TML Engineering (Transport Management & Logistics Engineering) කියන්නේ මොකක්ද? දැනට මේ ගැන අවබෝධයක් තියෙන්නේ ඉතාමත්ම සුළු පිරිසකට විතරයි. මොකද මේ පාඨමාලාව අලුත්ම එකක් නිසා. ඒ පිරිසට මේ අවබෝධය තිබුණට සමාජයේ බහුතරයකට මේ පාඨමාලාව සම්බන්ධයෙන් කුතුහලයක් තියෙන්නේ. ඒ නිසා අපි හිතුවා මේ පාඨමාලාව ගැන දැනුවත් කරන්න මේ වගේ විස්තරයක් ගෙන එන්න කියලා.

TML Engineering කියන්නේ "Transport Management and Logistics Engineering- BSc Eng.Hons" නොහොත් "ප්‍රවාහන කළමනාකරණ සහ කාර්යෝපාය ඉංජිනේරු - ඉංජිනේරු විද්‍යාවේදී ගෞරව" කියන විශ්ව විද්‍යාලයීය පාඨමාලාව.

රාජ්‍ය විශ්ව විද්‍යාලයක මේ පාඨමාලාව මුල්ම වරට හඳුන්වා දෙන්නේ 2020/21 අධ්‍යයන වර්ෂය සඳහා මොරටුව විශ්ව විද්‍යාලයේ පාඨමාලාවක් ලෙසට. එහෙම කිව්වත් මේ පාඨමාලාවට තියෙන්නේ ඉතාමත් දිගු විකාශනයක්. කළමනාකරණය කියන නම යෙදුනත් උසස් පෙළ ගණිත අංශයෙන් සමත් සිසුන් පමණක් ඇතුළත් වීමත්, මොරටුව ඉංජිනේරු පීඨය යටතේ ස්ථාපිත වීමත් මෙය සිසුන් අතර මෙන්ම ප්‍රවාහන ක්ෂේත්‍රය තුල බොහෝ ප්‍රචලිත වීමට කරුණු කිහිපයක්. 2005 වර්ෂයේ දී මෙම දෙපාර්තමේන්තුව ප්‍රවාහන හා සැපයුම් කළමනාකරණය විෂය පථය ආවරණය කරන​ දකුණු ආසියාවේ ප්‍රථම දෙපාර්තමේන්තුව ලෙසට "ප්‍රවාහන හා සැපයුම් කළමනාකරණ - විද්‍යාවේදී ගෞරව" උපාධි පාඨමාලාව (TLM) නමින් මොරටුව විශ්ව විද්‍යාලයීය ඉංජිනේරු පීඨයේ ස්ථාපිත කරනවා. එලෙස පිහිටුවන ලද පාඨමාලාව තමා මේ ලෙසට "ප්‍රවාහන කළමනාකරණ සහ කාර්යෝපාය ඉංජිනේරු - ඉංජිනේරු විද්‍යාවේදී ගෞරව" ලෙස 2020/21 අධ්‍යයන වර්ෂයේ දී හඳුන්වා දෙන්න තීරණය කරල තියෙන්නේ. මෙය සරළ පරිවර්තනයක් නොවේ. ප්‍රවාහන හා කාර්‍යෝපාය ක්ෂේත්‍රයේ විශ්ව විද්‍යාල තුල හා ඉන් පිටත ප්‍රවීණයන් රැසකගේම අදහස් සහිතව ඉදිරි අනාගතයේ එන තරගකාරී ප්‍රවාහන හා කාර්‍යෝපාය ක්ෂේත්‍රයේ තාක්ෂණික පරිවර්තනයන්ට ගැලපෙන පරිදි ඉංජිනේරු පාඨමාලාවක් ලෙස මෙම පරිවර්තනය සිදුකර තිබෙනවා.

මේ පාඨමාලාවට උසස් පෙළ ගණිත අංශයෙන් පෙනී සිටි සිසුන් දිස්ත්‍රික් පදනමෙන් Z අගය මත තෝරාගැනීම සිදුකරනු ලබනවා. මේ පාඨමාලාව B.Sc. Engineering හෙවත් Bachelor of Science of Engineering ගෞරව උපාධියක් ලෙස තමා පිරිනැමෙන්නේ. අවුරුදු හතරක පාඨමාලාව, සෙමෙස්ටර (semesters) අටකින් සමන්විත අතර තෙවන වසරේ දෙවන සෙමෙස්ටරය (Semester 6) කර්මාන්ත ප්‍රායෝගික පුහුණුව (Industrial Training)සඳහා යොමු කෙරෙනවා. අවසන් අධ්‍යයන වර්ෂයේ දී සිසුන්ට ක්‍ෂෙත්‍ර​ හතරක් ඔස්සේ විශේෂීකරණය වීමේ හැකියාව පවතිනවා. ඒ ක්‍ෂෙත්‍ර පහතින් දක්වා ඇත.

