{كشف حمادة}(76) وداعاً شاعر القصيدة المهربة

https://www.youtube.com/watch?v=gKxZODMSuWw&list=PLBsIgVvbrncAh0AZmC-LIXEQWlSbz7MZq

سنة 1934 ، وجوه قصر بيطل على نهر دجلة في العراق ، بتسكنه أسرة من سلالة عيلة النواب..العيلة الغنية اللي كانت بتحكم ولاية من ولايات الهند قبل الاحتلال الإنجليزي ، يتولد طفل يسموه مظفر..اللحظة اللي مكانش حد يتخيل ساعتها صورة عن مستقبل الطفل ده، غير أنه هيطلع تلقائيا طفل ثري متدلع ، شايل معاه اسم العيلة الأرستقراطية صاحبة الثراء والنفوذ..لكن اللي حصل إن اللحظة دي كانت لحظة ميلاد مناضل حقوقي، مشاغب خارج عن النص ، معبر بأشعاره عن نبض وهموم الغلابة والمستضعفين، مش بس في بلده العراق، لكن في كل البلاد العربية سواء المنكوبة بالاحتلال، أو المنكوبة بحكامها..عشان يعيش عمره كله ما بين معتقل أو مطارد أو مهاجر ، زي ما كان مرافقه القلق والخطر ، كان مصاحبه الورقة والقلم..يدوس على زناد الشعر أو الهجاء من اي مكان، توصل الرصاصة وتنتشر في الوطن العربي كله ، فاستحق عن جدارة لقب شاعر القصيدة المهربة، الشاعر الكبير مظفر النواب

{تعاشب شاي}(984) لما امك تعملك فضائية في البيت

https://www.youtube.com/watch?v=1uduZrUPJIY&list=PLBsIgVvbrncB0M8dlzAbvjl79Nu8v_BW4

بقالنا سنين بنسمع مصطلح الجمهورية الجديدة .. و سيادة الريس السيسي بقي كل ما يشوف وشنا و يقفش في الحديدة يقعد يكلمنا عنها .. بس لحد دلوقتي مفيش حد فاهم تطلع ايه الجمهورية الجديدة دي و بتعمل ايه بالظبط يعني لمؤاخذة .. و لما رحنا سالنا الجماعة في سلطة البلح ..الجمهورية الجديدة دي عبارة عن ايه يا اخوانا و موجودة فين .. قالولنا سهلة اوي .. افتحوا التليفزيون و هاتوا اي قناة من قنوات الاعلام المصري المطبلاتي .. و بصوا علي الشاشة كويس .. هتلاقوا الجمهورية الجديدة مرمية في هاشتاج فوق علي الشمال كده ..بس يا عم هي دي .. ايه ده خلاص كده ؟ اه طبعا اومال انتوا فاكرين ايه

{تعاشب شاي}(985) كداب يا خيشة

https://www.youtube.com/watch?v=1uduZrUPJIY&list=PLBsIgVvbrncB0M8dlzAbvjl79Nu8v_BW4

الكل عارف كويس اوي ان الصهاينة مبيبطلوش كدب .. لدرجة ان فيه ناس بياكدوا ان الصهاينة بيكذبوا اكتر من الزعيم السيسي نفسه .. عموما يعني السيسي و الصهاينة واحد و مفيش بينهم تكليف و متفرقش مين فيهم بيكدب اكتر من التاني .. بس الي ناس كتير ميعرفهوش ان الصهاينة بيبذلوا مجهود كبير اوي علشان يكدبوا .. و بيستخدموا اساليب و طرق و استراتيجيات كتير في تزييف الحقايق .. شوف يا اخي .. يعني حتي الكدب في الزمن ده مبقاش بالساهل و الله

{تعاشب شاي}(986) مش عاجباك الموازنة؟.. اوزن برة!

https://www.youtube.com/watch?v=0lFfx7gHk5k&list=PLBsIgVvbrncB0M8dlzAbvjl79Nu8v_BW4

