{تعاشب شاي}(975) دموع بليلة

https://www.youtube.com/watch?v=J_VXxlqnW4s&list=PLBsIgVvbrncB0M8dlzAbvjl79Nu8v_BW4

تحس كده ان الانظمة الشمولية المستبدة الحنجورية اللي بتحكم عالمنا التالت ، ناقصلها شوية و تطلع بنظرية نقاء عرقي ليها ولرجالتها ، و ان دمهم مختلف عن دم عموم الناس زي اللي كان بيحصل في الممالك القديمة !
لان واضح ان فعلا الانظمة دي و اعلامها بتتصرف على هذا الاساس !
و الشعور ده بيظهر مع كل ازمة او موقف بيتعرض ليها حد من ولاد الانظمة دي او رجالتها .
زي بالظبط اللي بيحصل مع ننوس عين امه ، ابن وزيرة الهجرة المصرية المتهم بالقتل في امريكا و داخل على محاكمة هناك كمان كام يوم !

{تعاشب شاي}(976) قشفنا و نشفنا ياريس!

https://www.youtube.com/watch?v=O0stW6kZX_Q&list=PLBsIgVvbrncB0M8dlzAbvjl79Nu8v_BW4

سيادة الريس الزعيم السيسي طلع من كام يوم و كان مضايق من المسريين علي الاخر .. لان طلباتهم كترت اوي .. و وصلت بيهم البجاحة انهم بقوا عاوزين ياكلوا و يشربوا عادي زي بقية خلق الله .. و مبقوش مستحملين الفقر .. و لا راضيين بالمجاعة الي معالي الزعيم عملهالهم بايده .. رغم ان زمان اوي لما المسلمين اتحاصروا مع سيدنا محمد في شعاب مكة .. كانوا مستحملين الجوع عادي و بياكلوا ورق الشجر و مفيش حد فيهم اشتكي .. طيب اشمعني بقي المصريين مش راضيين يستحملوا الجوع دلوقتي .. رغم ان السيسي نبي بردو زي سيدنا محمد بالظبط .. و ليل نهار بيشتكوا من الفقر و يعيطوا من الجوع و يصدعوا الريس و يقرفوه بطلباتهم.. و ماسكينه من رجليه الشريفة و عمالين يهزوا فيه علشان يوقع عليهم بلح !

{عرفوه بالعقل}(55) لماذا لم يحرم الإسلام العبودية؟.. أي عبودية؟

https://www.youtube.com/watch?v=qIOtg4YIOcI&list=PLBsIgVvbrncCUHtc-Gd9d0t5wBXwC0_DO

خلونا نستكمل رحلتنا.. اللي لسة مطولة شوية لأن الموضوع مش بسيط أبدا و محتاج فهم عميق..
و خلونا نبدأ النهاردة بأول خطوة.. عشان نحاول على سؤال هو ليه الإسلام أو الأديان عموما ماحرمتش العبودية بشكل مباشر كده بكن فيكون و نقطع عرق و نسيح دمه و نخلص..
السؤال اللي إجابته هاتكون سؤال تاني محتاجين نجاوبه الأول.. انت عاوز الدين يحرم العبودية؟.. مافيش مشاكل.. شاورلي عليها بس.. ايه هي العبودية أصلا؟.. متأكد انك عارف ايه هي العبودية؟..
آه.. بدأنا التحوير بقى.. لا والله ماتحوير ولا حاجة.. ماتيجو نشوف..

{الأسبوع ف كيس}(308) العثور على سيدة مصر الثانية

https://www.youtube.com/watch?v=GVnGiCT2vAo

الإعلاميين المصريين الاسبوع ده قطعوا الشك في البيسين ، واثبتوا بشكل واضح كدب الإتهامات اللي بتتوجه ليهم أنهم معدومين المروءة ، أو معندهمش اخلاق ولا إنسانية، وقاموا بدورهم في نشر قيم التسامح والتضامن والتعاطف مع أي إنسان في أزمة أو في موقف إنساني صعب.. وده ظهر في التناول الإعلامي لقضية ابن وزيرة الهجرة المتهم بقتل اتنين زمايله في الشغل، وبيتحاكم دلوقتي قدام القضاء الأمريكي.. وبعيدا عن إن طبعا لا شماتة في الوزيرة ، لأنها في الآخر أم ومحدش يتمنى لحد أنه يعيش الموقف الصعب ده ..بس انا عاجبني حالة الإعلام الملائكية اللي كلها حنية وطبطبة على قلب ام مكلومة حزينة ، بصرف النظر إن فيه أمين تانيين عيالهم اتدبحوا وضاعت حياتهم ومستقبلهم فعلا .. بس ما علينا اهم حاجة المبادئ ..المبادئ تعلو على الحاجات.. ومحدش ييجي جنبهم دلوقتي، ويقولهم طب بالنسبة لأمهات المعتقلين اللي مرميين في السجن وهما مدبحوش فرخة حتى..انت كده هتبوظ حالة التعاطف وهتضرب مفك في المبادئ ، وهيقفشوا فيك انت ويتهموك انك شمتان ..