1) Smart Mobility
2) Integrated Logistics
3) Operations & Supply Chain Analytics
4) Technology for Sustainable Transport

තමන් කැමති ක්‍ෂෙත්‍රයක් ඔස්සේ අධ්‍යයන කටයුතු කරන්න ලැබෙන අවස්ථාව වගේ ම සියලුම සිසුන්ට තමාගේ පෞරුෂත්වය වර්ධනය කරගැනීමටත් මේ පාඨමාලාවෙන් මහඟු අවස්ථා රැසක් හිමිවෙනවා.

Smart Mobility කියලා කියන්නේ දිනෙන් දින වැඩිවන රථවාහන අර්බුදයට කාර්‍යක්ෂ​මව විසඳුම් සෙවීමේ අරමුණෙන් යුතු ව දිනෙන් දින ඉදිරියට එන සංකල්පයක්. විශේෂයෙන්ම අපිට සුඛෝපභෝගී රථයක සියල්ලන් ගමන් කිරීම සංවර්ධනය ලෙස සිතුනද, සංවර්ධිත යැයි සැළකෙන රටවල් සියල්ල ම පාහේ මේ වන විට පොදු ප්‍රවාහනය මූලික කරගෙන තම රටේ අනාගතය වෙනුවෙන් පිඹුරුපත් සකස්කරමින් සිටිනවා. Ridesharing, Car-sharing, Public Transportation, Walking සහ Biking මෙම සංකල්පය ක්‍රියාත්මක වන මෙහෙයුම් ප්‍රදේශ ලෙස සැලකිය හැකී.

Logistics යනු "කාර්යෝපාය" වේ. කාර්යෝපාය කළමනාකරණය ශ්‍රී ලංකාව වැනි රටකට ඉතාමත්ම වැදගත්. ලෝකයේ වරායන් අතර පළමු වරායන් 25 අතරට කොළඹ වරාය පැමිණෙන්නේ අපෙ රට නාවික වශයෙන් ඉතාමත් වැදගත් කේන්ද්‍රස්ථානයක පිහිටා ඇති බැවින්. මෙහි උපරිම ඵල නෙළා ගැනීමට නම් අපි අනිවාර්‍ය්යෙන්ම එයට ඔබින දැනුමෙන් හා බුද්ධියෙන් හෙබි තරුණ පරපුරක් බිහිකළ යුතුයි. Integrated Logistics හරහා කර්මාන්ත (Industry), නිෂ්පාදනය (Production), ගබඩා හැසුරුම් සේවා (Warehousing), ප්‍රවාහනය (Transportation), හා බෙදාහැරීම (Distribution) වැනි සැපයුම් දාම කළමනාකරණයේ මූලික අංග සහ සම්බන්ධ කළ හැකි ආකාර පිළිබඳ ගැඹුරින් විශ්ලේෂණය කරනු ලබනවා.

මෙහෙයුම් හා සැපයුම් දාම විශ්ලේෂණය (Operations & Supply Chain Analytics) යනු ඉතාමත්ම වැදගත් ක්ෂේත්‍රයක්. ඕනෑ ම නිෂ්පාදනයකට සැපයුම් දාමයක් පවතිනවා. මෙහි සැපයුම්කරු, නිෂ්පාදකයා හා පාරිභෝගිකයා යන අංශ​ ආවරණය කරමින් සිදුවන මෙහෙයුම් කළමනාකරණය සිදුවෙනවා. මෙහෙයුම් කළමනාකරණය නිෂ්පාදන ක්‍රියාවලියෙන් ඔබ්බට ගොස් ගුවන්, නාවුක හා මාර්ග ප්‍රවාහන මෙහෙයුම් ලෙස ද සිදුවනවා. විශේෂයෙන්ම මෙහිදී නවීන සංකල්ප ප්‍රවාහන ගැටලු හරහා අධ්‍යනයට ලැබීම විශේෂත්වයක්.

