{تعاشب شاي}(861) و لكنكم تحرقون أوراق القمحون!

https://www.youtube.com/watch?v=Af5YPCsMqT8&list=PLBsIgVvbrncB0M8dlzAbvjl79Nu8v_BW4

اول ما بدات الحرب بين روسيا و اوكرانيا .. فيه مصريين كتير مسكوا بطنهم و بداوا يقلقوا ويفكروا في رغيف العيش .. علي اساس ان معظم القمح الي بتستورده مصر بييجي من الدولتين الي مسكوا في خناق بعض دول .. و اكيد الخناقة دى هتعمل قلق و هتاثر علي تصدير القمح لينا .. ما هم ايديهم مش فاضية بقي .. و اكيد مش هيسيبوا السلاح الي ماسكينه و هيبعتولنا قمح .. و هنا بقي فيه ناس سألت سؤال مهم جدا .. يا تري الدولة عندنا عاملة حسابها و محضرة خطة بديلة للطوارئ علشان توفر القمح و لا لا ؟ .. بصوا هو احنا عموما ملناش في حوار التخطيط ده .. و مبنعملش خطط في الظروف العادية اصلا .. فاكيد مش هنعمل خطط مخصوص للطوارئ يعني .. بس في نفس الوقت احنا مطمنين و حاطين في بطننا سنبلة صيفي .. لان عندنا في مصر حاجة اهم من الخطط بكتير ..

{تعاشب شاي}(862) عصافير النهضة

https://www.youtube.com/watch?v=JQA4ZH16Ig4&list=PLBsIgVvbrncB0M8dlzAbvjl79Nu8v_BW4

فاكر لما السيسي وقف يخطب في الصحفيين اللي حضروا حفل تعويم السفينة " ايفر جرين " اللي كانت مشبوحة في قناة السويس، و كان لابس نضارة شمس غالية و بدلة آخر شياكة و نافش ريشه و متقمص روح جمال عبدالناصر و قال ان كل الخيارات بما في ذلك الخيارات اللي مش تمام متاحة قدام المصريين في موضوع سد النهضة لو اثيوبيا ركبت دماغها و كملت في المشي الشمال و حرمت مصر من اي جزء من حصتها في مية النيل؟
طيب فاكر لما جهاز السامسونج حب يمتص غضب الناس شوية و ادى تعليمات للاراجوزات بتوعه انهم يهاجموا اثيوبيا و السد شوية، بعد ما كان اعلام السيسي بيهوّن من خطر السد ؟
و طلع ساعتها احمد موسى نفسه هاجم اثيوبيا ؟
طيب فاكر الهري الكتير عن مناورات الجيش في السودان و اللي بعض الحالمين قالوا ان هدفها التحضير لضرب السد؟

اهو كل ده مش بس طلع بلح .
لا ،
ده كمان حوار السد كله على بعضه مبقاش موجود تقريبا لا في حوارات المصريين و لا في اعلام السيسي و المولد انفض يا معلم !!
ازاي و ليه ده حصل؟
و ايه معنى ده ؟

{كشف حمادة}(75) فيلسوف الغلابة

https://www.youtube.com/watch?v=G8Gq1gd8HmU&list=PLBsIgVvbrncAh0AZmC-LIXEQWlSbz7MZq

توت توت.. الحرية ولا القوت.. هتموت وأنت ذليل ومصدي ، ولا تموت راجل بتحدي ، أصل العمر أكيد هيعدي ..وفي كل الأحوال هتموت..
لو كان مفهومك عن الشخص الأعمى أنه إنسان مابيشوفش وراح النور من عينيه ، قعدة واحدة مع عم صلاح عبد الله هتعرفك ان العمى عمى القلوب والبصيرة .. لو فكرتك عن العمى أنه ضعف واستكانة وتواكل، أسمع عم صلاح عبد الله وهو بيشاغب، وتسلخ قصايده كل فاسد وظالم ..هتعرف إن صاحب الحق قوي حتى لو كان بنضارة وعكاز و سلاحه مجرد الكلمة..لو شايف إن الإعاقة يأس وعجز واكتئاب، تبقى محتاج جلسة أنس وفرفشة مع عم صلاح عبد الله..البهجة والضحكة اللي من القلب مضمونة مع المشاكس الجرئ ابو دم خفيف.. ولأن لكل شئ نهاية ولكل قطر معاد وصول لآخر محطة ، تنتهي رحلة حياة شاعر العامية الكبير يوم الاتنين 21 فبراير ..ويمشي بهدوء.. ويسيب دكتور الفلسفة وراه مئات القصايد والحكاوي.. وسط تجاهل تام للخبر من إعلام فتح له كل استوديوهاته

