{تعاشب شاي}(952) سجينات ماسبيرو

https://youtu.be/XYO-5WUviXI

سيادة الريس السيسي عاشق الحرية افرج خلال الاسبوعين الي فاتوا عن عدد ضخم جدا من المعتقلين السياسيين .. يعني بتاع اربعين نفر كده تقريبا .. و بكده السجون المصرية بقي موجود فيها حوالي 70 الف معتقل الا اربعين واحد .. و ده عمل خلل كبير جدا في السجون .. الي بدات تعاني من اعراض نقص المعتقلين و تكتئب و حالتها بقت صعبة خالص و هي شايفة زنازينها بتفضي .. علشان كده معالي الزعيم السيسي اضطر انه يعتقل ناس جديدة بدل الناس الي خرجت .. مش علشان هو ظالم و قمعي و مستبد و مجرم .. لا خالص .. هو عمل كده بس علشان يلحق السجون قبل ما يجرالها حاجة بسبب قلة المعتقلين مش اكتر!

{تعاشب شاي}(953) يقطعك.. أعطني هذا الدواء!

https://www.youtube.com/watch?v=4OKkl3lcWQw&list=PLBsIgVvbrncB0M8dlzAbvjl79Nu8v_BW4

لو كنت حضرتك ماشي في وسط البلد ولا العتبة ولا الحسين ولا شبرا ولا اي مكان تختاره في مصر ، او حتى نيويورك في امريكا او فيينا في النمسا او برلين في المانيا او جدة في السعودية او انقرة في تركيا !
لو كنت ماشي في مكان من دول ان غير دول ، واخترت بشكل عشوائي اي انسان ماشي على رجليه او راكب مواصلات ، او حتى راكب عربيته او انشالله يكون راكب مكوك فضاء ، الخلاصة يعني ، اي واحد من دول لو وقفته و سألته : قل لي يا استاذ لو سمحت هو ايه دور الدولة تجاه الكائن الحي الذي يتنفس و يتكاثر اللي اسمه المواطن ، هايرص لك بدون وعي كده مجموعة حاجات في اولها أكيد : انها تحميه وتوفر له الاكل و السكن و العلاج !
امسك لي بقى في الاخيرة اللي هي العلاج ، و العلاج معناه مستشفيات ودوا !
يعني المنطق الطبيعي بيقول ان كل ما الدولة تتطور و تتقدم يبقى الاكل و السكن و العلاج و الحاجات الاساسية متوفرة .
امال اشمعنى بقى في مصر فيه تناسب عكسي ، في عهد السيسي ، بين تقدم الدولة ، و بين توفير العلاج و خصوصا الدوا للمواطن ؟!

{الأسبوع ف كيس}(306) عبفتاح الاختياري.. و الحوار المتني

https://www.youtube.com/watch?v=-xA1jxOsbZ0&list=PLBsIgVvbrncAeJMvwCpzZg-ow581Oh13M

هييه.. دنيا..
فين أيام ما كان مرسي الله يرحمه بيدعو التيارات المختلفة للحوار السياسي.. فكانوا بيتأمروا عليه و يقولوا لأ.. الحوار خيانة!..
الحوار عار..
نفس الناس اللي النهاردة سبحان الله.. بيستجيبوا لاشتغالة السيسي.. و التمثيلية اللي عاملها عشان زنقته اليومين دول مابين الحوجة لصندوق النقد.. و مابين الاستعداد لزيارة بايدن اللي جاي المنطقة يفتش عليها الشهر الجاي..
فاشتغلوا نفسهم هم كمان و عملوا نفسهم قال ايه بيتحاوروا..
و على صعيد آخر..
الاسبوع ده حصلت جريمة جديدة ومكررة من جرايم الاحتلال الإسرائيلي، واتوجعت قلوب الناس على الصحفية والمراسلة شيرين أبو عاقلة، اللي قضت سنين طويلة من عمرها في نقل صوت ومعاناة الشعب الفلسطيني للعالم من قلب الأحداث والقصف..واللي بنعزي نفسنا ونعزي الشعب الفلسطيني في وفاتها، اللي كان مفترض موتها يطرح اسئلة كتير عن فضح جرايم الاحتلال ضد الصحفيين،

{تعاشب شاي}(955) الجنيه و الليرة.. إيد واحدة!