තිරසාර ප්‍රවාහනය සදහා තාක්ෂණය (Technology for Sustainable Transport) යනු ඉතාමත් වේගයෙන් ඉදිරියට එමින් පවතින ක්‍ෂෙත්‍රයක්. තිරසාර සංවර්ධනය යනු ලෝකයේ දියුණු යැයි සැලකෙන රටවල් සියල්ල ම පාහේ සම්පූර්ණයෙන්ම තම සංවර්ධනය යොමු කරන දිශානතියයි. එහි තිරසර ප්‍රවාහනය මූලික අංගයක් වෙනවා. එලෙස පිඹුරුපත් සැකසීමේ දී සිදුවන ක්‍රියාවලියට අවශ්‍ය සියලු ප්‍රදේශ මෙම ක්ෂේත්‍රය යටතේ සකච්ඡා වෙනවා.

මෙම ක්ෂේත්‍ර හතරෙහිම වන Automations, Intelligence Transport Systems, Artificial Intelligence වැනි නව ප්‍රවණතා පිළිබඳ ඉගෙනීමට හා යෙදීමට ඔබට නිසැකවම අවස්ථාව ලැබෙනවා.

රැකියා අවස්ථා ගැන සඳහන් කළොත්, ඔයාලට පුළුල් වපසරියකින් යුත් විවිධ ක්ෂේත්‍ර ගණනාවක් ඔස්සේ වැඩ කරන්න හැකියාවක් තිබෙනවා. පහතින් දැක්වෙන්නේ රැකියා ලබාගත හැකි මූලික ක්ෂේත්‍ර හතරයි.

1) Supply Chain Industry (සැපයුම් දාම)
2)Transport Planning Industry (ප්‍රවාහන සැළසුම්)
3) Maritime Industry (නාවික සේවා)
4) Aviation Industry (ගුවන් සේවා)
5) IT Industry (තොරතුරු තාක්ෂණ)
6) නිෂ්පාදන ක්ෂේත්‍රය ( Manufacturing)

Engineer, Analyst, Planner, Manager, Designer යන මූලික රැකියා විශේෂණයන් යටතේ එන ඉංජිනේරු හා කළමනාකරණ ක්‍ෂෙත්‍රයේ ප්‍රධාන පෙළේ රැකියා මේ ඔස්සේ හිමිකර ගැනීමේ අවස්ථාව තියෙනවා. ඒ වගේම විශ්ව විද්‍යාල අධ්‍යයන කටයුතු සඳහා උනන්දුවක් ඇත්නම් විශ්ව විද්‍යාල විශ්ලේෂණ සහයකයෙකුගේ (Research Assistant) සිට විශ්වවිද්‍යාලයීයේ කතිකාචාර්යවරයෙකු , ආචාර්‍ය්යවරයෙකු හා මහාචාර්යවරයකු දක්වා ම තම ඉගෙනුම් කටයුතු කරගෙන යාමේ හැකියාවත් පවතින අතර අවස්ථාද හිමිවෙනවා.

විශේෂයෙන්ම නායකත්ව හා කුසළතා සංවර්ධනය සදහා විශේෂ එළිමහන් පුහුණුවීම් කදවුරකට (OBT - Outbound Training Program) ඔබව යොමුකරනු ලබනවා. ඊට අමතරව පුද්ගලික අංශය හරහා ලැබෙන ශිෂ්‍යත්ව (Scholarships) සහ විශේෂ මගපෙන්වීමේ (Mentoring Programs) වැඩසටහන් ඔබට ලැබෙන විශේෂ වරප්‍රසාද ලෙස හැඳින්විය හැකිය.

ඉතින් ඉංජිනේරු සිහිනයට අලුත් විදියට පාර කියන මේ නව පාඨමාලාව ගැන මේ දැනගත්ත දේවල් එක්ක ඔයාලගේ කැමත්ත ගැළපෙනවා නම් ඔබත් මේ පාඨමාලාව ඔබේ අනාගත දොරටුවේ යතුර බවට පත් කරගන්න...

ඔබ සැමට ජය✌🏻
#Team_api

@mathsbio_api_Team

MLS නැත්තම් Medical Laboratory Science (වෛද්‍ය රසායනාගාර විද්‍යාව)


📃මේ උපාධි පාඨමාලාව ලංකාවේ,

👑පේරාදෙනිය විශ්ව විද්‍යාලය
👑ශ‍රී ජයවර්ධනපුර විශ්ව විද්‍යාලය
👑රහුණු විශ්ව විද්‍යාලය
👑යාපනය විශ්ව විද්‍යාලය

යන විශ්ව විද්‍යාල 4 මගින් පවත්වාගෙන යන ඉතා ඉහල ගුනාත්මකභාවයෙන් යුතු උපාධි පාඨමාලවක්.