لما تسمع اخبار عن ان الحكومة عملت موازنة السنة المالية الجديدة .. و وزعت الناتج الاجمالي علي قطاعات الدولة المختلفة و الكلام الكبير ده .. ممكن لا سمح الله ييجي في بالك ان الموضوع فيه تخطيط مثلا او دراسة او جهد مبذول .. و ان الحكومة بقي بتسهر الليالي و تلبس النضارة بتاعتها و تقعد تمقق عينيها في الاستراتيجيات و اولويات الصرف و القطاعات الي محتاجة تطوير و الحاجات دي .. بس الحقيقة ان الموضوع مش كده خالص .. و الموازنة بتاعتنا سهلة اوي و بسيطة .. كل الي بيحصل ان الحكومة بتاخد الدخل القومي من هنا و بتروح علي طول مسددة بيه الديون المتلتلة الي علي البلد و الباقي بتبني بيه كباري .. بس كده يا عم هي دي موازنة البلد في عهد البلح

{تعاشب شاي}(987) أمك تخينة قوي يا ممتاز بيه!

https://www.youtube.com/watch?v=_7STxo7x9KI&list=PLBsIgVvbrncB0M8dlzAbvjl79Nu8v_BW4

طول عمر الدولة عندنا بتنتج مسلسلات درامية بتحكي عن بطولات المخابرات العامة و انتصاراتها الساحقة علي اعداء الوطن .. بس الموضوع دلوقتي اختلف عن زمان شوية .. قبل كده كنا دايما بنشوف في المسلسلات ان اعداء الوطن الي المخابرات بتحاربهم و بتنتصر عليهم هم الصهاينة .. انما دلوقتي اعداء المخابرات الي بيظهروا في المسلسلات بقوا الاخوان المسلمين و اي حد بيعارض سيادة الرئيس النبي عبد الفتاح السيسي .. و ده طبيعي يعني و منطقي بصراحة .. ما هي اسرائيل خلاص مبقتش عدو زي زمان و دلوقتي هي حبيبتنا و انتيمتنا و ليل نهار بندفي معاها السلام .. طيب نعمل ايه .. نسيب المخابرات في المسلسلات كده من غير عدو تنتصر عليه .. لا طبعا نجيبلها اعداء من وسط الشعب نفسه عادي تحاربهم و تنتصر عليهم .. احنا هنغلب يعني

{ساس يسوس}(99) إيران.. بلاد الكفتة أوطاني!

https://www.youtube.com/watch?v=ry58IWUokwA&list=PLBsIgVvbrncC_hFoIcgf8_NyqLkF1nkba

و خلونا النهاردة نكمل رحلتنا مع الجغرافيا السياسية.. أو الجيوبوليتيك..
و محطتنا النهاردة مع واحد من بعابيع الكوكب.. أحد أضلاع محور الشر.. القلعة الطبيعية اللي صعب أي جيش معادي يخترق حصونها.. و تجربة الجواز والطلاق الصامت.. بين أحد تيارات الإسلام السياسي… و الدولة الحديثة اللي مالهاش ملة بس مصرين يلبسوها الحجاب بالعافية بالرغم من رجليها عريانة أساسا..
رحلتنا النهاردة مع إيران..

{تعاشب شاي}(988) إنه حقاً عالم بتاع جاز!

https://www.youtube.com/watch?v=rp-6Pl1kwDM&list=PLBsIgVvbrncB0M8dlzAbvjl79Nu8v_BW4

المواطن البسيط ، اللي مكنش بيفكر غير في مصاريف العيال و فلوس الدروس الخصوصية ، و اسعار الاكل و المواصلات ، و كان كبيره قوي انه يتفرج على نشرة 9 و بعدها يسحب اللحاف و ينام عشان عنده شغل الصبح ، المواطن ده لقى نفسه فجأة ، بيتابع غصب عنه اخبار التضخم و سعر الفايدة !!
و ده لان من ساعة الكوفيد و فيه ازمات اقتصادية أثرت على كل بلد في العالم و عكننت حياة اي مواطن في اي حتة على ضهر الارض !
اهو دلوقت بقى ، المواطن ده ، لازم – غصب عنه برضه – يتابع اخبار و خناقات الطاقة و اسعار النفط و الغاز !
ليه ؟
لان هم اللي هيشكلو السياسة في العالم الفترة الجاية .
و غالبا ، اي قرار حتى في التعليم و الرعاية الصحية و الدعم و خلافه ، هيتم اتخاذه على اساس سوق الطاقة و مشاكلها اللي انفجرت في وشنا كلنا و محدش عارف هتوصل لفين و هتخلص امتى !
ده لو خلصت !
ليه اسعار الطاقة – يعني النفط و الغاز و الكهربا – هي اللي هتسوي المواطن البسيط ده ع الجنبين الفترة اللي جاية ؟