https://www.youtube.com/watch?v=x0_gVVg4pA4&list=PLBsIgVvbrncB0M8dlzAbvjl79Nu8v_BW4

بقالنا فترة بنسمع اخبار عن صلح هيتم بين النظام المصري و النظام التركي .. بعد سنين من الخناق و تقطيع الهدوم و الشتايم المتبادلة بين الاتنين .. و اليومين دول الكلام كتر اوي عن ان المصالحة دي قربت تحصل بسبب الازمة الاقتصادية الي الدولتين بيمروا بيها .. و تقريبا كده الاقتصاد المصري و الاقتصاد التركي بعد ما وقعوا من طولهم .. اتقابلوا في الانعاش و اتفقوا يعملوا هدنة مع بعض لانها مش طالبة فرهدة و خلافات و قلة قيمة .. و ان شاء الله بعد ما الازمات الاقتصادية تخلص و الايام السودة دي تعدي علي خير نبقي نكمل خناق عادي ميجراش حاجة .. هي يعني الخناقات هتطير ؟!

{تعاشب شاي}(956) قمحاني ليل و نهار

https://www.youtube.com/watch?v=RINzq8vwUgo&list=PLBsIgVvbrncB0M8dlzAbvjl79Nu8v_BW4

مع ان احنا البلد اللي شعبه اخترع مثل شعبي بيقول " الكذب ملوش رجلين " ، الا ان متعرفش ليه ، فيه سر عندنا في مصر بيخلي اللي بيحكم مقتنع ان الحكم ميمشيش غير مع الكذب!
و هنا بقى بييجي الدور على مثل تاني برضه الشعب المصري هو اللي اخترعه دونا عن كل شعوب العالم ، بيقول : خليك مع الكذاب لحد باب الدار !
مفهوم طبعا انك تخليك معاه لحد باب الدار عشان كذبه هايتفضح .
بس المشكلة ان على ما توصل مع الكذاب لحد باب الدار هاتلبس في مصيبة !
بسبب كذبه !
و ده اللي بيحصل في موضوع " القمح " في مصر دلوقت .
و النظام بيغطي عليه !
و بيكذب تاني !
ايه هي المصيبة الجديدة في موضوع القمح ؟
و ايه تأثيرها على مصر اللي مش حمل اي ازمات جديدة ؟

{عيانين بالإبداع}(08) ماذا عن أدوية الـADHD؟

https://www.youtube.com/watch?v=qQFVdwBOwq4&list=PLBsIgVvbrncDhUgCH6RUClfyYvcA7z51K

و أخيرا وصلنا لإجابة سؤال المليون جنيه.. الدوا.. ايه الدوا يا مولانا!.. اديني الجرعة بسرعة!.. هو مش كل الناس كده الحقيقة.. الناس فيما يتعلق بعلاج الADHD عن طريق الأدوية هاتلاقيهم نوعين.. نوع بيقول الشر برة و بعيد.. و لاممكن أبدا و مستحيل ادي دوا لأولادي يلعب في ادمغتهم ولا يخليهم يدمنوا.. و نوع تاني بيقولك لايمني ع الدوا بسرعة احسن الواد هايجنني!.. شايفين ان الدوا ده هو العلاج السحري اللي هايقضي على ٩٩٪ من جراثيم الADHD..
فياترى.. مين فيهم اللي صح؟..

{تعاشب شاي}(957) واقع يصنعه البلح

https://www.youtube.com/watch?v=LeiPKyu1qGI&list=PLBsIgVvbrncB0M8dlzAbvjl79Nu8v_BW4

طول السنين اللي فاتت احنا عرفنا السيسي كرجل عسكري بعدها سياسي بعدها فيلسوف اطباء بعدها طبيب فلاسفة ، و خبير اقتصادي بيهري في الاقتصاد ، و احيانا مهندس طرق وكباري من كتر ما عمل طرق وكباري جزء كبير منها بايظ و جزء ملوش لازمة !
بس السنة دي في رمضان ، جه الوقت اللي نتعرف فيه على السيسي السيناريست و كاتب الدراما !
ازاي ده ؟

{تعاشب شاي}(958) كيف تصلح الإقتصاد عن طريق بيع البلد بدون روت؟

https://www.youtube.com/watch?v=cUFLxhkzZ1I&list=PLBsIgVvbrncB0M8dlzAbvjl79Nu8v_BW4

