مابقى لك في مشاويري مسافه اعتقد حنا .. وصلنا لـ الأخير

الندم والعذر ودموع الحسافه مالها قيمه بعد موت الضمير

خايف من البُعد ؟ لا لا تخافه لا تخاف البُعد و أحبابك كثير

اشكر احساسك على قل الكلافه يا كبيرٍ طحت من عيني صغير.

‏- ‏شوي و اموت ، من ظني وتفكيري ‏وما يشهق الحب في صدري وما يزفر

كل ما اذكر ان الخطا اصغر من معاذيري ‏اضحك على قلبي المسكين .. واستغفر !

جازت له الغيبه وللحين غايب مايدري ان الشوق في خافقي حيّ

من طول الغيبات عنده حبايب ماعاد فيها لا غنايم ولا شيّ .

‏إكل من الكبر والتطنيش ماتشتهي ‏وأشبع غرورك ولامنك شبعت السعه

‏ماني بقايل علامك ليه ماهيب إهي ‏من يقمعك، بالتغلي بالفراق اقمعه

ما حزنت إلا على هقواتي ، وطيبي ، وظني يوم كنت أظنه أطيب من على الدنيا لقيته

كنت أشوفه قطعةٍ من قلبي وروحي ومني ! وكنت أشوفه كل حلم وكل شي قد بغيته.

ما هقيت إنه بيحزنّي وعاده : بيغبنّي ! في وفاي اللي وفيت وفي غلاي اللي عطيته .

في سكون الليل و الظلما يدور بْها القمر ‏من كثر ماهو هدو صارت نجومه خافته