ملاحظة يا شباب : استغلوا فترة العطلة بدراسة نظري الهيدرولوجيا سواءََ من السلايدات أو نوطتي
وخاصة ليلي مابده يدرس من نوطني وبده يدرس من السلايدات لأنهن طوال وبحاجة لوقت.

المشروع يخدم طلاب الكلية بشكل كبير جدا .. على سبيل المثال فيو دورات بكل البرامج يلي ممكن تتخيلوها ، من الاكسل والاتوكاد ل الساب والايتاب .
فضلا عن دورات اللغات ..
طبعاً هالكلام كان موجود بمشروع السنة الماضية وغالباً حيتجدد بمشروع هالسنة.
بكرا يفتتح التسجيل
ومركز المحافظة صاير بين أبو ريشة وبين نقابة المهندسين .
بالتوفيق إن شاء الله 🤍

يعطيكن العافية يا جماعة (طلاب السنة التالتة وحملة الهيدرولوجيا)
وبالبداية أنا مالي حابب شربككن أو خربطلكن طريقة دراستكن
بس صار كذا شخص سألني عن نوطتي الهيدرولوجيا والهيدروجيولوجيا العملي والنظري ، والنظري اكتر من العملي كونها مختصر مفيد ..

يا جماعة أنا نوطتي مشتغل عليها من سنتين وآخر مرة دققتها كانت بدورة الحملة الماضية
وهالفصل ما اشتغلت ولا تابعت أي مادة بسبب ظروف شخصية .. وبعرف أنه في عدد منيح منكن نزل اخد النوطة من الناظر أو طلبها مني أو من غيري pdf
وسبب اني ما عم اطرحها ببساطة لأني ما تابعت المادة هالفصل .. ومع ذلك النوطة عم تتاخد 😄 فلهيك وجب اني اعمم هالكلمتين.

النوطة النظرية تحديداً تحوي ٣ أقسام :
. قسم اسئلة الدورات المكررة (٤صفحات) عادة بيجي منها ١٠ - ٢٠ علامة من اسئلة النظري
وأحيانا بتصدف كل الأسئلة مكررة ، وأحيانا سؤال واحد بس .
. قسم مختصر للهيدرولوجيا
. قسم مختصر للهيدرجيولوجيا (٥صفحات تقريبا) بيجي دائما دائما منهن بحوالي ٥ - ١٠ علامات وسطيا

المزنوق المو ملحق يدرس القسم الاول والتالت
وبإذن الله بيضمن نصف علامة النظري أو اكتر لو أمور الدفعة بالسليم.
اللي ملحق يدرس من وين مو حابب ، هدف النوطة التيسير وليس التشويش.

السؤال مو هون ..
السؤال ما دامكن طالبين النوطة كل هالقد أنا بنشرلكن ياها pdf كلياً ولوجه الله ومابدي عليها شي .. بس إذا بدي أنشرها ما بدي اشيل مسؤولية يا جماعة ، أنا هالفترة مضغوط جدا وما كان عندي وقت ادقق المادة ولا رح يصير عندي ..
فإذا لانشرها على مسؤليتكن انتوا .. انتوا ادرى بمشواركن الدراسي.
وأنا حانشرها بناء ع طلب الأغلبية.

الرجاء الإجابة بصدق وأمانة على الاستفتاء وأنا ع حسب نتيجة الاستفتاء يقرر إن شاء الله إذا ح أنشرها أو لا.

الاستفتاء بكرا الأحد الساعة ٦ المسا حيتسكر وحأعتمد ع نتائجه.

ملاحظة هامة : النوطة النظرية كاملة حوالي العشرين صفحة ..

ملاحظة أهم منها : الاستفتاء ح يتسكر بكرا الأحد الساعة ٦ ، ضروري يوصل لطلاب ال ٧٢ لأنهن الدفعة الأكثر استفادة من النوطة

بناءً على طلب معظم الطلاب كما هو موضح بالاستفتاء تم نشر النوطة ..

وللعلم يا جماعة النوطة فعلاً هي نوطة شاملة وكافية إن شاء الله وهالشي كان واضح خلال الأربع دورات السابقة ( من تاريخ تنزيل هالنوطة ) والفضل كله لله ..
ولكن لأني هالفصل ما فضيت تابع فما حبيت انشر شي ينقصكن منه ولو علامة صغيرة ..