{تعاشب شاي}(989) شعب مالهوش في الديمقراطية

https://www.youtube.com/watch?v=-oHerHwMWb4&list=PLBsIgVvbrncB0M8dlzAbvjl79Nu8v_BW4


ايه الي يمنع قائد عظيم و شريف اوي و امين اوي زي سيادة الريس السيسي من انه يطبق الديمقراطية في مصر .. هل مثلا انه شخص مستبد و ديكتاتور و مجرم .. لا خالص .. السبب الوحيد الي بيخلي طبيب الفلاسفة مش قادر يملي البلد ديموقراطية .. هو ان المصريين لسه مش مستعدين ليها و لا مؤهلين علشان يمارسوها .. و الراجل كتر خيره من يوم ما مسك الحكم و هو بيشوف الحاجة الي احنا مستعدين ليها و يعملها علي طول .. و الحاجة الوحيدة الي الشعب المصري مستعد ليها في الوقت الحالي هي الكبارى .. علشان كده تلاقي السيسي مكتر منها شويتين

{تعاشب شاي}(990) جساس البهايم

https://www.youtube.com/watch?v=YEHM2omIL8I&list=PLBsIgVvbrncB0M8dlzAbvjl79Nu8v_BW4

فيه شغلانة في القرى بتاعتنا كفلاحين في مصر ، اسمها " جساس البهايم " ، هي عبارة عن راجل خلينا نقول بتعبير مؤدب : بيفحص البهيمة من دول عشان يعرف هي حامل ولا لا ، و صحتها كويسة ولا لا و شوية تفاصيل تانية .
اهو ماتفهمش ليه السيسي بقاله فترة عايش دول الراجل ده !
و مابيبطلش كلام عن الحيوانات و اللبن و ناقص يعمل زي توفيق عكاشة و يطلع يتكلم في تهجين البهايم و تزغيط البط !
لان السيسي من كام اسبوع كان طلع في مؤتمر افتتاح مشروع زراعي اسمه مستقبل مصر و قعد يشرح نظريات غريبة في انك ازاي تخلي البهيمة تجيب 35 كيلو لحمة في اليوم و ماعرفش كام طن لبن في الساعة و الجو ده !!
و يوم الاتنين 13 يونيو ، راح افتتاح مشروع مجمع الانتاج الحيواني في مدينة السادات في المنوفية ، و برضه قعد ينظّر في نفس الموضوع !
لكن على هامش موضوع البهايم قال كام حاجة تانيين مهم ربطهم باللي بيحصل في مصر دلوقت .
كام حاجة معناهم ان مصر في مصيبة !
ايه الحاجات دي ؟

{الأسبوع ف كيس}(309) كيف تعمل ترليون بلبل في البيت بدون رز؟

https://www.youtube.com/watch?v=pA-aqrkrEXY&list=PLBsIgVvbrncAeJMvwCpzZg-ow581Oh13M

كل سنة وانت طيب يا ريس ..الاسبوع ده رئيسنا المدني المنتخب رغم خلفيته لامؤاخذة العسكرية، أنهى بعون الله الفترتين بتوعه حسب أعظم دستور عرفته البشرية ، واللي كان التصويت عليه بنعم بيزيد النعم.. واللي برغم كل النعم اللي كانت فيه ، طلع برضه فيه شوية مشاكل ولازم يتعدل ، فخرجت جموع الشعب العاشق حسب دعوة سيادته يقولوا نعم برضه ..بس نعم لتعديله، أو ترقيعه، أو فشخه من كل الاتجاهات..المهم أن كابوس إن الراجل الطيب البشوش الصادق اوي وأمين اوي ده يسيبنا ونمشي الحمد لله انزاح، والسيسي قرر ينزل على رغبة الشعب ويريحنا من وجع دماغ المرشحين والبرامج والنقاشات والكلام الفاضي اللي مايأكلش عيش ده ..لحد ما هو ذات نفسه سنة 2100 ، لو حس أنه زهق من كار الرياسة هيبقى يدي للي لسه عايشين رنة ، ينزلوا يختاروا بينه وبين حفيد حمدين صباحي ان شاء الله.

