نسخة 720p

نسخة 480p

نسخة 360p

{الحراق}(54) مليونير مليونير! Slumdog Millionaire

https://www.youtube.com/watch?v=YzfwYTaadSU&list=PLBsIgVvbrncBJbmFFzhjJfzK9aLoMuouz

ورجعنا الهند تاني..
الناس اللي شافت فيلم النمر الأبيض اللي اتكلمنا عنه قبل كده (اللي بالمناسبة بنفكركو هتلاقوه على قناة التليجرام واللينك في وصف الفيديو).. ممكن يكونو لاحظو ان حصلت اشاره سريعة لتحفة فنية صدرت سنه ٢٠٠٨ عن الهند...
والتحفة دي هي فيلم سلامدوج مليونير... اللي ترجمته الحرفية (كلب السكك المليونير) ... او التسمية الشيك شوية (مليونير العشوائيات)
الفيلم اللي كسب ٨ جوايز اوسكار واترشح لحوالي ٢٠ مليون جايزة تانية...
في (النمر الأبيض) البطل بيقول ان مفيش في الحقيقة حاجة اسمها (سلامدوج مليونير) وجو الأفلام الهندي ده...
احنا بنتولد احلامنا مقتولة واوهام الثراء الفاحش دي عمرها ما بتحصل في الواقع....
هتقولي ما هو نفسه في آخر الفيلم اغتنى وبأه مليونير برضه.. هقولك آه ما ده كمان فيلم هندي عادي يعني!!
بس جزء من سحر السينما هي انك بتغوص في عالم مش واقعي وبتصدقه بمزاجك...

{الأسبوع ف كيس}(257) حب في الزنزانة

https://www.youtube.com/watch?v=KbCb8Quy_jI&list=PLBsIgVvbrncAeJMvwCpzZg-ow581Oh13M

انا وجمال مرتاحان الآن.. لأن تراب الوطن ولو في الزنزانة أحب إليه من فضاء الغربة..عودُ حميدُ يا طيرا لا يتقن هجرة عشه..دي كانت رسالة اتكتبت للكاتب الصحفي جمال الجمل اللي اتقبض عليه في المطار تنفيذا لوعد سيادة الرئيس والإعلام .. ان اللي عايز يعارض يتفضل يرجع يعارض من بلده الحبيبة..الرسالة الرومانسية الحالمة دي ..مكانتش من معتقل مرمي في الزنزانة وهو بيستقبله بالحضن ..عشان يقعدوا جنب بعض يتمرمغوا في تراب سجن الوطن اللي احسن من الغربة
دي كانت تويتة من سياسي محنك وناصري معتق ومرشح رئاسي كومبارس طلع التالت بعد الاصوات الباطلة ..بيقول لواحد لبس قضية طازة.. ان السجن احسن من الغربة ..من غير ما ينطق حرف واحد يعترض فيه أو يدين حبسه اساسا ..هو عموما مسحها بعد ما اتشطف من الخونة اللي مش مخلصين لتراب الوطن..وموصلوش لمستوى الوطنية الناصرية المازوخية اللي وصل لها الشيف صباحي ..
اللي بيبارك لمعتقل على الحبس وهو قاعد بالمريلة بيعمل احلى طبق سلطة ..المرقعة اعيت من يداويها والله

{تعاشب شاي}(555) الشعب حبيب البكباشي

https://www.youtube.com/watch?v=UD9s-G-QFLk&list=PLBsIgVvbrncB0M8dlzAbvjl79Nu8v_BW4

من مميزات التاريخ .. إن من ساعة ما بدأ تدوينه وكتابته بشكل موسّع ومن كُتّاب مختلفين .. وبقينا نقدر نتحقق منه ونتأكد من أحداثه .. والكلام ده مش عن التاريخ المصري وبس .. دي منهجية مُتبعة عالميا في كل تاريخ اتكتب .. وكُل ما بقى التاريخ أحدث كُل ما كان سهل علينا اننا نقارن اللي اتكتب في التاريخ بالأحداث اللي اترتبت عليه .. من خلال تسلسل منطقي أو تسلسل زمني
الموضوع أشبه بأنك بتزرع زرعة .. والزرعة النافعة أكيد هيترتب عليها إن ثمرة نافعة هتطرح .. والزرعة الفاسدة أكيد بيترتب عليها إن ثمرة فاسدة هتكبر .. وهكذا ..
صعب جدا تقتنع إن الفساد والسرقة والقمع والتعذيب والحكم العسكري اللي مد جذوره وسيطر على بلدنا ومواردنا وأرضنا وحاليا بيسيطر على حياتنا كمان .. صعب تقتنع إنه أصله كان زرعة نافعة .. صعب "جدا" يكون كل ده ناتج عن قرارات صح أو كانت حتى حسنة النية رغم ان لا التاريخ ولا السياسة بيعترفوا بالنوايا الحسنة ..
لكن أهو بقى .. احنا شعب عاطفي ويمكن نتعاطف مع النوايا الحسنة ونسامح فيها ..

