අග්නිදිග ඉංජිනේරු පීඨයට ඇත්තටම IESL නැද්ද?

කැම්පස් පොත අතට අරන් application එක පුරවන්න හදන ගොඩක් නංගිලා මල්ලිලාට මේ ප්‍රශ්නෙ ඇති. Maths කරල Engineering යන්න ඉන්න නංගිලා මල්ලිලා හැමෝම ගොඩක් වෙලාවට අහන ප්‍රශ්නයක් මේක. ගොඩක් අය හරියට IESL කියන්නෙ මොකක්ද කියලවත් නොදැන තව කෙනෙක් කියනවට මේක ලොකු ප්‍රශ්නයක් කරගෙන දෙලොවක් අතර තනි වෙලා ඉන්නවා. ඒ තියෙන ගැටලු ගොඩක් මේ ලිපිය හරහා නිරාකරණය වෙයි කියල අපි හිතනවා. ඒ නිසා මුල ඉඳල අවධානෙන් ඉවර වෙනකන්ම කියවන්න කියල ඉල්ලනවා

*මොකක්ද මේ IESL කියන්නෙ?

IESL- Institution of Engineers Sri Lanka එහෙමත් නැත්තම් ශ්‍රී ලංකා ඉංජිනේරු ආයතනය. මේක වෘත්තිමය සංවිධානයක්. පිළිගත් ඉංජිනේරුවෙක් වෙන්න මේ ආයතනයේ සාමාජිකයෙක් වීම අනිවාර්යයි. මේ හරහා තමයි වරලත් ඉංජිනේරුවන් බිහි වෙන්නෙත්.
YMS of IESL - Young Members Section of IESL හරහා තමයි මේ IESL ආයතනය රාජ්‍ය විශ්වවිද්‍යාල එක්ක සම්බන්ධ වෙන්නෙ. රාජ්‍ය විශ්ව විද්‍යාල වල ඉංජිනේරු පීඨ 7ක් තියෙනවා. ඒ හැම එකකම මේ IESL Student Chapter එකක් තියෙනවා. ඒ හරහා තමයි ඉංජිනේරු ශිෂ්‍යයෙක් කාලෙ ඉඳලම ඉංජිනේරුවෙක් වෙන්න තියෙන්න අවශ්‍ය skills develop කරන්නෙ.

*IESL පිළිගැනීම මේ තරමටම වැදගත් ඇයි?

ලංකාව තුල ඉංජිනේරුවෙක් විදියට රැකියාව කරන්න නම් අනිවාර්යයෙන්ම හැම ඉංජිනේරුවෙක්ටම IESL පිළිගැනීම තියෙන්න ඕනි. ඒ වගේම Engineering Council of Sri Lanka එහෙමත් නැත්තම් ශ්‍රී ලංකා ඉංජිනේරු සභාවේ සාමාජිකත්වය ලබා ගන්න නම් ඒ සඳහාත් IESL පිළිගැනීම එහෙම නැත්තම IESL සාමාජිකත්වය අනිවාර්යයයි. IESL සාමාජිකත්වය ලබන්න නම් අපි IESL පිළිගත් උසස් අධ්‍යාපන ආයතනයකින් අපේ ඉංජිනේරු උපාධිය සම්පූර්ණ කරන්න ඕනි.

*IESL මගින් විශ්ව විද්‍යාල ශිෂ්‍යයන් විදියට අපිට තියෙන ප්‍රතිලාභ මොනවාද?

ඔයාල අහල ඇති වාර්ෂිකව පවත්වන TECHNO ප්‍රදර්ශනය ගැන. මෙන්න මේ ප්‍රදර්ශනය සංවිධානය කරන්නෙ IESL එකෙන් තමයි. ඒ හරහා පවත්වන විව්ධ තරඟ වලට අපිට ඉදිරිපත් වෙන්න පුළුවන්.
ඊට අමතරව තව එක එක විදියෙ තරඟ වගේම වැඩසටහන් රාශියක් විශ්වවිද්‍යාල සිසුන් වෙනුවෙන් මේ ආයතනය මගින් පවත්වනවා
පිළිගත් ඉංජිනේරුවෙක් විදියට සමාජෙට එන්න ඕන මග පෙන්වීම IESL ආයතනය හරහා කරනවා
උදාහරණ විදියට TECHNICAL CONFERENCE, GUEST LECTURES, OPPORTUNITIES FOR FIELD VISITS , ASSISTANT FOR CAREER DEVELOPMENT වගේ වැඩසටහන් හඳුන්වන්න පුළුවන්

*TECHNO ප්‍රදර්ශනයෙ තියෙන DRONE Competition එක ගැන දන්නව ද?

