ළමයි ඔයාලට පොඩි දෙයක් කියන්න හිතුනා. අපි ගොඩක් දෙනා පුරුදු වෙලා ඉන්න දෙයක් තමයි මේ මොහොතේ කරන දේට 100% focus එක නොදී ඉස්සර ගැන හිතන එක. ඔයාලා හොඳට හිතලා බැලුවොත් තේරෙයි, අපි මේ මොහොතේ physically මොකක්හරි වැඩක් කරාට අපි mentally ඉන්නෙ වෙනම තැනක.


උදාහරණයක් කිව්වොත් අපි හිතමු දැන් ඔයා මොනාහරි වැඩක් කරන්න පටන් ගන්නවා. Bio paper එකක් review කරන එක කියමුකො අපි. ඒත් ඔයාගෙ focus එක review කරන දේටම 100% concentrate වෙනවද?

හිතලා බලන්න පොඩ්ඩක්. ගොඩක් වෙලාවට ඔයා review කරගෙන යද්දි ඔයාට තේරෙනවා මට මේ කොටස තේරෙන්නෙ නෑ. අර කොටසත් බැහැ මට. තව chemistry, physics වලත් ගොඩක් වැඩ කරන්න තියෙනවා. ඔහොම ඔහොම දිගට දිගට හිතනවා. ඔහොම full concentration එක ඔයා කරන වැඩේට දුන්නෙ නැති වුනාම කොහොමත් මතක හිටින්න තියන chance එක අඩුයි තමයි. මොකද ඔයාගෙ මොළේ ඇතුලෙ ගොඩක් දේවල් වලින් පිරිලා. ඒ නිසා කියන්න තියෙන්නෙ මොනාමහරි වැඩක් කරනවනම් ඒ මොහොතේ ජීවත් වෙන්න. අද මෙච්චරක් කරන්න තියනවා, හෙට මේ ටික කරන්න තියනවා කියලා හිත හිත ඉන්න එපා. ඒ වෙලාවෙ අදාළ දේ 100%ක්ම හොඳ අවධානයකින් කරන්න. මොකද ඔයා හෙට කරන්න ඉන්න දේ ගැන දැන් හිත හිත කාලෙ නාස්ති කරාට ඇත්තටම ඔයාට හෙට වෙන වැඩක් වැටිලා හිතාගෙන හිටිය දේ කරන්න බැරි වෙන්න පුලුවන්. එතකොට ඔයා දැන් කරන වැඩේ හරියට කරලත් නෑ. හෙට කරන්න හිටිය වැඩේ වෙන්නෙත් නෑ. හොඳම වැඩේ තමයි දවසේ අන්තිමට ඔය දේවල් ගැන හිතන්න. නිදාගන්න කලින් ඊලග දවස plan කරන්න.

තව දෙයක් ඔයාලට paper එකක ලකුණු අඩු වුනාම හිතන්න යන්න එපා මට තව shy එකක් කරන්න වෙයිද? Medicine යන්න බැරි වෙයිද? අනම් මනම් හිතන්න යන්න එපා. ලකුණු අඩු වුනා නම් ඒකට ඒ මොහොතේ ඉදන් වැඩ කරන්න.

ඊලග විනාඩියේ කරන්න ඕනෙ දේ ඊලග විනාඩියේදි හිතන්න. එතකොට ඔයාලට ඔය තියන stress එකෙන් 90%ක්ම නැති වෙනවා අනිවාර්යයෙන්ම. මොකද අපිට ලොකු ලොකු බලාපොරොත්තු නැහැ. දැන් කරන වැඩේ හොඳටම කරන්න විතරයි ඕනෙ. ඒක හරියටම වුනාම ඔයාගෙ හිතටත් සතුටුයි. හොඳ mind එකකින් ඊලග වැඩේ කරන්නත් පුලුවන් 😊

©️ Biology කුප්පිය

@AL_Api

අපි වැඩ කරන්නෙ ඔලුවට 😎 බොරුවට හිත සනසන්ඩ නෙවේ😌

විරාජන සර්ගෙ පංති යනවනම් පොඩ්ඩක් අමාරුවෙයි වැඩ නොකරන උන්ට විරාජන සර් දුන්න උත්තරේ 🤟

