أنا صاحب الذنوب الكثيره فعندما
تجدني في مجالس الحسين لا تنتقدني
بل شجعني لعل الله يغفرلي

والله بلوه؟

ماشفت هيج ترافه

ولامثل عودك مرن

جرني جرت آخر نفس

اني بزبيلك صم تتن

يالكاسرتني بكعدتك

طرني الفجر

وين اعله ياصفحه استجن

مو جيبت المتوازي جبتك

واشتريتك شروة اليشريله دن

مداره طير مداري روحك

جف دليل، وجف يطش عشك دخن

نام الك عيني وحضنها

ومهدك افراشه الجفن

أفرد بجنحك يطيري

وعلي فوكي ولاتحن

صعدت العش الكناري

وخربته حية التبن

مو لعبة محيبس وكتنه

المحبس بيا جف تضن ،،،💗💗💗

وحيداً في شتاءات العمر الطويلة ،
أنا حطب حرائقهم القديم !

لـو خـلـه الـزمـن ثـگـلـه إعـلـه چـتـفـي وداس
أحــس ثـگل الـجبل ريـشـه عـلـى چـتـافــي

ولــو مــيـــت ...
وأفــــــوت بـشـارع أمــشـيـــناه

أنــســه جــنــازتـــي وتـتــحــرك أطـــرافـــي

الاول


#كـاظـم أسـمـاعـيل الـگـاطـع❤

من گد ما حلو
تتنخه بيه الناس
ويشمرون جفيته
اعله المعسره

وهذيج الشگگت يوسف قميص ابدار
من فات ابدربهه وشمشمت عطره

مو بس القميص
اكضه وشك بي
چا شگت قميصه وشگگت ضهره



#بارق_العاشقي❤

ادري الوجه يندار ولغيري عينه
يوميه وي بحار مثل السفينه.


#الكاطع❤

شفت مايك گلت خليني عطشان.

كرهت الماي من كثر اليشربون.

إذا ضنيت اردلك انته غلطان.

يا دمعه الرضت ترجع للعيون

#سمير صبيح❤

ومن بعد سكته طويلة الشوك خللاني اعترف
كتله احبك صد عليه وكالي انته شكد صلف
شلون تنطق هالحجايه وما الك بيه عرف
كتله هذا الي احسه وجرحك بكلبي كلف
من اشوفك انسه روحي وكلبي يمعود يرف
وشكثر حاولت اكلك لجن خانتني الجسارة

فاضل عبد الساده❤

للـبـاب اجـي واسـتـحـي واتـحـيـر ابـدگـتـه
ويـاك عـنـدي حـچـي يـالـصـبـري خـلـصـتـه

ظـمـيـتـه كـل هـالـوكـت والـيـوم اجـه وكـتـه

مـا بيـهـه عـيـب اشـتـكـي قـابـل غـريـب انـتـه ؟
بـس افـتـهـم قـصـتـي وحـط عـيـنـك ابـعـيـنـي

يـا ريـت لـو نـلـتـقـي وعـيـنـك تـحـاچـيـنـي
مـو بـيـدي احـس الـكـبـر بـين عـلـى اسـنـيـنـي

واعـدنـي وابـقـه انـتـظـر .. بـس انـتـظـر لـمـتـه ..؟
ويـاك عـنـدي حـچـي يـالـصـبـري خـلـصـتـه.

#كاظم الگاطع
كبيرهم❤

فـرق بيناتنه ابكـل المشاوير
مثل فرق البنادق والعصافير

حمامة ارويحتي وطبعك رصاصات
تـحـاصـرنـي بجحيمك وين ما اطير

لوحه مشركـه الروح بخطاياك
شـيـل ايـدك بـعـد لـدك بسامير 

#طالب السوداني❤🤟

بحلاه النوم.
والصايح ندهني اگعد.
عركني الولد بالطيف.

شگ ثوب العليه ومرعده تمرعد.

ركضنه وللطريق العام
وخيول الصبر ما فادهه تحدد.

مدمه وما غسلت الدم.
غبشت بليل انه المشتاگ.
عندي وي الجرح موعد

ادگ اعله الخواصر حيل امرد بيهن تمرد.

وبسچين اگشر الروح حته الشافني يشرد.


#كاظم الگاطع .❤

مشتاقين وعلي بس مثل متعرفون النت ماكو💔

ماذكرتك
الا وانه بـ ضيجه من ضيجات خلگي
وزينه من زينات ذاتك


لــ مظفر النواب

أحسک تكبر بروحي ويلوموني
وانه بلا شوفتک شينفعن اعيوني
يشوكي ورجوتي ودنيتي ولوني
وعذابي ولهفتي وشكواي واضنوني
يخيّ عونک عليّه وبيک خيّ عوني

لـ عريان❤
ي وحقك💔

امس روج الحزن غرگ سفينتنة

لـ علي الشباني❤

أحبك ، و إلمسافة إوياك شارع و إثنعش بوسة



عبدالعظيم السوداني
جاه بعد شتريد ولك❤

‏الما اريده بقى واللي اريده رحل
والچان نازل علا والچان عالي نزل

مايستحي هالزمن وامنين اجاه الخجل
الفرصة الاخيرة اجت وتصادرت بالعجل

اعظم شاعر كاظم الكاطع ❤

وإنتَ بدورة إعيونك زعل يذبح
واظل بدروبك الصعبه فعل ينبح
وتظل إنتَ حبيبي ، ومو حبيبي




علي الشُباني❤

.
يجي يوم النوارس ذيج
ماتغفى بشواطينه
يجي يوم النحبه ايصير
يكره حتى طارينه

علي الشباني❤

چا هيچ اليميل إمن العشگ لو مال؟
إنتلاگة بيا حلم ، والنوم ألأول شال؟


ريسان الخزعلي❤