{تعاشب شاي}(863) وديتي النووي فين يا أوكرانيا

https://www.youtube.com/watch?v=pytX5aR8oc8&list=PLBsIgVvbrncB0M8dlzAbvjl79Nu8v_BW4

من ساعة ما روسيا هجمت علي اوكرانيا و العركة قامت .. و احنا قاعدين نسمع حوارات و اخبار و تحليلات ليل نهار عن الحرب و اسبابها و نتايجها و تاثيرها علي موازين القوي في العالم و كلام كبير من النوع ده .. و من ضمن الحاجات الي سمعناها كتير اوي اليومين الي فاتوا .. جمل من نوعية .. منهم لله الي ضحكوا علي اوكرانيا و خدوا منها اعز ما تملك .. الي هو السلاح النووي يعني .. و لو مكانتش اوكرانيا فرطت في النووي الي عندها مكانش ده بقي حالها .. طيب ايه قصة السلاح النووي الي كان عند اوكرانيا ده .. و مين دول الي ضحكوا عليها و غرروا بيها و خدوه منها .. و انتي يا اوكرانيا .. ازاي يبقي عندك سلاح نووي و تفرطي فيه عادي كده .. ده الي عنده مسدس صوت في الزمن الاغبر ده بيحافظ عليه و بيشيله في عينيه و بيخبيه في بوكسره !

{تعاشب شاي}(864) اشتريه!.. ده رخيص!

https://www.youtube.com/watch?v=lZqZ5azL0VA&list=PLBsIgVvbrncB0M8dlzAbvjl79Nu8v_BW4

من اول لحظة للسيسي في الحكم و الكل عارف انه بايع نفسه للامارات بدون اي اعتبار لا للامن القومي المصري، و لا الاقتصاد المصري و لا المواطن الصري اللي تقدر تعتبر انه اصبح من رعايا الدولة الاماراتية !
لكن الغريب ،
هو ان رغم الشواهد و الاخبار اللي بتقول ان فيه بعض الخلافات بين القاهرة و ابوظبي، و رغم الدعم الامارتي الواضح و المباشر لاثيوبيا في سد النهضة ، اللي هو اكبر خطر عرفته مصر في تاريخها كله، و رغم ان الاخبار بتاعت الخلافات دي وصلت لكلام عن طرد السفير الاماراتي من مصر او على الاقل خروجه من البلد، رغم كل ده ، لسة الامارات نازلة شرا في كل حاجة في مصر من مستشفيات لشركات مقاولات لشركات اوراق مالية لبنوك لكل حاجة حرفيا !
وبعد ما كنا بنتكلم عن شركات و حاجات بتشتريها الامارات ، بقى الوضع هو ان الامارات بتغرف غرف من السوق المصري !
ايه الخريطة و الحجم الجديد للتوسع الاماراتي في السوق المصري ؟
و ايه سر التوسع ده ؟
و ممكن يوصل بينا لفين ؟

{تعاشب شاي}(865) ماعملتش و مش هاعمل!

https://www.youtube.com/watch?v=5U8AVtySLH0&list=PLBsIgVvbrncB0M8dlzAbvjl79Nu8v_BW4