මෙය උසස්පෙල ජීව විද්‍යාව විශය හැදෑරූ සිසුන්ට පමණක් පවත්වන ලබන ලබන උපාධි පාඨමාලාවකි.
එනම් මේ සඳහා අ.පො.ස උසස් පෙළ විභාගයේදී ජීව විද්‍යාව ,රසායන විද්‍යාව,භෞතික විද්‍යාව යන විශයන් 3 ට අවම වශයෙන් සාමාන්‍යය සාමාර්ථ ( S pass) ලබා තිබිය යුතුය.

නමුත් මේ සඳහා පවතින් ඉහල ඉල්ලුම හමුවේ උසස් පෙළ ජීව විද්‍යා අංශයෙන් පෙනීසිට BBB,ABC,ABC,ABB,AAB වැනි ඉහල සාමාර්ථයක් ලබා z අගය 1.4 -1.7 ක් වැනි ඉහල අගයක් ලබාගත යුතුවේ.


ශාස්ත්‍රීය අගය 120කින් යුතු මෙම පාඨමාලාව හැදෑරීමට සාමන්‍ය පෙල ඉංගිරීසි විශයට S සාමාර්තයක් ලබා තිබිම අනිවාර්‍යයි..

❤️ වෛද්‍ය රසායනගර ශිල්පියෙක් තමයි මේ උපාධිය අවසානයේ බිහිවෙන්නෙ..

❤️මත්‍රා පරීක්ශන ලේ පරික්ශන වගෙ අපි එදිනෙදා දකින සාමන්‍ය පරීක්ශන වලට එහා ගිය විවිධ පරීක්ශන මොවුන් යටතේ තමා සිද්දවෙන්නෙ..

📄 උදාහරන විදියට මේ කාලෙ දරුණුවටම යන COVID19 වලට පරීක්ශන කරන්නෙත් මෙයාලම තමා.. (අවදානමක් නැතුවා නොවේ..😥)

❤️මේ ඩිග්‍රී එක ඉවර උනාට පස්සෙ සෘජුවම රෝහල් වලට හැමෝවම බදාවගන්නෑ..
බදවාගැනීමෙ ගැටලු ටිකක් නිසා..
ඒකට හේතුව MLT ඩිප්ලෝමා එකෙන් ගත්තු අය තමා මේ තරම් කල් ලැබ් ටෙක්නීශයන්ස්ලා විදියට හොස්පිටල් ලැබ්ස් වල වැඩ කලේ..

❤️ඒත් මේ MLS gazzate වෙන එක නතර වෙලා තියන නිසා( not sure) ඉදිරියට සෘජුවම රෝහල් වලට ගනීවි..

❤️කොහොම උනත් Mls degree holder කෙනෙක් කිසි විටක රැකියා විරහිතයෙක් වෙන්නෑ..

සමාජයේ වැරදි මතයක් පවතිනවා මේ ඩිග්‍රී එක කලාම ලැබ් ටෙක්නීශියන් කෙනෙක් බවට විතරයි පත්විය හැකි කියා .නමුත් මෙය සාවද්‍ය මතයක්. මය එක එක්කෙනාගෙ කැපවීම මත වෙන දෙයක්. විද්‍යාඥයන් පවා වෙන්න පුලුවන් රිසර්ච් හුගක් කරන්න පුලුවන් පැත්තක්.

❤️
🗞 ලේ බැංකුව,
🗞 රෝහල් විද්‍යාගාර ,
🗞 පලිකා රෝහල

වගෙ ගොඩක් තැන් වල සේවය කරන්න පුලුවන් .

එසේම සෞඛ්‍ය අමාත්‍යාංශයේ කාර්‍යාල ආදියෙහි තනතුරු සඳහාද ඔබට ඇතුලත් විය හැකියි.

❤️ලංකාවෙ වගෙම පිට රටවලත් ඉහල පිලිගැනීමක් තියනවා.. රැකියා අවස්තා තියන හොද රැකියාවක අවසානයේ ලබාගන්න පුලුවන්..