{الأسبوع ف كيس}(308) العثور على سيدة مصر الثانية

https://www.youtube.com/watch?v=GVnGiCT2vAo

الإعلاميين المصريين الاسبوع ده قطعوا الشك في البيسين ، واثبتوا بشكل واضح كدب الإتهامات اللي بتتوجه ليهم أنهم معدومين المروءة ، أو معندهمش اخلاق ولا إنسانية، وقاموا بدورهم في نشر قيم التسامح والتضامن والتعاطف مع أي إنسان في أزمة أو في موقف إنساني صعب.. وده ظهر في التناول الإعلامي لقضية ابن وزيرة الهجرة المتهم بقتل اتنين زمايله في الشغل، وبيتحاكم دلوقتي قدام القضاء الأمريكي.. وبعيدا عن إن طبعا لا شماتة في الوزيرة ، لأنها في الآخر أم ومحدش يتمنى لحد أنه يعيش الموقف الصعب ده ..بس انا عاجبني حالة الإعلام الملائكية اللي كلها حنية وطبطبة على قلب ام مكلومة حزينة ، بصرف النظر إن فيه أمين تانيين عيالهم اتدبحوا وضاعت حياتهم ومستقبلهم فعلا .. بس ما علينا اهم حاجة المبادئ ..المبادئ تعلو على الحاجات.. ومحدش ييجي جنبهم دلوقتي، ويقولهم طب بالنسبة لأمهات المعتقلين اللي مرميين في السجن وهما مدبحوش فرخة حتى..انت كده هتبوظ حالة التعاطف وهتضرب مفك في المبادئ ، وهيقفشوا فيك انت ويتهموك انك شمتان ..

{تعاشب شاي}(977) بختك يابو بخيتي

https://www.youtube.com/watch?v=O0stW6kZX_Q&list=PLBsIgVvbrncB0M8dlzAbvjl79Nu8v_BW4

كلام كتير جدا اتقال وبيتقال وهيفضل يتقال عن التغيرات اللي بيقودها بن سلمان في السعودية .
بس واضح ان كل الكلام ده لسة موصلش لجوهر او حقيقة اللي بيعمله ولي العهد تحت مسميات التطوير و التحديث !
و لأن الشيطان بيكمن في التفاصيل زي ما المثل بيقول، فعشان تقرا المشهد بشكل اعمق و اوضح لازم تبص على بعض الاحداث او التفاصيل اللي بتعدي ، عشان الصورة تكتمل عندك.
و من الاحداث دي موضوع زيارة المتحدث السابق باسم الحوثيين ، علي البخيتي للسعودية ، و اللي عمله و هو موجود هناك ، و بعدها تركه يسافر منها بسلام ، في الوقت اللي السعويين نفسهم ، لو حد منهم عمل ربع اللي عمله البخيتي كان زمانه في السجن بل ممكن يوصل الامر لاعدامه !!
ايه الموضوع ؟

{تعاشب شاي}(978) بلد بتاعت مبادرات صحيح!

https://www.youtube.com/watch?v=DzJrZo38b1I&list=PLBsIgVvbrncB0M8dlzAbvjl79Nu8v_BW4

في سنة 2018 الشرطة المصرية الباسلة اعتقلت السياسي المصري عبد المنعم ابو الفتوح و حطته في السجن .. بس الكلام ده كان زمان بقي .. ايام القمع و الدولة البوليسية و الاعتقالات و الاخفاء القسري الله لا يرجعها .. انما دلوقتي بعد ما سمو الرئيس السيسي فتح دراعاته لكل اطياف الشعب و عمل حوار وطني حر و مبادرة للافراج عن المعتقلين .. الوضع اختلف خالص .. و الدولة قررت ان عبد المنعم ابو الفتوح الي مرمي في السجن بقاله 5 سنين لازم يستفيد من مبادرة سيادة الريس و يقطف مع المسريين ثمار الحوار الوطني .. و قامت مدياله حكم بالسجن المشدد لمدة 15 سنة علشان يقضي بقية حياته في السجن .. الحمد لله ان ابو الفتوح عايش في عصر السيسي الي بيوزع علي الناس حرية و مالي البلد مبادرات و الا كان زمان عمره ضاع في السجن !