زي ما حجة البليد مسح السبورة .
و زي ما التلميذ اللي مش مذاكر بييجي ليلة الامتحان و يلوص و يدعي ربنا ان المدرسة تتهد او المدرس يتحرق !
المسؤول الفاشل و الحكومة الفاشلة و النظام الفاشل بيبررو فشلهم بظروف العالم و الازمات العالمية !
و ده اللي عمله مصطفى مدبولي في المؤتمر الصحفي الاخير اللي طلع علينا فيه و قعد يولول و يقول متلوموناش على خراب الاقتصاد المصري ، و بصو على اللي بيحصل في العالم من حوالينا .
ازاي الكلام ده ؟

{تعاشب شاي}(959) ليه رفع الفايدة بيزود التضخم مش بيقلله؟

https://www.youtube.com/watch?v=ZcJWJygcXjs&list=PLBsIgVvbrncB0M8dlzAbvjl79Nu8v_BW4

من كذا سنة ، خصوصا بعد الربيع العربي ، اصبحت القضايا او المشاكل الاقتصادية ، حاجة اساسية في نقاشات الناس .
ده حصل نتيجة ان الناس وعيها زاد و بقت بتتابع تأثير القرارات السياسية و الاقتصادية على حياتها .
لكن رغم انتشار الكلام عن الاقتصاد وسط الناس ، الا ان فيه مطب مهم و غلس بيحصل : هو انك بتلاقي نفسك محشور وسط كمية مصطلحات اقتصادية مانتاش فاهمها !
و كمان ، بتلاقي نفسك محشور وسط حلول اقتصادية جاهزة ، الحكومات بتستسهل انها تعملها ، لما بتمر بمشكلة اقتصادية ، بصرف النظر عن تأثير الحلول الجاهزة دي على حياة الناس او الشعب او العامة !
مثال على كده : كلنا اظن بقينا دايما نسمع ان لما التضخم بيزيد عن مستوى معين في بلد ، بيبقى الحل في رفع سعر الفايدة !
و سعر الفايدة بقت الناس بتتكلم عنه احيانا اكتر من محمد صلاح و السيسي نفسه !

{تعاشب شاي}(960) طبيب الاقتصاديين

https://www.youtube.com/watch?v=Gjren2gS5Hc&list=PLBsIgVvbrncB0M8dlzAbvjl79Nu8v_BW4

الاقتصاد المصري من يوم ما وعي علي الدنيا و هو مشافش يوم حلو تقريبا .. و كتاب حياته يا عين مفيهوش سطرين نمو علي بعض .. و في السبعين سنة العسكرية الي فاتوا .. كان كل حاكم يمسك البلد ياخد الاقتصاد و يقعد يقلب و يلعب فيه علي مزاجه .. الي طبق الاشتراكية .. و الي عمل انفتاح .. و الي مشي في سكة الخصخصة .. لحد ما جه سيادة الزعيم السيسي و عمل في الاقتصاد حاجة ملهاش اسم و محدش فاهمها لحد دلوقتي .. و من ساعة ما عملها و الاقتصاد عمال ينهار بشكل عمره ما حصل قبل كده منذ بدء الخليقة .. متعرفش ده فيرسه و لا سمه و لا ضربه بالنار و لا ايه .. شوف يا رياسة انت طبعا فداك مليون اقتصاد عادي كفاية انك معانا .. بس يا ريت تقولنا انت عملت فيه ايه .. لاننا لو معرفناش ممكن جدا الفضول يقتلنا قبل ما انت تقتلنا بنفسك و تبقي مصيبة

{تعاشب شاي}(961) الأم.. و البلح.. و الجيش القدس

https://www.youtube.com/watch?v=yGs4wwHmkP4&list=PLBsIgVvbrncB0M8dlzAbvjl79Nu8v_BW4
فيه قاعدة قديمة ومشهورة ، واحيانا بيستخدمها المتخصصين في علم النفس الجنائي، بتقول إن غالباً المجرم لما بيرتكب جريمة، بيرجع يحوم حوالين مسرح جريمته..اتعددت الأسباب والدوافع اللي بتخليه يرجع..ممكن يرجع عشان يطمن أنه مش سايب وراه دليل يدينه..ممكن يرجع عشان حاسس بالندم ..أو ممكن يرجع عشان حاسس انه ما أنهاش جريمته بشكل كامل ..وفي حالة السيسي بما إنه طبيب فلاسفة الإجرام ، كان لازم يحط التاتش بتاعه بقى .. السيسي بقاله كام سنة بيستعين بالدراما عشان مش بس تساعده يحوم حوالين جريمته ..لا.. ده اولا مشكورا بيفكر الناس اصلا بكل جرايمه.. ويعدي على جريمة جريمة عشان يقولنا شوفتوها؟ افتكرتوها ؟ اتأكدتوا إن على راسي ألف بطحة ؟ ..طب والله والله مش أنا ..دي اختي منى ...

