‏هاي هيه وداعتج لاتستحين ؟! دوسي فوك الروح العبي و
‏واعديني ولا تجــــين
‏حبي غيري .. اشاقي .. اضحكي ..
‏صاحبي..وحقج يحلوه تصاحبين
‏
‏⁧ لـ الكاطع ⁩❤

من بعيد بروحي الك رجفة عرس

ومن كريب اصفن بعينك

بلكي يطفح بيها ذاك الماي من شوغات امس

بوجهك اغنية وطن تعصر بريتي

واسمك الماينكتب صورة الــ هويتي

منين اضيع وجهي عنك

ياهلي وناسي وثنيتي

ياقضيتي

لــِ عقيل العرد
❤

طشينه الجفوف لعين ملگاك
ما لحگنه بيها نجيب چگليت

بارق العاشقي❤

محتار اصدگك مدري اچذبك
يل ما عرفت اسرار گلبك

امرين وانته اختار يهواي
لـو نفترگ لـو تبقه وياي
ضليت لا رايح ولا جاي

وما ادري وين ايذبني دربك

للراحل فاضل عبد الساده

💖

بيه هَم الدنيآ كلهآ
و عيني بـ الدمعه بخيله
و همي مآ سولفته لـ آحد ..
خآف يحسبني آشتكيله !!
من وعيت و آني ضآيع
مآكو عنوآن آعتنيله
و لآ آكو وآحد دگلي صدره
و گآل ذِب حِملك و آشيله !

لـ فآضل عبد السآده❤

#النواب
مالة أحد شغل بية،،
جرس عطلة،،
وحيل ادگ نوبات وحدي..
.
#الكاطع
.بعد ساعة الج ياروحي...
ساعة ومهلتج ساعة...
لو نحجي الصدك ونغطي زر العيب...
لو نخرب واذب عليج طركاعة.....
.
........
.
#عريان
يشبگ رموشه عله طرواك الجفن،،
.
#صاحب الضويري
ما اجينة بكيفنة لهاي الحياة،،
صبلي خل اشرب وموت بكيفي،،
.
#عطا السعيدي
اﻻعور گلة اعور مو چريم العين،،
وابو الجنيب گلة بمشيتك لولة،،
.
#محسن الخياط
مو عيب لو عريانة اجت،،
بس عيب عل ما غمضو،،
.
#غني محسن
ماعندي حمل يتطشر بريح،،
اچودر وين ماذبتني دنياي،،
.
#كاظم خبط
ياحبيبي وداعتك،،
الكاس من تيزاب
وانه لخاطر عيونك جرعته،،
.
#فاظل عبد السادة
الناس بيهة جروح تحتاج لطبيب،،
وانة بية جروح تحتاجلهة ناس،،
..
.
#سمير_صبيح
بيه شوگ يهزلة دنية وماگدر بسمك يصيح.

مربوطه روحي بحضرتك
ترضه دخيلك ينولي ..
موش اني الك
موش انت الي

الاول الكاطع❤

شگالولك عليه وصار وجهك سيف
وتعرفني التكتلك والحـجي مصدگه
شجره اومو بديه وتدري وكتك ريح
وتحملني ذنب من طيحت ورگه
.
الكبير سمير صبيح ❤

الناس بيهه جروح تحتاج لطبيب
وانه بيه اجروح تحتاجلهه ناس

وكبل حسره تخلف بكلبي اليغيب
وبانتضاره ابقه شمع وشواكي ياس

لكن من شفت الغدر من القريب
بدلت دمعي ضحك والسلوى كاس

انه عاشك ضيم واطرب للنحيب
هم شفت شجره بحياتك تهوى فاس

وعاشرت بلبل ربه ولكيته ذيب
وهسه أشك حته بعوادين الأقفاص

وليش ياكلبي لضلمهم نستجيب
وَيَا عبريء اليقبل بحكم القصاص

ولا اتصولي العدو بصورة حبيب
ولا اتكلي الورد اقسى من الرصاص

ولا اتكلي النار مابيهه لهيب
انه شاعر لا تصير برأسي قاص

للكبير فاضل عبد الساده❤

جنتي علعشاك اميره
ورغم كبرج لاجن بعيني زغيره
هسه راح الصبغ منج
وبينت شيبات بطراف الظفيره
ولو مو طبعي البذائه
لكن اضطريت اوصفج بالحقيره

#الكاطع
الاول❤

لو طاهر حليب الدهر ماخان
الگاطع
الاول❤

الكاطع عندما يكون متأخر❤
...

كون احطنج وراج
وشوفي شمسوي كفاج

وانه مجنون وترس كلبي هواج
انه عاشك حتى ذاكرته انمحت
بس ما نساج .....

وين الصبح .. ؟!
ما بينت .. ؟!
من علمك هذا الصد .. ؟!
تنساني وٱني الجنت ٱطك .. سن إعله سن من تبرد ؟!
وأتمرجل إعله العاركك .. وٱنغر صدگ وٱتهدد
يا واشي هذا الغيرك .. يابن حرام الآيد ؟!
ياجف سطر عقل الوفه .. الماجان عد كل ٱحد ؟!
هسا ضروفك عرست .. وياي والباب إنسد
هسا جزر شطنه وطلع .. ماي الحجولك آزود
هسا صدگ هسا طلع .. حجي العشگ ما مسند
عمي إعله كيفك ياحلو ..
يشگر يبو خد وخد ...

سيد #امين_ابوغربان❤

كون تعرف ناسك كبل شرب الماي
وكَبل الماي ميّز معدن الطاسه
لاتنشد المنجل ليش مات العود
مات العود جيفن ماعرف ناسه
شجرة شلون شجرة تصادك الحطاب
واتأمن متنها بركبة الفاسه

لعباس العبادي❤

شوفلك ظلمه اعلى طولك
واشعل الماتشتهي عيونك صورهم

هلبت تحن الكواغد
هلبت تبطل تدك مرة يگلبي
وتغسل ايد وماتواعد

صاحب الضويري❤

اتزعلون بينه ونستحي جينه بعصافير وسمه

تالي بغصن ردينه




محمد الشمري❤

مشــينه مزاعــلينك غــير تلحـــگنه!!




#مظــــفــر_النــــواب❤
شمالك خايب🤦‍♀️

آنـه الزرعـت الشمـس وابيتـي مامـش ضـوه
لأهـل الحظـوظ الرطـب و احنـه سهمنـه النـوه .

الكاطــع❤

ضبابيه المشاهد والمشي بلا شوف
وتيهنه الدرب والحادي والحمال ..!!

عطأ السعيدي..❤

الفراش يطير مفرد
والجراد أسراب
لجن ياهو الحدايق تحتفي بلمته

دخان المزابل
يطم عين الكون
لجن عود البخور الحلفوا ابخته

مترهي الجبل بس ما تعافى بيوم
ولا شالت خشمها اعله السفح قمته

فوك من الخشم
متعلي عرش العين
لجن تصرخ دمع لو سمعت بطكته

لتغرك زنودك
كون مفتولات
أبو فاضل سحكها بلا زند تحته

وليغرك مجانك
كون عالي يصير
شما يعلى النخل ينشص قبل وكته

ولتغرك سكتي
كون خلكي يطول
البحر يرهب بصوته ويكتل بصمته

#الراحل #الكبير #سعد #محمد #الحسن ❤

چم زله منك بينت
ما اجيت اعاتب مره

من عشرتك گلي اشفت
غير الألم والحسره

كلمات الراحل زامل سعيد فتاح❤