𝗔𝗟 අපි 🇱🇰

ආත්ම විශ්වාසය ඇතිකරගන්නෙ මෙහෙමයි

😏

.... (මේ පාර A/L කරනවා නම්, අනිවාර්යයෙන්ම කියවන්න)

කවදහරි දවසක ඔයාලා හැමෝම ආත්ම විශ්වාසය ඇති කරගන්න ලොකු උත්සාහයක් දරලා ඇති. ඒ වගේම ඔයාලා ඔයාලාටම ඕන තරම් කියලා ඇති "මට මාව විශ්වාසයි" කියන දේ. මොකද ඒ මත ඔයාලට ඔයාලගෙ ජීවිත වල ගොඩක් දේවල් උපයගන්න, ළඟා කරගන්න පුළුවන්.

ඉතින් ඔයාලා දැනගන්න ඕන වැදගත්ම දේ තමයි ආත්ම විශ්වාසය කියන්නෙ ඔයාලා උපතින්ම අරන් එන දෙයක් නම් නෙමෙයි කියන එක. ඔයාලට පුළුවන් ඒක කුසලතාවයක් විදිහට ටික ටික වැඩි දියුණු කරගන්න.

ආත්ම විශ්වාසය කියන්නෙ ඔයාට ඔයා ගැන තියෙන විශ්වාසය. එහෙම නැත්නම් මොනාහරි දෙයක් ඔයාට කරන්න පුළුවන් කියලා ඔයාට තියෙන විශ්වාසයට. ජීවිතයේ ඕනෑම දෙයක් කරද්දි මේක හරිම බලසම්පන්න අවියක්.

අද මං මේ post එකෙන් ඔයාලට tips 06ක් කියලා දෙනවා මේ ආත්ම විශ්වාසය වැඩිකරගන්න. එහෙම නැත්නම් ඒක ගොඩනගාගන්න. මේ දවස් වල ළඟ ළඟම exam එකක් එන නංගිලා මල්ලිලට මේ ටික හුඟක් වැදගත් වෙයි.

⚙️

ඔයාගෙ සහජ දක්ෂතාව අඳුනගන්න.

පොඩි කාලෙ ඕනම ළමයෙක් එයාලව සුපිරි වීරයෙක් විදිහට තමයි හිතන්නෙ. හරියට සුපර් මෑන්, බැට් මෑන්, ස්පයිඩර් මෑන් වගේ. අනිවාර්යයෙන්ම ඔයාලත් එහෙම හිතලා ඇති.

හැබැයි කාලයත් එක්කම ඔයාලා ලොකු වෙද්දි ඒ හැඟීම ඔයාලගෙන් ගිලිහිලා ගිහින්. මොකද ඔයාලට බාහිර පරිසරයෙන් ධනාත්මක දේවල් වෙනුවට ලැබෙන්නෙ හුඟක්ම සෘණාත්මක ආකල්ප.

ඉතින් ආයිමත් ඔයාලාගෙ හිතේ ඒ හැඟීම ඇතිකරගන්න එක හරිම වැදගත්. මෙන්න මේ tips 03න් ඔයාලට පුළුවන් ඒක ඇතිකරගන්න.
⁃ ඔයාලා විශේෂයි කියලා හිතන්න. මොකද ඔයාලා හැමෝම ඉපදිලා ඉන්නෙ මේ ලෝකෙ වෙනුවෙන් වගකීමක් ඉටුකරන්න
⁃ අනිත් අය කියන දේවල් ගැන තැකීමක් කරන්න එපා. මොකද ඔයා කවුද කියලා දන්නෙ ඔයා විතරයි
⁃ ඔයාගේ ශක්තීන්, දුර්වලතා මොනාද කියලා ඔයාම අඳුනගන්න. මේ දේ කරද්දි ඔයාලට 100%ක්ම අවංක වෙලා කරන්න අමතක කරන්න එපා..

⚙️

ඔයාලගෙ ලොකුම දුර්වලතා දෙක අවම කරන්න.

ඔයාලගෙ ජීවිත වලට අනුව නම් ඔයාලගෙ ජීවිත වල ලොකුම දුර්වලතා දෙකක් තියෙනවා.

⁃ ඔයාලගෙම සෘණාත්මක වචන, සිතිවිලි.
ඔයාලට කොයිතරම් නම් හිතිලා ඇතිද "අයියෝ මං මේ exam එක fail වෙයි මං පාඩම් කළේ නෑනෙ, මං මේ interview එකෙන් තේරෙන එකක් නෑ මට වඩා දක්ෂ අය හිටියනෙ" වගේ දේවල්. ඇයි ඔයාලම ඔයාලව පහළට ඇඳලා දාන්නෙ?

