جماعة في شائعات تقول
انو في مسائل بقسم دكتور مفيد محذوفة
هاد كدب مافي شي محذوف مسألة الاقراص البيولوجية هامة جدا جدا جدا جدا ومسائل تصميم حوض الترسيب
ما انعطت بالعملي بس انعطت نظري
وهل مسائل جاين دورات
وعلى كل حال ما بتخسرو شي اذا درستوهن
كتير سهلات
موفقين جميعا❤️

جواب السؤال المكرر
اي بتلحق😂

تم حسم الجدال
والحمد لله الكلام يلي حكيناه أثبتته الأولى ع دفعتكن
مافي شي محذوف والحمد لله صابت متل كل مرة بتصيب معنا (بفضل وكرم الله)
درسوا الملف ما عليه ولا تعديل
وإن شاء الله علامات تبيض وجوهكم ووجوهنا معكن 🤍🤍

الطلاب الي كان عندها مرور وهلق صحت للمعالجة ، أو كانت نايمة امبيرحا وكمان اليوم صحت 🫠
بلشوا من الرسالة المثبتة فيها الملف المطلوب للدراسة (((بأكمله وولا شي محذوف)))

وتحته خطة عامة وملاحظات
وإذا واجهكن أسئلة بعتوا ع غروب الدفعة
وإذا لحقنا نجاوب عالكل ما منقصر

( بصراحة الأسئلة عالخاص + عالمجموعة ماعم تهدي بمعدل كل ٥ دقايق سؤال وحقكن المادة هي أول مرة عم تتعرفوا عليها ) فلهيك سامحونا إذا لكعناكن بالإجابة أو تأخرنا أو نسينا .
انتوا لحالكن سألوا عالغروب و إذا كنا فاتحين منجاوب ، وإذا مشغولين فما شاء الله بعض الطلاب صاروا وحوش وهنن بجاوبوكن لحالهن .
موفقين 💙💙💙💙

التفاعل بالاحببته والنار مسموح 😌💙

.

ملاحظة يا شباب :
مشان نبري الذمة وما حدا منكن يتفاجئ

راجعوا الدورات ولاحظوا التعاريف
مارح تلاقوهن تعاريف بحت وقص لصق
اكتر من نص التعاريف عبارة عن مصطلحات أو قوانين ، أو تعاريف مالها موجودة بالسلايدات والدكتور حكاها بالنظري
وحتى أحياناً تعاريف لشغلات عملية مو نظرية ..
لهيك ضروري تعرفوا هالمعلومة لأنه ملفي ع قد مو كبير بس لسع بيتحمل اكتر ..
بس هالمعلومات الي بيتحملها زيادة عبارة عن بديهيات (هيك المفروض 🌝) لطالب بيعرف يحل مسائل

فلهيك إن شاء الله الملف يخدمكن أنا حاولت جاهدا ابحبش عن تعاريف
بس إذا لقيته شي براته لا تذموني ..
الموضوع خارج عن إرادتنا جميعا

#73
#مساحة2
بصراحة أنا ما توقعت هالموجة الضخمة منكن تنضم بهالسرعة عالقناة 😅
اكتر من مية طالب بأقل من 24 ساعة بدل أنه وضعكن بالمادة صعب ..
ما علينا ، المادة سهلة وبتلحقوا بهاليومين لا تخافوا ( خميس + جمعة ) بس بدنا منكن همة عالية ودراسة جدي حربي والمادة بإذن الله بتطلع وسألوا الطلاب الي قبلكن ..

ملاحظة : أنا المادة ما تابعتها هالفصل لأنه كنت مشغول كتير ، رح انشرلكن نوطي هلق علما أني ما نشرتهن من سنة .. النوط رح تلاقوهن ٢٠٢٣ يعني نسخة السنة الماضية
بس انا لأني ما تابعت ما بعرف إذا في شي انضاف أو لأ فلهيك بدنا متطوع منكن ينورنا وبس

نوطة المسائل تشمل :
مسائل النظري كلهن ✅
مسائل الدورات لحد ٢٠٢٢ ✅
مسائل خارجية ( جهد شخصي ) متل :
مضلع مغلق ✅
طريقة الاشعاع ✅
مسألة ربط الشبكات العامة ✅
مسائل وشروحات أخرى بحيث تختموا كل فكرة ختم ✅

نوطة النظري :
تشمل كللللللللل استنتاجات المادة برسم حلو وبشرح النفس روحوا شوفوهن 😊
تشمل كل النظري القديم
كل التعاريف ..
وهي طويلة نوعاً ما فلهيك آمنوا المسائل بعدين منروح للنظري

النوط موجودات ورقية بجودة ممتازة بمكتبة تاج المعارف

أخيراً .. سامحوني ما توقعت أنه وضعكن بالمادة مرجوج مبالي في مين عم يشتغللكن
فلهيك لا نزلت ورقي ولا عذبت حالي
ع كل المادة بتلحق بيومين بس جدي حربي وإن شاء الله هيك بتكونوا اخدتوا صورة كويسة عن هالقناة وعن الورق الي مننزله
موفقين يا أشاوس 💛💛

كمان شغلة أخيرة 😑
فاعلين خير ما بدنا بالقناة
أنا ما عم حول القناة لخاصة بقول حرام بكون في طالب مزنوق ع ملف ومضطر عليه وبده يدخل للقناة وبجوز ما أفضى ضمه ..

