ضبابيه المشاهد والمشي بلا شوف
وتيهنه الدرب والحادي والحمال ..!!

عطأ السعيدي..❤

الفراش يطير مفرد
والجراد أسراب
لجن ياهو الحدايق تحتفي بلمته

دخان المزابل
يطم عين الكون
لجن عود البخور الحلفوا ابخته

مترهي الجبل بس ما تعافى بيوم
ولا شالت خشمها اعله السفح قمته

فوك من الخشم
متعلي عرش العين
لجن تصرخ دمع لو سمعت بطكته

لتغرك زنودك
كون مفتولات
أبو فاضل سحكها بلا زند تحته

وليغرك مجانك
كون عالي يصير
شما يعلى النخل ينشص قبل وكته

ولتغرك سكتي
كون خلكي يطول
البحر يرهب بصوته ويكتل بصمته

#الراحل #الكبير #سعد #محمد #الحسن ❤

چم زله منك بينت
ما اجيت اعاتب مره

من عشرتك گلي اشفت
غير الألم والحسره

كلمات الراحل زامل سعيد فتاح❤

اذا هذهي رغبتك والهجر سواك
موش انه اليعت بذيال بايعته
مكفوضه وابوه اليدك باب اهواك
لابو يوصلك لو تظل بس انته

عطا السعيدي ❤

انتهه بلحظه العشگ والشوگ والهمسه
مثل جنح الفراشه الينتهي بلمسه

غني محسن❤

لو ميت وامر بشارع مشيناه
انسه جنازتي وتتحرك اطرافي
العظيم كاظم اسماعيل ❤

سفره مع الثمل والعذب شعرا .. جمعه الحلفي

ﻛﻞ ﻳﻮﻡ
ﺗﻮﻋﺪﻧﻲ ﺗﺠﻴﻨﻲ ﻭﻣﺎ ﺗﺠﻲ

ﻛﻞ ﻳﻮﻡ ﺃﻭﺻﻲ ﺍﻟﻨﺠﻤﺔ ...
ﺗﻮﮔﻔﻠﻚ ﻋﻠﻰ ﺍﻟﺸﺒﺎﭺ
ﻧﺎﺭ ﺗﺎﺧﺬﻧﻲ ﻭﻳﻄﻔﻴﻨﻲ ﺍﻟﺒﭽﻲ

ﭼﻨﺖ ﺍﺭﻳﺪ ﺍﺭﺗﭽﻲ ﻋﻠﻴﻚ ..
ﻃﻠﻌﺖ ﺍﻧﺘﻪ ﺍﻟﻤﺮﺗﭽﻲ !

ﺁﺥ ..
ﺁﺥ ﻟﻮ ﺗﺪﺭﻱ .. ﺷﮕﺪ ﺿﺎﻡ ﻟﻌﻴﻮﻧﻚ .. ﺣﭽﻲ؟

***** ********

ﺷﻤﺤﻲ ﻣﻨﻚ؟
ﺷﺮﺳﻢ ﺑﻔﻀﺔ ﻋﺬﺍﺑﻲ ﻭﻟﻮﺡ ﻋﻤﺮﻱ
ﺣﺠﺎﻳﻪ ﻣﻨﻚ !

ﺷﺄﻛﺘﺐ ﺑﺪﻓﺘﺮ ﻏﻴﺎﺑﻚ ؟
ﻃﻮﻟﻚ ؟
ﻃﻮﻟﻚ ﻣﺜﺎﻭﺏ ﻣﺴﺘﺤﻪ ...ﻭﭼﺬﺍﺏ ﻧﻮﻣﻚ

ﻣﻦ ﺍﺟﻴﺴﻚ
ﺗﻨﻔﺮﻁ ﺣﺒﺎﺕ ﺭﻭﺣﻲ ﻋﻠﻪ ﺍﻟﭽﺮﺍﭼﻒ

ﺷﻠﻮﻥ ﺃﻟﻢ ﺭﻭﺣﻲ ﻭﺃﻟﻤﻚ؟
ﺷﻠﻮﻥ ﺑﻴﻪ .. ﺷﻠﻮﻥ ﺑﻴﻚ؟
ﺷﻠﻮﻥ ﺍﻓﺮﻓﻂ ﺭﻭﺣﻲ ﻳﻤّﻚ
ﻭﺣﺒﻪ ﺣﺒﻪ ﻣﻦ ﺍﺭﺩْ ﺍﺿﻤﻚ؟

ﺯﻳﺒﮓ ﻣﺮﺍﻳﺔ ﻟﻬﺎﺗﻚ
ﺣﺎﺿﺮ ﻭﻏﺎﻳﺐ ﻭﺍﺷﻤﻚ

ﻣﺮﺍﻳﻪ ﺣﺰﻧﻚ ﻭﺍﺷﺘﻜﻴﻠﻚ
ﻭﺍﻧﺘﻪ ﻣﻨﻚ ﺗﺸﺘﻜﻴﻨﻲ
ﻳﺎﻫﻮ ﺑﻴﻨﻪ ﺍﻟﻴﺸﻜﻲ ﻣﻨﻚ؟

شمحي منك ..

***** ********

ﭼﻨﺖ ﺃﺩﻭﺭﻟﻚ ﺑﺮﻭﺣﻲ ﻋﻠﻰ ﮔﻤﺮﻩ
ﺗﻔﻴﻲ ﻟﺴﻨﻴﻨﻚ ﻭﺗﻨﺜﺮﻟﻚ ﺳﻌﺪ

ﭼﻨﺖ ﺃﺩﻭﺭﻟﻚ ﻋﻠﻰ ﻏﻴﻤﻪ ﺯﻏﻴﺮﻩ
ﺗﻄﺶ ﻋﻠﻰ ﺃﻳﺎﻣﻚ ﻭﺭﺩ

ﭼﻨﺖ ﺍﺳﺎﻣﺢ ﻭﺍﺷﺘﻜﻴﻠﻚ
ﻳﻠﻲ ﻏﺎﺭﮒ ﺑﺎﻟﺪﻓﻮ
ﻭﻙ ﺭﻭﺣﻲ ﻣﻠﻴﺎﻧﻪ ﺑﺮﺩ

قررت اصيرً خشب.

