لو أبي غيرك ترا حولي كثير بس قلبي مايفز ؛ لكل عابر. ❤️

‏ماجملك في عين مغليك يالطرف الكحيل
الله اللـي جملك فـ الـعيـون وكـملك

أنت وش سويت فيني عسى عمرك طويل
أبتسم لامن تبسمت وأزعـل لزعلك

بسقيك من نهر الهوى لين تروى
وابخر ثيابك .. بعطري واسليك
:
ولاقلت كافي ، قلت باقي تقهوى
وشلون كافي وآنا اللي أقهويك ..!.❤️

‏تبستم عين من شافك وشاهد جمالك
ياصلاة النبي عليك لا يحسدونك

زين خلق الله لحاله وزينك لحالك
أنتي أحلا بنات الكون تفدى عيونك

‏في سكوتك في كلامك في عيونك
سالفة عشق السنين ومنتهاها
كنت اشوف الناس والدنيا بدونك
وكانت عيوني ترى الشمس وسماها
ومن عرفتك ، صار كوني كل كونك
والعيون بدون شوفك وش بلاها
ماتشوف الا انت ياضافي امتونك
وغير شوفك والله ان ربي عماها
حظ من عانقك واللي يعرفونك
وحظ اهلك اللي تذرى من نصاها

‏لي فلوتن عاتق بها احلى من الجيد
ما ذاب ،خفاقي سوا، في ،هواها

تملا ،عيوني، حيل عن ،جملة، الغيد
العاج والتوت ،الحمر ،وسط ،فاها

· احد معه مثلك ويقدر يخونك
احد معه مثلك ويرحل ويجفاه

. انت القصيد وكلهم يحفظونك
وانت الخيال اللي عجزت اتعداه ㅤ

و قل للعواذل ! لاَ يحسبونه جفا ! هي بس ظروف الوقت وشوية عناد !.❤️

‏حبي له من اجله اعيش ويعيش
لو نفقد اللي بيننا كان متنا

اذا تواجهنا سواة المعاطيش
لو السيوف أتحزنا ما التفتنا

يا اللي سألت وقلت كثر الغلا ليش
بلاك ما انت بعارفٍ سالفتنا

يا مالـك قلبـي و عينـي تراعيـك ..
لبيت قلبي يوم هـاض بـ غرامـك ..

أحترت مـن زود الغلا ويـن اوديك ..
حتي عيونـي ماتليـق بمقامـك

والله لو صدري يضمـك ويحويك ..
لجعلك فوق القلب تبني خيامـك ..

‏حتى لو تقيّد رجولي مع أيديّ
وترميني من قمة جبل من علوّه

حبك بـ قلبي حي مدامني حيّ
أبعشقك واللي تسويه سوّه

منذ أن جمعتني الأيام بك وأنا أدرك تماماً كيف يستطيع الإنسان بأن يكون دواءً لروح. ❤️

‏لو سمحتوا ....لا تجون احبابنا
انهلكنااااااا من ورا الغيرة عليهم

قدّروا تكفون .... عاد اسبابنا
وابعدوا عنهم بلاش احدن يجيهم

وان لمحتوهم ...... هنا بغيابنا
احذروا تقرب .. يديكم من يديهم

سلّموا لووووو فيه حرق اعصابنا
من بعيد👌🏼 ولاااا يزيد الودّ فيهم

‏أي والله أني عليك أحن وأغير
يالوف قلبي عليك ويا هجاده

تطري عليّ كل ماشوف المغاتير
وأعيش ذكراك وأحبك زياده

‏من كثر حبك لامنك أخطيت قلت معذور
سحرتني من حلاك وجيت كني عمى

أنا الحبيب الكريم اللي معك مايبور
خذني على قد حبي لك ياعذب اللمى

‏الناس ماتت ضمى يا ليّن العود
والماي مفـقـود ،، والعالم خجـوله

وأنا ترى يا غلاي أحبك بـ زود
لك بالحشى قصر شيخ وحكم دوله

‏حبة الخال في وجهك علامة جمال
صرت من كثر زينك للعذارى ملك

في كلامك فخامه ياصعيب المنال
بخت منهو خـذا قـلبـك ولا زعـلـك

‏تعال خذني لك بين صفحاتك ابيات
مسائي على خدك يالغلا ورد منثور

من عطر انفاسك يشهق النبض ويلات
لك اكتب اشعاري مثل بخة عطور

بكتب لك حروف المحبه بنثرات
يحتوي طيف الحلا اجمل عطور

أنا الوطن لا غرّبوك المقفّين.
‏وأنا الوفاء لا خان من هو أمنته ..❤️

‌‎#من_يسكن_في_قلبك

بعض البشر .. تلقاه صدفه و تغليه

حتى الـقلم يمـه . . يحب الـكـتـابه

أفـرح وأهلـي فيه يـوم التقي فيه

وشكرت حظـٍ .. ساقني له و جابه