وهي هية مسألة الربط يلي انعطت ك فكرة نظرية فقط
وهاد التطبيق عليها هو اجتهاااااد شخصي لمحاولة تقريب الفكرة لأذهانكن
بجوز تجيكن بغير صيغة ، بجوز تجيكن طلب بمسألة مضلعات أو مسألة تقويم .. إلخ

منعيد الكلام ، اجتهاد شخصي لمحاولة فهم الفكرة ..

أخيراً .. توقعات غير ملزم أحد بتصديقها
للمزنوقين ليفل 100 برو ماكس ..
نظري :
- استنتاجات تجسيد نقطة أعلى وأسفل عمود في الصفحات ( ٢٣-٢٤-٢٥ ) وهاد السؤال ورد في الدورات السابقة
- استناج طرق قياس الانزياحات الأفقية ( ص ٣١ )
- المحطة الشاملة بشكل عام مهمة ولا تختزلوا شي منها ( ٣ - ٧ )
- أنواع المضلعات ( ص ٨ )
- الفرق بين طريقة التقاطع والتقويم ( ص ٢ )
- وأكيد سؤال الربط بالشبكة العامة ( ص ٩ )

مسائل :
مافي شي محدد ، متل ما قلنا سابقا المسائل عم تجي من كلشي تقريبا ..
فلهيك حددناهن وفق السهولة والقصر ( ليس حسب الأهمية )
- حفر وردم وخطوط كونتورية
- ارتفاعات وبالأخص سؤال غرس الوتد ( ص ١٧ )
- احداثيات تقاطع وتقويم ومسائل الربط

#72
#سكك
توقعات غير ملزم أحد بتصديقها
للمزنوقين ليفل 100 برو ماكس ..

لااااا شك أنه الكل درس هال ٣ شغلات لأنهن مليون بالمية جايين وعليهن بحدود ٤٠ علامة أو أكثر ..
مسألة العملي + مسألة التقصير + مسألة المفاتيح
مسألة العملي بقصد فيها مسألة المذاكرة تبعت الطلبات الكتيرة
------------------
الإضافي بقا والمتوقع هو :
🔴 مسألة مخطط السير (٢٠ علامة)
نظري هال ٤ أسئلة :
- حالات تخطيط نقطة تفريع
- رسم مقطع رصيف ص ١٢
- المثبتات ص ١٦
- العوارض ص ٧ - ٨ - ٩
ويفضل تدرسوهن من الأخير للأول ..
موفقين 🤍

ملاحظة ١ : في حال حظكن كان حلو بيجي ٦٠ علامة على ال ٣ مسائل الأولانيات ( عملي + تقصير + مفاتيح ) وما بيجيكن مسألة رابعة معهن
وهي حالة احتمالها ٥٠٪ ...

ملاحظة ٢ : لا شك أنه إذا في اسئلة مهمة انعطت بالنظري وتم التأكد من أهميتها ، فهي مقدمة على غيرها من الأسئلة المتوقعة ، اسألوا من حضر ..

ملف السكك النظري

هي المسألة مليااانة نكشات واظنن مو مذكورة بالسلايدات .. حلوها

يا شباب الطلب (د) فيو خطأ مطبعي والدكتور صلحلنا ياه بالقاعة .. وهو أنه بتدرسوا من جهة E > A وهي جهة نقل البضاعة وبالتالي هي الجهة أم الاستطاعة الأكبر
بالورقة محطوط بالعكس
وحتى لو انكتب بالعكس ، فهو مطالبكن بالاستطاعة الأعظمية وطبيعي تكون الاستطاعة الأعظمية بجهة نقل البضاعة

ولكن على العموم لو ما خيركن درسوا استطاعة الاتجاهين وخدوا الأكبر من باب الأمان

.. هندسة الري ..
يا جماعة بناءاً على طلب البعض
رح نزل نوطي الري
النوط هنن تبعات سنة الماضية
دفعة ال ٧١ كلها درست منهن وما شاء الله قزلوا المادة قزل
كنت ناوي تابع هالفصل المادة ولكن ما فضيت وهية حقيقة المادة سهلة وحرام تتابع أصلا ً

ف يلي مرتاح مع غير نوط لا تفتح نوطي ، يلي متعود ع نوطي وشغلي خووود وانت مطمن (بإذن الله) ، بهالمادة ما بهم المحتوى العلمي قد ما بهم الترتيب والخط

نعيد ونكرر المادة قبلا يومين يعني ٤٨ ساعة ..
٤٧ ساعة محاولة لتحسين الخط وترتيب الدفتر وتعلم خط الرقعة بدون روت احبابي في الله
وساعة وحدة لدراسة المادة 🥵

النوط موجودين من بكرا بتاج المعارف
مسائل ١٣ صفحة
نظري ٤ صفحات

تمام ؟
المادة ما بدها خطة خاصة وخطة عامة
خلص بتدرسوا هالملفين وتوكلوا على الله ..
بس بلشوا بمسألة الرذاذ والتنقيط قبل مسألة الجدول

موفقيييين 💜💜💜

لأنه صعب تنزلوا الجمعة عالمكتبة فتحتلكن المشاركة
بتحسنوا تشاركوا النوط ، إلا في حال فعل الخير 🙃

