{حدوتة إسرائيلية}(09) مافيش حرب ولا حاجة ان شاء الله!

https://www.youtube.com/watch?v=MdkxOlWZtcg&list=PLBsIgVvbrncBwfV9fP7smSrSv5LU39esP

مازلنا في رحلتنا مع الاقتصاد الإسرائيلي.. و كنا قلنا ان بعد العشر سنين اللي مر فيهم الاقتصاد بأزمة كبيرةو انهار.. عشان يقوم تاني كان محتاج موجة مهاجرين جديدة.. و حرب جديدة.. و صناعة جديدة للاستثمارات الأجنبية..
اتكلمنا عن الهجرة و عن الموارد البشرية.. و خلونا النهاردة نتكلم عن الحرب.. هو ازاي أصلا اقتصاد يقوم في وقت حرب؟.. و ازاي مستثمرين أجانب يتجننوا في عقلهم و يخاطروا بفلوسهم في منطقة مش مستقرة لا سياسيا ولا عسكريا؟. ايه السر؟.. تعالوا نشوف..

{علمني الغزالي}(26) ما هو الإحسان؟

https://www.youtube.com/watch?v=kVAB_7TEdCw&list=PLBsIgVvbrncAHNkFLd8veDFxr1q-HieVu

اللي إذا اتحققوا بشكل كامل.. لابد ان الإحسان ييجي بعدهم كنتيجة طبيعية..
{إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا (30)} (الكهف)
اللذين آمنوا.. الإيمان. اللي هو حسن معرفة الله وتمام الثقة فيه… و عملوا الصالحات.. اللي هو الإسلام.. التطبيق العملي للإيمان.. إنا لا نضيع أجر من.. أحسن.. عملا.. الإحسان..
طيب ايه هو الإحسان برضه؟

{عرفوه بالعقل}(50) هل حرم النبي ﷺ الموسيقى؟

https://www.youtube.com/watch?v=in1b0OdSRnE&list=PLBsIgVvbrncCUHtc-Gd9d0t5wBXwC0_DO

و مازلنا في رحلتنا مع قضية الموسيقى و الغناء و حكمهم في الإسلام من خلال كتاب دكتور عبد الله الجديع ”الموسيقى و الغناء في ميزان الإسلام“.. و قلنا اننا هانناقش كل الأدلة بالتفصيل..
ناقشنا في الحلقة اللي فاتت الأدلة من القرآن.. و النهاردة هانناقش الأدلة من السنة.. و في الحلقات الجاية هانناقش أدلة الإجماع و مذاهب الصحابة و التابعين و غيرها من الأدلة.. فخلونا نبدأ النهاردة مع الأدلة من السنة..

{تعاشب شاي}(842) تعليم في عيون بلحة

https://www.youtube.com/watch?v=R0f1MjojvvM&list=PLBsIgVvbrncB0M8dlzAbvjl79Nu8v_BW4

حابب أكلمكم النهاردة عن صناعة الانسان .. هتقولوا ثانية واحدة بس .. هو الانسان بيتصنع؟
هقولك أه .. وعيه بيتصنّع .. هوّيته بتتبنى .. دماغه بتترتب وتتنظم بناءً على الدور اللي بيتمهد ليه وبيُعد عشانه ..
ببساطة احنا هنتكلم عن التعليم .. التعليم اللي بيطلّع شعوب للسما وبيخسف بشعوب تانية الأرض .. ازاي العالم كله بيعتبر التعليم طوق النجاة لو المجتمع عايز ينتشل نفسه من الضياع والتوهان .. وازاي عندنا في مصر شايفينه رفاهية وبنسأل نفسينا يعمل ايه التعليم في وطن ضايع؟ ومش بس مضيعينه! احنا بنرتكب جرايم في حق ولادنا تحت مسمى "نظم تعليمية جديدة"

{الأسبوع ف كيس}(294) يسقط يسقط حكم الأندر!

https://www.youtube.com/watch?v=bNXlz9S4I-8&list=PLBsIgVvbrncAeJMvwCpzZg-ow581Oh13M