عمرك شفت رئيس امريكا او فرنسا او اي بلد طبيعية ، مش لازم تكون بلد سوبر ، لا بلد زي تركيا مثلا مهياش من دول الصف الاول في القوة و التقدم ، عمرك شفت حد من قيادات الدول دي طالع يفتتح حاجة اسمها " المشروع القومي لتنمية الاسرة " ؟!
طب عمرك شفت حاجة كده في الدول اللي بتعاني من قلة عدد سكانها مثلا؟.. طب لما تكون الدولة بتشتكي أصلا من زيادة عدد السكان.. يبقى مشروع تنمية الأسرة ده هدفه ايه بالظبط؟.. قطع الخلف؟
مستحيل طبعا ، لان الاسرة في فكر الناس الطبيعية هي زيها زي اي حاجة في المجتمع و الحياة ، بتتطور و بتنمو بشكل طبيعي في اطار مناخ عام طبيعي برضه ، فيه افراد الاسرة دي بيلاقو خدمات و تعليم و امكانيات و موارد دخل ، بشكل طبيعي برضه ، مش بقرار من سيادة الرئيس الملهم ولا الزعيم الخزعبلي !
الاسرة بما انها اساس المجتمع و و حدة بناؤه فهي مش محتاجة قرار حكومي .
ولا مشروع قومي .
لكن زي ما كلنا عارفين، كل حاجة عند السيسي غير !
فتلاقيه راح يفتتح حاجة اسمها " المشروع القومي لتنمية الاسرة المصرية " !

{عيانين بالإبداع ADHD}(05) انت مش لوحدك يا فواز

https://www.youtube.com/watch?v=xIxHy4yaM5c&list=PLBsIgVvbrncDhUgCH6RUClfyYvcA7z51K

معلهش انشغلت عنكم شوية الفترة اللي فاتت.. بس ادينا رجعنا نكمل رحلتنا..
و خلونا النهاردة نتكلم عن وباء استفحل بين البشر في العالم كله..
و الهداهد من أكتر الناس اللي بيعانوا منه.. وباء.. الوحدة..

{الحراق}(119) المش خرساء CODA

https://www.youtube.com/watch?v=gAugIBqVptQ&list=PLBsIgVvbrncBJbmFFzhjJfzK9aLoMuouz

سي – أوه – دي – إيه
أو – CODA
اربع حروف انجليزي.. هي الحروف الأولى من جملة Child Of Deaf Adult
يعني "طفل لشخص بالغ أصم"
كودا مترشح السنة دي لجايزة أوسكار احسن فيلم.
القصة بسيطة... طفلة طبيعية اتولدت في أسرة من الصم والبكم.. وبتلاقي نفسها مجبرة تلعب دور حلقة الوصل ما بين أسرتها والعالم الخارجي.
مسؤولية كبيرة من أول ما فتحت عينها علي الدنيا... ودور معكوس بيخلي أصغر عضو في الاسره هو أهم عضو فيها!
بس مش دي المشكلة... المشكلة ان هاييجي يوم من الأيام.. والطفلة دي هاتكبر.. هاتحب تسافر او تروح كلية.. أو يبقالها حياتها الخاصة بعيد عن الدور اللي اترسملها غصب عنها!
بس أسرتها عاشت حياتها كلها معتمدة عليها بشكل كامل
هنا بتلاقي نفسها في اختيار صعب..
تتخلي عن اسرتها..
ولا تتخلي عن كل احلامها؟
فيلم (كودا) مش أول ولا أخر عمل فني يتكلم عن ذوي الاحتياجات الخاصة... وتحديدًا الصم والبكم...
بس فيه نقطة عبقرية... بتفرقه عن أي عمل تاني.. فرق السما من الأرض

{تعاشب شاي}(866) لاجئين.. خيار و فقوس!

https://www.youtube.com/watch?v=Nal2s15iF1U&list=PLBsIgVvbrncB0M8dlzAbvjl79Nu8v_BW4

