{تعاشب شاي}(550) الكفن مش إلو جيوب!

https://www.youtube.com/watch?v=jBHHsj5k1vM&list=PLBsIgVvbrncB0M8dlzAbvjl79Nu8v_BW4

يوم 25 فبراير.. كان معاد أسرة الرئيس الأسبق مبارك مع الذكرى السنوية الأولى لوفاته..عشان تظهر إعلاميا لاول مرة مقبرة سيادته المهيبة ..اللي لو حد شاف الصور او الفيديوهات اللي انتشرت من غير ما يقرا العنوان..كان افتكر أنه افتتاح فندق او متحف أو اكتشاف اثري لمقبرة ملك فرعوني مثلا.. وبمناسبة الذكرى دي ..في كتاب لمحمد حسنين هيكل صدر في 2012 اسمه مبارك وزمانه..ذكر واقعة حصلت بين مبارك وأمير سعودي..اتكلم معاه عن جمال مبارك وسأله عن التوريث ..فرد عليه مبارك بدهشة وعصبية : يا راجل حرام عليك اورث ابني ايه ؟ اورثه خرابة ؟ هو هيكل مقالش الأمير السعودي إن كان سكت..ولا رد عليه وقال له ولما انت بتعترف أنها خرابة قفشت في كرسي حكمها ليه 30 سنة ..وخليت خلعك من فوقه يحتاج لثورة شعبية تبعها انقلاب عليك من رجالتك نفسهم.. والحقيقة أن دي يمكن من أصدق الجمل اللي قالها مبارك واكترها صراحة ..ودي اصلا وجهة نظر أي حاكم عسكري في مصر وشعبها .

{تعاشب شاي}(551) ازاي مبارك طلع براءة؟

https://www.youtube.com/watch?v=9jeDa_vGjWM&list=PLBsIgVvbrncB0M8dlzAbvjl79Nu8v_BW4

يمكن يكون القانون ميعرفش زينب ،، بس كان يعرف مبارك و رجالته كويس اوي ،، و عرف كمان يطلعهم براءة من كل القضايا الي كانوا بيتحاكموا فيها ،، من اول قتل المتظاهرين ،، لحد الفساد و التربح و سرقة المال العام ،، الموضوع سهل وبسيط و القانون بتاعنا مفيش اكتر من ثغراته ،، يمكن احنا الدولة الوحيدة الي عندها ثغرات في مواد القانون .،، اكتر من مواد القانون نفسها و الله

{تعاشب شاي}(552) فلاحين كفر الهنادوة!

https://www.youtube.com/watch?v=-xOZiPaYm7U&list=PLBsIgVvbrncB0M8dlzAbvjl79Nu8v_BW4

لما اقولك ان الهند بقالها كام شهر فيها احتجاجات و مظاهرات و اضرابات ضخمة ،، هتقولي يعني مشارك فيها كام واحد مثلا ،، مليون و لا حاجة ،، هقولك لا خالص ،، دول مش بتوع مليون ،، احتجاجات الهند الي موجودة دلوقتي مشارك فيها اكتر من ربع مليار بني ادم ،، اه هو الرقم زي ما سمعت كده ،، اساسا الهند دي لو نزل فيها مليون مواطن بس ،، النظام هناك مش هياخد باله ان دي احتجاجات اصلا ،، هيفتكرهم افراد اسرة واحدة و نازلين يتفسحوا في الويك اند عادي

{تعاشب شاي}(553) كابل ما عداش على مصر!

https://www.youtube.com/watch?v=EIGKyXofiCg&list=PLBsIgVvbrncB0M8dlzAbvjl79Nu8v_BW4

لما التطبيع بين دول الخليج و الصهاينة بقي شغال علي ودنه ،، و بقينا كل يوم بنشوف دولة عربية جديدة بتخش بكل قوتها في حضن اسرائيل ،، الكل قال ان التطبيع ده هيعمل مشكلة لمصر ،، و الدور الاقليمي الي مصر كانت بتقوم بيه لوحدها قبل كده في المنطقة هيشاركها فيه الخليج ،، بس واضح كده ان الموضوع مش هيقف عند الدور الاقليمي .. و التطبيع ده هيعملنا مشاكل تانية ،، و هيبوظلنا حتي سبوبة كابلات الانترنت البحرية الي كنا عايمين فيها لوحدنا بقالنا سنين ،، بقولكوا ايه يا دول يا عربية ،، ما تيجوا نحارب اسرائيل تاني احسن ،، بدل التطبيع الي واقف علينا بخسارة ده

{تعاشب شاي}(554) دولة خطافة رجالة.. و ستات!

https://www.youtube.com/watch?v=YlEyAnVDD0Y&list=PLBsIgVvbrncB0M8dlzAbvjl79Nu8v_BW4