بمناسبة الجدل اللي داير عن فيلم أصحاب ولا اندر ، وبعيدا عن مناقشة أفكاره ، لأن اللي اولى بمناقشته هو الفيلم الاجنبي اللي نحتوه بالحرف ومصروه عافية كده ..فخرج الهجين الملزق ده اللي كأنك بتغمس النوتيلا بالطعمية.. بعيدا عن كل ده عايز افكرك عزيزي المواطن ، اللي تقريبا بيتهزق دلوقتي بسبب رد فعلك من فناني مصر وقوتها المايعة.. إن من فترة صغيرة كان فيه فيلم إسمه ريش ، اللي عرض نماذج من العشوائيات والفقر اللي موجودة فعلا ..وجاب شريحة من المجتمع موجودة وبتعاني معاناة حقيقية ، وعرض حياتها على الشاشة..فهاج وماج ونط وفط صفوة الفنانين وانسحبوا منه ، وطلعوا كلهم شلقوله على الفضائيات..ومنهم اللي طالب بحبس المخرج ، ومنهم اللي قال إنه شوه بس ومعرضش حلول..

{الحراق}(113) يوميات نائب في الأرياف

https://www.youtube.com/watch?v=wRMT3uNLERI&list=PLBsIgVvbrncBJbmFFzhjJfzK9aLoMuouz

لو رجعت لأصل كلمة قانون..هتلاقيها مشتقة من لفظ اليوناني بمعنى العصايا المستقيمة.. اللي استخدموها في التعبير عن الحكم بين الناس كدلالة على النظام والاستقامة..القانون في حد ذاته له تعريفه الواضح.. على أنه مجموعة من الأسس اللي بتحكم المجتمع وتنظم تعاملاته..هو اللي بيتحط من خلاله القواعد اللي بتحدد حقوق الفرد وواجباته..وهو اللي بيحدد العقوبة والجزاء المناسب في حالة مخالفة الأسس والقواعد دي ..يعني من الاخر القانون والعدل حاجتين متلازمين مع بعض..مفترض دايما إن القانون هدفه بيكون تحقيق العدل.. لكن في المجتمعات اللي بتتحكم بالاستبداد والفساد ..بنلاقي إن منظومة القضا اهم حاجة عندها الشكليات والإجراءات..القانون فيها مجرد ورق ومظاهر .. قانون بيسند ويخدم على الطبقة الحاكمة ويحمي مصالحها..نصوص مايعة ملهاش ملكة وليها اكتر من وش حسب الطلب..زي السيف وفي منتهى الصرامة على الضعيف والفقير ..ومتسامح وهادي وباله طويل مع الغني أو صاحب السلطة والنفوذ..

{عيانين بالإبداع}(02) المرض المش بطال

https://www.youtube.com/watch?v=Lqb8dycyIw0&list=PLBsIgVvbrncDhUgCH6RUClfyYvcA7z51K

انا اتفاجئت الحقيقة برد الفعل على الحلقة بتاعت الADHD.. احنا فعلا أكتر مما كنت متخيل..
و ده الحقيقة شجعني أكتر اني اشارككم في رحلتي لعل ده يفيد ناس تانية و يساعدهم انهم هم كمان يشاركوا في توعية اللي حواليهم و مساعدتهم..
فخلونا نسمي.. و نبدأ..
عندنا رغي كتير النهاردة فمعلهش استحملوني..

{كشف حمادة}(73) رزق السيسي

https://www.youtube.com/watch?v=2aC3WSDh1Xo&list=PLBsIgVvbrncAh0AZmC-LIXEQWlSbz7MZq