මේ TECHNO ප්‍රදර්ශනය ඇතුළෙ එක එක විශ්වවිද්‍යාල වල IESL Student Chapter වලින් සංවිධානය කරන තරඟ තියෙනවා. ඒ අතරින් ලංකාවෙ මේ වෙද්දි පවත්වන එකම DRONE තරඟය සංවිධානය කරන්නෙ අග්නිදිග විශ්වවිද්‍යාලයේ ඉංජිනේරු පීඨයේ IESL student chapter එක මගින්. විවිධ නිර්ණායක හරහා මේ DRONE තරගය පවත්වලා මේ TECHNO ප්‍රදර්ශනය ඇතුලෙ ලබාදෙන වටිනාම ත්‍යාග මුදල ලබාදෙන්නෙත් අපි

IESL පිළිගැනීම ලබාගන්න Engineering Faculty එකක් සපුරන්න ඕනි සුදුසුකම් මොනවද?

විශේෂයෙන්ම මේකෙදි Lab ගැන දේශකවරු ගැන , syllabus එක ගැන විශේෂ අවධානයක් යොමු කරනවා. ඒ වගේම අපේ examination results, assignments වගේ දේවල් ගැනත් බලනවා. ඒ සියලුම දේවල් සම්පූර්ණ කරපු නිසා තමයි අපේ out වුන හැම කණ්ඩාමකටම මේ වෙද්දි IESL ලැබිලා තියෙන්නෙ. පළවෙනි කණ්ඩායම ඒ කියන්නෙ E-11 batch එකේ ඉඳලම IESL පිළිගැනීම ලැබුනා කියන්නෙ ඉදිරියට යන්න යන්න ඒ පහසුකම් තව වැඩි වෙනවා ඇරෙන්න තව අඩු වෙන්නෙ නෑනෙ. ඒ නිසයි අපේ පීඨය ඒ සියලු පහසුකම් වගේම සියලුම සුදුසුකම් සපුරලා තියෙන්නෙ

*අග්නිදිග විශ්වවිද්‍යාලයේ කණ්ඩායම් කීයකට මේ වෙද්දි IESL පිළිගැනීම ලැබිලා තියෙනවද?

මේ වෙද්දි අපේ ඉංජිනේරු පීඨයෙන් කණ්ඩායම් 4ක් උපාධිය සම්පුර්ණ කරල තියෙනවා. ඒ අතුරින් අපේ Faculty එකේ, පලවෙනිම කණ්ඩායම වන E-11, දෙවන කණ්ඩායම E-12, තුන්වන කණ්ඩායම E-13 කියන කණ්ඩායම් තුනම ඒ කියන්නෙ out වුන Batches ඔක්කොම මේ IESL පිළිගැනීම මේ වෙද්දිත් ලබාගෙන තියෙන්නෙ. දැනට මාස කීපයකට කලින් උපාධිය සම්පූර්ණ කරපු E-14 සහ තව මාස කීපයකින් සම්පූර්ණ කරන්න ඉන්න E-15 කණ්ඩායම් දෙකටත් IESL පිළිගැනීම ලැබෙන්න අවශ්‍ය සියලුම කටයුතු සූදානම්.

*එතකොට ඉතුරු කණ්ඩායම් වලට, එන්න ඉන්න කණ්ඩායම් වලට IESL පිළිගැනීම ලැබෙන්නෙ නැද්ද?

මේ වෙද්දි උපාධිය සම්පූර්ණ කරපු පළවෙනි කණ්ඩායමේ ඉඳලා සියලූම කණ්ඩායම් වලට ලැබිලා තිබියදීත්, ආසන්න වශයෙන්ම නිමා කරන්න ඉන්න කණ්ඩායමත් මේ නිර්දේශයට අවශ්‍ය සියලුම අවශ්‍යතා සම්පූර්ණ කරල තියෙන්නෙ.

* තවදුරටත් අග්නිදිග ඉංජිනේරු පීඨයට IESL පිළිගැනීම නෑ කියල ඔබේ මුල් තේරීම් වලින් අපේ පීඨය ඉවත් කළ යුතු ද?