❤️ඒ වගේම තමන්ගෙම කියලා ව්‍යාපාරයක් කරන්නත් පුලුවන්..

❤️මේකට ඉල්ලුම් කරන අය අයදුම්පත සමග සාමන්‍යපෙල ප්‍රථිඵල ලේඛනය යවන්න අමතක කරන්න එපා.

#Team_api

@mathsbio_api_Team

✍️එක්සෑම් එක්කට past papers වලින් වැඩ කරන්නේ කොහොමද ?😍

⚫️ ඉස්සෙල්ලම අවුරුදු 15 ක වගේ පාස් පේපර් ගන්න.

⚫️ subject වෙන් කරගන්න.

⚫️ එක subject එකක් ගන්න.

⚫️ ඒ පේපර් එකේ time එක 👀 බලන්න.

⚫️ පැය 03 යි නම් පැය 2 1/2 න් කරන්න. Alpha අයියා කියලා තියෙන විදියට ඔයාලාගෙ time management හැදෙනවා එතකොට 💪🙈

⚫️ ඒ පේපර් එක පොත් නොබලා ඔයාට පුලුවන් විදියට කරන්න. හදවතට එකගව කරන්න.

⚫️ කරලා ඉවර වෙලා marking එක බලලා ලකුනු දාගන්න.
අඩු වුණාට කමක් නෑ. වැරදි හදාගමු❤️

⚫️ ඊට පස්සේ අඩු වුණේ මොනවටද කියලා බලන්න.

⚫️ ඒ වැරදුණ ඒවා වෙනම කොලේක ලියාගන්න

⚫️ ඒ වැරදුනේ මොනවද බලලා ඒවගේ theory ටික බලන්න වෙලාවක් දාගන්න.

⚫️ ඒවා ටික ආයේ බලන්න , හොදට පලවෙනි පාර වැරදුණ ඒවා දෙවෙනි පාර වැරදෙන්න තියන්න එපා. ඒ වැරදි හදාගෙන නැවත නැවත theory බලන්න.

⚫️ කවුරු හරි කියනවානම් past papers වලින් theory cover කරගන්න බෑ කියලා ඒක අමූලික බොරුවක්.

⚫️ try කරලාම බලන්න. ඒ වගේම අවුරුදු 15 ක papers ඒ විදියට කරන්න බලන්න.

⚫️ අවම කාලේ මදි වගේනම් අවම අවුරුදු 10 කවත් කරන්න.පුලුවන් තරම් ආයෙ ආයේ කරන්න try කරන්න.

⚫️ ඔයාලා past papers කරද්දී වැරදුනු ඒවා කොලෙක ලියාගෙන නැවත theory බලන නිසා ඒ වැරදුන ඒවා අනිත් paper එකේ වැරදෙන්න ඉඩ තියන්න එපා.

එහෙම එහෙම ඔයාට පුලුවන් තරම් කරන්න. ඕනම එක්සෑම් එක්කට මෙහෙම කරලා best result ගන්න පුලුවන් ✔️
මොකද past papers කියන්නේ එකම ප්‍රශ්නේ දහදොලොස් විදියකට අහන එක ☝️
ඒ නිසා මං කීව විදියට එකම එක පාරක් කරලා බලන්න.🤟

ඔයාට satisfied නැත්නම් අතඇරලා දාන්න.🤝

උබට ජය ✌️

" computer science vs software engineering "

ආදරනීය නංගියේ මල්ලියේ,

Computer science කියන්නෙත් software engineering කියන්නෙත් මේ වෙනකොට it industry එක තුල ගොඩක් value එකක් තියන degree දෙකක්. මේ දවස්වල අලුතෙන් campus වලට ඇතුලත් වෙන අයට මේ විස්තරය වැදගත් වෙයි කියලා මං විශ්වාස කරනවා. ඉතින් මේ දෙකේ තියන්නේ මොනවගේ වෙනස්කම් ටිකක්ද කියල පෙනන්න මම මේ සටහන තියනවා.

කාරනාව වඩාත් පැහැදිලි කරන්න ඕනා නිසා මං උදාහරණයක් විදිහට කැලණි computer science degree එකයි, කැලණි software engineering degree එකයි තෝරගන්නවා. මං ඒ දෙක තෝරගත්තේ මම කැලනි computer science එකේ undergraduate කෙනෙක් නිසා වඩා හොදින් පැහැදිලි කරන්න පුලුවන් වෙයි කියලා හිතන නිසා. මේකෙ ඇතුලත් සමහර කරුණු කැම්පස් එකෙන් එකට වෙනස් වෙන්න පුලුවන් බව මම දැනුවත් කරන්න කැමති😊.