لو حبيت تسأل في العموم كده ايه هي مهنة الصحافة؟ .. ومين هو الصحفي ؟ ..هتكون الإجابة النموذجية، إن الصحفي ده واحد مهمته في الحياة جمع الاخبار وتحليلها، والتحقق من مصداقيتها ونشرها للناس، عشان يتيح لها معرفة اللي بيدور حواليها من أحداث في كل شئون الحياة .. هتكون الإجابة إن الصحافة هي السلطة الرابعة ، اللي بتراقب وتحاسب باقي السلطات اللي موجودة في الدولة، وبتكشف الحقيقة وتوصلها للناس..أما لو سألت نفس السؤال في مصر، يطلع مين الصحفي في وجود الحكم العسكري؟ .. فتكون له اجابتين..الإجابة الاولى هي نفس اللي انا قلته ده ، بس اللي هيجاوبك يأما صحفي معتقل، يأما صحفي طفش أو اتطرد من شغله، وبيشتغل دلوقتي على عربية كبدة وبيلف الساندويتشات في نفس ورق الجرايد اللي كان بيكتب فيها.. اما الإجابة التانية ..فهتكون إن الصحفي هو الشخص الانتهازي المطبلاتي، اللي استبدل توضيح الحقايق للناس باخفاءها

{تعاشب شاي}(843) انفصام في البلحية

https://www.youtube.com/watch?v=le37q2etiHQ&list=PLBsIgVvbrncB0M8dlzAbvjl79Nu8v_BW4

ثورة 25 يناير 2011 عاملة عند سمو الرئيس السيسي حالة انفصام في البلحية .. مرة تلاقيه بيشتم فيها و بيهاجمها و فارشلها الملاية .. و بيقول انها سبب كل الدمار و الخراب الي حصل في البلد.. و مرة يقول انها كانت ثورة علي الظلم و الفساد .. يوم يقول علي الثوار ارهابيين وعملاء و يوم تاني يقول عليهم مخلصين و وطنيين .. جرى ايه يا سيسي ما تثبت كده علي حال و حدد موقفك من الثورة .. و ارسالك علي نخلة !

{تعاشب شاي}(844) ديكتاتور برو ماكس 4K

https://www.youtube.com/watch?v=fQ-93eDPnQk&list=PLBsIgVvbrncB0M8dlzAbvjl79Nu8v_BW4

هو يعني ايه انسان يبقى عبد؟
يعني حد تاني يبقى وصي عليه وعلى حياته وبياخد قرارات بالنيابة عنه وبيتحكم فيه ..
بيتحكم في أكله وشربه ونومه وشغله .. بيتحكم في أبسط اختياراته في الحياة .. يتجوز ولا لأ .. يخلف ولا لأ .. يسمع كلام حد تاني ولا لأ ..
العبودية زمان كانت كده ..
أما دلوقتي بقى فالعبودية هي آآآآآ ..
ثانية واحدة كده ؟ هي دي العبودية زمان ولا العبودية دلوقتي ..؟ معلش أصل فيهم شبه من بعض ..
بس هل هو فيه فعلا فرق بينهم؟
خلينا نشوف

{حدوتة إسرائيلية}(10) كيف تجلب القرد إلى الخرابة

https://www.youtube.com/watch?v=zVedV83o0lQ&list=PLBsIgVvbrncBwfV9fP7smSrSv5LU39esP

و مازلنا في رحلتنا مع الاقتصاد الإسرائيلي و ازاي بدأ و ازاي اتطور لغاية ماوصل للي وصل له النهاردة.. اتكلمنا عن العامل البشري.. و ازاي قدروا يجيبوا الناس و يوفرولهم التعليم و التدريب و يستثمروا فيهم.. و ازاي قدروا يعيدوا تدوير العقول.. بان الناس تسافر تشتغل في شركات كبيرة برة و بعدين تجيب الخبرة و المعرفة و ترجع تستقر و تشتغل في اسرائيل.. و اتكلمنا عن ازاي اتغلبوا على مشكلة عدم استقرار المنطقة و انها منطقة صراعات و حروب..
بس كل ده.. و ما اتكلمناش على أهم حاجة.. الفلوس.. هانجيب فلوس منين؟..
عندنا الخرابة اهي.. فين بقى القرد؟

{تعاشب شاي}(845) آه يا ألتراس يا ابن الحلال

https://www.youtube.com/watch?v=6Y0baVXYhVc&list=PLBsIgVvbrncB0M8dlzAbvjl79Nu8v_BW4