කොහෙත්ම නෑ. IESL නෑ කියන කතාව මෙතනින් එහාට පිළිගන්න එපා. ඔබ අපේ පීඨය තුළ ලියාපදිංචි වෙන්නෙ E-20 කණ්ඩායම විදියට. ඔබ ඉංජිනේරුවෙක් විදියට විශ්වවිද්‍යාලයෙන් එළියට යන්න කලින් තව කණ්ඩායම් 6ක් ඉන්නවා උපාධිය සම්පූර්ණ කරන්න. ඒ කණ්ඩායම් සියල්ලටම IESL පිළිගැනීම ලැබෙනවා නම් ඔයාලට නොලැබී තියෙන්න හේතුවක් නෑ නේද.?

පැහැදිලිවම කෙටියෙන් කියන්න තියෙන්නෙ, මුල්ම කණ්ඩායමේ ඉඳලා උපාධිය සම්පූර්ණ කරපු, සියලූම කණ්ඩායම් වලට IESL ලැබුනා නම්, අනික් කණ්ඩායම් වලටත් ලැබීමට නියමිත බවයි. එය නොලැබීමට කිසිදු තාර්කික හේතුවක් නැති බවයි. ඇත්තටම අග්නිදිග ඉංජිනේරු පීඨය දැනටමත් IESL අනුමැතියලත් ඉංජිනේරු පීඨයක්..

අද ඔබ ගන්න ඇතැම් තීරණ කවදා හෝ ජීවිත කාලයටම පසුතැවෙන්න හේතුවක් වෙන්න පුළුවන්. ඒ නිසා Application එක පුරවන්න කලින් කීප වතාවක් හොඳට හිතන්න. ඉංජිනේරු පීඨයකට යන්න සුදුසුකම් තියාගෙන IESL නෑ වගේ කතාවකට මුලා වෙලා අග්නිදිග විශ්වවිද්‍යාල ඉංජිනේරු පීඨය ඔබේ මුල් තේරීම් අතරට නොදා ඉඳල කවදා හරි මම කරපු දේ අපරාදෙ කියල නොහිතෙන තීරණයක් ගන්න කියලා නංගිලා මල්ලිලාගෙන් ගොඩක් ආදරෙන් ඉල්ලා සිටිනවා.

සටහන: Students' Union - Faculty of Engineering - SEUSL

#Team_api

@mathsbio_api_Team

🔰🔰🔰🔰🔰🔰🔰🔰

මෙහිදී ඔබට MATHS BIO අපි සමූහය විසින් ඉදිරිපත් කරන teligrame quiz සදහා සහභාගි විය හැක .


https://t.me/Team_api_quiz_group

👩‍🎓🧑‍🎓 මෙන්න රුහුණට එකතුවුන තවත් Engineering Degree එකක්

B.Sc.(Hons)Eng - Marine Engineering and Naval Architecture

ශ්‍රීලංකාවේ ප්‍රථම වතාවට ඉංජිනේරු උපාධියක් ලෙස රාජ්‍ය විශ්වවිද්‍යාලයක සමුද්‍ර ඉංජිනේරු විද්‍යාව හා නාවික ආකෘති නිර්මාණ ශිල්පය සදහා විශේෂ උපාධියක් ලබා දෙන්නේ රුහුණු විශ්වවිද්‍යාලයීය ඉංජිනේරු පීඨය මගින් (2018/2019)අධයන වර්ෂයේ සිටය.