{تعاشب شاي}(991) المش وزيرة الغامضة

https://www.youtube.com/watch?v=7gCwGqluzCk&list=PLBsIgVvbrncB0M8dlzAbvjl79Nu8v_BW4

الاخت هالة زايد تعتبر من اهم الظواهر الكونية الغريبة الي حصلت في البلد في عهد طبيب الفلاسفة عبد الفتاح السيسي .. من يوم ما شوفنا وشها و هي دحلابة كده و غامضة و وضعها مريب و مش مفهوم .. يعني في الاول الناس كلها قعدوا سنين يسالوا عن السر الي مخلي وزيرة الصحة مستمرة في منصبها.. و مبتتعتعش من فوق كرسي الوزارة رغم كل البلاوي و المصايب الي عملتها في ادارة كل ملفات القطاع الصحي في مصر.. و اخرهم ازمة كورونا . .. بس دلوقتي الموضوع اتطور اكتر كمان .. و مبقيناش عارفين هي الوزيرة فين اصلا .. و يا تري هي لسه موجودة في منصبها بس بتروح الوزارة بالليل بعد ما الناس يناموا علشان كده محدش بيشوفها .. و لا اترفدت و قاعدة في البيت تشتغل بلوفرات ,.. و لا بيحققوا معاها.. و لا مسكت وزارة تانية علشان تبوظها زي ما عملت مع الصحة و لا ايه بالظبط

{تعاشب شاي}(992) خناقات سيادية

https://www.youtube.com/watch?v=GFqp-Matct4&list=PLBsIgVvbrncB0M8dlzAbvjl79Nu8v_BW4

الدولة عندنا في الكام سنة الي فاتوا .. بقت بتتميز عن غيرها من كل بلاد العالم .. بأن بقي فيها حاجات سيادية كتير اوي .. عندك مثلا صندوق مصر السيادي .. الي السيسي حاطط فيه كل موارد و اصول البلد و بيتصرف فيها زي ما هو عاوز .. و مبيرضاش يفتحه قدام حد او يفرج اي بني ادم عليه من بره حتي .. و فيه عندنا كمان بتاع خمسين جهاز سيادي ماسكين البلد من رقبتها و بيساعدوا سيادة الريس في تطبيق القمع الي بيحبه .. و بيتحكموا في كل حاجة موجودة في الدولة من اول السياسة و الاقتصاد لحد الاعلام و الفن و الكورة كمان ..كل دي حاجات سيادية موجودة عندنا .. الصراحة يعني البلد في عهد السيسي بقي عليها اسياد كتير اوي ما شاء الله

{تعاشب شاي}(993) اقعد عوج و اتكلم عدل!

https://www.youtube.com/watch?v=DU-kNm4Ysa8&list=PLBsIgVvbrncB0M8dlzAbvjl79Nu8v_BW4

من لحظة ما السيسي اعلن في اخر رمضان اللي فات عن ان البلد محتاجة حوار وطني مع كل القوى بدون سقف ، و مفيش اي حاجة عملية ممسوكة في الايد ، بتقول ان فيه حوار وطني بجد !
ولا حاجة بتقول ان الحوار ده لو اتعمل فعلا فمش هيحصل استثناء لاي قوة من القوى السياسية و الوطنية .
و بعيدا عن ان كل القوى في مصر ضعيفة لاسباب كتير منها ما يتعلق بالقوى دي نفسها و منها ما يتعلق بالمناخ العام في البلد و اللي السبب الرئيسي فيه هو النظام نفسه.
لكن في النهاية دي قوى من البلد و اعضاءها من ابناء البلد .
و حتى الان ، اغلب الكلام عن الحوار الوطني بيطلع من النظام ورجالته بس .

مع استثناءات قليلة هي عبارة عن حوارات اعلامية مع بعض الوجوه السياسية اللي موافقة على الحوار زي حمدين صباحي .
بس الكلام اللي كان موضوعي اكتر و واضح اكترو شجاع اكتر بخصوص الحوار الوطني ، هو اللي قاله احمد طنطاوي رئيس حزب الكرامة في حوار مع موقع " المنصة " على قناته على يوتيوب.