https://t.me/virajanchem

#virajanachem
#chemistry
#Virajanajeewantha
#ALapi

Be Positive

කැම්පස් යන්න,හොද result එක්කට යන්න ඔයා ප්‍රගුණ කරන්න ඕනි ලක්ෂණ ටිකක්...
💡ඔයාට මුලින්ම තියෙන්න ඕනි දේ තමා ඔයා ඉගෙන ගන්න තැන් හෝ ගුරුවරු ගැන ඔයාට විශ්වාසයක් තියෙන්න ඕනි....ඔයාට විශ්වාසයක් නැත්තන් ඔයා ඉගෙන ගන්න කිසිම දෙයක් ඔයාට පිහිටන්නෑ...ඒ නිසා ඉස්කෝලෙදි උනත් අමතර පන්තියක් තෝරගද්දි උණත් result තියෙන,අයියලා අක්කලාy recommend කරන ගුරුවරයෙක්ගෙන් විෂය ඉගෙන ගන්න.....ඔයාට ගුරුවරයා උගන්නන content එක ගැන සැකනම්,වෙලාවට syllabus ඉවර කරයිද කියල සැකනම් ඔයාy ඉන්නේ අමුතු පීඩනයක😢...ඔයාට ගුරුවරයා හොදින් උගන්න කෙනෙක් උනත් ඒ පීඩනය නිසා අවුල් යන්න පුලුවන්....ඒ නිසා ඒක හොදින් බලන්න..

💡ඊළගට ඔයාට ඔයා ගැන විශ්වාසයක් තියෙන්න ඕනි...මොකද උදාහරණයක් විදිහට ඔයා physics ඉගෙන ගන්න sir Isaac Newton ගාවට ගියත් වැඩක් නෑ..ඔයාට ඔයා sure නැත්තන් සරලයි කෙලවෙනවා☹️....මන් අර දවසකුත් කීවා වගේ තමන් වගේ අයගෙ උදාහරණ හොය හොය ඉන්න එපා දැනට ඉන්න තත්වෙ මොකක් උනත් තමන්ව විශ්වාස කරලා ගොඩ එන්න මහන්සි වෙන්න...තමන්ට වුනා වගේ උදාහරණයක් හොයාගන්න නැත්තන් තමන් පලවෙනි උදාහරණෙ වෙන්න...💪🏻💪🏻💪🏻

💡ඊළග දේ සහ ගොඩක් කට්ටිය අතර තියෙනවා දැක්ක දෙයක්,t අනික් ළමයි කරන හැමදේම බල බල compare කර කර බියෙන් සැකෙන් ඉන්න එපා🙌🏻...අනික් ළමයි වැඩ කරන පැය ගාන,එයාලා යන ක්ලාස් ප්‍රමාණය ඔයාට ප්‍රශ්නයක් කරගන්න එපා...කොටින්ම කියන්නෙ..."අනේ අයියේ මගේ යාලුවා අහවල් විෂයට ක්ලාස් දෙක්කට යනවා,paper class දෙක්කට යනවා එහෙම යන්න ඕනිද" වගේ කතා අහන්නැති කෙනෙක් බවට පරිණත වෙන්න...

යාලුවා පැය 18ක් වැඩ කරනවා මන් 12 යි කරන්නෙ කියලා පසුතැවෙන චරිතයක් බවට පත් වෙන්න එපා....

ඇත්ත...වැඩිපුර කාලයක් වැඩ කරනවනම් හොදයි...ඒත් ඔයාගෙ schedule එකත් එක්ක ඔයාට පුලුවන් 10 නම් ඔයා ඒක උපරිමෙන් කරලා relax එකේ ඉන්න...ඔයා පසුතැවෙන්න ඕනි ඔයාට පුලුවන් 10ත් ඔයා effective වැඩ කරන්නෙ නැත්තන් මිසක් ඔයා 10ක් කරද්දි යාලුවා 15ක් කරනවා කියන එකට නෙමේ...යාලුවා ගොඩක් වැඩ කරනවනම් ඔයා සතුටු වෙන්න ඌ ගොඩ යයිනෙ කියලා ඔයත් ඔයාට හම්බෙන කාලය 100% ක් ප්‍රයෝජනවත් විදිහට වැඩ කරා කියල ඔයාට satisfied නම් එතනින් එහාට ඒකෙ හිතන්න දෙයක් නෑ ඔයා ගොඩ යනවා...
මන්තරේ වගේ මතක තියාගන්න ඔයා වැඩ කරන කාලයයි ඔයාට එන result එකයි සම්බන්ධ කරන ප්‍රධාන සාධකය ඔයාගේ කාර්‍යක්ෂමතාව,ඔයා කොච්චර නිවැරදි technique වලට වැඩ කරනවද කියන එක...ඔයා හරියට කරන්නැත්තන් ඔයා පැය 15ක් නෙමේ පොත් ටික දියකරලා බීවත් වැඩක් නෑ නෑමයි....ඒ නිසා stress නොගෙන ඔයාට හම්බෙන පුන්චි කාලෙ උනත් හරියට වැඩ කරන්න....😌💪🏻

