😴 නිදිමත නැති කරගන්න tips 💡

🚰පුලුවන් තරම් වතුර බොන්න.

    වතුර බොන එකෙන් ගොඩක් වෙලාවට නිදිමත අඩු කරගන්න පුලුවන්.හැබැයි ක්ලාස් එකක වගේ ඉද්දිනම් වතුර ගොඩක් බීවොත් නිතර toilet යන්න වෙයි 🙂 ඒ නිසා ගෙදරදි පාඩම් කරද්දි  ලීටරේ ලොකු වතුර බෝතලයක් මේසෙ උඩ තියාගෙන නිතරම වතුර බොන්න.මේක නිදිමත නැතිකරගන්න විතරක් නෙමේ ගෑස්ට්‍රයිටිස් හැදෙන එක අඩු කරගන්නත් ලොකු උදව්වක් වෙනවා

🍭චුයින්ගම් වගේ දෙයක් හපන්න.

මන් ක්ලාස් වල ඉද්දි එන නිදිමත නැතිකරගන්න කරපු වැඩක්.දෙයක් හපනවා කියන්නේ ඊට අදාල මාංශපේශී නිතරම වැඩ කරනවා.ඉතින් අපි එකම විදිහට ඉන්නෙ නැතුව ඇඟ මොකක් හරි ක්‍රියාශීලි දෙයක් කරනවා කියන්නෙ නිදිමත අඩුවෙනවා.


⏳එක දිගට පාඩම් නොකර පැය බාගෙකට විනාඩි 5 ක interval එකක් ගන්න.

Promodoro technique එකෙන් මේක හරි අපූරුවට කරගන්න පුලුවන් .මොකද එකම දේ ගොඩාක් වෙලා කරනකොටත් අපිට බෝරින් වෙන්න පුලුවන් .ඒක නැති කරගන්න පුලුවන් මේ වගේ පොඩි විවේකයකින්.මේ වෙලාවෙදි මේසෙ ගාවම ඉඳගෙන ඉන්නෙ නැතුව නැගිටලා ඇවිදින්න.කුස්සියට යන්න.අම්ම එක්ක කතා කරන්න.ගෙදර ඉන්න බලු පැටිය පූස් පැටියව පොඩ්ඩක් හුරතල් කරන්න.ඔයාලගෙ නිදිමත අනිවාර්යයෙන්ම නැති කරගන්න පුලුවන් .

🔁පාඩම් කරන Subject එක මාරු කරන්න.

එක දිගට එකම subject එක පාඩම් කරොත් අනිවාර්යයෙන්ම ඔයාට බෝරින්  වෙලා නිදිමත එන එක නවත්තන්න බෑ.ඒනිසා එකම subject එකක් එක දිගට කරගෙන යන්න එපා.නිදිමත එද්දි කම්මැලි හිතෙද්දි subject එක මාරු කරලා බලන්න

🔢නිදිමත වෙලාවට Theory ම පාඩම් නොකර ගණන් වගේ දේවල් හදන්න.

නිදිමත එන වෙලාවට අලුත්ම තියරියක් ඔලුවට දාගන්න අමාරුයි.අනිවාර්යයෙන්ම නිදිමත වැඩි වෙනවා..ඒ වෙලාවට Maths , Physics වගේ ගානක් හදන්න ගන්න.ගානක් හදද්දි මොලේ වෙහෙසෙන නිසා ඊට අදාල මොලේ ප්‍රදේශ උත්තේජනය වෙලා නිදිමත අඩුවෙනවා


☕️Coffee , Tea බොන්න

ගොඩක් වෙලාවට නිදිමත එන්නේ රෑ 9 ත් 10 ත් අතර.ඔයාල අත්දැකීමෙන්ම දන්නව ඇති ඔය වෙලාව පාස් කරගත්තොත් පාන්දර 1,2වෙනකල් උනත් ඇහැරන් ඉන්න පුලුවන් කියල. ඒකට තේ ,කෝපි වගේ බොන එකෙන් ලොකු උදව්වක් වෙනවා.මොකද coffee වල එහෙම තියෙන Caffeine ට පුලුවන්  අපේ Brain එකේ තියෙන sleep-promoting receptors වෙන adenosine receptors block කරලා දාන්න.ඉතින් Tea , coffee වගේදෙයක් බොන එක මාරම effective .