රුහුණු විශ්වවිද්‍යාලයීය ඉංජිනේරු පීඨයේ IESL Accreditation සහිතව Washington Accord යටතේ පවතින යාන්ත්‍රික හා නිශ්පාදන ඉංජිනේරු දෙපාර්තමේන්තුවට අනුබද්ධිතව මෙම සමුද්‍ර ඉංජිනේරු විද්‍යාව හා නාවික ආකෘති නිර්මාණ ශිල්ප දෙපාර්තමේන්තුව පිහිටුවා ඇත. මෙම දෙපාර්තමේන්තුව සදහා එක් අධ්‍යයන වසරකට ඇතුලත් කර ගන්නා ශිෂ්‍ය පිරිසේ ප්‍රමාණය 25කි. ප්‍රථම වසර ඉංජිනේරු උපාධි අධ්‍යයන තුල පොදු හරවත් විෂය මාලාව සම්පූර්ණ කිරීමෙන් පසුව ප්‍රථම වසර තුල දැක්වූ ප්‍රගතිය සහ මෙම විශේෂීකරණ උපාධියට ඇති කැමත්ත මත හා විශේෂිතවූ ශරීර යෝග්‍යතා පරීක්ෂණකට පෙනීසිටීමෙන් අනුතුරුව දෙවන වසරේ සිට යාන්ත්‍රික හා නිශ්පාදන (DMME) දෙපාර්තමේන්තුවට අනුබද්ධව, තමන්ගේ විශේෂීකරණ උපාධිය ලෙස සමුද්‍ර ඉංජිනේරු විද්‍යාව හා නාවික ආකෘති නිර්මාණ ශිල්පය B.Sc.Eng (Marine Engineering and Naval Architecture) තෝරා ගැනීමට හැකියාව ඇත.

දැනට ගෝලීය වශයෙන් දැඩි ඉල්ලුමක් පවතින වෘත්තීය නිපුණතාවක් ලබා ගැනීමට ඉතාම උචිත උපාධියක් ලෙස , මෙම උපාධි පාඨමාලාව හදුන්වා දිය හැකි අතර මෙම දෙපාර්තමේන්තුව ජාත්‍යන්තර සහ දේශීය වෘත්තීය ආයතන සමග සෘජුව සම්බන්ධතා පවතින බැවින් එම වෘත්තීන්ට අවශ්‍යම ලෙසම පුහුණු නිපුණ ඉංජිනේරු වෘත්තිකයන් බිහි කරනු ලබයි.

දැනට පීඨය තුළ මෙම දෙපාර්තමේන්තුව සදහා අවශ්‍ය සියලුම යටිතල පහසුකම් සපයා ඇති අතර ඒ සදහාම වෙන්වුන නවීන පහසුකම් සහිත විද්‍යාගාර 12ක් සහිතව නව දෙපාර්තමේන්තු ගොඩනැගිල්ල ඉදිකර ඇත.

මෙම උපාධි පාඨමාලාව තුළ ප්‍රධාන උප කේෂ්ත්‍ර ලෙස,
1.Naval Architecture
2.Maraine Dynamics
3.Maraine Engineering Instrumentation and Control Systems
4.Ship Design and Construction

යන කේෂ්ත්‍ර දක්වා ඇත.
යාන්ත්‍රික හා නිෂ්පාදන ඉංජිනේරු දෙපාර්තමේන්තුව (DMME ) හා අනුබද්ධව පවතින හරවත් විෂය මාලාවකින් පාඨමාලාව සමන්විත වන අතර ශිෂ්‍යය කැමත්ත සහ උපාධිය සම්පූර්ණ කිරීමේ නීති රීති සහ රෙගුලාසි වලට යටත්ව තාක්ෂණික (technical) සහ සාමාන්‍ය වෛකල්පිත (alternative)විෂය මාලාවක් හැදෑරීමට අවස්ථාව හිමි වේ.

මෙම විෂය මාලාව සාදා ඇත්තේ නවීන ඉංජිනේරු වෘත්තිකයන් සතුව පැවතිය යුතු දිනෙන් දින අලුත් වන නව තාක්ෂණික දැනුමෙන් සන්නද්ධ වෘත්තිකයන් පිරිසක් බිහිකිරීමේ අරමුනින් ය.

🇱🇰 ශ‍රී ලංකාවේ ප්‍රතම හා එකම රාජ්‍ය විශ්වවිද්‍යාලයකින් පිදෙන Marine Engineering and Naval Architecture උපාධියේ මුල් සිය දෙනාට එක්වීම ට (තුන්වෙනි පුරුක ) ඔබත් සුදුස්සෙක්ද , වාසනාවන්තයෙක්ද ?

සටහන : Thineth Liyanage

#Team_api

@mathsbio_api_Team

මේක ටිකක් දිග පෝස්ට් එකක් වෙයි 😁
මේකේ තියෙන දේවල්,

I. Combined Maths + Physics + ICT කලාම කරන්න පුලුවන් ඩිග්‍රි

II. Combined Maths + Physics + ICT කරන අයට කරන්න බැරි ඒ උනාට Combined Maths + Physics + Chemistry කරන අයට කරන්න පුලුවන් ඩිග්‍රි

...................................................