الدولة عندنا طول عمرها بتحب انها تعلم علي الناس .. تقتلهم بقي تحبسهم تعذبهم تكهربهم تفقرهم ..اي حاجة تهين كرامتهم و تقل منهم بتعملها علي طول بدون اي تردد .. بس في نفس الوقت الدولة دى بردو متحبش الي يعلم عليها او يعارضها او يفتح عينه فيها او ينسي نفسه و يفتكر انه بني ادم و يطالبها بحقوقه و حريته .. و من اكتر الناس الي علموا علي الدولة و داخليتها وقت ثورة يناير و بعدها .. جمهور الاولتراس .. علشان كده الدولة عمرها ما نسيت الي عملوه و لا سابتهم في حالهم .. و بقالها عشر سنين بتنتقم منهم و بتخلص عليهم واحد واحد ..

{الحراق}(114) هاتقلب دم! There Will Be Blood

https://www.youtube.com/watch?v=h-SGPl-3phU&list=PLBsIgVvbrncBJbmFFzhjJfzK9aLoMuouz

فيلم النهاردة من أعظم أفلام التاريخ... دي مش مبالغة... خلينا نقول ان مكانته في السينما زي مكانة "الجريمة والعقاب" في الادب ... او "هاملت" في المسرح.
فيلم تقعد تفكر فيه ساعات ويمكن أيام بعد ما تشوفه.. وعلي الأقل مشهد او مشهدين منه بيفضلو في ذاكرتك بقية حياتك.
وعلي فكرة هو مش بس فيلم عظيم عشان اترشح ل٢٥٥ جايزة في جميع انحاء العالم وكسب نصهم تقريبًا... لأن الجوايز مش هي المعيار الحقيقي للفن... ما ياما أفلام كسبت جوايز واتنست.
المعيار الحقيقي للفن هو الزمن.. مفيش فن سيئ او مبتذل بيعيش.. ومفيش فن حقيقي بيموت.
ممكن تقول ان فيلم النهاردة بيلخص تاريخ أوروبا والثورة الصناعية.
وممكن تقول انه بيرسم الصراع ما بين الكنيسة والسلطة
او ما بين البروليتاريا (اللي هم الطبقة الفقيرة العاملة يعني) وما بين رأس المال
وممكن تقول برضه انه بيمثل الحرب اللي جوا كل انسان ما بين رغباته المادية ورغباته الروحانية.

{تعاشب شاي}(846) ريسنا مقاول و معدينا

https://www.youtube.com/watch?v=wBMPeA1Uy_c&list=PLBsIgVvbrncB0M8dlzAbvjl79Nu8v_BW4

السيد الرئيس الباشمهندس المقاول عبد الفتاح السيسي قافش انه يبني البلد لوحده .. و مش عاوز اي حد يبنيها معاه او يحط طوبة فيها غيره .. علشان كده خد قرار من كام يوم بوقف تراخيص البنا للافراد و القطاع الخاص لمدة عشر سنين بحالهم .. بصراحة يا سيسي انت كده بتتعب نفسك زيادة عن اللزوم و بتفني صحتك علشان مصر .. يعني مش كفاية بقالك 8 سنين عمال تهد في البلد لوحدك .. كمان عاوز تبنيها لوحدك .. كده كتير علينا و الله !

{الأسبوع ف كيس}(295) خازوق السعادة

https://www.youtube.com/watch?v=R2OVmDV6ZZs&list=PLBsIgVvbrncAeJMvwCpzZg-ow581Oh13M