{اسجد واقترب}(04) صلِّ.. غيِّر العالم

https://www.youtube.com/watch?v=4pVCqNf6Beo&list=PLBsIgVvbrncCg06bAoXNXPvRcani7U9ES

تعالوا نتكلم النهاردة عن معنى “الصلاة” ذاتها.. يعني ايه كلمة “صلاة”؟..
فيه فكرة منتشرة بين الناس ان معناها “الصلة” بالله عز و جل..
صحيح فيه تشابه بين اللفظين.. الصلة.. و الصلاة.. و لكن الفكرة دي مالهاش أساس..
في كل معاجم اللغة العربية.. ماوردش أبدا المعنى ده..وردت معاني كتير لكن المعنى ده مش منها..
لغةً.. “الصلاة” من معانيها “الدعاء”..
و لكن مش أي دعاء.. فيه تفصيل أكتر للمعنى..
الصلاة مش أي دعاء.. و لكنها تعنى حصرياً.. الدعاء بالخير..
الصلاة مرتبطة مباشرة بالخير.. منحازة تماما في عالمنا المتنازع عليه بين الخير و الشر.. منحازة تماما إلى الخير..

{تعاشب شاي}(962) البلح في حرم الجمالِ جمالُ

https://www.youtube.com/watch?v=B51uYqoEII8&list=PLBsIgVvbrncB0M8dlzAbvjl79Nu8v_BW4

مهما كانت ظروفك صعبة و الزمن حاطط عليك ، و مهما كنت متبهدل و العالم كله ضدك !
اوعى تيأس ..
انت مش بس ممكن تعدي من كل ده ،
لا ده كمان انت ممكن تاخد تعويض من اللي بهدلوك !
و ممكن كمان تخلع بكل اللي كسبته بطرق مشروعة و غير مشروعة و كمان تبقى في نظر الناس بطل !!
و يمكن كمان تضرب معاك و تحلو و تبقى مشروع رئيس جمهورية !
كلامي مش تنمية بشرية !
ده كلام بجد ..
و لو مش مصدقني ،
افتكراسرة مبارك !
و خصوصا جمال مبارك !

{الحراق}(131) حب في الزنزانة

https://www.youtube.com/watch?v=fIZJI8_jJ7A&list=PLBsIgVvbrncBJbmFFzhjJfzK9aLoMuouz

المجتمعات اللي بيسود فيها الفساد وسطوة المال ، المسنود بفساد السلطة وغياب القانون والعدالة، بتلاقيها تلقائيا وبشكل منطقي بتفرز الجريمة بكل انواعها..سواء بيُجبر اللي ارتكبوها على الانحراف نتيجة الضغوط والفقر والحاجة، أو حتى بيرتكبها اللي نفوسهم ضعيفة ، وحسب أخلاقهم ونمط نشأتهم بيلاقوا نفسهم في وسط مناخ اجتماعي حاضن لممارساتهم ومشجعهم عليها ،عشان ملاقوش اللي يستوعبهم ويساعدهم يمشوا في السكة الصح اللي تخليهم مش مضطرين للانحراف.. وفي وسط كل ده كمان بتختفي اهم قيمة إنسانية بتميز البشر عن كل الكائنات_ الحرية ..أو بمعنى أصح بيتلعب في مفهومها ..فتلاقي كتير من المقهورين العاجزين قليلي الحيلة، لما بيعملوا حاجة بيبان أنهم قرروا أو اختاروا بكل إرادتهم.. لكن في الحقيقة أنهم تحت ضغط القهر واستغلال القوي لحاجة الناس وضعفها، كانوا برضه مجبرين يختاروا سكتهم من بين اختيارات كلها أمر من بعض ،واللي خيرهم ما بينها هو نفس جلادهم اللي متحكم فيهم..