{تعاشب شاي}(979) حتى العقيد مستريح!

https://www.youtube.com/watch?v=-W4wgEipfso&list=PLBsIgVvbrncB0M8dlzAbvjl79Nu8v_BW4

سمعت عن المستريحين ؟
تصدق سؤال غريب .
انا اسف ..
مين اللي مسمعش عن المستريحين ؟
الناس اللي قررت تكسب ملايين و هي مستريحة ، عن طريق النصب على ناس عاوزة هي كمان تكسب و هي مستريحة !
من غير ما الاتنين يتعبو و يعملو اي نشاط عليه القيمة يجيب فلوس حلال .
خليني اعدل سؤالي :
سمعت عن ان فيه خيار وفقوس حتى بين المستريحين؟
يعني حتى وسط النصابين ؟
و هل سمعت عن ان المستريح اللي طالع من ضهر الحكومة بتبقى ليه مميزات غير النصابين التانيين ؟
مستغرب كلامي ؟
طيب .. خليني اكلمك عن سيادة العقيد المستريح !!
نهار اسود !
عقيد ؟!
اه و الله .
عقيد جيش كمان !
ايه قصته ده ؟

{تعاشب شاي}(980) دولاري رايح.. دولاري جاي..

https://www.youtube.com/watch?v=yYnqc3r4g6c&list=PLBsIgVvbrncB0M8dlzAbvjl79Nu8v_BW4

الدولة عندنا للاسف طول عمرها مبتفهمش في الاقتصاد و لا ليها فيه .. لانها مخادتهوش في الكلاس و لا درسته في الجامعة .. و بعد سنين من الفشل و التخبط و عدم التخطيط و سوء الادارة الي وصلونا للانهيار الاقتصادي الي احنا غرقانين فيه دلوقتي .. احنا خلاص فقدنا الامل في ان الدولة ممكن في يوم من الايام تفهم في الاقتصاد او تحل ازمته .. احنا املنا الوحيد دلوقتي ان الاقتصاد هو الي يفهمنا و يقدر موقفنا .. و يعرف ان المسؤولين عندنا جهلة و كواحيل و يخلي عنده دم و ينصلح من نفسه كده ينوبه ثواب

{عيانين بالإبداع}(09) باصص فين يابني؟!

https://www.youtube.com/watch?v=M8mbVN-Cfnk&list=PLBsIgVvbrncDhUgCH6RUClfyYvcA7z51K

و رجعنا من تاني..
عارف اني طولت شوية و اتأخر في السلسلة دي.. بس انا انشغلت مؤخرا عشان بدأت كورس في التدريب و العلاج للADHD مطول معايا شوية للسنة الجاية..
بس ان شاء الله اقدر اكمل تاني بمعدل أسرع..
احنا لغاية دلوقت خدنا لفة سريعة كده و أخدنا فكرة عامة عن الADHD..
تعالوا نرجع الشريط من الأول و نتكلم بالتفصيل أكتر .. عشان نفهم أكتر..
يمكن كتير من اللي بيتابعوا الحلقات دي عندهم ADHD.. هداهد..    .
أو فيه حد في حياتهم .. قريب.. صديق.. ابن. أخ.. زوج.. زوجة.. عندهم ADHD.. و حابين يفهموهم أكتر و يساعدوهم.. السلسلة دي مهمة لكل الناس.. لأن لو انت عندك ADHD فانت محتاج جدا تفهم نفسك و من خلال الفهم ده هاتفهم الدنيا من حواليك و تفهم ليه انت دونا عن اللي حواليك بيحصل معاك حاجات معينة أو بتقابل صعوبات معينة.. ولو ماعندكش ADHD فانت برضه هاتفهم نفسك أكتر.. و هاتفهم ليه ناس حواليك بتحبهم ممكن يكونوا محتاجين مساعدتك..=