{تعاشب شاي}(994) قيس بليح

https://www.youtube.com/watch?v=-xDz2u4ne28&list=PLBsIgVvbrncB0M8dlzAbvjl79Nu8v_BW4

يا اخي سبحان الله و انت بتتفرج على قيس سعيد و اللي بيعمله ، بتبقى محتار بين نوعين من المشاعر :
الاولاني هو الشفقة على الشعب التونسي الطيب اللي ميستاهلش ابدا اللي بيحصله !
و التاني هو انك تقاوم فكرة ان اللي قدامك هو السيسي مش قيس !
لان الاتنين زي ما يكونو بيقعدو على قهوة واحدة كل يوم بالليل و يكتبو كتالوج واحد و يشتغلو منه تاني يوم الصبح ، مع فارق واحد بس هو ان قيس معملش المذابح اللي عملها السيسي .
و زي السيسي ماهو عامل في مصر ، قيس سعيد بقاله فترة واخد تونس في سكة اللي يروح ميرجعش .
و الاوضاع هناك كل ساعة اسوأ من اللي قبلها ..
و فيه شبه اجماع ان تونس على ابواب كارثة سياسية و شعبية!

{تعاشب شاي}(995) نحمل البلح لأفريقيا

https://www.youtube.com/watch?v=O8RCauZYKxw&list=PLBsIgVvbrncB0M8dlzAbvjl79Nu8v_BW4

كلنا بنستغرب لما نقرا في التاريخ عن حد ادعى النبوة !
و بنستغرب اكتر لما نسمع ان الحد ده صدق نفسه و فيه ناس صدقته وبقى ليه اتباع فعليت معاه و راح مألف كتاب مقدس !!
و يا سلام بقا لما تقرا عن حد ادعى الالوهية و العياذ بالله !!
اهو نفس الدهشة دي هتجيبك من قفاك و تاكلك جوز اقلام ، لما تسمع كلام السيسي عن رغبته في نقل الخبرة المصرية لدول تانية !!
على طول انت كمصري اصيل بتسأل نفسك : مش كان البني آدم – مشيها البني ادم – نفع نفسه ؟!
اهو ده اللي حصل في كلمة السيسي الاخيرة خلال مؤتمر على هامش اجتماعات بنك التصدير و الاستيراد الافريقي !
ليه كلمة السيسي في المؤتمر ده فيها حاجات محتاجين نقف عندها خصوصا في الظروف اللي فيها مصر اليومين دول ؟
تعالو نشوف ...

{تعاشب شاي}(996) النمر و الأنثى

https://www.youtube.com/watch?v=hZUNnJra-so&list=PLBsIgVvbrncB0M8dlzAbvjl79Nu8v_BW4

اليومين دول وإذ فجأة كده ينشغل الرأي العام والصحافة والإعلام بخناقة عجيبة جدا في الوسط الفني.. ومع إن الطبيعي ان كلنا ماسكين في خناق بعض عادي ، أو بنتفرج على الخناقات اللذيذة المعاصرة بين طحال سمية الخشاب وأحمد سعد.. مناخير ريهام سعيد مع حنجرة حسن شاكوش.. خناقات الهام شاهين مع دبان وشها.. بس الجديد بقى إن الخناقة دي كان المفروض توقيتها يبقى من 40 سنة مثلا.. معرفش ايه اللي حصل خلى العركة ركبت آلة الزمن وقررت تنزل على المسرح قدامنا .. نجلاء فتحي تنزل لها مكالمة على السوشيال ميديا بتشلف فيها للزعيم، وماسكة عادل امام غسيل ومكوة على أفلامه ، وموقفه السياسي من مبارك وجمال مبارك !! طبعا هو غالبا أو أكيد إن المكالمة بالطريقة دي، وفي السياق ده ممكن تكون من 10 سنين على الأقل، أو ايام الإسهال السياسي اللي صاب كل وسائل الإعلام بعد الثورة ، لدرجة إن كابتن مجدي عبد الغني ومدحت شلبي كانوا بيتكلموا في السياسة وبيستضيفوا شباب الثورة..فتقريبا كده أبانا الذي في أي حتة،

{تعاشب شاي}(997) ماتيجي نعبي الوطنية ف شرايط؟

https://www.youtube.com/watch?v=ullN1yZn2xk&list=PLBsIgVvbrncB0M8dlzAbvjl79Nu8v_BW4