{تعاشب شاي}(963) المصريين و النصابين في مصر.. و تركيا..

https://youtu.be/ezyT_B-lXCI

من كام يوم حصلت ازمة أمنية في اسوان نتيجة اشتباك الناس مع الشرطة و انتشرت فيديوهات مرعبة عاملة زي الفيديوهات اللي بتتصور في مناطق فيها ثورات .
اللي يشوف الفديوهات دي ممكن يقول ان اللي حصل ده كان اعتراض من الاهالي على قرار سياسي مثلا او حاجة كده زي قانون التصالح اللي حصلت بسببه مظاهرات في 2020 !
بس الغريب ان الاشتباكات و الانفلات الامني ده كان بسبب " واحد نصاب " !
او
مستريح جديد !
ايه حوار المستريح ده ؟
و ليه المصريين بيقعوا في فخ كل مستريح من غير ما يتعلمو الدرس من المستريح اللي قبله ؟

{تعاشب شاي}(964) حقيقة زيارة مفتي مصر إلى البرلمان البريطاني

https://youtu.be/WxOwpopFD3g

موضوع انشغال نظام السيسي بالاخوان وصل لمرحلة كوميدية .
و ناقص ان زي ما بيحطو شعار " الجمهورية الجديدة " على شاشات القنوات المصرية ، يحطو كمان شعارات ضد الاخوان ، و تبقى الشاشة من دول عاملة زي الميكروباصات في شوراع مصر مليانة جمل غريبة زي : العين صابتني ورب العرش نجاني ، و عشانك يا ناني مش هاكون أناني !
المشكلة ان انشغال النظام بالاخوان و عدم رؤيته غيرهم في الحياة اصلا، بقى مصدر اهانة لكل مؤسسات الدولة ، حتى المؤسسات اللي المفروض تحافظ على منظرها و برستيجها و هيبتها .
زي دار الافتاء مثلا .
اللي تلقت اهانة كبيرة الكام يوم اللي فاتو بسبب توريط النظام ليها في صراعه مع الاخوان .
ايه هي الاهانة دي ؟
و ازاي حصلت ؟

{تعاشب شاي}(965) الاستمتاع بالمقاومة .. عن علاء الذي لم يستطيعوا كسره.

https://youtu.be/L8OGlMPNefk

فيه قصة قديمة لملك قال له خياط نصاب أنه عمل له لبس ملوكي عظمة مفيش اشيك ولا أفخم منه ،وأقنعه أنه لبسهوله كمان وهياكل من جسمه حتة من شياكته ،فدعى الملك الوزراء وأتباعه والبرتيتة كلها بما فيهم اللي عاملين دور المعارضة في مملكته في قاعة كبيرة ، وخرج لهم عريان ملط يقولهم ايه رأيكم في اللبس بتاعي ..كل اللي موجودين في القاعة انقسموا..ما بين اللي قال له ايه الجمال ده؟!.. خوف من شره وسلطته ، وما بين اللي طمعان في رضاه ومصلحته في أنه ينافقه، فبرضه عبر له عن اعجابه باللبس .. وما بين اللي اصلا اقتنعوا فعلا أنه لابس لبس شيك وعجبهم كمان..حتى اللي حبسهم قبل كده، عبروله عن اعجابهم.. عشان داقوا قبل كده ظلمه وجبروته .. إلا طفل واحد كان موجود في القاعة ..بص على الملك وعلى ردود فعل اللي حواليه.. وقال بكل براءة وصراحة..الملك عريان يا جماعة!..في الاول كلموه بالراحة وحاولوا يسكتوه ،لكن صوت الطفل بدأ يعلى اكتر.. ”انا شايف إن الملك عريان!“..فضربوه ..وشالوه .. وطردوه بره القاعة..