كوميدية قوي الخناقة اللي دايرة بين مؤسس علم الاخلاق الحميدة محمد صبحي ، وشوال الرز المتحرك تركي آل شيخ ..ويمكن اكتر حتة بتضحك فيها ،هي الناس اللي شافت مواقف محمد صبحي ، وعارفة هو اد ايه رخيص وهجاص ..وداعم لأي بلطجي وسفاح ،من اول بشار لحد السيسي ، اللي لو طلب ابنه يعذبه ويقتله هيبعتهوله عادي ..وراح الحس الوطني ناقح عليهم وقال لك انا واخويا على ابن عمى..مع ان لا ده اخوك ولا ده ابن عمك و الاتنين بيشتغلوك.. بس مش مشكلة.. مشيها اخوك.. ان اخوك الهجاص ده..
قال على ابن عمك بتاع الترفيه ،اللي ياي انا مش مرفهاتي عشان اروح اعمل مسرحياتي العظيمة عنده ..قال عليه من شهر واحد بس أنه مركز الإشعاع الثقافي في المنطقة.. وان كل الحكاية أنها خناقة بين اتنين تافهين ،بصرف النظر عن جنسية الجوز .. واحد شوال متحرك بيبعتر فلوسه على اي تافه يلمع له جزمته ، والتاني مقموص إن محدش عزمه واداله جايزة الخازوق الذهبي زي أصحابه ..بس يعني ، فانتوا طلعوا مصر وفن وتاريخ مصر الفني من العركة التافهة دي ،

{تعاشب شاي}(847) يا سياادي يا سياادي.. أنا باحبك يا سيادي

https://www.youtube.com/watch?v=bt_PyDLglRk&list=PLBsIgVvbrncB0M8dlzAbvjl79Nu8v_BW4

من ساعة ما عرفنا ان معالي الريس السيسي عمل صندوق مصر السيادي و لم فيه كل اصول و اراضي و موارد الدولة و احنا الحمد لله قلبنا ارتاح ..مهو محدش عارف الاصول دى لو كانت وقعت في ايد حد تاني مش امين و لا شريف كان هيعمل فيها ايه .. كان ممكن مثلا يروح يعمل بيهم تنمية تنفع البلد او تفيد الناس الغلابة و لا حاجة و تبقي مصيبة .. انما السيسي مضمون و عارفين كويس ايه الي هيعمله بالظبط .. كل الموضوع انه هيفضل يبيع و يأجر و يرهن في كل الاصول الي جوه الصندوق لحد ما يخلصوا و بعدين هيقوم بايع الصندوق نفسه و هو فاضي .. و بكده يبقي قضي علي كل ممتلكات البلد .. و يبدا يتفرغ للشعب بقي علشان يقضي علي الي فاضل منه هو كمان ان شاء الله ..

{عرفوه بالعقل}(51) هل أجمعوا على تحريم الموسيقى؟

https://www.youtube.com/watch?v=a5SXD-My3gU&list=PLBsIgVvbrncCUHtc-Gd9d0t5wBXwC0_DO

و مازلنا في رحلتنا مع قضية الموسيقى و الغناء في الإسلام من خلال كتاب دكتور عبد الله الجديع ”الموسيقى و الغناء في ميزان الإسلام“..
اتكلمنا بالتفصيل عن القواعد و الأصول الأساسية اللي لازم نكون فاهمينها قبل التعامل مع الأدلة.. و اتكلمنا و فندنا الأدلة من القرآن.. و اتكلمنا و فندنا بالتفصيل الأدلة من السنة..
خلونا النهاردة نتكلم عن أدلة الإجماع و غيرها من الأدلة المتنوعة.. قبل ما نتكلم في الحلقات الجاية عن الموسيقى و الغناء في حياة الصحابة و التابعين.. و بعدها نختم بخلاصة الحكم في القضية بالتفصيل..

{تعاشب شاي}(848) الشوال.. و لاس فيخاص العرب

https://www.youtube.com/watch?v=e2lxOSYhfKM&list=PLBsIgVvbrncB0M8dlzAbvjl79Nu8v_BW4

