شفـايتلي ورده مطـرزه
والمـع بطـارف ثـوبچ

لـ ادهم عادل❤

كلهم ماخذوا كلبي مثل عينج

لـ سلوان عادل❤

جربت مره وبعدها
زنجر بگلبي القفل
بيوم حب بارد جمعنه
واعرفت مانشتعل
.. العظيم الگاطع ❤

كالو طاح
كالو طاح كلتلهم فلا يرتاح
وما ترتاح لان سديت اذانك من ضميرك صاح
وهي مزنه ثجيله وعاصف وحالوب
يريدلهن سكف مصبوب موش الواح
ريح امسودنه وبيها المعمره اطيح
وانته اعويد حلفه منيلك سباح
جان الخير وافر والغثيث ايضيع
بس من صفه الحاصل شالك المراوح
بالزرع الجثير اتشيل شوف العين
والنبته الخبيثه اتفوت عالفلاح
ماترتاح------
من هاج البحر وبعد علينه الكيش
غادرت السفينه وخنت بالملاح
وحشمت العواصف والمطر والريح
لذكرت الربه ولا كلت بيها ارواح
صحبة عمر جانت والعمر دربين
اشو بأول الخطوه وماي وجهك طاح
بدلت الكلوب الجانت اتهم بيك
بمسامر لواكه وليل مغنه وراح
ولميت العفن والسكط والممروض
وخاويت الودر والزفر واللفاح
ومن دارت الدنيه اوزره وياك الحال
غطو روسهم والداح منهم داح
ما ترتاح ------

عريان السيد خلف❤

بطّلت ماعاد أحبك
لچن بگلبي نزيزة عتب
خلينه أنتلاگه
چنه مانعرف بعضنه ..

،،
الكبير
مظفر -❤

آه ياوطن يا خبز يالشارتك تكتل !!

آه يا وطن يا طفل ..

هِنياله منْ صاغ إلك نبض الكَلب جنجل !!

يا وطن .. زٌفة كَمر

ياعراق زَفة كَمر

ونجوم إلهْ إتهلهلْ !!

عذبٌني ما عذبٌك ..

إكتلتني ما أكتلك ..

طبع اليحب ينكتل موش اليحب يكتل

***

آه يا وطن يا جَذِر !!

والجذر هم بيه طبع ..

لو مات من العطش للوادي ماينزل !!

علٌمني إل فراﮒ

أعزف لحن غربتي إبقيثارة أشواﮒ

أسهر \ وحن\ وأنفعل

وأتمنىٌ واشتاﮒ

مامش مثل ديرتي

لو نمشي طول العمر !!!

ماﺘﻠﮔه مثل إعراﮔنا إعراگ
كبيرهم
كاظم اسماعيل الكاطع❤

ومرخوص غني ابلا حرج
اطرب على الحسرات أظن تدريني

الكبير كاظم اسماعيل الكاطع

عذبني ماعذبك ...وكتلني ....مااكتلك
طبع اليحب ...ينكتل موش اليحب يكتل

الشاعر الاول الكاطع❤

وذاك انه..
وجرحي اعله حاله!!
اينام ويندهه الونين..
وتالي يالمالك رفيج..
اتهدمت اسنيني
وطحت بجفاك..
وفراكَك غميج
لاجرف ونساك بيه..
او لا على غيرك يوديني الطريج.؟!
او لا هذا انته الوفي..
ابكَلبك نداوة شوكَ وطلع غريج..

الحب كاظم الكاطع ❤

كظ حدك
كظ حدك تره اتماديت
كظ حدك
ولك داير جرب بالناس
خليلك اظافر من تحك جلدك
هاك امرايت الايام
لو عندك عيون اتشوف
شوف الطين البخدك
عليمن جاعد وانت
لا تاهب زبيبة ...ولا كتلت حصان
ولا جدي بمضيفة كهوجي جدك
واحنة كلمن بدينة
لا شعري مو مثل شعرك
ولا وجدي مثل وجدك
عليمن جاعد وانته
تسبني وتنتظر ردي
واسبك وانتظر ردك
لا صلت وراي الناس
التريدك ...
ولا كفارنا باصنامه اتعبدك
لكن بالشعر نندك
تكصر اكدر ابمدك
تنحل اكدر الشدك
يالعمرك جزة الخمسين شايب ماكمل رشدك
عمرك مو جزاه هواي
وانته ابعقل الحديثات وجفوفك على نهدك
ولو تارس شليلي احجار
عفتك تنبح الوحدك
الي ساعة غضب وياك
تذكره الولد ولدك
تونسو مرجعيه الشعر
الراحل كاظم اسماعيل الكاطع❤

كــون اشــگ گــلــبي واشــوفــك

چــا گــلت عفيــه علــيك ، شــلون صــابــر ، ؟
،
الكاطع❤

لذيذ الجرح ، طعمك بيَّ

ذياب كزار❤

گليّ لو تجبر خواطرنه شيصير
وع الطواري اعيونه التسهر تنام
بگلبي وحشة ليل
وعيونك ظلام


عريان السيد ❤

بشرني يعبيد شكو؟
أشلونة الأمير ويّ الشعب؟
عن الأميّة أيدلي؟
لا والله گاطعنة العطش
بس هوَ خوش يصلي!


مظفر النواب
المهم. خوش يصلي😑

دخن ولو چبد اليدخن يسل..
وأشرب مع البيگ التشربه جمر..

وأشرب ولو طبع اليدامن يذل..
وأشرب ذليل الما سكر بالخمر..

صاحب الضويري ❤

چنه نشوف كلشي وكلشي نقراه
عدنه عيون بس مدري شعمانه

لـ صاحب الضويري❤

دربك ريح
گوم وطيح
وأعبر كل جسر محروگ وتلوه
امش للموت امش گوه ..

لـ علي الشباني❤

مطرت حيل .
والحلوات ملتهيات
نسن ما لمّن من الحبل فوگ السطح...
للسهره قميص النوم

ياااا .. وشلون ؟
هسه شلون ؟

يلّه الليله مالازم قميص النوم

الليله الگمر عَ الچرچف الشذري ....
گمر .. بس گمر يضوي ..
بغير ثوب غيوم !

_معتز سامي❤

چذابين كل ذوله اليغنولك
أنه الغنوة الرذاذه البلّلت طولك
أنه الغنوة الگصيبه العانگت طولك

معتز سامي❤

‏غَنيتلك موطني ... موطني
‏وبگاعك شكَد غُرب
‏أستَشهد وأنضرب وأدري الوَطن مو الي ..


سجاد الغريب
مابيكم شريف وعلي