حسابات نقطة ونقطتين غادروا لحالكن أحسن ما تأكلوا حظر ثلاثي الأبعاد يطلع من راسكن وما تنضموا عالقناة بحياتكن

مستعد فضي نص القناة من الأعضاء ما عندي مانع المهم ما حدا يضر حدا ..
الكلام لجميع الدفعات 🙂👂

الخطة العامة للمساحة 2 :
أولا منركز المسائل لانه علامتهن اكبر وهنن لو انضمنوا ١٠٠٪ بنجحوكن لحالكن مع العملي ..

عليهن حوالي ٤٥ علامة + اقل عملي هو ١٢ وشوي صغيرة كتير نظري بتطلع المادة ..

المسائل حسب ترتيب ( القِصر + الأهمية ) :
١ - مسائل الحفر والردم والخطوط الكونتورية ( ص ١٨ ل ٢٤ )
حوالي ٢٠ علامة أو ٢٥
بياخد معكن ك فهم وحل كل المسائل تقريبا ٦ ساعات

٢ - مسائل الارتفاعات كلها ( ص ١٥ - ١٧ )
حوالي ١٠ علامات
بياخد معكن ساعتين بالكتير

٣ - مسائل حساب الاحداثيات ( ص ٣ - ١٥ )
حوالي ال ١٥ علامة أو ٢٠
بياخد معكن ٦ ساعات

وفي مسائل متفرقة منذكركن فيها بوقتها ..
النظري كله اكيد طويل .. حاولوا تدرسوا الي جنبه ( هام ) هدول بالعادة بيتكرروا بس مو دائماً متل أنواع المضلعات والمحطات الشاملة وهيك ..

نوعاً ما عرفت شو الي انضاف جديد ، ف اطمنوا ما رح تروحوا عالفحص الا وانت مطبقينه وحالينه

وهلق منقلكن موفقيييييين 💛

كلشي ( ٧٣ ) ضاع بالرسايل ( مساحة ٢ ) يبلش من أول رسالة وهلق بتاغي عليها
وكلشي ( ٧٢ ) انتظرونا في مفاجآت لوز اللوز 😊🔥

#مساحة2
يا جماعة هي المسألة عم تتداولوا أنه المطلوب منها فقط حفظ الفكرة النظرية بعيداً عن المسألة ، لا بأس بهذا الكلام ولكن معلش اضطلعوا على الحل كلها ع بعضها صفحتين مو حلوة تجيكن وانتوا ما بتعرفوا تحلوها

وهي هية مسألة الربط يلي انعطت ك فكرة نظرية فقط
وهاد التطبيق عليها هو اجتهاااااد شخصي لمحاولة تقريب الفكرة لأذهانكن
بجوز تجيكن بغير صيغة ، بجوز تجيكن طلب بمسألة مضلعات أو مسألة تقويم .. إلخ

منعيد الكلام ، اجتهاد شخصي لمحاولة فهم الفكرة ..

أخيراً .. توقعات غير ملزم أحد بتصديقها
للمزنوقين ليفل 100 برو ماكس ..
نظري :
- استنتاجات تجسيد نقطة أعلى وأسفل عمود في الصفحات ( ٢٣-٢٤-٢٥ ) وهاد السؤال ورد في الدورات السابقة
- استناج طرق قياس الانزياحات الأفقية ( ص ٣١ )
- المحطة الشاملة بشكل عام مهمة ولا تختزلوا شي منها ( ٣ - ٧ )
- أنواع المضلعات ( ص ٨ )
- الفرق بين طريقة التقاطع والتقويم ( ص ٢ )
- وأكيد سؤال الربط بالشبكة العامة ( ص ٩ )

مسائل :
مافي شي محدد ، متل ما قلنا سابقا المسائل عم تجي من كلشي تقريبا ..
فلهيك حددناهن وفق السهولة والقصر ( ليس حسب الأهمية )
- حفر وردم وخطوط كونتورية
- ارتفاعات وبالأخص سؤال غرس الوتد ( ص ١٧ )
- احداثيات تقاطع وتقويم ومسائل الربط