زي ما في حياة الانسان الشخصية او الفردية ، الازمات بتقوم بدور مهم في كشف حقيقة الانسان ده لما بيمر بيها، و زي ما من ضمن الحاجات اللي الازمات بتكشفها هي درجة تمسك الانسان بالمباديء اللي بيغني بيها و يتكلم عنها .. بيحصل بالظبط نفس الموضوع على أوسع او صورة أكبر .. لما البشرية كلها او العالم تمر بأزمة جماعية .
و بما ان الغرب بحكم سيطرته على السياسة و الاعلام هو اللي بيشكل مجموعة المباديء و الشعارات اللي بتتصدر للناس و بتحكم حياتهم ، فالغرب دلوقت بيمر باختبار حقيقي لقيمه المتعلقة بالمساواة و العدالة ورفض العنصرية و التمييز بين الناس على أساس الدين او الجنسية او اللون ..
الاختبار ده هو التعامل الغربي مع اللاجئين الاكرانيين او النازحين الاكرانيين اللي بيدقوا على باب دول اوروبا ، بعد القصف الروسي، في مقابل التعامل الغربي مع اللاجئين العرب و المسلمين و الملونين و الافارقة و كل من هو غير غربي او اوروبي .
هل الغرب نجح في الاختبار ده ؟

{تعاشب شاي}(867) شرقونا ووسطنونا

https://youtu.be/9wMgXrksaFI

من سنين كتيرة، يمكن حتى من قبل موجة الربيع العربي ، واحنا بنسمع تعبيرات كتير و توقعات كتير وتحليلات اكتر عن " الشرق الاوسط الجديد" او " تغير الشرق الاوسط " او " خريطة جديدة للشرق الاوسط " و احيانا بيوصل الكلام لدرجة ان فيه اتفاقية سايكس بيكو جديدة بتتطبق واحنا مش دريانين ، و حاجات تانية كتير قوي دايما حاضر فيها معنى ان فيه حاجة بتتغير في الشرق الاوسط و العالم العربي .
حتى مع عركة بتحصل خارج حدود العالم العربي و الشرق الاوسط ، زي غزو روسيا لأوكرانيا، برضه فيه كلام كتير عن تأثيرات ده على الشرق الاوسط ، سياسيا و اقتصاديا .
ولان التغييرات اللي بنسمع عنها او نقراها دي ، هي في النهاية عبارة عن سياسة واقتصاد ، فهي بتأثر بشكل كامل على الانسان العربي ، حتى لو هو نفسه مش قادر يربط بين التغيرات دي و بين اللي بيحصل له او بيحصل فيه !
عشان كده حابب اكلمك النهاردة حوالين : هل فعلا فيه تغيرات في الشرق الاوسط ؟
و ايه اللي بيتغير ؟
و هل السياسة بس هي اللي بتتغير ، ولا فيه حاجة بتتغير في الناس كمان . الناس العادية ؟

{الحراق}(120) نيمني لاشقك! INSOMNIA

https://www.youtube.com/watch?v=XtnnVIfASZY&list=PLBsIgVvbrncBJbmFFzhjJfzK9aLoMuouz

"مفيش جريمة كاملة, وكل مجرم لازم يسيب وراه دلـ.."
بس بس بس بأه كفايه كدب!
هبدة من هبدات المسلسلات والروايات البوليسية..و أي حد له علاقة بعالم القانون ولو من بعيد عارف انها هبدة!
الجرايم الكاملة بتحصل كل يوم... آلاف الجرايم سنويًا بتـتـقيد ضد مجهول..
قتل واغتصاب وسرقة بالاكراه وكله.. وده إما عشان المجرم مابيتمسكش.. او بيتمسك بس بيطلع براءه عشان جاب محامي شاطر ضربله مفك في القضية.
بس المفتش "دورمر" Dormer عارف ده كويس.. ومؤمن بروح القانون مش باجرائات المحاكم، ولو انت فاكر انك هتجيب محامي خلبوص يطلعك زي الشعره من العجين.. فهو هيقطعلك الشعرة ويحرقلك العجين.. لأنه شايف إن دي الأمانة اللي استأمنه عليها المجتمع.. انه يخلص عالمجرمين مش يلعب معاهم قط وفار!
باختصار... الغايه تبرر الوسيلة..
بس السؤال بأه.. هيحصل ايه لما المفتش دورمر نفسه يقتل شرطي زميلة بالغلط؟!
يا ترى هيبقي عاوز القانون يتنفذ فيه هو شخصيًا؟!
ولا هيقولك لأ انا من فريق الطيبين ومينفعش اقع؟!
من ا