I. Combined Maths + Physics + ICT කලාම කරන්න පුලුවන් ඩිග්‍රි

01. භෞතීය විද්‍යා - තොරතුරු සහ සන්නිවේදන තාක්ෂණය Physical Science - ICT
*ශ්‍රී ජයවර්ධනපුර විශ්වවිද්‍යාලය
*කැලණිය විශ්වවිද්‍යාලය

👆මේ ඩිග්‍රිය කරන්න පුලුවන් Combined Maths + Physics + ICT කරපු අයට විතරයි

(මෙතනින් පල්ලෙහා තියෙන ඒවා Combined Maths + Physics + Chemistry අයටත් කරන්න පුලුවන්👇)

02. පරිගණක විද්‍යාව Computer Science
*කැලණිය විශ්වවිද්‍යාලය
*යාපනය විශ්වවිද්‍යාලය
*රුහුණ විශ්වවිද්‍යාලය
*කොළඹ විශ්වවිද්‍යාලයීය පරිගණක අධ්‍යයනායතනය
*නැගෙනහිර විශ්වවිද්‍යාලය (ත්‍රීකුණාමල මණ්ඩපය)

03. ව්‍යවහාරික විද්‍යා (භෞතීය විද්‍යා) Applied Science (Physical Science)
*ශ්‍රී ලංකා රජරට විශ්වවිද්‍යාලය
*ශ්‍රී ලංකා සබරගමුව විශ්වවිද්‍යාලය
*ශ්‍රී ලංකා වයඹ විශ්වවිද්‍යාලය
*නැගෙනහිර විශ්වවිද්‍යාලය (ත්‍රීකුණාමල මණ්ඩපය)

04. සංඛ්‍යානය හා සංකාර්ය පර්යේෂණ Statistics & Operation Research
*පේරාදෙණිය විශ්වවිද්‍යාලය

05. ආගනණය හා තොරතුරු පද්ධති Computing & Information System
*ශ්‍රී ලංකා සබරගමුව විශ්වවිද්‍යාලය

06. බුද්ධිමය යන්ත්‍ර විද්‍යාව Artificial Intelligence
*මොරටුව විශ්වවිද්‍යාලය

07. ඉලෙක්ට්‍රොනික විද්‍යාව හා පරිගණක විද්‍යාව Electronics & Computer Science
*කැලණිය විශ්වවිද්‍යාලය

08. තොරතුරු තාක්ෂණය Information Technology
*මොරටුව විශ්වවිද්‍යාලය

09. කළමනාකරණය හා තොරතුරු තාක්ෂණය Management & Information Technology
*කැලණිය විශ්වවිද්‍යාලය

10. ප්‍රමාණ සමීක්ෂණය Quantity Surveying
*මොරටුව විශ්වවිද්‍යාලය

11. මැනුම් විද්‍යාව Surveying Science
*ශ්‍රී ලංකා සබරගමුව විශ්වවිද්‍යාලය

12. නගර හා ග්‍රාම නිර්මාණය Town & Country Planning
*මොරටුව විශ්වවිද්‍යාලය

13. වාස්තු විද්‍යාව Architecture
*මොරටුව විශ්වවිද්‍යාලය

14. භූමි නිර්මාණවේදය Landscape Architecture
*මොරටුව විශ්වවිද්‍යාලය

15. නීතිය Law
*කොළඹ විශ්වවිද්‍යාලය
*පේරාදෙණිය විශ්වවිද්‍යාලය
*යාපනය විශ්වවිද්‍යාලය

16. පහසුකම් කළමනාකරණය Facilities Management
*මොරටුව විශ්වවිද්‍යාලය

17. පරිගණක විද්‍යාව හා තාක්ෂණය Computer Science & Technology
*ශ්‍රී ලංකා ඌව වෙල්ලස්ස විශ්වවිද්‍යාලය

18. තොරතුරු තාක්ෂණය හා කළමනාකරණය Information Technology & Management
*මොරටුව විශ්වවිද්‍යාලය