لو روحت اي بلد عادية كده ، نظامها بعد الشر ديمقراطي ، ورئيس الدولة اللهم احفظنا مجرد موظف منتخب مش حاكم بأمره، وجيشها لا سمح الله مؤسسة عادية زيه زي باقي المؤسسات..مش جيش مقدس من خير اجناد الأرض، وشعبها جاحد كده معندوش مشاعر تجاهه لا بيحبه ولا بيكرهه..هتلاقي هناك ظاهرة غريبة اوي في المجال الفني وتحديدا الموسيقى والغنا ..هتلاقي مفيش نعرات وطنية ولا قومية ، والاغاني والمغنيين ومعاهم المؤلفين والملحنين ، العملية معاهم متسابة كده في السبهللة..لا فيه فنانين سلطة ولا جيش بيعمل بيهم تعبئة عسكرية للاغنية، ولا مخابرات تصرف وتكلف..هتبص على المهزلة دي وتحتار !!.. ازاي يا جدعان المطربين دول موجودين على الساحة ومكملين عادي من غير ما الدولة تكون متبنياهم؟..فن ايه ده اللي ميبقاش من أدوات التوجيه والتعبئة؟..ايه الشعوب اللي لا بتغني لجيوشها ولا لحكامها دي ؟..لكن عندنا بقى نحن نختلف عن الاخرين خالص .. ايه علاقة النظام بالاغاني والمغنيين؟

{تعاشب شاي}(998) تزرعها غاز تطرح بلح !

https://www.youtube.com/watch?v=YEYnPCaBPpA&list=PLBsIgVvbrncB0M8dlzAbvjl79Nu8v_BW4

ملف غاز البحر المتوسط كل شوية يرمي علينا جدل جديد ودوشة جديدة .
مرة عشان السيسي بيتنازل لاسرائيل عن حقول غاز مصرية !
و مرة عشان النظام في مصر بييجي على تركيا لحساب اليونان وقبرص !
و مرة عشان النظام في مصر رجع تاني وهدى اللعب مع تركيا !
و مرة كمان عشان مصر بقت تستورد غاز من اسرائيل بعد ما كانت بتصدر لها !
و أحدث مرة ، من كام يوم ، بسبب توقيع الاتحاد الاوربي و مصر و اسرائيل ، اتفاق لتصدير الغاز اللي سارقه الاحتلال من مصر و الارض المحتلة و من لبنان عشان اوروبا تعوض بيه الغاز الروسي !!
هو الغاز ده ملوش اهل يشدوه من ودانه ويقولوله خلاص بقا روح نام في بيتكم وكفاية لعب في الشارع لغاية دلوقت ؟!
و بعدين هو عاوز مننا ايه بالظبط و ليه الفرهدة و المناهدة دي كلها ؟
و ايه موضوع مساعدة مصر لاسرائيل في تصدير الغاز لاوروبا ؟!
و هل فعلا مصر هتكسب اي مكسب من اي نوع ، من ورا الاتفاق ده ؟

{تعاشب شاي}(999) ليه ماصكوش الصكوك؟

https://www.youtube.com/watch?v=y2NSszeLymg&list=PLBsIgVvbrncB0M8dlzAbvjl79Nu8v_BW4

في وسط الترندات العبيطة اللي بتطلع كل كام يوم ، و بعيدا عن المؤتمرات اللي بيعملها السيسي كل كام يوم برضه لافتتاح مشروعات هو نفسه مش عارف هيكمل تمويلها ازاي !
و في زحمة الكلام عن الحوار الوطني اللي المنطق و الورقة و القلم بيقولو انه مش هيوصل لحاجة عليها القيمة ، ده لو وصل لحاجة اصلا !
في كل الاجواء دي ، الاقتصاد المصري ماشي ورا نصيحة عادل امام في مسرحية مدرسة الماغبين و كل ما بيتزنق بيقلع !
و راكب الزوحليقة و عمال ينزل ، و هيوصل فين في نزوله ده ، محدش عارف !
و ازمة العملات الاجنبية في مصر بتزيد ، و الدولة تايهة و مش عارفة تعمل ايه !
ايه اللي استجد خلانا نعرف ان الازمة في مصر اكبر بكتير من المعلن في اعلام النظام ؟
و ليه حتى الحلول التقليدية بتاعت النظام اللي اغلبها قائم على السلف و الدين بتفشل و هتفشل ؟
و ليه حتى محدش بقى عاوز يسلف النظام ؟

الأفلام المقترحة في حلقة الليلة من “حدوتة تركية”