හැබැයි මතක තියාගන්න දවසට coffee cup 5 කට වඩා බොන්න එපා.ඒකත් හොඳ නෑ. සාමාන්‍යයෙන් coffee cup 2,3 ක් බොන්න.


🚿නිදිමත වෙලාවට මූන හෝදන්න

ඔයාලට නිදිමත එන වෙලාවට මූන හෝදගන්න, ඇඟ හෝදන්න පුලුවන් නම් තෙහෙට්ටු ගතිය අනිවාර්යයෙන්ම නැතිවෙලා fresh වෙලා එයි.එතකොට නව ප්‍රබෝධයකින් වැඩ කරන්න පුලුවන්.
මමනම් A/L කාලෙ නිදිමත එද්දි රැ 11,12 ටත් ඇඟ හෝදලා , නාලා නිදිමත නැතිකරන් 1,2 වෙනකල් පාඩම් කරලා තියේ 🙂 හැබැයි මේකහැමෝටම හොඳ වෙන්නෙ නෑ.විශේෂයෙන් අසනීප තියෙන අය එහෙම රෑට නාන්න යන්න එපා.😐


🙇‍♂️පාඩම් කරද්දි ගොඩක් comfortable තැන් හොයන්න එපා.

ගොඩක් comfortable තැනක් නම් සමහරවිට පාඩම් කරනවට වඩා නිදාගන්නයි වැඩි chance එකක් තියෙන්නෙ.කුශන් පුටු,කැරකෙන පුටු, AC ,Fan වගේ ඒවම හොයන්න එපා.අනික ඇඳේ ඉඳන් පාඩම් කරන්න යන්නත් එපා.සෝෆා එකක් නිදාගෙන වගේ පාඩම් කරන්නත් යන්න එපා.
ඇඳ පෙනි පෙනී පාඩම් කරන්නත් එපා.ඇඳට පිටුපාල ඉන්න විදිහට මේසෙ හදාගෙන පේන්නෙ නැති වෙන්න පාඩම් කරන්න.

කාමරේ ජනේල ගාවට මේසෙ ගන්න.මොකද පාඩම් කරලා ඇහැ මහන්සි වෙද්දි ජනේලෙන් ඈත බලන් ඉන්න පුලුවන් නම් ඇහේ පේශි වල විඩාව අඩු වෙනවා ඒව relax වෙන නිසා.ඒකෙන් නිදිමත ඔලුව රිදෙන එක අඩු කරගන්න පුලුවන් .


🙅‍♂️රෑට ගොඩාක් කන්න එපා

රෑට ලොකූ බත් පිඟානක්ම බෙදාගෙන කන්න එපා.මොකද කෑම ජීර්ණය කරන්න ලොකු ශක්තියක් වැය වෙනවා.එතකොට වෙන්නෙ ඇඟේ මුලු ශක්තියම කෑම ටික ජීර්ණය කරවන්න යෙදවුනම අනිත් කාර්‍යන් ව්ලට ශක්තිය මදි වෙන එක.ඒකෙන් වෙන්නෙ ලොකු නිදිමතක් එන එක තමා.

-copied-

#tips #alapi

ආසාවෙන් පාඩම් කරමු😇

ඔයාලා පාඩම් වැඩ කරන්නෙ ආසාවෙන් ද?? මේ ප්‍රශ්නෙට ඔයාලා එක එක උත්තර දේවි මට.

