.. هندسة الري ..
يا جماعة بناءاً على طلب البعض
رح نزل نوطي الري
النوط هنن تبعات سنة الماضية
دفعة ال ٧١ كلها درست منهن وما شاء الله قزلوا المادة قزل
كنت ناوي تابع هالفصل المادة ولكن ما فضيت وهية حقيقة المادة سهلة وحرام تتابع أصلا ً

ف يلي مرتاح مع غير نوط لا تفتح نوطي ، يلي متعود ع نوطي وشغلي خووود وانت مطمن (بإذن الله) ، بهالمادة ما بهم المحتوى العلمي قد ما بهم الترتيب والخط

نعيد ونكرر المادة قبلا يومين يعني ٤٨ ساعة ..
٤٧ ساعة محاولة لتحسين الخط وترتيب الدفتر وتعلم خط الرقعة بدون روت احبابي في الله
وساعة وحدة لدراسة المادة 🥵

النوط موجودين من بكرا بتاج المعارف
مسائل ١٣ صفحة
نظري ٤ صفحات

تمام ؟
المادة ما بدها خطة خاصة وخطة عامة
خلص بتدرسوا هالملفين وتوكلوا على الله ..
بس بلشوا بمسألة الرذاذ والتنقيط قبل مسألة الجدول

موفقيييين 💜💜💜

لأنه صعب تنزلوا الجمعة عالمكتبة فتحتلكن المشاركة
بتحسنوا تشاركوا النوط ، إلا في حال فعل الخير 🙃

يا شباب ممكن يصادفكن قوانين غير مفهوم طريقة التطبيق فيها ( القيم غير متجانسة بالواحدات ) ، بتغمض عينك وبتبصم
السبب انهن غير متجانسات أنه بتم التعامل معهن على مبدأ المكافئة .. يعني على سبيل المثال
لو قسمنا متر على ملي متر رح يطلع الجواب سنتي متر
المادة نصها هيك
ف بتشوف القيم بتحفظهن متل ما هنن وريح دماغك

شغلة تانية
نوطي فيهن حل ٢٠٢٣ و ٢٠٢٢
القيم مختلفة شوي
بأثر ؟
لاااااااااا
المادة فهمية بحت + ترتيب وخط

القيمة العلمية لا ينظر لها في حال كان الطالب فهمان كل خطوة عم يعملها و (((شارحها بالعربي))) و (((خطه حلو ودفتره مرتب)))

ومع ذلك بعرفكن بتخافوا فلهيك عم قلكن تابعوا من إعطاء هالسنة وقارنوا معه ، إلا هو بصراحة بطر فكري.

يعطيكن العافية جميعاً يا ٧٢ 🤍
وبعد ما خلص الفحص ان شاء الله يكون الجميع قدم كويس وتترفعوا كلكن بلا استثناء
وينتهي هالجور الجماعي الي عم يتطبق علينا 🥲 ..

بما أنه خلص الفحص فصار لازم نحكي هالكلمتين من باب النصيحة لله ، ونصيحتي أول ما بتكون بتكون على حالي قبل الجميع
لأنه وضع الدفعة إذا ليضل هيك رح تصير دفعة أبدية ، مافي مادة بالسنوات القادمة (يلي هنن أصلا سنوات صعبة) إلا ورح تصير صعبة اكتر واكتر واكتررررررر ..
باقي الدفعات للأسف صار يحسبوا الف حساب قبل ما يرسبوا ويقدموا معكن 💔🥲
وللأسف السيط ما بعرف بريء وجاني
السيط بعم عالكل والعقاب بينزل جماعي

(((( أرجو هالكلام يفيدكن وما يضركن وما حدا يحس أنه مستقصد بكلامي ، عليم الله إني ما عم بوجه الكلام ل شخص بعينه ، وكلكن أحسن مني وانا ناصح بسيط ))))

يا جماعة الكلام يلي رح احكيه يعتبر ( أ - ب ) بالحياة الجامعية ، المفروض كل طالب يعرف هالكلمتين .. فعل الخير ما بكون بالعادة " نجاسة " من طالب حاقد ع دفعته
فعل الخير بصورته الواقعية بكون بحسن نية غالبا
كلام نيته سليمة ومفيدة ، بينفهم منه صورة مغايرة للواقع وخود ع أسئلة تعجيزية وع تصحيح نار 🥵💔 ورح اكتب كم صورة نمطية لفعل الخير حاولوا أو حاول يا " فاعل الخير " تتجنبها حباً بولاد دفعتك وحباً بحالك كمان ..
رح انشرهن برسالة مستقلة وخلال كم ساعة لاحذفهن فاقراوهن منيح ..

بالنهاية الكلام طويل بس صدقوني هاد يعتبر من البديهيات
واظن تبينلكن أنه فعل الخير ما بده (نجاسة) بده كل ما هنالك ( حسن نية + قصر نظر وتصرف ارعن متهور ) وسلم عالشهدا 🥲💔

ارجو الله يكون الكلام فادكن ، وانا اجدد كلامي ، هي القناة لخدمتكن وإذا كانت عم تضركن فأنا أول من رح يحذفها ويحذف كل ملفاتها وإن شاء الله ما يكون ولا حدا فينا هيك

وبس والله يعطيكن العافية جميعاً وإن شاء الله هالغمة بتزول والكل بيطلع نجحان عالرابعة وما نعود نشوف هالاخطاء
وسلاااام 🤍🤍🤍

في داعي نوضح أنه الكلام مو موجه لشخص بعينه والله شاهد ع كلامي ؟
الكلام للكل يا شباب ، هي الأخطاء بيوقع فيها الجميع صاحب القناة وغيره ، الأستاذ والطالب ..
فيا حبيبي المدلل ، إذا فهمت الكلام عليك أنا بستسمحك وبعتذر منك
ويا باقي اخواتي الطلاب الغاليين ، لا تسيئوا الظن باخوتكن ، أنا ما عم بقصد حدا
الكل احسن مني ..