💡ඔයාගෙ මේ අඩුපාඩු තියෙනවනම් දැන්ම ඒව ටික ටික අඩුකරගන්න ගමන් වැඩ කරන්න ගන්න,ඔයාගෙ යාලුවෙක් මෙහෙම ඉන්නවනම් උටත් තේරුම් කරලා දිල උටත් positive විදිහට හිතන්න පුරුදු කරන්න...🔥

💡මතකයිනෙ ඔක්කොටම උඩින් ඉන්නෙ මනස එයාව සුවෙන් තියාගන්නැතුව මොන දේ කරත් තේරුමක් නෑ....ඒ නිසා ඉගෙන ගද්දි එයාට මුල් තැන දෙන්න.මනස ලෙඩ කරගන්න එපා..මනස සතුටින් තියාගෙන වැඩ කරන්න..හොඳ result එකක් එනවමයි...මම අපේ medical faculty එකේ පවා මේ දේ දැකලයි කියන්නේ පොතේම ඉන්න එකාට වඩා stress එක සුපිරියට manage කරන්,වැඩ ටික හරියට කරන අයට තමා result හොදට තියෙන්නේ....ඒ නිසා ඔක්කොටම කලින් be positive කියලා තමා ආයෙත් මතක් කරන්නේ...

©️Nawod Dilshan
©️biologykuppiya

අපි කැම්පස් යද්දි අපේ දිස්ත්‍රීක් එක මොකක්ද කියල තීරණේ කරද්දි මෙන්න මේ කරුණු ගැන දන්නවද බලන්න 💡

Campus යද්දි අපිව අයිති දිස්ත්‍රීක් එක තීරණය කරන්න අපි O/L ඉගෙන ගත්ත ස්කෝලෙ අයිති දිස්ත්‍රීක් එක අදාල වෙන්නෙ නැ.



🔴මේකට අදාල වෙන්නේ අපි A/L වලදි විභාගෙ දවසට කලින් මාසෙ වෙනකල් ගෙවුන අවුරුදු 3 ක කාලෙදි වැඩිපුරම දවසක් ඉගෙන ගත්ත ස්කෝලේ අයිති දිස්ත්‍රීක් එක.

උදාහරණයකට ලමයෙක් A/L කාලෙදි මාස 13 ක් නුවර ස්කෝලෙක ඉගෙන ගන්නවා,පස්සෙ ස්කෝලෙන් අස්වෙලා නුවරඑලියෙ ස්කෝලෙක මාස 14 ක් විතර ඉගෙන ගන්නවා.එතකොට ඒ ලමයගේ Campus යන්න අදාල වෙන දිස්ත්‍රීක් එක තමා නුවරඑළිය


🔴 හැබැයි මෙහෙම එකකුත් තියේ.මොකක් හරි දිස්ත්‍රීක් එකක් එයාගේ කැම්පස් යන්න සලකා බලන දිස්ත්‍රීක් එක වෙන්න ඕනෙනම් එයා අඩුම ගානේ අවුරුද්දක්වත් ඒ දිස්ත්‍රීක් එකේ ස්කෝල වල ඉගෙන ගන්න ඕනේ.

උදාහරණයකට හිතන්නකෝ ලමයෙක් ගාල්ලෙ ස්කෝලෙක අවුරුද්දයි මාස 2 ක් ඉගෙන ගන්නවා.කොළඹ ස්කෝලෙක මාස 9 ක් ඉගෙන ගන්නවා කියල.එතකොට එයාගේ දිස්ත්‍රීක් එක වෙන්නේ ගාල්ල.මොකද ඒක තමා මේ දෙකෙන් වැඩි.ඒ වගේම ඒක අවුරුද්දටත් වඩා වැඩි කාලයක්


🔴එතකොට එක දිස්ත්‍රීක් එකකවත් අවුරුද්දට වඩා වැඩියෙන් කාලයක් ඉගෙන ගත්තේ නැති ලමයෙක් බලමු

දැන් මෙහෙම ගන්න.ලමයෙක් නුවර ස්කෝලෙක මාස 9 ක් ඉගෙන ගන්නවා.කොළඹ ස්කෝලෙක මාස 10 ක් ඉගෙන ගන්නවා.පොලොන්නරුවේ ස්කෝලෙක මාස 11 ක් ඉගෙන ගන්නව කියල.දැන් ඔයාලට හිතෙයි මේ ලමයා මේ දිස්ත්‍රීක් 3 න් පොලොන්නරුවේ මාස 11 ක් ඉගෙන ගත්ත නිසා එයාගෙ කැම්පස් යන්න සලකා බලන දිස්ත්‍රීක් එක පොලොන්නරුව වෙයි කියල..ඒත් ඒක එහෙම වෙන්නෙ නෑ.මොකද මේ දිස්ත්‍රීක් 3 ම ඉගෙන ගත්ත කාලය එකකවත් අවුරුද්දකට වඩා වැඩි නැති නිසා.