{الأسبوع ف كيس}(798) العملية ١١١

https://www.youtube.com/watch?v=uk6Fnbfc1bk&list=PLBsIgVvbrncAeJMvwCpzZg-ow581Oh13M

السيسي الاسبوع ده مسك كالعادة الحديدة مرتين.. بس المرة الأولى كانت مختلفة عن كل مرة..هو كتر خيره محبش يطول علينا وقال كلمة صغيرة استمرت حوالي نص ساعة ، بس عينك ما تشوف الا النور، نص ساعة من الصراحة والوضوح والمكاشفة ، كان فاضل له بس دقيقتين ويعترف أنه جاي يحرض ال 100 مليون بالأطفال والرضع ينزلوله الشارع ..عشان انا مجنون يا اخوانا وجاي اموتكو من الآخر ومش همشي غير لما اجيب ضرفها.. هو باختصار قال لنا انا مش قادر اصرف ولا اعالج ولا لاقيين ناكل، بس الحمد لله حققنا نمو اقتصادي العالم السفلي كله بيشهد بيه.. معنديش ولا قادر أعمل تعليم كويس ، بس الشهادة لله طارق شوقى عمل شغل في تطوير التعليم محصلش من ايام تحتمتس التالت.. مش قادر اوظف، بس وفرنا فرص عمل كتيرة.. ومش قادر اسكن بس عملنا شوية وحدات سكنية عجب يعني ..ومش هقدر ادي الناس مرتبات كويسة.. ،مش بس كده ده اتهم الموظفين أنهم بياخدوا مرتبات دنيا

{تعاشب شاي}(868)بن سلمان العلي القدير

https://www.youtube.com/watch?v=vjnDu0vIR5A&list=PLBsIgVvbrncB0M8dlzAbvjl79Nu8v_BW4

من كام يوم.. لقيت فرح عاملاه المطازيز الإلكترونية على تويتر.. و قاعدين يزغرطوا و يهللوا و يقولوا طال عمره طلع في الإعلام الأمريكي يا منز.. يا حلاوته و عمقه و قوته و كريزمته .. يا كايدهم يا مجننهم يا سموك..
مع انه اتشطف في الحوار و الصحفي خده غسيل و لامؤاخذة مكوة كالعادة.. بس هم اعتمدوا على ان الحوار مكتوب و بالانجليزي.. مش مصور.. و غالبا ماحدش هايقراه.. خصوصا و انه طويل جدا.. بس حزر فزر مين قراه؟

{تعاشب شاي}(869) و ديني لاقطع عنهم المصروف!

https://www.youtube.com/watch?v=IcG_SdxR6Lw&list=PLBsIgVvbrncB0M8dlzAbvjl79Nu8v_BW4

من ساعة ما بدات حرب بوتين علي اوكرانيا … و العقوبات نازلة ترف علي روسيا من كل حتة في امريكا و اوروبا .. و اي حد معدي في العالم بقي يروح يرمي شوية عقوبات علي روسيا و هو ماشي كانه بينقط في فرح بالظبط .. و العقوبات وصلت للرياضة و الفن و الادب كمان .. لقينا اللجنة الاوليمبية بتجمد عضوية روسيا و بتطردها من البطولات الرياضية .. و الاتحاد الدولي لكرة القدم بيحرمها من كاس العالم .. و فيه جامعات دولية كبيرة منعت تدريس الادب الروسي عندها .. ده احنا عرفنا كمان ان فيه اتحاد كده اول مرة نسمع عنه اسمه اتحاد القطط السيامي باين .. قرر انه يمنع القطط الروسي من انها تنونو في مهرجاناته . .. انا شخصيا اول ما سمعت عقوبة القطط دى بالذات قلت ان اكيد بوتين هاينهار و هايتراجع بعدها علي طول.. و مش بس هيوقف الحرب و ينسحب من اوكرانيا .. ده ممكن ينسحب من موسكو نفسها كمان !