حذفت الرسالة .. الهدف من الرسالة والله مو التجريح
جايين ع سنة شبه مصيرية يا شباب
اللعب ما عاد ينفع ، ومن هلق ورايح منحسن نبلش نعتبركن مهندسين
ما بصير مهندسين ينحكى انهن لحد الآن مو عرفانين يتعاونوا ليمضوا هالسنة على خير 🙂 ومو عرفانين لهلق من أين تُأكل الكتف 🙂🙀

الأربعين واحد يلي صوتوا بالاستفادة صاروا مؤتمنين ( طوعياً ) لتوضيح هالشي للباقي يلي ما شافوا ، للطلاب والأساتذة أصحاب القنوات ..

وبس وبإذن الله بإمكاننا اعتبار المشكلة انتهت
وإلى السنة الرابعة على بركة الله 🤍

صاحب القلب المكسور .. حبيبي على ايش زعلان ؟

على رسوبك بجامعة تصنيفها ٤٠٠٠ عالمياً ؟
ولا على خوفك أنه رزقك ينقطع إذا ما تخرجت ؟ وأنت مرزوق مرزوق في جميع الأحوال ..

لا تحط حالك بمقارنة مع غيرك الا في حال تساوي الظروف تماماً ، انت مو قاعد بحياة الناس "الناجحة" ومالك شايف الظروف المساعدة عالنجاح

بكفي أنك يا بطل درست بأعلى درجات الحرارة ، بعد زلزال ، ومواصلات تعبانة ، وأسعار بالنار ، وأسئلة تعجيزية ، ولسه ما منعرف وضعك العائلي والأسري ..
شع بيتك مهيأ للدراسة ؟ أهلك بامكانهن يفرغوك للدراسة وهنن يتكفلوا بالمصاريف ؟
وضع العيلة النفسي أصلا خرج ينعاش فيه ؟!

لا تقارن نفسك مع حدا تاني إلا في حال تساوي الظروف ، والأحسن أنك تقارن حالك مع حالك فقط وتجيب نسخة أفضل وأفضل منك ((( بناءاً ))) على ظروفك الشخصية.
حتى بامكانك تضل إنسان عادي يأكل ويشرب وينام فقط ، طول ما أنك ما عم تأذي حدا والناس ممنونة منك
ف كتر خيرك عملت الي عليك وزيادة 🤍🤍

باختصار : حرر نفسك من المقارنة الظالمة مع غيرك 🤍

هذا كل المقرر
استنينا لينعطى هالمحاضرتين مشان نتأكد انه ما في تغيير على المقرر.
المادة سهلة وما فيها شي
الي بحب يدرسها متل ما هية بيحسن
واللي بحب يعمل من الحبة قبة كمان بيحسن 😀
فاجئونا 😍💔

ومعلش تحسباً لأي طارئ ومفاجئ رح يشقلب المادة رأساً على عقب نحن موجودين لمتابعة ألمادة أول بأول
مافي داعي يخلص الفصل والاقي عشر أساتذة ( أو طلاب مرفعة المادة بالزور ، واحد تخرج من شهر ، واحد لسه ما تخرج ، واحد غريب ماشي بالشارع عادي ) منزلين نوط للمادة 😍💔

لأنه شكله هالسنة في نوط كتيييير لمواد كتييييير والتصحيح ليصير حلو كتييييير 😍😍😍😍
وخاصة للسنة الرابعة

اصدقائي طلاب الدفعة ٧٣ السكاكر 💙🍭

الملف ما كنا لنعيد صياغته بصراحة نتيجة ضغط الوقت .. ولكن نتيجة الطلب الزائد جداً من بعضكن قررنا تنقيحه وتنزيله وتكرم عيونكن 💙

النسخة القديمة من هاد الملف كل سنة ولمدة ٣ سنوات سابقة كانت الطلاب تدرس منه .. طلاب الدفعات ٧٠ ، ٧١ ، ٧٢ .. وانتوا إن شاء الله من بعدهن 💙 يعني بإذن الله الموثوقية 100% ..

وإن كان في إضافات جديدة ( مستبعد ) فرح نبعتها أول ب أول ..

موفقين ٧٣ 💙💙

مساء الخير يا اساتذة
دفعة ال ٧٣
مقرر معالجة ١
إن شالله راح نكمل تنزيل نوط للمادة (نوطة محاضرات مسائل العملي - دورات مسائل النظري والعملي - ونوطة النظري )
مادة باذن الله سهلة وهينة بس بدها تركيز شوي لكثرة القوانين مو اكتر
طبعا متل ما بتعرفو المادة راح يتم تقديم مذاكرة لالها الخميس القادم
العلامة من ٢٠+٢
علامتين زيادة تضمن سؤالين نظري مالكن مجبرين تحلو في حال كنتو مسكرين المسائل بتاخدو علامة تامة باذن الله تعالى
موفقين جميعا❤️

راح يتم إعطاء مكثفة للمادة لل استاذ حازم امانه
مدة المكثفة جلستين
راح نبدا يوم الثلاثاء
راح ينعطا فيا اهم المسائل وشرح عن نموذج الامتحاني وكيفية الإجابة عليه
كلفة الدورة ب 10.000
يلي برغب بالانضمام يتواصل على الرقم 0960020321