{تعاشب شاي}(981) اللي بنى مصر كان في الأصل بلحاوي

https://www.youtube.com/watch?v=he8J_wTOllk&list=PLBsIgVvbrncB0M8dlzAbvjl79Nu8v_BW4

ماعرفش ليه احنا مصرّين دايما نغني على بعض ونقول : اللي بنى مصر كان حلواني !
مع ان اللي يدوس في تفاصيل ازاي مصر اترتبت و اتخططت ، هيعرف ان اللي بناها تقريبا كان عيل صغير بيلعب في الرمل و عمال يرسم اشكال غريبة و خطوط ملهاش معنى !
يعني ايه الكلام ده ؟
باختصار، كل حاجة اتخططت في مصر ، اتعملت بدماغ مركزية مش شايفة المستقبل ، و ده عمل تفاوت و ظلم في كل جوانب الحياة في البلد .
و الغريب ان الانظمة المتعاقبة ، كل ما تحب تغير و تصلح ، بتبعد عن اصل المشكلة ، اللي هو التخطيط المركزي لمصر . و عشان كده مشاكل و سلبيات الحياة في مصر مستمرة و مش هتخلص مهما اتعملت مشروعات .
او خليني اقول : حتى لو اتعملت مشروعات حقيقية .
الطريقة المركزية اللي اتخططت بيها الحياة في مصر مش بس مسؤولة عن مشاكل الحياة زي العشوائية و الفقر و غياب الخدمات عن مناطق كتير ، لا دي كمان مسؤولة عن غياب اساسيات الحكم السليم زي الديمقراطية و الحرية !
نهار اسود!

{تعاشب شاي}(982) ماحدش هايشتغل هنا!

https://youtu.be/HNKSve8a31M

الدولة المصرية قررت انها تحط خطة طموحة علشان تواجه الازمة الاقتصادية الي البلد غرقانة فيها اليومين دول .. فلغت الدعم .. و زودت اسعار كل المنتجات الاساسية .. و فرضت رسوم و ضرايب جديدة .. و رفعت اسعار الكهربا و المية و كل الخدمات .. و بعد ما خلصت كل ده بدات تقفل الشركات و المصانع علشان ترمي العمال و الموظفين في الشارع و تقعدهم من غير شغل .. تقريبا كده و الله اعلم الدولة لما جت تعمل خطة للقضاء علي الازمة الاقتصادية.. اتلخبطت و عملت خطة للقضاء علي المواطن المصري

{تعاشب شاي}(983) انت مش مصري.. انت بلحاوي

https://www.youtube.com/watch?v=XEXoak8_Cr8&list=PLBsIgVvbrncB0M8dlzAbvjl79Nu8v_BW4


بعد اذنك انا عاوزك تجيب كباية شاي و تقعد في البلكونة وتغمض عينيك و ترجع بذاكرتك شوية لورا ، و تفتكر العالم الكبير الدكتور احمد زويل الله يرحمه !
ليه ؟
عاوزك لو سمحت تتخيل احمد زويل لو كان فضل في مصر و سمع كلام الناس اللي استغربو انه هيسافر امريكا و قتها !
يا ترى كان هيبقى عامل ازاي؟
و حياته كان هيبقى شكلها ايه ؟
ليه باقولك تعمل كده ؟
عشان ده ليه علاقة بالازمة الحاصلة دلوقت بسبب لاعب الاسكواش المصري محمد الشوربجي .
ازاي ؟

{كشف حمادة}(76) وداعاً شاعر القصيدة المهربة

https://www.youtube.com/watch?v=gKxZODMSuWw&list=PLBsIgVvbrncAh0AZmC-LIXEQWlSbz7MZq

سنة 1934 ، وجوه قصر بيطل على نهر دجلة في العراق ، بتسكنه أسرة من سلالة عيلة النواب..العيلة الغنية اللي كانت بتحكم ولاية من ولايات الهند قبل الاحتلال الإنجليزي ، يتولد طفل يسموه مظفر..اللحظة اللي مكانش حد يتخيل ساعتها صورة عن مستقبل الطفل ده، غير أنه هيطلع تلقائيا طفل ثري متدلع ، شايل معاه اسم العيلة الأرستقراطية صاحبة الثراء والنفوذ..لكن اللي حصل إن اللحظة دي كانت لحظة ميلاد مناضل حقوقي، مشاغب خارج عن النص ، معبر بأشعاره عن نبض وهموم الغلابة والمستضعفين، مش بس في بلده العراق، لكن في كل البلاد العربية سواء المنكوبة بالاحتلال، أو المنكوبة بحكامها..عشان يعيش عمره كله ما بين معتقل أو مطارد أو مهاجر ، زي ما كان مرافقه القلق والخطر ، كان مصاحبه الورقة والقلم..يدوس على زناد الشعر أو الهجاء من اي مكان، توصل الرصاصة وتنتشر في الوطن العربي كله ، فاستحق عن جدارة لقب شاعر القصيدة المهربة، الشاعر الكبير مظفر النواب