{علمني الغزالي}(12) جعلوني مجرماً!

https://www.youtube.com/watch?v=B_8YCzrJCgc&list=PLBsIgVvbrncAHNkFLd8veDFxr1q-HieVu

و نستكمل رحلتنا مع الشيخ الغزالي و كتاب الإسلام و الأحوال الاقتصادية.. و خلونا النهاردة نحاول نجاوب على سؤال.. هل الأحوال الاقتصادية بتأثر على أخلاق الناس؟

{تعاشب شاي}(556) تجرح قلبي أنا؟

https://www.youtube.com/watch?v=qBIOplWyJyY&list=PLBsIgVvbrncB0M8dlzAbvjl79Nu8v_BW4

واضح كده ان محمد بن سلمان قلب علي السيسي ،، فقام باعتله واحد من رجالته الي هو احمد قطان علشان يطلع في برنامج و ينزل في السيسي و نظامه سلخ ،، ايه يا بن سلمان ده ،، انت ايه الي جرالك ،، هو انت يوم ما تزعل من السيسي تقوم تبعتله حد يتكلم عليه بس كده ،، عيب و الله ،، المفروض تعزمه في اي قنصلية تبعكم و تعرفه غلطه بالمنشار بتاعك ،، ده اقل واجب يرضيك و يرضينا احنا كمان بصراحة

{تعاشب شاي}(557) مدينة الصراط المستقيم

https://www.youtube.com/watch?v=bTM-wj56yug&list=PLBsIgVvbrncB0M8dlzAbvjl79Nu8v_BW4

في يناير ٢٠٢١.. بن سلمان أعلن عن فنكوش جديد للعالم ..
مشروع.. المفروض انه هايكون المستقبل بالنسبة للمملكة و العالم..
قالك ايه يا سيدي؟.. هايبني مدينة جديدة.. طب و ايه الجديد في كده؟.. الجديد يا سيدي ان المدينة الجديدة دي هاتكون عاملة زي الصراط المستقيم كده.. المدينة بعرة عن خط واحد طوله 160 كيلومتر تقريبا..

فيلم A Hologram For The King.. سيتم نشره في البوستات التالية بأحجام مختلفة مناسبة للباقات

A Hologram For The King 720p

A Hologram For The King 480p

A Hologram For The King 360p

{تعاشب شاي}(558) ماحدش هايبني هنا!

https://www.youtube.com/watch?v=Q_26QNwMR5k&list=PLBsIgVvbrncB0M8dlzAbvjl79Nu8v_BW4

السيسي كل يوم و التاني بيطلع قانون يخص العقارات ،، مرة منع بنا و مرة تصالح و مرة شهر عقاري ،، و في كل قانون من دول بيدفع الناس دم قلبهم غرامات و رسوم و ضرايب علي البيوت الي ساكنين فيها و لو مدفعوش بيهدها علي دماغهم ،، جري ايه يا سيسي ،، انت مش مكفيك القصور الي انت عمال تبنيها و تعيش فيها ، ،، و باصص للناس في شققهم و عاوز تاخدها منهم وتسكن فيها هي كمان و لا ايه

{عرفوه بالعقل}(45) هل الإسراء و المعراج أسطورة؟

https://www.youtube.com/watch?v=RTN3y8TIYas&list=PLBsIgVvbrncCUHtc-Gd9d0t5wBXwC0_DO

من كام شهر كان طلع الصحفي المعروف الأستاذ حافظ الميرازي يقول: إن قناة الحرة الأمريكية اتعاقدت مع إبراهيم عيسى وإسلام البحيري مقابل أموال طائلة بهدف عمل برامج لنقد النص الديني الإسلامي و(إصلاحه)، وطبعا كلنا عارفين قد إيه حرص إخوانا الأمريكان على الإسلام ووسطيته، فتعالو نشوف الأستاذ إبراهيم عيسى؛ هل بيبذل مجهود يتناسب مع الغاية الشريفة دي ومع المقابل اللي بياخده؟ ولا ما بيركزش في شغله وبيطلع يهلفط بأي كلام هو وضيوفه؛ و والعياذ بالله بيأكل عياله بفلوس حرام؟

