{حدوتة عربية}(05) صراع العروش

https://www.youtube.com/watch?v=fC1C-try-3Y&list=PLBsIgVvbrncBI-GBODIFomvD6RVkJ618b

شفنا ازاي النبي "ص" كان شخصية استثنائية في تاريخ العرب.. الوحيد اللي نجح في انه يوحدهم تحت لواء "رسالة التوحيد"..
و خلونا نقف وقفة هنا بس عشان نوضح نقطة بسيطة قبل ما نكمل..
ناس كتير من إخواننا الشيعة اعترضوا على الحلقة اللي فاتت لما قلت ان النبي ”ص“ ما أوصاش بالخلافة لحد من بعده و ترك المسألة للاجتهاد البشري عادي..
اعترضوا و قالوا ان النبي ”ص“ أوصى بالخلافة لسيدنا علي.. فهل ده حصل فعلا؟

{تعاشب شاي}(549) بل سنحاربهم بالزن

https://www.youtube.com/watch?v=HWBQvJUOuhM&list=PLBsIgVvbrncB0M8dlzAbvjl79Nu8v_BW4

لو هتدوّر للسيسي على انجازات حقيقية .. فغالبا مش هتلاقي حاجة عليها القيمة يعني .. إلا حاجة واحدة الصراحة تعتبر في حد ذاتها حنفية انجازات .. وهي الإعلام .. وبكده مش محتاج فعلا انك تعمل انجازات حقيقية طالما عندك اعلام بيقول انك بتعمل انجازات ملهاش آخر والبلد مبقاش فيها مكان خلاص تستحمل الانجازات الرهيبة دي .. أو مش محتاج انك تعمل أي حاجة أصلا طالما عندك اللي يتكلم بإسمك طول الوقت ويفرض على الناس صوتك ورأيك وان كل حاجة تمام وزي الفل .. وممكن من البجاحة ان اعلامك يوصّل الناس انهم يشكوا في نفسهم .. لو كل اللي بيتقال في الاعلام ده حقيقة .. أومال حياتنا مبتتحسنش ليه؟ فين البلد اللي بتتكلموا عليها دي؟ .. احنا بجد عايشين معاكم في نفس البلد؟

فيلم حلقة الليلة من “الحراق”.. خرج ولم يعد

{الحراق}(53) هبأ ولم يعد

https://www.youtube.com/watch?v=xpuDVP27wMI&list=PLBsIgVvbrncBJbmFFzhjJfzK9aLoMuouz

اللي يتأمل في مقولة سيدنا عمر بن الخطاب" أعتزل ما يؤذيك" ..هيلاقي ان الجميل فيها أنه مقالش تحمل ما يؤذيك أو تعايش مع ما يؤذيك..قال اعتزله ..اعتزله قبل ما تكتشف الحقيقة متأخر..انك استنزفت صحتك وتلفت اعصابك وضيعت عمرك في علاقات أو شغل أو نمط حياة يومي ..منتش لاقي نفسك فيها ولا محقق طموحك ولا لاقي سعادتك أو راحتك النفسية فيها ..أخرج من الحيطان الضيقة لو من جواك بتحب الوسع.. أخرج من زنزانة انك تعيش عشان بس ترضي حد ..أو تبقى نسخة من حد غير نفسك ..أخرج من المكان اللي اذاك ورابطك بحبال اليأس ..وبيزرع جواك كل يوم وهم انك ضعيف ومش هتقدر..وبيقنعك ان اخرك هنا وقدرك كده وان حلمك بفرصة للتغيير فات أوانه ..اديله ضهرك ومتبصش عليه حتى نظرة وداع ..اقطع حباله اللي رابطك بيها لأن قطعها اسهل ما كنت تتصور..وكون انسان مش آلة روتينية اللي تبات فيه تصبح فيه..خلي كل شئ اذاك يعتبرك في عداد المفقودين وينصب عزاك..خليه يعتبرك انسان ...خرج ولم يعد.