Computer science :-

Computer science degree එක කොලඹ ucsc, කැලණි, රුහුන, යාපනය, තිකුනාමලය යන කැම්පස්වලදී මේ වෙනකොට ලබාගන්න පුලුවන්.
කැළණියේදී හා යාපන විශ්ව විද්‍යාල වලදී ඔබට වසර 4ක ගෞරව උපාධිය සමග ලබාගත හැක. අනෙක් විශ්ව විද්‍යාල වලදී තෝරගත් පිරිසකට පමනක් ගෞරව උපාධිය හිමි වේ අනෙක් කොටසට උපාධිය වසර 3කට සීමා වේ. ලංකාව තුල මෙම උපාධි දෙකටම සම පිලිගැනීමක් හිමිවේ වැටුපද බොහෝදුරට සමාන වේ. මෙහි ඇති වෙනස වන්නේ ඔබ වැඩිදුර අධ්‍යාපනය සදහා යොමු වන්නට අදහසක් ඇතනම් හෝ විදේශ රටක රැකියාවකට හෝ අධ්‍යාපනය ලබන්නට අදහසක් ඇත්නම් ඔබට ගෞරව උපාධියක් තිබීම අත්‍යවශ්‍ය වේ.

මේ degree එක තුලදී වැඩි වශයෙන් ගනිතමය සංකල්ප, තර්ක අදී දේවල් වැඩිපුර භාවිත වෙනවා. පරිගණකයක theoretical side එක ගොඩක් දකින්න පුලුවන්. උදාහරණයක් විදිහට computer operating system, computer architecture වගේ ඒවත් database management, web programming, artificial intelligent, mobile app development මේ වගේ subject ගොඩක් තියනවා.

මා පෙර සදහන් කල පරිදිම Computer science එකේ ගොඩක්ම focus කරන්නේ computer languages, basic structures, theoretical usage වගේ දේවල්. මේ degree එකේ තියන විශේෂත්වය වන්නේ ඔයා තෝරගන්න pathway එක අනුව තමා ඔයාගෙ it industry එකේ career එක හැදෙන්නේ. ඒ නිසා ගොඩක් කල්පනා කරල ඒක තෝරගන්න වෙනවා, මොකද පස්සේ උවමනා උනත් ඔයාට ඒක මාරු කරගෙන ඉදිරි වැඩ කරගන්න අමාරු වෙන්න පුලුවන්.

අනිත් දේ තමා ඔයා Mcs එකක් Phd එකක් වගේ කරනවනම් ඔයා තෝරගන්න ඕනා computer science වගේ එකක් මිස software engineering නොවේ. මොකද පිටරට තියන ගොඩක් කැම්පස් වල phd එක කරද්දි computer science degree එකක් ඉල්ලනවා. Software engineering වලට නැතුවාම කියන්න බෑ. හැබයි අවස්තාව අඩුයි.

මොනවාද තියන pathways :-

මේ මා ඉදිරිපත් කරන pathways මේ වන විට අපට තෝරාගැනීමට දී ඇති pathways බවත් කැම්පස් එකෙන් එකට යම් යම් වෙනස්කම් සිදුවිය හැකි බව කරුනාවෙන් සලකන්න.

* Cyber security
* Data science
* Artificial intelligent
* Scientific Computing
* standard pathway

කැලණිය computer science degree එක වසර 4 ක degree එකක් නිසා ඔයාලට 3 වන අවුරුද්දෙදි ඉහත pathway එකක් තෝරගෙන ඒකෙන් ඔයාගෙ specialist එක ගන්න පුලුවන්. කොළඹ හා රුහුනේදී මේ අවස්තවා හිමිවන්නේ ඉහලම GPA එකක් සහිත තෝරගත් කොටසකට බව තමා මම අසා තියෙන්නේ, අනිත් අයට degree එක වසර 3 කට සීමා වෙනවා. Degree එක වසර 3 ද 4ද මත ඔබේ අනාගතය තීරනය නොවන බව මම ඉතා උවමනාවෙන් ප්‍රකාශ කරමි හුදෙක් එය ඔබගේ හැකියාව හා අත් දැකීම් මත පදනම් වන නිසාවෙනි.