දැන් මේ ලමයගේ දිස්ත්‍රීක් එක වෙන්නේ පොලොන්නරුව නෙමේ.එයාගේ ස්ථිර පදිංචි දිස්ත්‍රීක් එක තමා එයාගේ කැම්පස් යද්දි බලන දිස්ත්‍රීක් එක.ඒ කියන්නෙ මේ ලමයා නුවර, කොළඹ ,පොලොන්නරුවේ ස්කෝල වල A/L ඉගෙනන්ගත්තට මෙයාගේ ස්ථිර පදිංචි දිස්ත්‍රීක් එක කුරුණෑගල කියල.අන්න එතකොට දැන් මෙයා කැම්පස් යද්දි සලකා බලන්නෙ අනිවාර්යයෙන්ම කුරුණෑගලින්.

🔴 එතකොට A/L වලට එක දවසක්වත් ස්කෝලේ ගියෙ නැති ලමයෙක් හරි අවුරුද්දකට වඩා අඩු කාලයයිනම් A/L කාලේ ස්කෝලේ ගිහින් තියෙන්නෙ.එතකොට ඒ ලමයගේ කැම්පස් යන්න සලකා බලන දිස්ත්‍රීක් එක වෙන්නෙත් එයාගේ ස්ථීර පදිංචිය තියෙන එකයි.


🔴 දැන් කට්ටියට හිතෙන්න පුලුවන් මේක අදාල වෙන්නේ 1st shy අයට විතරයි කියල.නෑ එහෙම නෙමේ.ඔන්න ඔහොම තීරණේ කරන ඔයාගේ දිස්ත්‍රීක් එක තමා ඔයා 2nd shy ලීවත් 3rd shy ප්‍රයිවට් ලීවත් , shy එකක් skip කරලා ලීවත් අවුරුදු 10 කට පස්සේ A/L ලීවත් ඔයා කැම්පස් යන්න සලකා බලන දිස්ත්‍රීක් එක වෙන්නේ

Cc- sciencepanthiya

#al_api

⭐️PHYSICS Marlon Pathirage ⭐️

Unit 01 | ඒකක හා මාන | 2025 Theory Videos

MARLON PATJIRAGE | 2023 Paper Clz Day 03 Paper 02

අන්තිම මොහොතෙ exam එකක් ගොඩදාන්නෙ කොහොමද?😉

Exam කියන දේවල් වලට කොයිතරම් දවස් තිබුණත් ඔයාලට වැඩ පටන් ගන්න බෑ. මොකද හැමදාම හිතන්නෙ 'ආහ් තව දවස් තියෙනවනෙ' කියලා.. ඇත්තටම ඔයාලා විතරක් නෙමෙයී මේ පාර මටත් ඒ දේම වුණා.

මොකද මගෙ අතේ පොඩි accident එකක් වුණ නිසයී, office එකේ වැඩ නිසයී වැඩ හිරවුණා. ඒත් ඉතින් exam giveup කරන්න බෑනෙ. අනික final exam. ඒ නිසා යකා බැන්ඳා වගේ වැඩ කරන්න හිතුවා.

ඒ කරනකොට මං පාවිච්චි කරපු tips ටිකක් ඔයාලා එක්කත් share කරගන්න හිතුවා. මොකද අත්දැකීමෙන්ම ඒක සාර්ථකයි කියලා මං වින්ඳා.

✍️ Exam එකේ දවස් ගාණට හරියන විදිහට preparation plan එක.

ඒ කියන්නෙ ඔයාට කරන්න තියෙන වැඩ ටික දවස් ගාණට අනුව බෙඳලා හදාගන්න plan එක.

✍️ Daily checklist 01.

හැමදාම රෑට නිදාගන්න කලින් හරි, උදේට නැඟිටපු ගමන් හරි දවසෙ කරන්න තියෙන වැඩ ටික ලියාගන්න.

ඒකෙදි ඔයාලට පුළුවන් නම් plan එකට අනුව ඊළඟ දවසෙ තියෙන වැඩ ටිකකුත් පුළුවන් නම් කරන්න.