"අපෝ නෑ, කරන්න ඕන නිසා කරනවා"

"අම්මගෙ වුවමනාවට කරනවා"

"ගෙදර අය කෑ ගහන නිසා කරන්නෙ"

ඔයාලගෙන් 10%ක් විතර කියයි, "ඔව් අයියේ, මං නම් ආසාවෙන් ඉගෙනගන්නෙ" කියලා.

හැබැයි මං ඔයාලගෙන් ඇහුවොත් සල්ලි හුඟක් තියෙනවට කැමතිද කියලා ඔයාලා හැමෝම අනිවාර්යයෙන්ම "ඔව්" කියලා කියාවි.

ඉතින් ඉගෙනගන්නවා කියන්නෙ සල්ලි හොයන්න තියෙන එක පාරක් තමයි. ඒ නිසා හොඳට ඉගෙනගන්න. ඒක ඔයාලගෙ ජීවිතේ මූලික අඩිතාලම වේවි.

ඔයාලා අපි හැමෝම බහුතරයක් අය සාමාන්‍ය පවුල් වල ළමයි. ඒ නිසා ඉගෙනීම කියන්නෙ අපිට ගොඩයන්න තියෙන ආසන්නතම මාර්ගය විදිහට තමයි මං නම් දකින්නෙ.

අනිත් දේ තමයි ඔයාලා දවසක ලොකු ව්‍යාපාරිකයෙක් වුණත්, ඒ business දවසක කඩා වැටුණොත් (එහෙම වෙනවට කියනවා නෙමෙයි😉), ඔයාලා උගත් කෙනෙක් නම් රස්සාවක් කරලා හරි හම්බ කරන්න පුළුවන්. එතකොට ඔයාලා ආරක්ෂිතයි.

ඉතින් අද මං මේ කියන්නෙ ආසාවෙන් පාඩම් වැඩ ටික කරගෙන යන්න මං කරන දේවල් ටිකක්.. ඔයාලටත් ඔයාලගෙ විදිහට try කරලා බලන්න පුළුවන්.

(01) මගෙ අම්මගෙ හීන මතක් කරගන්න එක.

• ඒක මතක් කරගත්තහම මට ඕන තරම් වෙලාවක් පාඩම් වැඩ කරන්න පුළුවන්.

• ඔයාලටහ් පුළුවන් ඔයාලගෙ අම්මලා තාත්තලා ඔයාලා වෙනුවෙන් දකින අහිංසක හීන මතක් කරගන්න. ඔයාලා ඇත්තටම එයාලට ආදරේ නම් කවදාවත් ඒවා බොඳ වෙලා යන්න දෙන්නෙ නෑ.

(02) සමාජෙන් ලැබෙන පිළිගැනීම.

• ඇත්තටම උගත් කෙනෙක්ට ඕනම තැනකට ගියහම ලොකු පිළිගැනීමක්, වරප්‍රසාද ලැබෙනවා.

• ඉතින් ඔයාලත් ආස නැද්ද ඒ දේවල් ලබාගන්න???

(03) ඔයාගෙ targets.

• ඔයාලා හැමෝම ආසයි දවසක ඔයාලගෙම වාහනයක්, ගෙයක් හදාගන්න. ඉතින් ඒවට එක්තරා විදිහක පිටිවහලක් තමයි මේ ඉගෙනීම කියන්නෙ.

• ඔයාලගෙ targets හැමවෙලේම පේන විදිහට පොත් මේසෙ බිත්තියෙන් ගහන්න. එතකොට ඔයාලට ඒවා දකිද්දි පාඩම් කරන්න හිතෙයි.

(04) ඔයාලගෙ අසාර්ථකත්වය පතන අය.

• ඔයාලට ඉරිසියා කරන අයට, ඔයාලගෙ ජීවිත නාස්ති වෙනවා දකින්න කැමති අයට, ඔයාලා ගැන බොරු වැරදි කියන අයට දෙන්න පුළුවන් හොඳම උත්තරය තමයි හොඳට ඉගෙනගන්න එක.

