𝗔𝗟 අපි 🇱🇰

A/L ඉවර වෙලා කරන්න පුළුවන් part time jobs මොනාද???

ස්කෝලෙ යනකනුත් අවුරුදු 20ක් විතර වියදම් ගෙදරින් පිරිමහගන්න වෙන එක අපේ රටේ සාමාන්‍යයෙන් වෙන දෙයක්. ඉතින් හුඟක් වෙලාවට ස්කෝලෙ ගිහින් ඉවර වුණහම හරි ඔයාලට පුළුවන් නම් ඔයාලගෙ වියදම් ටිකක් පුළුවන් හැටියට පිරිමහගන්න, ඒක ගෙදරට ලොකු උදව්වක් වෙයී..

අනිත් එක පවුලෙ තවත් නංගිලා මල්ලිලා ඉන්නවා නම් ඒක අම්මලට ලොකු ශක්තියකුත් වෙයී. ඒ වගේම ඒකෙන් ඔයාටත් ලොකු පන්නරයක් ලැබෙයී. ඒ නිසයි මේ වගේ post එකක් ඔයාලා වෙනුවෙන් share කරන්න හිතුවේ.

✍🏻 Tuition class ටිකක් කරන්න.

ළමයෙක්ට ක්ලාස් එකක් කරනවා කියන එක වගකීමක්. හැබැයි ඔයාට සුපිරියටම පුළුවන් subject එකට class එකක් කරන එකත් ඔයාට මහලොකු අමාරු වැඩක් නම් වෙන එකක් නෑ. අනිත් දේ තමයී ටික දවසක් යනකොට ඔයාට මේකෙ හොඳ පුරුද්දක් තියෙන කෙනෙක් වෙන්නත් පුළුවන්.

අනික ඔයා එක class එකකට පැයකට රු. 1,000ක් අය කළත් ඔයාට සැළැකිය යුතු මුදලක් ඔයාගෙ වියදම් cover කරගන්න අනිවාර්යයෙන්ම හොයාගන්න පුළුවන් වෙයී..

✍🏻 ලියන්න.

ඔයාට ලියන්න පුළුවන්කමක් තියෙනව නම් ඔයාගෙ හැකියාවට තැනක් දෙන්න කැමති වෙබ් අඩවි ඕන තරම් ලංකාවෙ තියෙනවා.. ඉතින් ඔයා පොඩ්ඩක් හොයලා බැලුවොත් අවස්ථාවක් නොලැබෙන එකක් නෑ. හැබැයි ඔයාට හොඳ නිර්මාණශීලී ලිවීමේ හැකියාවක් නම් තියෙන්නම ඕන. එක ලිපියකට රු. 1,000ක් වගේ මුදලක් අය කළත් ඒක ඔයාට උදව්වක් වේවී..

✍🏻 YouTuber කෙනෙක් වෙන්න.

ඉතින් ඔයාට පුළුවන් නම් creative විදිහට හිතලා, හොඳ වීඩියෝස් හදලා YouTube එකට upload කරන්න, ඔයාට අනිවාර්යයෙන්ම පුළුවන් වෙයි popular YouTube channel එකක් ගොඩනගාගන්න. ඒත් එක්කම ඔයාට ඒකෙන් එන views වලින් සැළැකිය යුතු මුදලකුත් අනිවාර්යයෙන්ම උපයගන්න පුළුවන්කමක් ලැබෙයී.

✍🏻 Photography කරන්න.