{تعاشب شاي}(870) دي سياسة امك!

https://www.youtube.com/watch?v=RhW2gZGZgoA&list=PLBsIgVvbrncB0M8dlzAbvjl79Nu8v_BW4

من لحظة ما عرفنا السيسي ، وهو بيتصدر من قبل انصاره و مؤيديه و اعلامه على انه حاجة تانية خالص في عالم السياسة معدتش على مصر ولا العالم كله !
و من لحظة ما وصل للسلطة، وهو بيروج، ومعاه اعلامه و فنانينه و طبالينه وزمارينه، ان سياساته مختلفة وبتبني مصر من جديد بعد قرون من الخراب !
لدرجة ان هو نفسه سماها " الجمهورية الجديدة"!
و من اهم الملفات اللي السيسي و اعلامه بيقولو ان اداء السيسي كان خرافي وملوش مثيل ، هو السياسة الخارجية !
حاجة تحسسك كده ان رئيس امريكا و لا رئيس روسيا قبل مايبص في خلقة مراته اول ما يصحى بيكلم السيسي ياخد منه تعليمات اليوم !
دلوقت بقى ،
فيه حرب في اكرانيا ..
بين دولتين واحدة منهم اللي هي روسيا ، علاقة السيسي بيها فل الفل بل كانت روسيا من اللي رسخوا حكم السيسي في اول ايامه !
و التانية اللي هي اكرانيا ، حبيبة الامريكان اللي اصلا مكنش السيسي هيوصل للسلطة ولا يستمر فيها الا برضاهم و دعمهم و مساعدتهم !
السياسة الخارجية للسيسي بقى ، اخبارها ايه؟

{تعاشب شاي}(871) جمهورية الدكان العربية

https://www.youtube.com/watch?v=dFnL9dPmPQY&list=PLBsIgVvbrncB0M8dlzAbvjl79Nu8v_BW4

الدنيا مقلوبة بقالها يومين بسبب التصريحات المفاجئة اللي قالها حمد بن جاسم ، رئيس وزراء ووزير خارجية قطر السابق ، بخصوص الإخوان المسلمين و حكم د. مرسي الله يرحمه و المعاونين بتوعه .
ليه التصريحات دي عملت صدمة عند ناس كتير؟
وايه سر خروجها في التوقيت ده بالذات ؟
و ايه معناها و اهميتها و علاقتها باللي بيحصل في مصر و العالم العربي ؟
تعالوا نشوف..

{تعاشب شاي}(872) هل يضعه بايدن بأكمله؟

https://youtu.be/kyNImbunAfA

مفيش شك ان بوتين واحد من اقوى و اشرس حكام العالم يمكن في تاريخه .
الراجل في السلطة من سنة 2000 ، يعني 22 سنة في الحكم بقبضة حديدية من غير ما يرمش له جفن ولا يظهر له منافس و حتى المعارضة هو بيقمعها بمنتهى الحزم و العنف .
لكن مع مغامرة بوتين الاخيرة بغزو اكرانيا ، بدا يظهر كلام او اسئلة حوالين : هل ممكن تكون دي نهاية ، او بداية نهاية بوتين ؟
و هل فيه اي مؤشرات بتقول ان ممكن تكون قوة بوتين الرهيبة بدأت او هاتبدأ في التراجع؟
تعالوا نشوف.

{تعاشب شاي}(873) حصالتي ليها كرش

https://youtu.be/lHvv7irAwlQ

من كام يوم لقينا كل وكالات الانباء في العالم واقفة علي رجل و عمالة تنشر تسريبات ظهرت لبيانات و حسابات سرية تخص بنك كريدي سويس السويسرى .. و لما بصينا علي التسريبات دي .. اكتشفنا ان عدد كبير من عصابة حسني مبارك .. ليهم حسابات سرية في البنك ده فيها مليارات متلتلة .. منهم جمال بيه و علاء بيه ولاد الحاج مبارك … و حسين سالم ,.. و اللوا عمر سليمان … و حتي قتال القتلة هشام طلعت مصطفي طلع هو كمان له حساب سري في البنك .. ايه يا جدعان .. هو كريدي سويس ده كان فاتح مخصوص علشان الحرامية بتوع مصر يحطوا فلوسهم فيه و لا ايه .. البنك ده لو كان في العتبة مش سويسرا مكانش هيبقي فيه كمية المصريين دول