(05) පොත් මේසෙ පිළිවෙළ.

• පාඩම් කරන පොත් මේසෙ හරිම ලස්සනට, පිළිවෙළට තියාගන්න. එතැනට ආදරේ කරන්න.

• ඔයාලා ආස කරන ලස්සන පෑන්, පැන්සල්, stickers වගේ දේවල් එතන තියාගන්න.

(06) Checklist එක.

• Daily checklist එකක් තියාගන්න. එතකොට ඒක හරියට game එකක levels complete කරනවා වගේ කියලා ඔයාලට දැනේවි.

• කලින් දවසෙ රෑට ඊළඟ දවසෙ checklist එක හදන්න. කොහොමහරි ඒකෙ තියෙන හැම වැඩේම ඉවර කරන්න අධිෂ්ඨාන කරගන්න.

(07) පුළුවන් උපරිමෙන් යාළුවන්ට උදව් කරන්න.

• මේක පෙරළා ඔයාලගෙ ජීවිත වලට ආශිර්වාදයක් වෙනවා.

• ඒත් එක්කම ඔයාලට පොඩි වගකීමක් හිතට දැනෙද්දි ඔයාලා ඔයාලගෙ වැඩේ හරියට කරනවා.

ඉතින් මං මේ කිව්වෙ මං කරන දේවල්. ඔයාලට පුළුවන් ඔයාලගෙම විදිහට මේ දේවල් ටික try කරලා බලන්න.

උපුටාගැනීමකි

@AL_Api

අද මාතෘකාව A/L කරන ළමයින්ට තියෙන පස්න👻

ඇත්තටම හොඳ online class ද 👀physical ක්ලාස් ද 👀 online ගිහින් කරගන්න පුලුවන් වෙයිද❓

මේකට කාටවත් මුකුත් කියන්න බෑ තනිකරම පුද්ගලානුබද්ධ‍යි..සමහරු ඉන්නවා online classes හොඳටම ගැලපෙන screen එකට concentrate කරන් ඉන්න පුලුවන්,මගතොට කාලයක් වැය වෙන්නෙත් නැති නිසා ඒ කාලෙනුත් හොදට වැඩක් ගන්න පුලුවන් අය,
සමහරු ඉන්නවා පොඩ්ඩ ඇත්නම් ගාල කඩාගත්තු හරකෙක් වගේ හිත එහෙ මෙහෙ දුවන අය🥵...එහෙම කෙනෙක්ටනම් ඉතින් physical class එකක් වටිනව අඩුම ඔයා සර් දකී කියල හරි අවධානෙන් මනෝ නොගහ ඉදීනේ.මන් වගේ සමහරුන්ට කෝකත් ලොකු වෙනසක් නෑ...ගොඩක් අය o/l වලත් online ගිහින් ඇතිනෙ..ඒ කාලේ මොකද උනේ කියලා බලලා class තෝරගන්න(විශේෂයෙන් 2024/2025)

වැඩ කොච්චර කරත් video කොච්චර බැලුවත් video ගොඩ ගැහෙනවනෙ😢

ඒකට උත්තරේ මේකයි...ඔයා කියද්දි ඔහොම ලස්සනට කීවට ඇත්තටම ඔතන video බැලුවත්,වැඩ කරත් කෑල්ල නෑනේහ්?...ඒක ඔයා අතින් දාලා කියන්නේ.ඔයා ඇත්තටම කරලා නෑ..එක්කො video එක දාගෙන facebook යන්න ඇති phone එකෙන්.එක්කො නිදාගන්න ඇති...නැත්තම් දොඩම් ගොඩ වගේ ඔක්කොම බදාගෙන හිරකරන් ඇත්තේ....ඔන්න දැන් සමහරුන්ටනම් මීටර් වෙයි සිරා නේද කියලා🙂.....ඒ නිසා වැඩ ඔක්කොම බදාගන්නැතුව අයියලා අක්කලාගෙන් අහලා වැඩ අවශ්‍ය ගානට කරලා හොද ප්‍රතිපල තියෙන පන්ති ටිකක් හොයාගෙන shape එකේ කරගෙන යන්න...