{تعاشب شاي}(984) لما امك تعملك فضائية في البيت

https://www.youtube.com/watch?v=1uduZrUPJIY&list=PLBsIgVvbrncB0M8dlzAbvjl79Nu8v_BW4

بقالنا سنين بنسمع مصطلح الجمهورية الجديدة .. و سيادة الريس السيسي بقي كل ما يشوف وشنا و يقفش في الحديدة يقعد يكلمنا عنها .. بس لحد دلوقتي مفيش حد فاهم تطلع ايه الجمهورية الجديدة دي و بتعمل ايه بالظبط يعني لمؤاخذة .. و لما رحنا سالنا الجماعة في سلطة البلح ..الجمهورية الجديدة دي عبارة عن ايه يا اخوانا و موجودة فين .. قالولنا سهلة اوي .. افتحوا التليفزيون و هاتوا اي قناة من قنوات الاعلام المصري المطبلاتي .. و بصوا علي الشاشة كويس .. هتلاقوا الجمهورية الجديدة مرمية في هاشتاج فوق علي الشمال كده ..بس يا عم هي دي .. ايه ده خلاص كده ؟ اه طبعا اومال انتوا فاكرين ايه

{تعاشب شاي}(985) كداب يا خيشة

https://www.youtube.com/watch?v=1uduZrUPJIY&list=PLBsIgVvbrncB0M8dlzAbvjl79Nu8v_BW4

الكل عارف كويس اوي ان الصهاينة مبيبطلوش كدب .. لدرجة ان فيه ناس بياكدوا ان الصهاينة بيكذبوا اكتر من الزعيم السيسي نفسه .. عموما يعني السيسي و الصهاينة واحد و مفيش بينهم تكليف و متفرقش مين فيهم بيكدب اكتر من التاني .. بس الي ناس كتير ميعرفهوش ان الصهاينة بيبذلوا مجهود كبير اوي علشان يكدبوا .. و بيستخدموا اساليب و طرق و استراتيجيات كتير في تزييف الحقايق .. شوف يا اخي .. يعني حتي الكدب في الزمن ده مبقاش بالساهل و الله

{تعاشب شاي}(986) مش عاجباك الموازنة؟.. اوزن برة!

https://www.youtube.com/watch?v=0lFfx7gHk5k&list=PLBsIgVvbrncB0M8dlzAbvjl79Nu8v_BW4

لما تسمع اخبار عن ان الحكومة عملت موازنة السنة المالية الجديدة .. و وزعت الناتج الاجمالي علي قطاعات الدولة المختلفة و الكلام الكبير ده .. ممكن لا سمح الله ييجي في بالك ان الموضوع فيه تخطيط مثلا او دراسة او جهد مبذول .. و ان الحكومة بقي بتسهر الليالي و تلبس النضارة بتاعتها و تقعد تمقق عينيها في الاستراتيجيات و اولويات الصرف و القطاعات الي محتاجة تطوير و الحاجات دي .. بس الحقيقة ان الموضوع مش كده خالص .. و الموازنة بتاعتنا سهلة اوي و بسيطة .. كل الي بيحصل ان الحكومة بتاخد الدخل القومي من هنا و بتروح علي طول مسددة بيه الديون المتلتلة الي علي البلد و الباقي بتبني بيه كباري .. بس كده يا عم هي دي موازنة البلد في عهد البلح

{تعاشب شاي}(987) أمك تخينة قوي يا ممتاز بيه!

https://www.youtube.com/watch?v=_7STxo7x9KI&list=PLBsIgVvbrncB0M8dlzAbvjl79Nu8v_BW4

