هون الجواب بسيط

بما أنه نحن عنا مورثة sry معناها حتما في عنا صبغي y يعني الصيغة الصبغية حتما xy
ولكن بما أنه في عليها لهالمورثة طفرة فهالمورثة مارح تشتغل وبالتالي بداءة المنسل مارح يجيها بروتين يحولها لخصية فرح تصير لحالها مبيض
وبالتالي رح يصير الشكل الخارجي للكائن أنثى
ولكن صيغتها الصبغية xy وبتكون عندها أمراض كتير لأنه ماعندها xx

وفي حالات طبية نادرة جدا بتكون الخصية متشكلة في جدار البطن ولكن عاجزة عن إفراز التستوستيرون وبالتالي بتتطور الأعضاء الخارجية إلى ثلثي مهبل
ولكن لا يتشكل الرحم

فتكون الأنثى بهذه الحالة بدون دورة وغير قادرة على الحمل




إذا مافهمت شي خليك طبيعي هاد حكي صعب
وهو فوق مستواكم بكتير


موفقين❤️

سؤال فني

بالدرس الأول فيروسات وبالتقويم النهائي السؤال الأول مكتوب أنه الفيروسات خالية من الأنظيمات


طيب يا أستاذ شلون هالهحكي غلط ؟؟
مكتوب بالكتاب أنه هي خالية من الأنظيمات شلون بتقويم الدرس عم يقولوا غير هيك؟؟؟

هدي علي شوي
رح وضحلك

أولا بشرح الدرس عم يقولوا أنه هي خالية من الأنظيمات (( الاستقلابية ))

أما غير أنظيمات بتكون موجودة عادي


طب أستاذ أقلك شغلة وما بتزعل مني😅 أنا أصلا ما بعرف شو يعني أنظيمات 😢😢


طيب رح فهمك
الأنظيمات تعريفها العلمي أنه هي بتساعد بتسريع التفاعل الكيميائي يعني محفزات

واسئلوا أستاذكن الكيمياء شو يعني محفزات هو بيقلكم

هالأنظيمات هي أساس كل الكائنات الحية ومافينها أي خلية تكمل حياتها من غير أنظيمات لأنه بتساعد تقريبا بكل الخطوات الحية البيولوجية بالخلية سواء نقل شاردة أو تفكيك مركب أو نسخ dna أو rna أو ترجمتهم أو تعمل كمستقبلات للإشارات الخلوية



فأكيييييد الفيروس عنده أنظيمات


ولكن تغيب عنده فقط فقط الأنظيمات الاستقلابية اللي بتساعد بعملية الهضم فيعجز عن الأكل متل ما بيقولوا وبيعتمد على الكائن المضيف بتغذيته


يعني بياخد اللقمة جاهزة وخالصة


يلا موفقين❤️

شرح الدرس الثامن تكاثر ❤️

مقدمة عن الدرس والجهاز التكاثري وشرح الرسمة

الفقرة١

⭕️ ختام الدرس ٨ تكاثر ⭕️