{الأسبوع ف كيس}(256) الشهر العقاري خير من ألف شهر

https://www.youtube.com/watch?v=xgyH2_i04tA&list=PLBsIgVvbrncAeJMvwCpzZg-ow581Oh13M

في إطار جهود النظام لرفع مستوى صحة المواطن .. بالمشاركة طبعا مع المؤسسات الخيرية اللي بتساعد البلد وبتقدم خدماتها بالمجان للغير قادرين ..قامت قواتنا الباسلة في وزارة الكهربا بإصدار التوزيع الجديد من أغنية مستشفى د. مجدي يعقوب لعلاج الأطفال بالمجان.. ورسمت له قلب وضحكة على الشبابيك بس من غير إسعاد يونس..ومعاها رسمت له فاتورة استهلاك كهربا ب 650 ألف جنيه.. آه زي ما سمعت كده ..الدولة اللي مديونة للمستشفى دي اصلا ..وفرض عليها تساعدها على قد ما رفعت هي عن كتفها علاج الآلاف وعالجتهم هي وقامت بدور الدولة في رعايتهم ..الدولة قالت له ثانك يو سير مجدي يعقوب..ايدك على 650 الف جنيه برضه ..ايه يعني بتعالج اطفال هتاكلوا مصر يعني ..بس ايه بقى بنحضرلكم اعلان في رمضان الجاي ايه..يشرح القلب كده ….

{تعاشب شاي}(550) الكفن مش إلو جيوب!

https://www.youtube.com/watch?v=jBHHsj5k1vM&list=PLBsIgVvbrncB0M8dlzAbvjl79Nu8v_BW4

يوم 25 فبراير.. كان معاد أسرة الرئيس الأسبق مبارك مع الذكرى السنوية الأولى لوفاته..عشان تظهر إعلاميا لاول مرة مقبرة سيادته المهيبة ..اللي لو حد شاف الصور او الفيديوهات اللي انتشرت من غير ما يقرا العنوان..كان افتكر أنه افتتاح فندق او متحف أو اكتشاف اثري لمقبرة ملك فرعوني مثلا.. وبمناسبة الذكرى دي ..في كتاب لمحمد حسنين هيكل صدر في 2012 اسمه مبارك وزمانه..ذكر واقعة حصلت بين مبارك وأمير سعودي..اتكلم معاه عن جمال مبارك وسأله عن التوريث ..فرد عليه مبارك بدهشة وعصبية : يا راجل حرام عليك اورث ابني ايه ؟ اورثه خرابة ؟ هو هيكل مقالش الأمير السعودي إن كان سكت..ولا رد عليه وقال له ولما انت بتعترف أنها خرابة قفشت في كرسي حكمها ليه 30 سنة ..وخليت خلعك من فوقه يحتاج لثورة شعبية تبعها انقلاب عليك من رجالتك نفسهم.. والحقيقة أن دي يمكن من أصدق الجمل اللي قالها مبارك واكترها صراحة ..ودي اصلا وجهة نظر أي حاكم عسكري في مصر وشعبها .

{تعاشب شاي}(551) ازاي مبارك طلع براءة؟

https://www.youtube.com/watch?v=9jeDa_vGjWM&list=PLBsIgVvbrncB0M8dlzAbvjl79Nu8v_BW4

يمكن يكون القانون ميعرفش زينب ،، بس كان يعرف مبارك و رجالته كويس اوي ،، و عرف كمان يطلعهم براءة من كل القضايا الي كانوا بيتحاكموا فيها ،، من اول قتل المتظاهرين ،، لحد الفساد و التربح و سرقة المال العام ،، الموضوع سهل وبسيط و القانون بتاعنا مفيش اكتر من ثغراته ،، يمكن احنا الدولة الوحيدة الي عندها ثغرات في مواد القانون .،، اكتر من مواد القانون نفسها و الله

{تعاشب شاي}(552) فلاحين كفر الهنادوة!

https://www.youtube.com/watch?v=-xOZiPaYm7U&list=PLBsIgVvbrncB0M8dlzAbvjl79Nu8v_BW4

لما اقولك ان الهند بقالها كام شهر فيها احتجاجات و مظاهرات و اضرابات ضخمة ،، هتقولي يعني مشارك فيها كام واحد مثلا ،، مليون و لا حاجة ،، هقولك لا خالص ،، دول مش بتوع مليون ،، احتجاجات الهند الي موجودة دلوقتي مشارك فيها اكتر من ربع مليار بني ادم ،، اه هو الرقم زي ما سمعت كده ،، اساسا الهند دي لو نزل فيها مليون مواطن بس ،، النظام هناك مش هياخد باله ان دي احتجاجات اصلا ،، هيفتكرهم افراد اسرة واحدة و نازلين يتفسحوا في الويك اند عادي