{تعاشب شاي}(875) فلتبدأ الهنقر قيمز!

https://www.youtube.com/watch?v=mfcMH8MCTYg&list=PLBsIgVvbrncB0M8dlzAbvjl79Nu8v_BW4

المفروض يتحط بند إضافي في عقود العمل في مصر، في الشركات الخاصة، بيقول : في حالة تخلصك من حياتك أثناء ساعات العمل بسبب الفشخ الذي سوف تتعرض له ، مع من نتواصل من اهلك أو أصدقائك ؟!
و ده لان واضح ان الشركات الخاصة في مصر، او جزء مش قليل منها ، تحول لطريق سهل و سريع للآخرة!
الشركة من دول تتعاقد مع الشاب الغلبان من دول بمرتب ضعيف ميكفيش مواصلاته ، لانه محتاج الشغل و البلد حالها واقف . و تشغله ساعات عمل لا نهائية من غير اجازات و يلاقي نفسه شغال فواعلي عند مديره و قرد احيانا لازم يتنطط له عشان يرضى عنه .
و رغم ده كله بتطلع عينه و يلاقي النط من البلكونة في الآخر هو الطريق الوحيد لإنهاء القرف ده كله !
هو ايه اللي بيحصل في سوق العمل في مصر وصل البعض الموظفين لتفضيل انهم يخلصو من حياتهم على الاستمرار ؟
و ليه المناخ ده موجود اصلا ؟
و هل ممكن ينتهي ؟

{تعاشب شاي}(874) هذا أحبه.. و هذا أريده..

https://youtu.be/K6jPu9e3YhY

كلنا عارفين كويس اوي .. ان الحرب الي شغالة بقالها اسبوعين دى .. مش حرب بين روسيا و اوكرانيا و خلاص علي كده .. دى حرب بتقف فيها روسيا ضد امريكا و كل دول اوروبا .. و ده بيخلي معظم دول العالم محتارين و مترددين و مش عاوزين يتسرعوا و ياخدوا موقف واضح مع طرف ضد التاني علشان ما يندموش بعد كده .. طيب نعمل ايه في الورطة دى .. نقف مع الامريكان و نخسر الروس .. و لا نقف مع بوتين و نخسر امريكا .. و لا نقف مع الاتنين .. و لا نسيب الاتنين واقفين و نشوف حتة ناشفة نروح نقف فيها لوحدنا و لا نهبب ايه !

{الحراق}(121) علي بابا حرامي!

https://www.youtube.com/watch?v=RP1nqFHrXvM&list=PLBsIgVvbrncBJbmFFzhjJfzK9aLoMuouz

_ الحاجات اللي ممكن تفضل عايش تفاصيلها بشكل معتاد في حياتك اليومية، والممارسات اللي اتعودت تمارسها..الكلام اللي اتعودت تقوله ، الشارع اللي متعود تمشي منه .. الأفكار والقيم اللي اتربيت ونشأت عليها ، والعادات اللي مطالب طول الوقت بأنك تحافظ عليها.. كل دي بتندرج تحت بند اسمه التابوهات .. يعني المحظورات وغيرها من الحاجات اللي بيقدسوها وبيحرموا التعدي عليها..مع الوقت اتطور المفهوم ده وبقينا نسقطه على حياتنا الاجتماعية، وموروثاتنا التراثية والثقافية..وبقى فيه ثوابت بقى صعب الخروج عليها أو حتى مناقشتها..اللي هو من الآخر هذا ما وجدنا عليه أجدادنا ..اللي يحاول يفكر أو يناقش أو يرفض ويحاول يغير ، أو يقول رأيه في الثوابت والمسلمات دي ، الناس بتستغربه وتهاجم اختلافه ده ، وممكن تعاديه وتحاربه لو كانت وجهة نظره اللي بناها واقتنع بيها ، مخالفة للي فضل سنين راسخ في عقولهم ..