يا شباب ممكن يصادفكن قوانين غير مفهوم طريقة التطبيق فيها ( القيم غير متجانسة بالواحدات ) ، بتغمض عينك وبتبصم
السبب انهن غير متجانسات أنه بتم التعامل معهن على مبدأ المكافئة .. يعني على سبيل المثال
لو قسمنا متر على ملي متر رح يطلع الجواب سنتي متر
المادة نصها هيك
ف بتشوف القيم بتحفظهن متل ما هنن وريح دماغك

شغلة تانية
نوطي فيهن حل ٢٠٢٣ و ٢٠٢٢
القيم مختلفة شوي
بأثر ؟
لاااااااااا
المادة فهمية بحت + ترتيب وخط

القيمة العلمية لا ينظر لها في حال كان الطالب فهمان كل خطوة عم يعملها و (((شارحها بالعربي))) و (((خطه حلو ودفتره مرتب)))

ومع ذلك بعرفكن بتخافوا فلهيك عم قلكن تابعوا من إعطاء هالسنة وقارنوا معه ، إلا هو بصراحة بطر فكري.

يعطيكن العافية جميعاً يا ٧٢ 🤍
وبعد ما خلص الفحص ان شاء الله يكون الجميع قدم كويس وتترفعوا كلكن بلا استثناء
وينتهي هالجور الجماعي الي عم يتطبق علينا 🥲 ..

بما أنه خلص الفحص فصار لازم نحكي هالكلمتين من باب النصيحة لله ، ونصيحتي أول ما بتكون بتكون على حالي قبل الجميع
لأنه وضع الدفعة إذا ليضل هيك رح تصير دفعة أبدية ، مافي مادة بالسنوات القادمة (يلي هنن أصلا سنوات صعبة) إلا ورح تصير صعبة اكتر واكتر واكتررررررر ..
باقي الدفعات للأسف صار يحسبوا الف حساب قبل ما يرسبوا ويقدموا معكن 💔🥲
وللأسف السيط ما بعرف بريء وجاني
السيط بعم عالكل والعقاب بينزل جماعي

(((( أرجو هالكلام يفيدكن وما يضركن وما حدا يحس أنه مستقصد بكلامي ، عليم الله إني ما عم بوجه الكلام ل شخص بعينه ، وكلكن أحسن مني وانا ناصح بسيط ))))

يا جماعة الكلام يلي رح احكيه يعتبر ( أ - ب ) بالحياة الجامعية ، المفروض كل طالب يعرف هالكلمتين .. فعل الخير ما بكون بالعادة " نجاسة " من طالب حاقد ع دفعته
فعل الخير بصورته الواقعية بكون بحسن نية غالبا
كلام نيته سليمة ومفيدة ، بينفهم منه صورة مغايرة للواقع وخود ع أسئلة تعجيزية وع تصحيح نار 🥵💔 ورح اكتب كم صورة نمطية لفعل الخير حاولوا أو حاول يا " فاعل الخير " تتجنبها حباً بولاد دفعتك وحباً بحالك كمان ..
رح انشرهن برسالة مستقلة وخلال كم ساعة لاحذفهن فاقراوهن منيح ..

بالنهاية الكلام طويل بس صدقوني هاد يعتبر من البديهيات
واظن تبينلكن أنه فعل الخير ما بده (نجاسة) بده كل ما هنالك ( حسن نية + قصر نظر وتصرف ارعن متهور ) وسلم عالشهدا 🥲💔

ارجو الله يكون الكلام فادكن ، وانا اجدد كلامي ، هي القناة لخدمتكن وإذا كانت عم تضركن فأنا أول من رح يحذفها ويحذف كل ملفاتها وإن شاء الله ما يكون ولا حدا فينا هيك

وبس والله يعطيكن العافية جميعاً وإن شاء الله هالغمة بتزول والكل بيطلع نجحان عالرابعة وما نعود نشوف هالاخطاء
وسلاااام 🤍🤍🤍

في داعي نوضح أنه الكلام مو موجه لشخص بعينه والله شاهد ع كلامي ؟
الكلام للكل يا شباب ، هي الأخطاء بيوقع فيها الجميع صاحب القناة وغيره ، الأستاذ والطالب ..
فيا حبيبي المدلل ، إذا فهمت الكلام عليك أنا بستسمحك وبعتذر منك
ويا باقي اخواتي الطلاب الغاليين ، لا تسيئوا الظن باخوتكن ، أنا ما عم بقصد حدا
الكل احسن مني ..

حذفت الرسالة .. الهدف من الرسالة والله مو التجريح
جايين ع سنة شبه مصيرية يا شباب
اللعب ما عاد ينفع ، ومن هلق ورايح منحسن نبلش نعتبركن مهندسين
ما بصير مهندسين ينحكى انهن لحد الآن مو عرفانين يتعاونوا ليمضوا هالسنة على خير 🙂 ومو عرفانين لهلق من أين تُأكل الكتف 🙂🙀

الأربعين واحد يلي صوتوا بالاستفادة صاروا مؤتمنين ( طوعياً ) لتوضيح هالشي للباقي يلي ما شافوا ، للطلاب والأساتذة أصحاب القنوات ..

وبس وبإذن الله بإمكاننا اعتبار المشكلة انتهت
وإلى السنة الرابعة على بركة الله 🤍