وش العمر لو منتِ .. من سنينه 🤍.

كنك على ما قيل غاية مرادي ♥️.

‏والله أحبه حب مانيب مخفيه
حبٍ سكن باقصى الضماير دخلها .

‏ثم إني "في وجه حُبه وين مالدّيت "
‏مالي مخرج ولا منفذ لا منا ولا منّا .

تمنيت شي .. وقدر الله شي ، وصار
‏ولا لي سوى وجه الرضى لوتصنعته

‏أنا كنت أحسب إن راحة العبد فيما أختار
‏أثر خيرة المولى ، لـ عبده مسنّعته

‏نطحت الزمان بقوة العزم والاصرار
‏ولا اقول طوعني ، ولا اقول طوعته

‏تبغون الصراحه والله اني بغيت انهار
‏ظروف الحياه اقسى من اللي توقعته

" قلبي على ادناش هياضيّ / عوايّده ما يخليها"

خذني .. والعمر مره
‏ولا تردّني بالمرّه
‏انا قلبي يبي قلبك
‏رضى في خيره وشرّه

ولو حكيت عن المحبه
ما قصدت غيرك احد !

ما دريت إِنَّك بتاخذ قلبِي هالكثر ؟

درب ما يعز ممشاك
أقصر اخطاك عنه .

أغنيـت نفسـي ودرب العز مغنيني.
‏عن واقعٍ من وراه الكبـد مندبـله

‏صار الخطأ والمجامل شي روتيني
‏كلٍ يبي الطيب بالتزوير ينسب له

‏ما الله على مجامل الغاوين حاديني
‏نفسي على الصدق معتاده ومنجبله

‏أسمي وتركيبتي .. والوازع الديني
‏لا أغواني أبليس ردّتني على القبله.

كم لي وانا أفضّل العزله على الإجتماع
‏لعل نفسي بعد روع الفراق تهدى
‏
‏والبارحه طاح من وجه الصحيح القناع
‏وعرفت قدر الهنوف اللي خطاها قدى
‏
‏صلّت على قلبي وطافت طواف الوداع
‏ولا زال لـ جروحها بصمه وصوت وصدى .

لولا رحمة الله كان ماقمت يوم أطيح
‏ولاكان نفسي حطت الصبر مركاها

‏أكافح سرايا ضيقة الصدر بالتسبيح
‏مثل ماتكافح رمدة العين بدواها

‏تطيب الجروح الواجده والهموم تطيح
‏من القلب كان الله بلطفه تولاها

‏ عسى المقبله فيها من الجود هبة ريح
‏وعسى الماضيه تغفر من الله خطاياها.

لك وسط عيني مكان و وسط قلبي رفوف
‏ولك بين حدب الضلوع العوج درب وممر