لو انت معارض و فاكر ان الدولة بتكرهك تبقي غلطان .، ما هي مش علشان قبضت عليك و لفقتلك قضية و حبستك و عذبتك و نفختك و كهربتك تبقي بتكرهك ،، لا خالص ،، الدليل علي ان الدولة بتحبك ،، انك لو قدرت بعد الي عملته فيك ده تسيبها و تهرب ،، هي مش هتسيبك ،، و هتدور علي اي حد من عيلتك علشان تحبسه ،، مش علشان هي ظالمة و لا حاجة لا سمح الله ،، هي بس من كتر ما بتحبك بتدور علي اي حاجة من ريحتك علشان تحتفظ بيها في السجن ،، و انت و لا بيطمر فيك و الله

فيلم الليلة من حلقة “الحراق”.. Slumdog Millionaire.. و سيتم رفعه بأحجام مختلفة مناسبة للباقات في البوستات التالية

نسخة 720p

نسخة 480p

نسخة 360p

{الحراق}(54) مليونير مليونير! Slumdog Millionaire

https://www.youtube.com/watch?v=YzfwYTaadSU&list=PLBsIgVvbrncBJbmFFzhjJfzK9aLoMuouz

ورجعنا الهند تاني..
الناس اللي شافت فيلم النمر الأبيض اللي اتكلمنا عنه قبل كده (اللي بالمناسبة بنفكركو هتلاقوه على قناة التليجرام واللينك في وصف الفيديو).. ممكن يكونو لاحظو ان حصلت اشاره سريعة لتحفة فنية صدرت سنه ٢٠٠٨ عن الهند...
والتحفة دي هي فيلم سلامدوج مليونير... اللي ترجمته الحرفية (كلب السكك المليونير) ... او التسمية الشيك شوية (مليونير العشوائيات)
الفيلم اللي كسب ٨ جوايز اوسكار واترشح لحوالي ٢٠ مليون جايزة تانية...
في (النمر الأبيض) البطل بيقول ان مفيش في الحقيقة حاجة اسمها (سلامدوج مليونير) وجو الأفلام الهندي ده...
احنا بنتولد احلامنا مقتولة واوهام الثراء الفاحش دي عمرها ما بتحصل في الواقع....
هتقولي ما هو نفسه في آخر الفيلم اغتنى وبأه مليونير برضه.. هقولك آه ما ده كمان فيلم هندي عادي يعني!!
بس جزء من سحر السينما هي انك بتغوص في عالم مش واقعي وبتصدقه بمزاجك...

{الأسبوع ف كيس}(257) حب في الزنزانة

https://www.youtube.com/watch?v=KbCb8Quy_jI&list=PLBsIgVvbrncAeJMvwCpzZg-ow581Oh13M

انا وجمال مرتاحان الآن.. لأن تراب الوطن ولو في الزنزانة أحب إليه من فضاء الغربة..عودُ حميدُ يا طيرا لا يتقن هجرة عشه..دي كانت رسالة اتكتبت للكاتب الصحفي جمال الجمل اللي اتقبض عليه في المطار تنفيذا لوعد سيادة الرئيس والإعلام .. ان اللي عايز يعارض يتفضل يرجع يعارض من بلده الحبيبة..الرسالة الرومانسية الحالمة دي ..مكانتش من معتقل مرمي في الزنزانة وهو بيستقبله بالحضن ..عشان يقعدوا جنب بعض يتمرمغوا في تراب سجن الوطن اللي احسن من الغربة
دي كانت تويتة من سياسي محنك وناصري معتق ومرشح رئاسي كومبارس طلع التالت بعد الاصوات الباطلة ..بيقول لواحد لبس قضية طازة.. ان السجن احسن من الغربة ..من غير ما ينطق حرف واحد يعترض فيه أو يدين حبسه اساسا ..هو عموما مسحها بعد ما اتشطف من الخونة اللي مش مخلصين لتراب الوطن..وموصلوش لمستوى الوطنية الناصرية المازوخية اللي وصل لها الشيف صباحي ..
اللي بيبارك لمعتقل على الحبس وهو قاعد بالمريلة بيعمل احلى طبق سلطة ..المرقعة اعيت من يداويها والله

{تعاشب شاي}(555) الشعب حبيب البكباشي

https://www.youtube.com/watch?v=UD9s-G-QFLk&list=PLBsIgVvbrncB0M8dlzAbvjl79Nu8v_BW4