{تعاشب شاي}(559) كيف يمكن لمصر حل مشكلة سد النهضة؟

https://www.youtube.com/watch?v=A85kxq38_38&list=PLBsIgVvbrncB0M8dlzAbvjl79Nu8v_BW4

قضية المياه قضية خاصة جدا .. يمكن بتيجي على قمة اهتمامات المصريين .. وبعد ما تم الإعلان عن اتفاق المبادئ العامة بين مصر والسودان وأثيوبيا .. الإتفاق اللي مشاركة السيسي فيه كطرف ممثل عن الدولة المصري – وهو ممثل فعلا – خلّت موافقته مُلزمة على الدولة المصرية .. وبقى عندنا مخاوف كبيرة من بكرة .. سد النهضة بقى أمر واقع .. ومراحل مِلء السد زي ما أثيوبيا عايزاها مش في صالحنا أبدا وتقدر تقول انها غير عادلة كمان .. يا ترى ايه الحل؟
هل لسه في ايدينا حلول في أزمة ماية النيل وسد النهضة؟ ولا هنشرب من البحر؟
هل اللي كسّرناه في سنين من التفاوض الضعيف والهزلي مع اثيوبيا .. نقدر نصلّحه في قبل فوات الأوان؟

فيلم حلقة الليلة من “الحراق”.. فيلم الهروب

{الحراق}(55) الهروب من عصى موسى

https://www.youtube.com/watch?v=pj_OU9dIU8Y&list=PLBsIgVvbrncBJbmFFzhjJfzK9aLoMuouz

من بين كل الطيور يفضل طائر الصقر هو الاميز والأشهر وله هيبة ووقار كده كونه اقوى واسرع الطيور ..واهالينا في الصعيد بيسموه ملك الجو وده مجاش من فراغ ..الصقر طائر نزيه وفخيم كده في نفسه وصعب تشوفه بيطير على ارتفاع قليل ..الا وهو نازل يهجم على فريسته ..عنده اعتزاز شديد جدا بمكانه وبيئته اللي نشأ فيها ومبيسيبش مكانه لحد ما يموت ..لكن الصقر اللي حظه وحش وبيقع فريسة في ايد الصيادين من صغره ..عشان يعيش على الأرض وتتنزع من جواه طبيعته وعاداته ..ويكون هو نفسه وسيلة صيد لحيوانات تانية لمصلحة صياده اللي بيسموه الصعايدة "صقار" ..فبيبقى كأنه اتحول لعصفورة على شكل صقر ..فكرة أنه يعيش بعقل وقلب صقر في بيئة ومكان مش مكانه بتبقى صعبة وبيبقى بيضحك على نفسه ..لكن لما بيفوق على حقيقته أنه صقر بعد ما رجله غرزت وسط عيشة الصيادين وأصبح واحد من الصقور الاليفة..هل ساعتها صياده هيسيبه في حاله ..ولو مسابوش في حاله هل هيقدر الصقر على ...الهروب

{الأسبوع ف كيس}(258) الموز علينا حق!

https://www.youtube.com/watch?v=AiwK10FJ5V0&list=PLBsIgVvbrncAeJMvwCpzZg-ow581Oh13M

للأسف كتر الهري في أي موضوع بيضيع الحقيقة…بداية من قضية شروع في هتك عرض طفلة واضحة ومتكاملة الأركان اتسمت تحرش معرفش ليه ..مرورا بقى كالعادة بالهري والهري المضاد اللي دايما بيحصل فيفرتك القضية ويتوه الناس في100 اتجاه بعيد عن الملخص المفيد .. مجرم وضحية وقانون ومحاكمة وخلصنا..لا مش ده اللي بيحصل..اللي بيحصل أن ازاي الواد تخين في الفيديو ورفيع لما اتقبض عليه..وصورة لعمرو اديب مع مونولوجست فيتقال أن هو ده ..لا ده اخواني لا ده سيساوي..ثم يأتي دور طقم المبرراتية ..وينزل الملعب الطقم اللي ألعن من المبرراتية اللي هما بتوع ربنا أمر بالستر وأسرته ملهاش ذنب وبدأوا يهاجموا الست اللي فضحته بدل ما يشكروها على شجاعة خروجها لمنع جريمة..لا لسه الحوادث بقى اللي من النوع ده بتبقى مولد بقى للي عندهم مشكلة مع الدين ..فينعكشوا بقى في صفحته على صوره في الحرم ويقولوا وجدتها ..ادي المتدينين ياعم وكأن كل الملتزمين كده عشان يشوهوا الدين اكتر .. هري هري ملوش اي معنى..غير تحويل قضية واضحة لترند وعصفورة