⁃ සෘණාත්මක මිනිස්සු.
ඒ කියන්නෙ ඔයාලගෙ අමිහිරි දේවල් නිතරම මතක් කරලා දෙන අය, එහෙම නැත්නම් ඔයාලට බෑ කියලා කියන අය. ඒ වගේ අයව ආශ්‍රය කරන්න එපා. එහෙම අයගෙන් ඈත් වෙලා ඉන්න. ඒ වගේම ඔයා දෙයක් කරන්න යද්දි අනිත් අයගෙ කැමැත්ත අකමැත්ත, අවසරය විමසන්න යන්න එපා. ඔයාට විශ්වාසයි නම් ඒ දේ හරි කියලා, ඒක කරන්න.

ඔයාලගෙ ජීවිතය කියන නැවේ කපිතාන් ඔයාම වෙන්න. වෙන කෙනෙක්ට ඔයාගෙ නැව ගෙනියන්න දෙන්න එපා.

⚙️

පුළුවන් හැමවෙලේම පුහුණුවීම් කරන්න.

ඔයාලා දන්නවද හැම දක්ෂ ක්‍රීඩකයෙක්ම නිර්මාණය වෙන්නෙ ඉතාමත් දීර්ඝකාලීන, අඛණ්ඩ පුහුණුවීම් වලින් පස්සෙ. ඉතින් ඔයාලත් අනිවාර්යයෙන්ම විශිෂ්ඨයෙක් වෙන්න නම්, ඔයාලගෙ ආත්ම විශ්වාසය ගොඩනගාගන්න නම් අනිවාර්යයෙන්ම මේ simple tips ටික try කරලා බලන්න.

⁃ ඔයාලට දෙයක් කරන්න බෑ කියලා හිතෙද්දි ඔයාලා තුළින්ම ඒකට ආදේශකයක් හොයාගන්න. ඒ කියන්නෙ ඔයාලට job interview එකකට ගිහින් face කරන්න බයයි වගේ හිතෙනවා නම් ඔයාලා ස්කෝලේ ශිෂ්‍ය නායක interview එකට මුහුණ දීපු විදිහ මතක් කරගන්න.. ඒක යොදාගෙන ඊට වඩා සාර්ථකව ඔයාලගෙ දේවල් කරන්න.

⁃ ඔයාලගෙ achievements නැත්නම් ඔයාලා මේ වෙද්දි ඔයාලගෙ ජීවිතයේ ලබාගත්ත දේවල් පොතක ලියන්න. සතියකට එක පාරක් ඒ ටික කියවන්න. ඔයාලටත් නොදැනීම ඔයාලා ගැන තියෙන විශ්වාසය වැඩි වෙන්න ගනියී.

⁃ ඔයාලා කරන්න බය, එහෙම නැත්නම් ඔයාලට කරන්න බෑ කියලා හිතෙන දේවල් එක ගානෙ කරන්න. මොකද ඔයාලා අහලා ඇති වැඩිම පීඩනයක් නිසා තමයි දියමන්ති හැදෙන්නෙත් කියලා. ඒ නිසා අනිවාර්යයෙන්ම ඔයාලගෙ ජීවිතයටත් පීඩනය කියන දේ යම් සීමාවකට දැනෙන්න දෙන්න. එතකොට ඔයාලට අභියෝග වලට නොසැලී මුහුණ දෙන්න පුළුවන් වේවි.

⚙️

වැඩිපුර පුද්ගලයන්ට කතා කරන්න.

ඔයාලගෙ ස්කෝලෙ මිස් කෙනෙක්, ඔයාලා දන්න වෙනත් වැඩිහිටියෙක්, ඔයාලගෙ ආච්චි, සීයා, uber driver, නැත්නම් ඔයාලගෙ ගෙවල් පැත්තෙ කඩේ අන්කල්, ස්කූල් බස් එකේ කොන්දොස්තර මාමා මේ වගේ ඕනම කෙනෙක්ට ඔයාලට කතා කරන්න පුළුවන්. ඔයාලට පුළුවන් එයාලගෙ කතා අහන්න. එහෙම නැත්නම් උදව්වක් ඕන කෙනෙක් ඉන්නවනම් උදව් කරන්න.

ඒකෙන් ඔයාලගෙ ආත්ම විශ්වාසය වැඩි වෙනවා, හුඟක් දන්න කියන අය හම්බෙනවා, උදව් කරද්දි ඔයාලට හිතෙනවා "ඔයාටත් දෙයක් කරන්න පුළුවන්" කියලා, ඒ වගේම ඒ අයගෙ ආශිර්වාදයත් ඔයාට නොදැනීම ලැබෙනවා.

⚙️

දැනුම රැස් කරන්න.

ඔයාලට පුළුවන් ආත්ම විශ්වාසය ගැන ලියවුණු පොත්පත් කියවන්න. YouTube එකේ තියෙන වීඩීයෝ බලන්න. එක එක අය කියලා තියෙන කියමන් එකතු කරන්න. මේ දේවල් නිරන්තරයෙන්ම කියවද්දි ඔයාලත් නොදැනුවත්වම ඔයාලගෙ ආත්ම විශ්වාසය කියන දේ ගොඩනැගෙන්න ගන්නවා.

✍️

#STUDY_WITH_GIMI #SHARE

👍

@AL_API

Please open Telegram to view this post