وضلت على رغبته شيفصل النجار
يصبح مماتي سهل لمن اريد انتحر
اركض على المنشار

كاظم الكاطع❤

الفراش يطير مفرد
والجراد اسراب
لجن ياهو الحدايق تحتفي بلمته
دخان المزابل
يطم عين الكون
لجن عود البخور الحلفوا ابخته
سعد محمد الحسن❤

لا تقفل قفل وتحسبه مامون
اذا ترهم عليه كومة مفاتيح
ولا تتبع اثر بخدود الرمال
اذا چانت مطر ومسودنه الريح
ولا تعاشر بشر وتورجه بسرار
اذا ماي الحياء بگصَّته شحيح
ولتعاتب نخل ماحمَّل عثوگ
خطية النخل برگاب الفلاليح
اذا مركب شله وحَب ايد الگياش
موصوچ النهر صوچ الملاليح
اذا شطك حطب وجروفه نيران
بعد تعتب عليمن علسوابيح؟
اذا جنحك شمع والشمس تتنخاك
موفشله لون ابابها اطيح
واذا كلك خشب وتصيحك النار
شحلاة الدم لون علموقف يسيح
العيد يجي بفرحة يوزع الناس
ونه حصتي التعب مثل المراجيح
من اصابعها يسيل الخير جروان
وتال البوه حصتها المراويح
ملح بعيونهن لا تغفه وتنام
لچن من تحترگ تغفه المصابيح
وعلى الماي العذب ماهادت بيوم
لچن حضن الوصل عيد التماسيح

 سعد محمد الحسن ❤

صحيح السيسبان يلوذ بيه الياس
لجن ياهو صواني العرس عازمته
وصحيح الجوري نام بمنه الصفصاف
لجن ياهو الخشوم تعنت الشمته

الكبير سعد محمد الحسن❤

عاشكين احنه وهوينه
ومثل ماردنه لكينه
وداعتك ذاك انته غالي
حبيب وسلوة حجينه..
#حاسبينك

زامل سعيد فتاح❤

ولم القى الا السراب العظيم



مظفر النواب

محتمل كل شيء
سوى انني مخطئ في غرامي
بهم والسؤال




مظفر النواب

قصيده "《عشت وحدي》"

عشت وحدي
مثل جية صفر مكرو ما رادوني حتى اهلي
مشه بيه الحزن بالروح مثل نارة وكلت بردي
مدري العوز شنهي يريد
يعت بيه واخذني بعيد
انه المحتاج فرحه بكد جهال العيد
انه الهمه على عيونه
رذاذ البجفن شوغات ما تدري الاغاني امتاع
صرت مثل النهر مفضوح ما سترتني حتى الگاع
مهي شهگه وجع بالروح
مدري بيا كتر اندار خاطر ما يجيني الموت
مثل رجفت سنون الخوف رجف بيه العمر بسكوت
وزهك حيلي
مثل منخل يجر بيه الدهر صوبين
مدري بيا جتف ارتاح مرة وما يمر ليلي
وهذا انه
مثل عاگول مامش عاشگ يشمني
ولا فلاح يحويني
عشت گوة مثل الروج تعت بيه نواية الريح
يهلبت والبقن هينات مامش بيه صوت يصيح
ويعشريني الگظن بالظيم
حلات الياس من يكبر تريده الناس
تالي الليل انه وحزني رفاگه نصير
معشر عود وي الكاس
دبسك يا وكت هدي
انه مثل الشمس مريود كل هذا وعشت وحدي

احمد رسن

من ارد ...احبك
وانه
احبك…
حيل .…احبك
تنرسم گدامي دنيا
حلوه كلش
كلشي...بيها
وفوگ ماجنت انه…..اريد
ياحبيبي
ال عاشگك
من وانه جاهل
جنت اوديلك رسايل
گبل ماعرف الرسايل… والبريد
ياحبيبي
ياعطر
يامدري… شنهو
يفوح منك
من حظرتك
اااخ
ياريشه اعله راسك
ااااخ راسك
كون اشمه
گون
يتراوالي…اشمك
حتى….. لو بس…. من….بعيد
ياحبيبي
الماهويته
ولاعشگته انه بمزاجي
دوم
ويذكرني بيك
مكابر امي
وصبر…ابوي
شايفك
بين اليتامه ال ع الرصيف
شايفك
بيرغ عرب
يا شاره خظره
زاهيه ب عز الخريف
شايفك
گمريه كلش
حلوه كلش مو فقط نار…وحديد
ياحبيبي
الليله اجيتك
مثل
ما كل ليله اجيك
شايل ذنوبي اعله متني
ضايع
الليله…وغريب
مثل
ماكل مره اجيك
والگه….روحي
الگه
روحي…
گبال…منك واگف ابنادم….جديد….!!!!!

محمد لفته العماري

منذ ألف عام وأنا أحبك!
مثلك أنا، لا أؤمن بالحب من اللدغة الأولى
لكنني أعرف أننا التقينا من قبل
منذ عصور..


غادة السمان

#انتفاضة_تشرين_العظيمة

عمم الهاشتاگ

جنت طير واطيرن وين ماريد
هسه الشوف حده لمدت الايد.




سعدون قاسم

عمري 6 الاف خطوة من القحط




لطيف العامري