19. තොරතුරු පද්ධති Information System
*කොළඹ විශ්වවිද්‍යාලයීය පරිගණක අධ්‍යයනායතනය

20. තොරතුරු හා සන්නිවේදන තාක්ෂණය Information & Communication Technology (ICT)
*ශ්‍රී ලංකා රජරට විශ්වවිද්‍යාලය
*යාපනය විශ්වවිද්‍යාලය (වව්නියා මණ්ඩපය)

21. මෘදුකාංග ඉංජිනේරු විද්‍යාව Software Engineering
*කැලණිය විශ්වවිද්‍යාලය
*ශ්‍රී ලංකා සබරගමුව විශ්වවිද්‍යාලය

22. ව්‍යාපාර විද්‍යාව Business Science
*මොරටුව විශ්වවිද්‍යාලය

23. මූල්‍ය ගණිතය හා කාර්මික සංඛ්‍යානය Financial Mathematics & Industrial Statistics
*රුහුණ විශ්වවිද්‍යාලය

(මෙතනින් පල්ලෙහා තියෙන ඒවා ඕනෙම විෂයන් තුනක් කරලා තියෙන අයට කරන්න පුලුවන්👇)

24. කළමනාකරණ අධ්‍යනය ( TV) Management Studies (TV)
*නැගෙනහිර විශ්වවිද්‍යාලය (ත්‍රීකුණාමල මණ්ඩපය)
*යාපනය විශ්වවිද්‍යාලය (වව්නියා මණ්ඩපය)

25. විලාසිතා නිර්මාණය හා නිපැයුම් ප්‍රවර්ධනය Fashion Design & Product Development
*මොරටුව විශ්වවිද්‍යාලය

26. නිර්මාණවේදය Design
*මොරටුව විශ්වවිද්‍යාලය

27. කළමනාකරණය හා තොරතුරු තාක්ෂණය ( SEUSL) Management & Information Technology (SEUSL)
*ශ්‍රී ලංකා අග්නිදිග විශ්වවිද්‍යාලය

28. ව්‍යවසායකත්වය හා කළමනාකරණය Entrepreneurship & Management
*ශ්‍රී ලංකා ඌව වෙල්ලස්ස විශ්වවිද්‍යාලය

29. කාර්මික තොරතුරු තාක්ෂණය Industrial Information Technology
*ශ්‍රී ලංකා ඌව වෙල්ලස්ස විශ්වවිද්‍යාලය

30. ආගන්තුක සත්කාර, සංචාරක ව්‍යාපාර හා සිද්ධි පිළිබඳ කළමනාකරණය Hospitality, Tourism & Event Management
*ශ්‍රී ලංකා ඌව වෙල්ලස්ස විශ්වවිද්‍යාලය

31. ශාරීරික අධ්‍යාපනය Physical Education
*ශ්‍රී ලංකා සබරගමුව විශ්වවිද්‍යාලය
*යාපනය විශ්වවිද්‍යාලය

32. ක්‍රීඩා විද්‍යාව හා කළමනාකරණය Sports Science & Management
*ශ්‍රී ලංකා සබරගමුව විශ්වවිද්‍යාලය
*ශ්‍රී ජයවර්ධනපුර විශ්වවිද්‍යාලය
*කැලණිය විශ්වවිද්‍යාලය

33. පරිවර්තන අධ්‍යයන Translation Studies
*කැලණිය විශ්වවිද්‍යාලය
*ශ්‍රී ලංකා සබරගමුව විශ්වවිද්‍යාලය
*යාපනය විශ්වවිද්‍යාලය
*නැගෙනහිර විශ්වවිද්‍යාලය

34. සිනමා හා රූපවාහිනී අධ්‍යයන Film & Television Studies
*කැලණිය විශ්වවිද්‍යාලය

35. ව්‍යාපෘති කළමනාකරණය Project Management
*යාපනය විශ්වවිද්‍යාලය (වව්නියා මණ්ඩපය)

36. යෝග හා පාරමනෝවිද්‍යාව Yoga & Parapsychology
*ගම්පහ වික්‍රමාරච්චි දේශීය වෛද්‍ය විශ්වවිද්‍යාලය

37. සමාජ අධ්‍යයන Social Studies In Indigenous Knowledge
*ගම්පහ වික්‍රමාරච්චි දේශීය වෛද්‍ය විශ්වවිද්‍යාලය

...................................................