نسبة أنه يكون في تغييرات عالمادة نسبة لا تتعدى ال 5% ويمكن ما يكون تغير شي أصلا .. لو كان تغير شي كان فاحت الأخبار وسمعها الكل.

عموماً ، كل طالب منكن يدرس هالقسمين لأنهن مهمين جدآ جدآ جدآ ..
. قسم اسئلة الدورات المكررة ( أول 5 صفحات بالنوطة )
. قسم الهيدروجيولوجيا ( آخر 5 صفحات بالنوطة )
هالقسمين بإذن الله جرت العادة أنه يجي عليهن وسطيا نص علامة النظري ..

وباقي العلامة بتحبوا تضمنوها من تتمة النوطة ، بتحبوا من السلايدات .

الله يوفقكن جميعاً 🤍

الملف السابق مافي داعي نعمله استفتاء .. هو عبارة عن مسائل خارجية اضافية ( غبر موجودة بالمحاضرات أو الدورات أو أي مصدر تاني ) .. بالتالي هو بالأساس للتدريب على الأفكار النظرية.

المسائل الموجودة بالملف عددهن 15 بيشملوا كل فكرة نظرية بالسلايدات وغير معطاة بالعملي ، أو لم تأتي بالدورات أصلا

اتدربوا عليهن بعد دراسة كلشي مشان ما تتفاجئوا بالمسائل في حال اجت مسائل خارجية.

#مساحة٢
#دورة_الحملة

هي النوطة ( سواء هي النسخة أو نسخة الملف الشامل - هنن نفس المحتوى ) شغل السنة الماضية وهي تعتبر مرجع ممتاز للمادة إذ تحوي كلشي مسائل ممكن تمر معكن سواء بالمحاضرات أو الدورات ..
إذا لتدرسوا منها بكفي انكن فقط تتابعوا بالكلية ( لأجل الفهم ) حتى أنه ٩٩٪ منها صحيح وما بدها تصحيح ..
مارح نتابع المادة هالفصل لضيق الوقت فتابعوها لحالكن بالكلية
والنوطة مشروحة ومرتبة وعدد صفحاتها قليل ( ٤٦ صفحة ) فإن شاء الله بتنسروا منها وبتدعولنا عليها بالخير ..

ملاحظة أخيرة : متوقع ينضاف بحث نظري جديد هالفصل ، فمو مبين إذا لينعطى عليه مسائل أو لا فلهيك عم نقول تابعوا المادة

بالتوفـــــيق 💛🧡💛🧡

تتمة لعشاق النظري 🙃🤍 :
نظري الهيدرولوجيا + الهيدروجيولجيا ..

الماله مزنوق ..
يدرسه من هلق ( ملفي بالكامل أو السلايدات أو غير مصدر ما بتفرق )

المزنوق ..
يدرس أسئلة الدورات المكررة ( اول ٤ صفحات بالنوطة ) + قسم الهيدروجيولوجيا كاملاً ( آخر ٥ صفحات بالنوطة )
وهالقسمين مع بعض جرت العادة أنه على الأقل على الأقل ⅓ علامة النظري عليهن

ولو حظ الدفعة هالفصل كويس ممكن تصير أغلب أسئلة النظري جاية منهن وهالشي تكرر في السنوات السابقة ..

الي بده الملف بالكامل ورقيا موجود بتاج المعارف
ويلي بده الملف المختزل ( ٤ + ٥ صفحات ) كمان بلاقيه هنيك

ملاحظة أخيرة : ملفي عبارة عن تجميع لمعلومات السلايدات والقوانين والاستنتاجات النظرية على شكل سؤال وجواب

في ملف تاني مستقل فيو أمثلة إضافية خارجية على أفكار السلايدات النظرية ( غير موجودة في أي مصدر آخر )
هاد هلق ببعته

بكير ع الحكي عالمعالجة .. هلق درسوا بيتون ٢ 🥹
بس المهم هاد المطلوب هالسنة 🤍🫡
الملف المتداول بينكن فيو خطأين صغار ما بأثروا عالحل وكانت التصحيحات نازلة عالقناة

هاد الملف بعد تصحيح هالخطأين وهو شغل ٢٠٢٤ فرجعوا تداولوه بيناتكن 🤍🫡

واي حدا اشترى الملفات من المكتبة فهي ملفات جديدة ومعتبرة شغل ٢٠٢٤ ماعليهن ولا غبرة بإذن الله

باختصار اعتمدوا ملف ٢٠٢٤