{الحراق}(131) حب في الزنزانة

https://www.youtube.com/watch?v=a5n6lVuinZY&list=PLBsIgVvbrncBJbmFFzhjJfzK9aLoMuouz

المجتمعات اللي بيسود فيها الفساد وسطوة المال ، المسنود بفساد السلطة وغياب القانون والعدالة، بتلاقيها تلقائيا وبشكل منطقي بتفرز الجريمة بكل انواعها..سواء بيُجبر اللي ارتكبوها على الانحراف نتيجة الضغوط والفقر والحاجة، أو حتى بيرتكبها اللي نفوسهم ضعيفة ، وحسب أخلاقهم ونمط نشأتهم بيلاقوا نفسهم في وسط مناخ اجتماعي حاضن لممارساتهم ومشجعهم عليها ،عشان ملاقوش اللي يستوعبهم ويساعدهم يمشوا في السكة الصح اللي تخليهم مش مضطرين للانحراف.. وفي وسط كل ده كمان بتختفي اهم قيمة إنسانية بتميز البشر عن كل الكائنات_ الحرية ..أو بمعنى أصح بيتلعب في مفهومها ..فتلاقي كتير من المقهورين العاجزين قليلي الحيلة، لما بيعملوا حاجة بيبان أنهم قرروا أو اختاروا بكل إرادتهم.. لكن في الحقيقة أنهم تحت ضغط القهر واستغلال القوي لحاجة الناس وضعفها، كانوا برضه مجبرين يختاروا سكتهم من بين اختيارات كلها أمر من بعض ،واللي خيرهم ما بينها هو نفس جلادهم اللي متحكم فيهم..

{تعاشب شاي}(966) هاتتباس يعني هاتتباس يا عباس!

https://www.youtube.com/watch?v=gT061K0Uc-w&list=PLBsIgVvbrncB0M8dlzAbvjl79Nu8v_BW4

فيه اسطورة يوناينة من التراث الاغريقي بتقول ان كان فيه قاتل وقاطع طريق و لص اسمه " بروكرست " !
الاخ بروكرست ده كان بيستدرج ضحاياه و يعمل معاهم احلى واجب و يكرمهم اخر كرم !
و بالليل ، كان بيقطع رجليهم !!
اهو فرنسا دلوقت ، عاملة بالظبط زي بروكرست ده !!
و احدث نموذج على ده قضية اللاعب السنغالي المسلم " ادريس غاي " !
ازاي الكلام ده ؟

{اسجد واقترب}(05) كلمات ليست كالكلمات

https://www.youtube.com/watch?v=GC3hcGHj7R4&list=PLBsIgVvbrncCg06bAoXNXPvRcani7U9ES

الكلمة..
الوعاء الذي اختاره الله سبحانه و تعالى ليكون وعاءً للمعجزة الأخيرة.. للرسالة الخاتمة..
الكلمات.. اللي للأسف بقينا ننظر إلى شكلها.. ولا نفهم معانيها الحقيقية..
الكلمات.. اللي ممكن تقدح شرارة في عقل الإنسان.. و لديه الخيار.. إما أن يدعها تخمد و تنطفئ.. أو يذكيها فيحولها إلى طاقة جبارة..
تخيل كم المعاني اللي في كل كلمة من كلمات الصلاة اللي غفلنا عنها.. لأننا بقينا بنرددها بشكل آلي.. بدون فهم..
تخيل كم الفارق اللي ممكن يحصل في حياتك و في الدنيا من حواليك.. لو فهمت المعاني دي..
كل كلمة.. من الأذان.. إلى التسليم..
تعالوا نمشي سوا خطوة بخطوة.. مع المعاني دي.. ابتداءاً من الأذان..

{حدوتة تركية}(02) كيف بدأت الدولة العميقة؟

https://www.youtube.com/watch?v=bcMiSg3uWrE&list=PLBsIgVvbrncBTYDIrNFdv4fwXlYmcnlzL

تركيا بلد تاريخها ثري جدا.. و معقد جدا.. عشان كده محتاجين نرجع كام خطوة لورا عشان نعرف الخلفية اللي اتبنى عليها الواقع الحاضر النهاردة عشان نقدر نفهمه.. و عشان نقدر نستوعب الأثر المدمر لفكرة "الديكتاتور العادل الفاهم طبيب الفلاسفة".. الفرد اللي معتقد انه عارف مصلحة الشعب أكتر منه و سايقه قدامه بقوة السلاح.. أو بقوة التدليس و غسيل المخ. أو الاتنين مع بعض..
كمان فيه سؤال كان محيرني جدا هانحاول نعرف اجابته النهاردة.. ألا و هو.. ليه الجيش احتاج يعمل أكتر من انقلاب أصلا؟.. و ليه بعد كل انقلاب كان بيعمل انتخابات حقيقية و يجيب حكومة منتخبة؟
ما تيجو نشوف..