياها إن شاء الله

بامكانكن تعدوا بكرا تاخدوا نوطة المطارات من مكتبة تاج المعارف
وبس تنزل المسألة الجديدة مننشرها عالقناة إن شاء الله

مساء الخير يا استاذة
بالنسبة لمادة المطارات إنشاءالله المادة راح تكون سهلة وبكرة بالعملي بتجي أسئلة بسيطة
طريقة الدراسة بلشو درسو محاضرات وبعدا باخر الملف في دورات عملي هدول اهم الشي ركزو عليهن منيح لاني جرت العادة الدكتورة تجيب منن
بالنسبة لهل سنة في مسألة وحدة جديدة ما اظن تجيبا عملي ممكن للنظري وبصراحة مالحقت اكتبا واشرحا لظروف صارت معي بعتذر منكن
يلي زاد عندو وقت ودرس محاضرات يدرس المسالة
موفقين جميعا❤️

مساء الخير يا أساتذة بالنسبة لمادة معالجة 2
الطلاب يلي راح تقدما بكرا
في كتير بسال إذا بتلحق أو لا المادة بتلحق اكيد
بالنسبة لقسم بنود درسو اول تلات مسائل بعدا مباشرة درسو قسم مفيد
وقسم مفيد اخر تلات مسائل
ويلي بزيد معو وقت يكمل مسائل بنود فقط
نظري دكتور مفيد غالبا مارح يجيب لاني فصل اول ماجاب
نظري دكتور بنود دورات
واي سؤال تواصللو مع الاستاذ حازم أمانة
@Hazemammaneh
موفقين جميعا ❤️

يعطيكن العافية يا أساتذة في قسم من طلاب تواصلوا معي عم يقولو انو دكتورين حذفو النظري ف إنشاءالله بهل حالة انتو مطالبين بقسم المسائل
يلي درس نظري بكون قطع الشك باليقين ويلي ما درس يكتفي بالمسائل حاليا
موفقين ❤️❤️