Industry එක තුල තියන අවස්තා :-

තාක්ෂණය දියුනුවත් සමග සමස්ත ලෝකයම පරිගණක තාක්ෂණයට නැඹුරුවීමත් සමග it degree සදහා ඉහල ඉල්ලුමක් පවතී. ලංකාව තුලත් මේ වනවිට ඉහල ඉල්ලුමක් ඇති වෙමින් පවතී.

* Web developer
* programmer
* Mobile / cloud developer
* Software engineer
* Business analyst
* Product manager
* cyber security analyst
* Database administrator
* It consultant

මේ ආකාරයට රැකියා අවස්තා රාශියක් industry එක තුල ඔබට තෝරාගන්න තියනවා.

Software engineering :-

මේ වනවිට software engineering degree එක ගන්න පුලුවන් කැළණි හා සබරගමුව විශ්ව විද්‍යාල වලිනි. Software engineering හීදී වැඩි අවදානම යොමු වන්නේ software background එකක් සදහායි. Software එකක් create, maintain and design වගේ දේවල් කෙරෙනවා.

කැම්පස් වල engineering faculty එකේ මේ සම්බන්ද degree එක computer science engineering ලෙස තමා ලබාදෙන්නේ.. software engineering එකයි මේකෙයි යම් වෙනස්කම් තියනවා. Software engineering හීදී focus වන්නේ software වන අතර computer science engineering හීදී software & electronic(hardware ) යන ක්ෂේත්‍ර ආවරණය වෙනවා.

මොනවද pathways :-

Computer science එක තරන් වැඩි අවදානයෙන් තෝරාගත යුතු pathways නොතිබුනත් එහිදීත් pathways කීපයක් හදුන්වාදී ඇත.
මේ pathways මේ වනවිට කැලණි software engineering degree එක සදහා හදුන්වාදී ඇති pathways වේ.

*Net Centric Applications
*Mobile Computing Applications
*Data Science and Engineering Applications
*Health Informatics Applications
*Digital Gaming and Animation Applications
*Business Engineering Applications

Industry එක තුල ඇති අවස්තා :-

මා පෙර සදහන් කර පරිදිම it ක්ෂේත්‍රය සදහා ඉහල රැකියා අවස්තාවක් පවතී.

* Software engineer
* Application developer
* Game developer
* Information system manager
* Multimedia programmer
* Web designer
* Full satck developer
* System engineer

ඔබ උපාධියට අමතරව තවත් පාඨමාලා හදාරන්නේ නම් ඇත්තෙන්ම ඔබට ඉහල වටිනාකමක් හිමිවේ. Private campus වලින්ද වසරකට සැලකියයුතු පිරිසක් ක්ෂේත්‍රයට එක් වන නිසා තමා තරගකාරී හා දක්ෂයෙකු වන තරමට ඉහල වැටුපක් හා ඉහල පිලිගැනීමක් ලබාගැනීමට හැකියාව ලැබේ.

මෙම උපාධි දෙකටම මුල semester වලදී විශය කරුණු පවා බොහෝදුරට සමාන වෙනවා. ඔබ computer science ද software engineering ද යන්න තෝරාගත යුත්තේ ඔබගේ ඉලක්කය හීනය අනුවයි. මිසක් මින් එක degree එකක් වත් අනෙකට වඩා පහල යැයි සැලකිය නොහැක.

සටහන: Bihan Kavinda

#Team_api

@mathsbio_api_Team

🔰🔰🔰🔰🔰🔰🔰🔰

රුහුණේ, මොකක්ද මේ අලුතෙන් දෙනවා කියන Engineering Degree එක 🤔

Bsc(Hons)Eng Specialization in Computer Engineering - University Ruhuna👈

Ruhuna - Computer Engineering පටන් ගන්නෙ 2019/2020 විශ්ව විද්‍යාල අධ්‍යන වර්ශයට අදාලව, නමුත් ලංකාවේ වැඩිම Computer Engineering සිසුන් පිරිසක් ඇතුල් කරගන්නෙ මේ පාඨමාලාවට (සිසුන් 200 ක් ).
මෙම ගෞරව උපාධිය පිරිනමන්නේ Electrical and Information Engineering Department මගින්. මේ වන විට IESL Full Accreditation / Washington Accord , Department එකට තියන නිසා . CE සදහා ද එම පිලිගැනීම ලැබීමට නියමිතයි.