ඔයාට කැමරාව ගැන හුරුවක් තියෙනවා නම්, ඒ කියන්නෙ sense එකක් තියෙනවා නම් මේ වැඩේ අනිවාර්යයෙන්ම ඔයාට කරන්න පුළුවන්. (ඔයාට කැමරාවක් නැත්නම් දැන් නම් ඔයාට rent කරන්න පුළුවන් තැනක් වුණත් හොයාගන්න බැරිවෙන එකක් නෑ)

ඉතින් හිතන්නකො ඔයා පැය 2ක වගේ birthday shoot එකකට රු. 3,000ක් වගේ ගත්තොත් ඔයාට මාසෙකදි shoot 5ක් හොයාගත්තත් ඔයාගෙ වියදම හොයාගන්න අනිවාර්යයෙන්ම ඔයාට පුළුවන්කමක්

✍🏻 චිත්‍ර, අත්කම් විකුණන්න.

ඔයාට පුළුවන් නම් pencil sketches එහෙම අඳින්න ඔන්න ඔයාට පුළුවන් කට්ටියට birthdays වලට, anniversary වලට එහෙම ඔයාගෙ talent එකෙන් දෙයක් කරන්න පුළුවන්.

තව ඔයාට පුළුවන් නම් වෙන ලස්සන චිත්‍ර අඳින්න, (oil paintings, canvas paintings වගේ) ඔයාට පුළුවන් foreign market එක වුණත් target කරලා දෙයක් කරන්න.

ඊළඟ දේ තමයී ඔයාට diy crafts එහෙම පුළුවන් නම්, birthday cards හදන්න, dream catchers හදන්න , ගොතන්න වගේ.... ඔයාට පුළුවන් ඔයාගෙම business එකක් ගොඩනගාගන්න. ඔයාට පුළුවන් facebook page එකකින් ඔයාගෙ products market කරන්නත්.

✍🏻 Data entry jobs.

ඔයා පොඩ්ඩක් Google එකේ search කරලා බැලුවොත් data entry jobs කියලා ඔයාලට පුළුවන් මේ වගේ jobs ඕන තරම් හොයාගන්න. ගෙදර ඉඳලම වැඩේ කරන්න පුළුවන්, ඒ වගේම ඔයාටත් ඒකෙන් income එකක් හොයාගන්න පුළුවන්.

ඔයා data enter කරන speed එක, ඔයා වැඩ කරන පැය ගාණ එක්ක ඔයාට පුළුවන් ඔයාගෙ ආදායම වැඩි කරගන්න වුණත්.

✍🏻 Delivery rider කෙනෙක් වෙන්න.

මේක නම් ටිකක් කට්ටක්. හැබැයි ඔයාට පුළුවන් නම් ඒ කට්ට කන්න මේකෙන් ඔයාට ඔයාගෙ වියදම් වලට සරිලන මුදල් ටික නම් අනිවාර්යයෙන්ම හොයාගන්න පුළුවන් වෙයී.

Pizza hut, Macdonalds වගේ කෑම කඩ වල වගේම, Pickme, Uber eats වගේ ආයතනයක වුණත් ඔයාට මේ job එක කරන්න පුළුවන්.

Lectures නැති වෙලාවට, නැත්නම් හැමදාම රෑට පැය කීපයක් ඔයාට මේ වෙනුවෙන් වෙන් කරගන්න පුළුවන්.

ජීවිතේ දිනන්න ඕන කැපවීම, උණ කියන දේ. ඒ දේ තියෙනවා නම් ඔයාට පුළුවන් ඔයාගෙ ගමනෙ හිනිපෙත්තටම යන්න. ඉතින් කවදාවත් මුදල් නැතිකම නිසාවත්, පවුල් ප්‍රශ්න, පවුල් බර නිසාවත් ඔයාගෙ අධ්‍යාපනය නම් මඟ නවත්තගන්න එපා. කොහොමහරි ඔයාගෙ ඉගෙනීම කරන්න.

ඉතින් මං මේ කිව්වෙ ඔයාලට කරන්න පුළුවන් jobs කීපයක් විතරයී. ඔයාලා ළඟත් අදහස් ඇතී.

හීන වෙනුවෙන් කැප වෙන ඔයාට ජයෙන් ජය💪..

©️ Study with Gimi

❤33👍6

6.12K views08:06