وش اللي يرييح خاطرك خاطرك نرضيه
انا لاعــرفـــت اللـــي يريحــك ســـويته

تدلل مدام ان الغـــلا فــوق حــد التــيه
قيــاس الغـــلا بيــني وبيــنك تعــــديته

وصلـت الهيـام وحبك القلـب هـو راعيه
على زود حبــك من وصـــايفــك حــديته

يشوفك ضـيا كـونه جبيــنك سـنا يضويه
على نـور خــدك دافــع الشـــوق ســريته

وانا لاعرفــت اللي على خاطـــرك تبغـيه
بذلت الجهود لخاطرك غصـب وارضـيته

‏يافرحتي لامن تضايقت من شي
ياللي تواسيني ليا ضاق صدري

بيني وبينك...يابعد كل من لي
محبةٍ (وسط المعاليق ) تجري

بين الخلايق ماينافسك به حي
آنته ولاغيرك من الناس يطري

لك صورةٍ داخل عيوني لها ضي
داخل عيوني واستحليت فكري

حبك ملكني وإمتلك كل ما بي
صعبه علي آخفيه حتى بشعري

‏حتى و لــو صار التعب من نصيبي
يكفيني المح نظرتك و انسى الالام

يكــفيني انك في حيــاتي حبــبيبي
و عينٍ تذوق العشق ما تقدر تنـام

مـايـداوي كـسر قـلبي و الا صـابه
غير من هـو مـن عـباد الله هـويـت

المـشاعر كـل أبـوهـا عـند بـابــه
ولا حـضـني بين الأضـلاع أكتـفـيت

ضميتها طيف" لفا دوون موعد
اربك سكون القلب رووعة جمالة

يوم اقبلت جاشي تراحيب يرعد
كنها هواجيس لفكر في خيالة

لبيه ياللي كلما قلت مشتاق
لبى عيوني لين تبريه دنياي

ناثرغرامه في دهاليزالاعماق
منين ماصبت عروقي تبناي

‏تسهـر العشـاق والشـوق يحداها
وتبحث الذكرى الملفات القديمه

في صورها تلحـق النفس ومداها
والطواري تامـر الدمعـه العظيمه

وزفـرةٍ بالصـدر تزعجك بصـداها
من حـرارتهـا علايقهـا سقيمـه

المشاعـر ظالمـه تبـت يداها
كان تبـذلها وهي من دون قيمـه

عايش وانا من لهفة الشوق والحب
حالي كـ حال من غاب عنها ولدها

طـول اللـيالي بـين هـمِّ/ن وتنحب
من كُثْر خوفه واشتياقه إْلـ كبدها

جيتك وانا قلبي من البُعد يسكب
باقي حياته وسطّ نـار/ن وقدّها

‏ليت الهوى لامرني وانت غايب
مـثل سحاب الصيف عجلن مراحه
ترى الـغياب اللي بلـيا سبايب
زود معاناة الخـفوق و جراحـه
صوبك نسوق الشوق سوق الركايب
والله ما يطري علي استراحـه
أبيك يامـزن الغلا من سحايب
تمطر علي الوصل عقب الشحاحه
انا عليك اليوم ماني بطايب
الين تاخذ من عيوني مساحه

اوضاعنا … ماهي مع الهجر بالحيـل
نبغا ( الوصل ) والوصل مقفول بابه
.
حتى ( العواذل) اصبحت مالها حيل
جاها مـلل [من يوم غبت] ورتابـه
.
ليتك يجـدّد ٫ كل ذيـك التفاصيـل
وتكحل عيون اللي … تمـنى ذهـابه
.
كانو مثل (جيش ابرهه) راعي الفيل🐘
مـن كثرهـم / سوّو علينا (عصابـه)

‏حاول اصحابك يكونون ناس معينين
و دوّر الواااافين لو فالزمن يـ قلهم

ولا تكثرهم ترى كثرهم مااااهو بـ زين
زحمة الاصحاب يمكن تغيّر دلّهم

حط لـ الفزعه ثلااااثه و لـ الخوه اثنين
وان تعكّر جوّك اسحب عليهم كلهم :)

‏خل العلاقه تُبْ مع الاخرين
ولاتقول احسن لي اعيش اوحدي

ومن الاخرين اختار لك واحد اثنين
على الاقل مثل اليماني والجدي

عليك باللي لا يسار ولا يمين
وايقدّي اللي مالقى له مقتدي

لاتحاول انك تستغل الطيبين
مايستغل الطيبين ، الا ردي ..!

‏ياليت به تحليل عند الحكومه
يحلل اللي يمكسون المناصب

يفحص لك الرجال وشهي علومه
وش هو من علوم الرياجيل كاسب

كانه وفيٍ وطيباتٍ سلومه
يستاهل المنصب بليا محاسب

لانه كفو تعجبك دايم عزومه
رجل مناسب في مكان مناسب

وكانه كديش وبالمواقيف بومه
يطرد مادامه مع هل الطيب راسب

‏أبي تعرف إن بكره معه رزق غير اليوم
ياكم واحدٍ وصْل السما والبشر ضده

وأبي تدري إنه مايصيبك سوى المقسوم
وإذا الليل طول بك ترى النور لابده

وترى ماهي الحاجه تجيلك بدق خشوم
إذا الله منعهاكل الابواب منسده

وترى ماهي الحاجه لاطالت أمر معدوم
إذا الله كتبها توصلك لو بعد مده

‏يا متابعين الشعر و متابعيني
عذراً على الغيبه و قطع المواصيل

مكانكم من فوق راسي و عيني
و العفو منكم و ابشروا بالمواويل

ان قالها الوالي و طالت سنيني
أطوع افكاري على نجمة سهيل

و اجلب جزيل الشعر بيني و بيني
و احشم جماهيري عن الهزل و الميل

‏نطيب مع من طاب ونزود باالطيب
واللي تردى ما حسبنا حسابه

ومن صد عنا ما لحقناه باالعيب
ما نستمع في هرج منهو حكابه

عاداتنا ماهي بشذب العراقيب
ماهي لنا هرج القفا في غيابه

‏حث الـقـدم وانهج على الدرب النزيه
اللي مـشـو فـيـه الرجـال اهـل القدى

اتعـب لـكـسـب النعم حتى تحتويه
مــدام لــك بالمرجـلـه عــزم وجـدى

ســو الجـمـيـل بـكـل وجــهٍ يحتسيه
لو كان في بعض البشر يذهب سدى

الـيـا فـعـلـت الـطيـب لا تـنـدم عـليه
مــا يــنــدم الا مــن يـسـوي لــه ردى

‏مديت لك فرحه و مديت لي هم
و أنا أستحيت أرد مدة يدينك 💔😔✋

اي وربك ..انا البعيد الي يحبك اكثر من قريبك ❤️

‏لا حداك ألشوق خل التلفّات وتعال
‏المكابر بين الأحباب شيطانٍ رجيم

وقد يحدث أن نعترف بالحب لأحدهم عن طريق أغنية ، بحجه انها جميلة ..❤️