ඔයා කරන වැඩ quantity එකට වඩා quality එක efficiency එක target කරන්න...ඔයාගෙ වැඩ quality උපරිමනම් කොච්චර වැඩ කරත් කමක් නෑ...හැබැයි ගොඩක් අය quantity එක පස්සෙ ගිහින් quality එක නැති කරගෙන තමා ප්‍රතිපල අඩු කරගන්නේ😕..ඒක නිසා ඒක ගැන හොදටම හිතන්න.

Organic අමාරුයිලු නේ,පරිසර විද්‍යාව කටපාඩම් කරන්න තියෙනව කියන්නෙ ඇත්තද?..අම්මෝ කර්මාන්ත තනිකරම සමීකරණලු ඉස්සරහට මන් mk😑

ඔන්න අනික් ගෝනි බිල්ලා...ගොඩක් අය දැනට මොකක් හරි පාඩමක් කරගෙන යන ගමන් කාගෙවත් කතා අහලා ඉස්සරහට තියෙන මොනා හරි පාඩම් ගැන බයෙන් ඉන්නෙ👻👻.මටත් එහෙම තිබ්බා..physical කරගෙන යද්දි කර්මාන්ත ටික එහෙම කට්ටියගෙ කතා අහලා බිල්ලෙක් වෙලා තිබ්බේ😰😰..unit එකේ නම ලිව්වෙත් අම්මෝ කියාගෙන😂....
සමහර වෙලාවට ගුරුවරු උනත් එහෙම කියනවා මේකෙන් ගොඩක් එනවා හොදට දාගන්න මේ unit එක කියලා එහෙම..ඒ ඔයාලව වට්ටන්න නෙමේ..බරපතලකම පැහැදිලි කරලා ඔයාලගේ අවදානය පුලුවන් තරම් ඒ පාඩමට යොමු කරවන්නයි...ඒ නිසා එහෙම කිසිම දෙයක් ගැන බයෙන් ඉන්න එපා..
මේවා ඔක්කොම A/L ළමයි කලින් කරලා pass වෙලා තියෙනවා...බයෙන් හිටියොත් ඔයාට දැන් යන පාඩම් කරගන්නත් බෑ.ඉස්සරහට තියෙන එක කොහොමත් බෑ..නිකමට හිතන්නකෝ බයෙන් බයෙන් bicycle එක්කට පදින්න නැග්ගා කියලා..අත්දැකීමෙන් දන්නවනේ ශුවර් ශොට් වැටෙනව ඉතින්...😅
ඒ නිසා කිසිම පාඩමකට බයේ ඉන්න එපා..සරලයි...A/L ලියන පලවෙනියා මම නෙමේ කලින් උන් මේව කරානම් මට බැරි මොකෝ කියලා ගේමට බහින්න...😌😌

මේ කතා කියන්නේ බහුතරයක් ඔයාලටම තිබිලා මට කියපු ඒවගෙන්...තවත් අයට ප්‍රයෝජනයක් වෙන්නයි මෙහෙම දාන්නේ...
ඔයාටත් ඔහොම ප්‍රශ්න එනවනම් වහාම recover වෙන්න...ඉගෙන ගන්න නෙමේ මොනදේ කරන්නත් ඔලුව හොදින් තියෙන්න ඕනි...

කිසිම දේකට ඔලුව නරක් කරන්න දෙන්න එපා...
Be positive always

©️Nawod Dilshan

@AL_Api

#AL_Api #alapi

AL අපි 🇱🇰 Youtube channel එක subscribe කරලා නැත්නම් දැන්ම subscribe කරන්න 😇❤️💪

https://youtube.com/@ALapiSL

‼️‼️‼️‼️‼️‼️‼️‼️‼️‼️