දැනට EIE සතුව පවතින විද්‍යාගාර පහසුකම් වලට අමතරව CE සදහා නවීන පරිගණක විද්‍යාගාර 13 ක් ඉදිකිරීමට නියමිතය.
මෙහි උප අංශ වශයෙන්,

1. Data Science Engineering
2. Embedded Systems Engineering
3. Network security Engineering
4. Software Engineering
5. Systems Engineering

යන ක්ෂේත්‍ර 5 නම් කර තිබේ. පාඨමාලාව හදාරන කාලය තුළ මෙම ක්ෂේත්‍ර එකක හෝ කිහිපයක පූර්ණ නිපුණතාව ලබා ගත හැක.
දැනට විශාලතම රැකියා ඉල්ලුමක් පවතින ක්ෂේත්‍රයක් ලෙස Computer Engineering හදුනාගෙන තියෙනවා.

මීට සමගාමීව උපාධි ප්‍රධානය කරන වෙනත් පීඨ වලට සාපේක්ෂව Computer Engineering වලට තේරීමේ වැඩි හැකියාවක් රුහුණ ඉන්ජිනේරු පීඨය තුල පවතියි. (සමස්ත කණ්ඩායමෙන් 200/520)

මොකක්ද මේ IESL , IESL Accreditation වැදගත්ද?

IESL Accreditation වල වැදගත්කම මේ වන විට තවත් වැඩි වෙලා තියෙන්නේ. ඒකට හේතුව තමයි Engineering Council Sri Lanka මගින් ඉන්ජිනේරුවෙක් ලෙස සේවය කිරීමට අවශ්‍ය සහතිකය ලබා දීමට IESL අනිවාර්යය කර තිබීමයි. ඒ වගේම ඉංජිනේරු ක්ෂේත්‍ර ගණනාවකම IESL Accreditated උපාධි පාඨමාලා වෙනුවෙන් රැකියා සැපයීමේ ප්‍රමුඛතාවය දක්වයි.

IESL Accreditation කියන්නේ තනි උපාධි පාඨමාලාවක් හෝ ප්‍රධානය කරන Department සදහා, පිරිනමන සහතිකයයි. මෙහිදී එම උපාධි පාඨමාලාව පිලිගත් ප්‍රමිතින්ට අනුකූලව සහ නියමිත පහසුකම් යටතේ සිදුකරන බව කියවෙයි.

රුහුණ විශ්වවිද්‍යාලයේ ඉංජිනේරු පීඨය තුල

⭕️Civil and Environmental Engineering
⭕️Electrical and Information Engineering
⭕️Mechanical and Manufacturing Engineering

යන Department 3 සදහාම IESL පුර්ණ කාලීන අනුමැතිය හිමි වී ඇත.

Washington Accord යටතේ, IESL මගින් ශ්‍රි ලංකාවේ Accreditated ඉන්ජිනේරු උපාධි පාඨමාලා වල ප්‍රමිතිය නිරීක්ෂණය කරන ආකාරයට තවත් රටවල් 20 මගින් ඒ ඒ රටවල අදාල ආයතන මගින් ඉන්ජිනේරු පාඨමාලා නිරීක්ෂණය කරයි ඒ අනුව Washington Accord සදහා අයත් වන රටවල් වන්නේ,

South Korea 🇰🇷
Russia 🇷🇺
Malaysia 🇲🇾
China 🇨🇳
South Africa 🇿🇦
New Zealand 🇳🇿
Australia 🇦🇺
Canada 🇨🇦
Ireland 🇮🇪
Hong Kong🇭🇰
Chinese Thaipe 🇹🇼
Singapore 🇸🇬
Sri Lanka 🇱🇰
Japan🇯🇵
India🇮🇳
United States 🇺🇸
Turkey 🇹🇷
United Kingdom🇬🇧
Costa Rica 🇨🇷
Pakistan🇵🇰
Peru 🇵🇪

ඒ අනුව මෙම ඕනෑම රටක ඉන්ජිනේරුවකු ලෙස සේවය කිරීමට IESL සහතිකය මගින් හැකිවේ. විශේශත්වය වන්නේ රුහුණ විශ්වවිද්‍යාලයීය ඉංජිනේරු පීඨයට පූර්ණ වශයෙන් Washington Accord යටතේ IESL Accredited වී තිබීමයි.

සටහන: Thineth Liyanage

#Team_api

@mathsbio_api_Team

🔰🔰🔰🔰🔰🔰🔰🔰