II. Combined Maths + Physics + ICT කරන අයට කරන්න බැරි ඒ උනාට Combined Maths + Physics + Chemistry අයට කරන්න පුලුවන් ඩිග්‍රි

01. ඉංජිනේරු විද්‍යාව Engineering
*පේරාදෙණිය විශ්වවිද්‍යාලය
*මොරටුව විශ්වවිද්‍යාලය
*රුහුණ විශ්වවිද්‍යාලය
*යාපනය විශ්වවිද්‍යාලය
*ශ්‍රී ලංකා අග්නිදිග විශ්වවිද්‍යාලය
*ශ්‍රී ජයවර්ධනපුර විශ්වවිද්‍යාලය

02. භූ සම්පත් ඉංජිනේරු විද්‍යාව Earth Resources Engineering ( EM )
*මොරටුව විශ්වවිද්‍යාලය

03. පේෂකර්ම හා ඇඟලුම් ඉංජිනේරු විද්‍යාව Textile & Apparel Engineering ( TM )
*මොරටුව විශ්වවිද්‍යාලය

04. භෞතීය විද්‍යාව Physical Science
*කොළඹ විශ්වවිද්‍යාලය
*පේරාදෙණිය විශ්වවිද්‍යාලය
*ශ්‍රී ජයවර්ධනපුර විශ්වවිද්‍යාලය
*කැලණිය විශ්වවිද්‍යාලය
*යාපනය විශ්වවිද්‍යාලය
*රුහුණ විශ්වවිද්‍යාලය
*නැගෙනහිර විශ්වවිද්‍යාලය
*ශ්‍රී ලංකා අග්නිදිග විශ්වවිද්‍යාලය

05. ප්‍රවාහන හා සැපයුම් කළමනාකරණය Transport & Logistics Management
*මොරටුව විශ්වවිද්‍යාලය

06. කර්මාන්ත සංඛානය හා ගණිතමය මූල්‍ය Industrial Statistics & Mathematical Finance
*කොළඹ විශ්වවිද්‍යාලය

07. විද්‍යාව හා තාක්ෂණය Science & Technology
*ශ්‍රී ලංකා ඌව වෙල්ලස්ස විශ්වවිද්‍යාලය

08. තේ තාක්ෂණය හා අගය වැඩිකිරීම Tea Technology & Value Addition
*ශ්‍රී ලංකා ඌව වෙල්ලස්ස විශ්වවිද්‍යාලය

09. ඛනිජ සම්පත් හා තාක්ෂණය Mineral Resources & Technology
*ශ්‍රී ලංකා ඌව වෙල්ලස්ස විශ්වවිද්‍යාලය

10. තල සහ ක්ෂීර තාක්ෂණය හා අගය වැඩිකිරීම Palm and Latex Technology & Value Addition
*ශ්‍රී ලංකා ඌව වෙල්ලස්ස විශ්වවිද්‍යාලය

11. කථන හා ශ්‍රවණ විද්‍යා Speech & Hearing Sciences
*කැලණිය විශ්වවිද්‍යාලය

12. සංචාරක හා ආගන්තුක සත්කාර කළමනාකරණය Tourism & Hospitality Management
*ශ්‍රී ලංකා සබරගමුව විශ්වවිද්‍යාලය
*ශ්‍රී ලංකා රජරට විශ්වවිද්‍යාලය

13. ආහාර ව්‍යාපාර කළමනාකරණය Food Business Management
*ශ්‍රී ලංකා සබරගමුව විශ්වවිද්‍යාලය

14. සාගර හා මිරිදිය විද්‍යාව Marine & Fresh Water Science
*රුහුණ විශ්වවිද්‍යාලය

15. භූගෝලීය තොරතුරු විද්‍යාව Geographical Information Science
*පේරාදෙණිය විශ්වවිද්‍යාලය

16. ව්‍යවහාරික රසායන විද්‍යාව Applied Chemistry
*කැලණිය විශ්වවිද්‍යාලය

පාඨමාලා ටික ඔක්කොම මේ විදිහට පිළිවෙලට එකතු කරලා මේ ලිපිය ලිව්වේ Chamodh Henry Henderson මල්ලි. ස්තූතියි .

#Team_api

@mathsbio_api_Team

📚📚📚📚📚📚📚📚

Chemistry වලටත් bio වලට වගේ ම mind maps ගහන්න පුළුවන් ද ? 🧐🧐

ඔව් පුළුවන් . පොඩ්ඩක් බලන්න 👇👇👇