من كام يوم كده كان فيه حفلة كبيرة اوي ..الحفلة دى شوفنا فيها ناس فرحانين و مزقططين و الفرحة مش سايعاهم .. الي بيتنطط و الي بيتشقلب و الي بيوطي يبوس الارض .. اللهم اجعله خير .. مالهم دول يا جدعان و ايه سر الفرحة المبالغ فيها دى .. هم الناس دول خدوا جايزة نوبل .. و لا كانوا تايهين من اهاليهم و لقوهم فجاة .. و لا عيالهم نجحوا في رابعة ابتدائي و لا ايه … بس الي اكتشفناه ان الناس دول فنانين و اعلاميين مصريين.. و ان سر فرحتهم انهم الحمد لله ربنا كرمهم و ووفقهم و امهم دعتلهم وخدوا جوايز من مهرجان الترفيه الي معمول في الرياض .. و الحقيقة بعد ما شوفت الفرحة دى .. اتمني ان سيادة الشوال تركي ال الشيخ يعمل حسابه السنة الجاية و يجيب عربية اسعاف في الحفلة .. علشان لو فيه ممثل جاتله سكتة او قلبه وقف من كتر فرحته بالجايزة نلحقه فبل ما يروح مننا و تبقي مصيبة ..

{عيانين بالإبداع ADHD}(03) الإيد البطالة نجسة

https://www.youtube.com/watch?v=bGN_fy88eQY&list=PLBsIgVvbrncDhUgCH6RUClfyYvcA7z51K

خلونا نبدأ رحلتنا مع الـADHD و ازاي نقدر نتغلب عليه و نطلع قدراتنا الحقيقية بالرغم من عن عينه..
رحلة طويلة.. هانمشي فيها خطوة.. خطوة.. لأننا محتاجين نتعلم عادات جديدة في كل نواحي حياتنا.. في الدراسة و الشغل و الأسرة و التربية..
و اللي هايكون مفيد لكل الناس مش للي عندهم adhdبس..
و أول خطوة في الرحلة.. أهم حاجة.. لا المذاكرة ولا الشغل ولا الإنتاجية.. أهم حاجة و أول حاجة.. النفسية.. اللي من غير ماتتظبط.. مش هاتقدر تعمل أي حاجة تانية..
عشان كده حتى مع أولادك.. لو عندهم adhd.. طول مانفسيتهم كويسة و مبسوطين و مش حاسين بمشكلة.. ماتقلقش.. تحس بالخطر بس لما تلاقي النفسية اتأثرت..

{حدوتة إسرائيلية}(11) السلاح خير من الكحك

https://www.youtube.com/watch?v=vltweIqy4-c&list=PLBsIgVvbrncBwfV9fP7smSrSv5LU39esP

اتكلمنا عن ازاي الاقتصاد الإسرائيلي قام من تحت الصفر و انطلق... و احنا قاعدين.. و اتكلمنا قبلها عن ازاي ان ثقافة الجيش الإسرائيلي في الغزل برجل حمار و الديمقراطية و انعدام العبودية للرتب..ازاي كل ده أثر على ثقافة العمل في الشركات الإسرائيلية عموما.. الثقافة دي.. لما تضيف عليها بقى الخبرات العلمية و التكنولوجية المتطورة اللي بيتعلموها في وحدات النخبة في الجيش و في صناعة الأسلحة .. بتطلعلك منتج لا يستهان بيه أبدا.. خصوصا موضوع صناعة الأسلحة ده.. اللي ظهوره أصلا كان حاجة عجيبة.. وسط دول ضخمة و غنية حواليهم مصانع السلاح عندهم بتصنع بوتاجازات و حلل و كحك و جمبري.. و في العالم عموما.. ماحدش شاف قبل كده بلد مترين في متر عندها مجمع صناعي عسكري بتاعها هي.. و بتصنع سلاحها بنفسها.. ليه ده حصل في اسرائيل تحديدا؟.. تعالوا نشوف..

{الحراق}(115) نجوم ع الأرض

https://www.youtube.com/watch?v=6lXx4AyBRD0&list=PLBsIgVvbrncBJbmFFzhjJfzK9aLoMuouz

ورجعنا للهند للمرة التالتة بعد ما اتكلمنا قبل كده على أفلام.."النمر الأبيض" و "مليونير العشوائيات"
بس فيلم النهاردة هندي ١٠٠٪ مفيهوش لا انتاج امريكي ولا تمثيل بريطاني... هو تصنيع وتجميع وتقفيل هندي...
like stars on earth .. او "زي النجوم عالأرض"
أحد كلاسيكيات بوليود اللي العالم كله شافها..