طول عمر الدولة عندنا بتنتج مسلسلات درامية بتحكي عن بطولات المخابرات العامة و انتصاراتها الساحقة علي اعداء الوطن .. بس الموضوع دلوقتي اختلف عن زمان شوية .. قبل كده كنا دايما بنشوف في المسلسلات ان اعداء الوطن الي المخابرات بتحاربهم و بتنتصر عليهم هم الصهاينة .. انما دلوقتي اعداء المخابرات الي بيظهروا في المسلسلات بقوا الاخوان المسلمين و اي حد بيعارض سيادة الرئيس النبي عبد الفتاح السيسي .. و ده طبيعي يعني و منطقي بصراحة .. ما هي اسرائيل خلاص مبقتش عدو زي زمان و دلوقتي هي حبيبتنا و انتيمتنا و ليل نهار بندفي معاها السلام .. طيب نعمل ايه .. نسيب المخابرات في المسلسلات كده من غير عدو تنتصر عليه .. لا طبعا نجيبلها اعداء من وسط الشعب نفسه عادي تحاربهم و تنتصر عليهم .. احنا هنغلب يعني

{ساس يسوس}(99) إيران.. بلاد الكفتة أوطاني!

https://www.youtube.com/watch?v=ry58IWUokwA&list=PLBsIgVvbrncC_hFoIcgf8_NyqLkF1nkba

و خلونا النهاردة نكمل رحلتنا مع الجغرافيا السياسية.. أو الجيوبوليتيك..
و محطتنا النهاردة مع واحد من بعابيع الكوكب.. أحد أضلاع محور الشر.. القلعة الطبيعية اللي صعب أي جيش معادي يخترق حصونها.. و تجربة الجواز والطلاق الصامت.. بين أحد تيارات الإسلام السياسي… و الدولة الحديثة اللي مالهاش ملة بس مصرين يلبسوها الحجاب بالعافية بالرغم من رجليها عريانة أساسا..
رحلتنا النهاردة مع إيران..

{تعاشب شاي}(988) إنه حقاً عالم بتاع جاز!

https://www.youtube.com/watch?v=rp-6Pl1kwDM&list=PLBsIgVvbrncB0M8dlzAbvjl79Nu8v_BW4

المواطن البسيط ، اللي مكنش بيفكر غير في مصاريف العيال و فلوس الدروس الخصوصية ، و اسعار الاكل و المواصلات ، و كان كبيره قوي انه يتفرج على نشرة 9 و بعدها يسحب اللحاف و ينام عشان عنده شغل الصبح ، المواطن ده لقى نفسه فجأة ، بيتابع غصب عنه اخبار التضخم و سعر الفايدة !!
و ده لان من ساعة الكوفيد و فيه ازمات اقتصادية أثرت على كل بلد في العالم و عكننت حياة اي مواطن في اي حتة على ضهر الارض !
اهو دلوقت بقى ، المواطن ده ، لازم – غصب عنه برضه – يتابع اخبار و خناقات الطاقة و اسعار النفط و الغاز !
ليه ؟
لان هم اللي هيشكلو السياسة في العالم الفترة الجاية .
و غالبا ، اي قرار حتى في التعليم و الرعاية الصحية و الدعم و خلافه ، هيتم اتخاذه على اساس سوق الطاقة و مشاكلها اللي انفجرت في وشنا كلنا و محدش عارف هتوصل لفين و هتخلص امتى !
ده لو خلصت !
ليه اسعار الطاقة – يعني النفط و الغاز و الكهربا – هي اللي هتسوي المواطن البسيط ده ع الجنبين الفترة اللي جاية ؟

{تعاشب شاي}(989) شعب مالهوش في الديمقراطية

https://www.youtube.com/watch?v=-oHerHwMWb4&list=PLBsIgVvbrncB0M8dlzAbvjl79Nu8v_BW4


ايه الي يمنع قائد عظيم و شريف اوي و امين اوي زي سيادة الريس السيسي من انه يطبق الديمقراطية في مصر .. هل مثلا انه شخص مستبد و ديكتاتور و مجرم .. لا خالص .. السبب الوحيد الي بيخلي طبيب الفلاسفة مش قادر يملي البلد ديموقراطية .. هو ان المصريين لسه مش مستعدين ليها و لا مؤهلين علشان يمارسوها .. و الراجل كتر خيره من يوم ما مسك الحكم و هو بيشوف الحاجة الي احنا مستعدين ليها و يعملها علي طول .. و الحاجة الوحيدة الي الشعب المصري مستعد ليها في الوقت الحالي هي الكبارى .. علشان كده تلاقي السيسي مكتر منها شويتين