✍️ Phone එක පැත්තකට.

පාඩම් කරන වෙලාවට whatsapp, facebook යන්න තියාගන්න එපා. අවශ්‍ය notes download කරලා තියාගන්න.

✍️ බලන්න ඉතිරි recordings.

ඉගෙනගන්න එක online වුණ නිසා, recordings ගොඩ ගහන එක හුඟක් අයගෙ පුරුද්දක් වුණා. හැබැයි බලන එකට හැමදාම බාලගිරි දෝසෙ.

ඉතින් ඒ ඉතිරි වෙලා තියෙන recordings fast forward (playback speed) දාලා ඉක්මනින්ම බලලා ඉවර කරන්න.

✍️ TV එපා.

Exam එක කට උඩට එනකන් හිටපු නිසා TV එකට ටික දවසකට Bye කියලා ඉන්න. Film, TV series ගැන හිතන්නවත් එපා.

Control එකක් තියෙනවා නම් කන වෙලාවට TV series එකක එක episode එකක් විතරක් බලන්න.

✍️ නින්ද අඩු කරන්න.

මං සාමාන්‍යයෙන් පැය 6ක් නිදාගන්න කියලා තමයි කියන්නෙ. මොකද නින්ද හුඟක් වැදගත්. හැබැයි නහය ගාවටම වතුර ඇවිත් තියෙන නිසා එච්චර නිදාගන්න එපා.

පැය 4කට නින්ද අඩු කරන්න. මොකද exam එක ඉවර වුණාට පස්සෙ ඒවටත් හරි යන්න නිදාගන්න පුළුවන්.

✍️ එක දිගට වැඩ.

පාඩම් කරලා ටික වෙලාවකට කියලා එහෙමෙහෙ දුවන්න එපා, FB යන්න එපා. මොකද දන්නෙම නෑ වෙලාව ගිහින්.

ඒ නිසා වැඩ කරලා, කාමරේ වටයක් ඇවිදලා, නැත්නම් එළියට පොඩ්ඩක් ගිහින් ටකස් ගාලා ඇවිත් ආයිමත් වැඩ කරන්න.

✍️ වතුර පුළුවන් තරම් බොන්න.

පාඩම් කරද්දි පුළුවන් තරම් වතුර බොන්න. ළඟ ටිකක් ලොකු වතුර බෝතලයක් තියාගන්න. මොකද ඒකට පුළුවන් ඔයාව fresh එකේ තියන්න.

✍️ Target එක.

ඔයාගෙ target එක පේන තැනකින් හොඳට ගහගන්න. ඇති කියලා හිතීගෙන එද්දි, අයියෝ මේක බෑ කියලා හිතීගෙන එනකොට ඒක දිහා බලන්න.

කොහොමහරි ඔයාට ඕන දේ ඔයා කරනවාමයි කියලා හිතාගන්න.

✍️ ඇඳට නිදාගන්න ආවට පස්සෙ exam ඉවර වෙලා ජොලියෙ ඉන්න විදිහ ගැන හිතලා සතුටින් නිදාගන්න. අනිත් දේ පහුවදාට කම්මැලි නැතුව ඇහැරෙන්න.

ඉතින් මේ මං කරන දේවල් ටිකක්. මං සාමාන්‍යයෙන් අන්තිම මොහොත වෙනකන් ඉන්න එකට කැමති නෑ. එහෙම ඉන්න කියන්නෙත් නෑ. හැබැයි සමහර වෙලාවට අපි නොදැනුවත්වම එහෙම වෙනව. නැත්නම් සමහර හේතු නිසා එහෙම වෙනවා.

හැබැයි එහෙමයි කියලා ඔයාලට බෑ ඔයාලගෙ exam fail වෙන්න දාලා නිකන් බලන් ඉන්න. Fail වුණාට පස්සෙ පසුතැවෙනවට වඩා, අන්තිම දවස් ටික මැරිලා හරි fail නොවී ඉන්න වැඩ කරන එක තමයි හොඳම දේ..

හීන වෙනුවෙන් කැප වෙන ඔයාට ජයෙන් ජය💪

© Study with Gimi #share
@AL_api 💫

🔴 10 සහ 12 ශ්‍රේණිවලට සා.පෙල සහ උ.පෙළ නිර්දේශ කරමින් වාර්තාවක්.....


ඒ අනුව,
10 වන ශ්‍රේණියේදී සාමාන්‍ය පෙළ,
12 වන ශ්‍රේණියේදී උසස් පෙළ පැවැත්විය යුතු බවට නිර්දේශයක් නිකුත් කර තිබේ....

@AL_Api