{تعاشب شاي}(553) كابل ما عداش على مصر!

https://www.youtube.com/watch?v=EIGKyXofiCg&list=PLBsIgVvbrncB0M8dlzAbvjl79Nu8v_BW4

لما التطبيع بين دول الخليج و الصهاينة بقي شغال علي ودنه ،، و بقينا كل يوم بنشوف دولة عربية جديدة بتخش بكل قوتها في حضن اسرائيل ،، الكل قال ان التطبيع ده هيعمل مشكلة لمصر ،، و الدور الاقليمي الي مصر كانت بتقوم بيه لوحدها قبل كده في المنطقة هيشاركها فيه الخليج ،، بس واضح كده ان الموضوع مش هيقف عند الدور الاقليمي .. و التطبيع ده هيعملنا مشاكل تانية ،، و هيبوظلنا حتي سبوبة كابلات الانترنت البحرية الي كنا عايمين فيها لوحدنا بقالنا سنين ،، بقولكوا ايه يا دول يا عربية ،، ما تيجوا نحارب اسرائيل تاني احسن ،، بدل التطبيع الي واقف علينا بخسارة ده

{تعاشب شاي}(554) دولة خطافة رجالة.. و ستات!

https://www.youtube.com/watch?v=YlEyAnVDD0Y&list=PLBsIgVvbrncB0M8dlzAbvjl79Nu8v_BW4

لو انت معارض و فاكر ان الدولة بتكرهك تبقي غلطان .، ما هي مش علشان قبضت عليك و لفقتلك قضية و حبستك و عذبتك و نفختك و كهربتك تبقي بتكرهك ،، لا خالص ،، الدليل علي ان الدولة بتحبك ،، انك لو قدرت بعد الي عملته فيك ده تسيبها و تهرب ،، هي مش هتسيبك ،، و هتدور علي اي حد من عيلتك علشان تحبسه ،، مش علشان هي ظالمة و لا حاجة لا سمح الله ،، هي بس من كتر ما بتحبك بتدور علي اي حاجة من ريحتك علشان تحتفظ بيها في السجن ،، و انت و لا بيطمر فيك و الله

فيلم الليلة من حلقة “الحراق”.. Slumdog Millionaire.. و سيتم رفعه بأحجام مختلفة مناسبة للباقات في البوستات التالية

نسخة 720p

نسخة 480p

نسخة 360p

{الحراق}(54) مليونير مليونير! Slumdog Millionaire

https://www.youtube.com/watch?v=YzfwYTaadSU&list=PLBsIgVvbrncBJbmFFzhjJfzK9aLoMuouz

ورجعنا الهند تاني..
الناس اللي شافت فيلم النمر الأبيض اللي اتكلمنا عنه قبل كده (اللي بالمناسبة بنفكركو هتلاقوه على قناة التليجرام واللينك في وصف الفيديو).. ممكن يكونو لاحظو ان حصلت اشاره سريعة لتحفة فنية صدرت سنه ٢٠٠٨ عن الهند...
والتحفة دي هي فيلم سلامدوج مليونير... اللي ترجمته الحرفية (كلب السكك المليونير) ... او التسمية الشيك شوية (مليونير العشوائيات)
الفيلم اللي كسب ٨ جوايز اوسكار واترشح لحوالي ٢٠ مليون جايزة تانية...
في (النمر الأبيض) البطل بيقول ان مفيش في الحقيقة حاجة اسمها (سلامدوج مليونير) وجو الأفلام الهندي ده...
احنا بنتولد احلامنا مقتولة واوهام الثراء الفاحش دي عمرها ما بتحصل في الواقع....
هتقولي ما هو نفسه في آخر الفيلم اغتنى وبأه مليونير برضه.. هقولك آه ما ده كمان فيلم هندي عادي يعني!!
بس جزء من سحر السينما هي انك بتغوص في عالم مش واقعي وبتصدقه بمزاجك...