من مميزات التاريخ .. إن من ساعة ما بدأ تدوينه وكتابته بشكل موسّع ومن كُتّاب مختلفين .. وبقينا نقدر نتحقق منه ونتأكد من أحداثه .. والكلام ده مش عن التاريخ المصري وبس .. دي منهجية مُتبعة عالميا في كل تاريخ اتكتب .. وكُل ما بقى التاريخ أحدث كُل ما كان سهل علينا اننا نقارن اللي اتكتب في التاريخ بالأحداث اللي اترتبت عليه .. من خلال تسلسل منطقي أو تسلسل زمني
الموضوع أشبه بأنك بتزرع زرعة .. والزرعة النافعة أكيد هيترتب عليها إن ثمرة نافعة هتطرح .. والزرعة الفاسدة أكيد بيترتب عليها إن ثمرة فاسدة هتكبر .. وهكذا ..
صعب جدا تقتنع إن الفساد والسرقة والقمع والتعذيب والحكم العسكري اللي مد جذوره وسيطر على بلدنا ومواردنا وأرضنا وحاليا بيسيطر على حياتنا كمان .. صعب تقتنع إنه أصله كان زرعة نافعة .. صعب "جدا" يكون كل ده ناتج عن قرارات صح أو كانت حتى حسنة النية رغم ان لا التاريخ ولا السياسة بيعترفوا بالنوايا الحسنة ..
لكن أهو بقى .. احنا شعب عاطفي ويمكن نتعاطف مع النوايا الحسنة ونسامح فيها ..

{علمني الغزالي}(12) جعلوني مجرماً!

https://www.youtube.com/watch?v=B_8YCzrJCgc&list=PLBsIgVvbrncAHNkFLd8veDFxr1q-HieVu

و نستكمل رحلتنا مع الشيخ الغزالي و كتاب الإسلام و الأحوال الاقتصادية.. و خلونا النهاردة نحاول نجاوب على سؤال.. هل الأحوال الاقتصادية بتأثر على أخلاق الناس؟

{تعاشب شاي}(556) تجرح قلبي أنا؟

https://www.youtube.com/watch?v=qBIOplWyJyY&list=PLBsIgVvbrncB0M8dlzAbvjl79Nu8v_BW4

واضح كده ان محمد بن سلمان قلب علي السيسي ،، فقام باعتله واحد من رجالته الي هو احمد قطان علشان يطلع في برنامج و ينزل في السيسي و نظامه سلخ ،، ايه يا بن سلمان ده ،، انت ايه الي جرالك ،، هو انت يوم ما تزعل من السيسي تقوم تبعتله حد يتكلم عليه بس كده ،، عيب و الله ،، المفروض تعزمه في اي قنصلية تبعكم و تعرفه غلطه بالمنشار بتاعك ،، ده اقل واجب يرضيك و يرضينا احنا كمان بصراحة

{تعاشب شاي}(557) مدينة الصراط المستقيم

https://www.youtube.com/watch?v=bTM-wj56yug&list=PLBsIgVvbrncB0M8dlzAbvjl79Nu8v_BW4

في يناير ٢٠٢١.. بن سلمان أعلن عن فنكوش جديد للعالم ..
مشروع.. المفروض انه هايكون المستقبل بالنسبة للمملكة و العالم..
قالك ايه يا سيدي؟.. هايبني مدينة جديدة.. طب و ايه الجديد في كده؟.. الجديد يا سيدي ان المدينة الجديدة دي هاتكون عاملة زي الصراط المستقيم كده.. المدينة بعرة عن خط واحد طوله 160 كيلومتر تقريبا..

فيلم A Hologram For The King.. سيتم نشره في البوستات التالية بأحجام مختلفة مناسبة للباقات

A Hologram For The King 720p

A Hologram For The King 480p

A Hologram For The King 360p

{تعاشب شاي}(558) ماحدش هايبني هنا!

https://www.youtube.com/watch?v=Q_26QNwMR5k&list=PLBsIgVvbrncB0M8dlzAbvjl79Nu8v_BW4

السيسي كل يوم و التاني بيطلع قانون يخص العقارات ،، مرة منع بنا و مرة تصالح و مرة شهر عقاري ،، و في كل قانون من دول بيدفع الناس دم قلبهم غرامات و رسوم و ضرايب علي البيوت الي ساكنين فيها و لو مدفعوش بيهدها علي دماغهم ،، جري ايه يا سيسي ،، انت مش مكفيك القصور الي انت عمال تبنيها و تعيش فيها ، ،، و باصص للناس في شققهم و عاوز تاخدها منهم وتسكن فيها هي كمان و لا ايه

{عرفوه بالعقل}(45) هل الإسراء و المعراج أسطورة؟

https://www.youtube.com/watch?v=RTN3y8TIYas&list=PLBsIgVvbrncCUHtc-Gd9d0t5wBXwC0_DO

من كام شهر كان طلع الصحفي المعروف الأستاذ حافظ الميرازي يقول: إن قناة الحرة الأمريكية اتعاقدت مع إبراهيم عيسى وإسلام البحيري مقابل أموال طائلة بهدف عمل برامج لنقد النص الديني الإسلامي و(إصلاحه)، وطبعا كلنا عارفين قد إيه حرص إخوانا الأمريكان على الإسلام ووسطيته، فتعالو نشوف الأستاذ إبراهيم عيسى؛ هل بيبذل مجهود يتناسب مع الغاية الشريفة دي ومع المقابل اللي بياخده؟ ولا ما بيركزش في شغله وبيطلع يهلفط بأي كلام هو وضيوفه؛ و والعياذ بالله بيأكل عياله بفلوس حرام؟