{الأسبوع ف كيس}(257) حب في الزنزانة

https://www.youtube.com/watch?v=KbCb8Quy_jI&list=PLBsIgVvbrncAeJMvwCpzZg-ow581Oh13M

انا وجمال مرتاحان الآن.. لأن تراب الوطن ولو في الزنزانة أحب إليه من فضاء الغربة..عودُ حميدُ يا طيرا لا يتقن هجرة عشه..دي كانت رسالة اتكتبت للكاتب الصحفي جمال الجمل اللي اتقبض عليه في المطار تنفيذا لوعد سيادة الرئيس والإعلام .. ان اللي عايز يعارض يتفضل يرجع يعارض من بلده الحبيبة..الرسالة الرومانسية الحالمة دي ..مكانتش من معتقل مرمي في الزنزانة وهو بيستقبله بالحضن ..عشان يقعدوا جنب بعض يتمرمغوا في تراب سجن الوطن اللي احسن من الغربة
دي كانت تويتة من سياسي محنك وناصري معتق ومرشح رئاسي كومبارس طلع التالت بعد الاصوات الباطلة ..بيقول لواحد لبس قضية طازة.. ان السجن احسن من الغربة ..من غير ما ينطق حرف واحد يعترض فيه أو يدين حبسه اساسا ..هو عموما مسحها بعد ما اتشطف من الخونة اللي مش مخلصين لتراب الوطن..وموصلوش لمستوى الوطنية الناصرية المازوخية اللي وصل لها الشيف صباحي ..
اللي بيبارك لمعتقل على الحبس وهو قاعد بالمريلة بيعمل احلى طبق سلطة ..المرقعة اعيت من يداويها والله

{تعاشب شاي}(555) الشعب حبيب البكباشي

https://www.youtube.com/watch?v=UD9s-G-QFLk&list=PLBsIgVvbrncB0M8dlzAbvjl79Nu8v_BW4

من مميزات التاريخ .. إن من ساعة ما بدأ تدوينه وكتابته بشكل موسّع ومن كُتّاب مختلفين .. وبقينا نقدر نتحقق منه ونتأكد من أحداثه .. والكلام ده مش عن التاريخ المصري وبس .. دي منهجية مُتبعة عالميا في كل تاريخ اتكتب .. وكُل ما بقى التاريخ أحدث كُل ما كان سهل علينا اننا نقارن اللي اتكتب في التاريخ بالأحداث اللي اترتبت عليه .. من خلال تسلسل منطقي أو تسلسل زمني
الموضوع أشبه بأنك بتزرع زرعة .. والزرعة النافعة أكيد هيترتب عليها إن ثمرة نافعة هتطرح .. والزرعة الفاسدة أكيد بيترتب عليها إن ثمرة فاسدة هتكبر .. وهكذا ..
صعب جدا تقتنع إن الفساد والسرقة والقمع والتعذيب والحكم العسكري اللي مد جذوره وسيطر على بلدنا ومواردنا وأرضنا وحاليا بيسيطر على حياتنا كمان .. صعب تقتنع إنه أصله كان زرعة نافعة .. صعب "جدا" يكون كل ده ناتج عن قرارات صح أو كانت حتى حسنة النية رغم ان لا التاريخ ولا السياسة بيعترفوا بالنوايا الحسنة ..
لكن أهو بقى .. احنا شعب عاطفي ويمكن نتعاطف مع النوايا الحسنة ونسامح فيها ..

{علمني الغزالي}(12) جعلوني مجرماً!

https://www.youtube.com/watch?v=B_8YCzrJCgc&list=PLBsIgVvbrncAHNkFLd8veDFxr1q-HieVu

و نستكمل رحلتنا مع الشيخ الغزالي و كتاب الإسلام و الأحوال الاقتصادية.. و خلونا النهاردة نحاول نجاوب على سؤال.. هل الأحوال الاقتصادية بتأثر على أخلاق الناس؟

{تعاشب شاي}(556) تجرح قلبي أنا؟

https://www.youtube.com/watch?v=qBIOplWyJyY&list=PLBsIgVvbrncB0M8dlzAbvjl79Nu8v_BW4

واضح كده ان محمد بن سلمان قلب علي السيسي ،، فقام باعتله واحد من رجالته الي هو احمد قطان علشان يطلع في برنامج و ينزل في السيسي و نظامه سلخ ،، ايه يا بن سلمان ده ،، انت ايه الي جرالك ،، هو انت يوم ما تزعل من السيسي تقوم تبعتله حد يتكلم عليه بس كده ،، عيب و الله ،، المفروض تعزمه في اي قنصلية تبعكم و تعرفه غلطه بالمنشار بتاعك ،، ده اقل واجب يرضيك و يرضينا احنا كمان بصراحة