{ساسَ يسوسُ}(92) تديني جنيه.. ربنا يديك جنيه..

https://www.youtube.com/watch?v=m7hTRaq-dd4&list=PLBsIgVvbrncC_hFoIcgf8_NyqLkF1nkba

واتكلمنا في الحلقة اللي فاتت عن طريقة تعاملك مع المجتمع الجديد اللي أنت بإرادتك أو غصب عنه هتبقى جزء منه بمجرد ما تبقى رئيس دولة قد الدنيا، مجتمع البلاد اللى حواليك اللي هتتفاعل معاهم بمرور الوقت وهتلاقي فيهم دول بتساعدك، ودول بتستثمر عندك، ودول تالتة بتوقعك عشان تلاقي حجة تتدخّل بيها فى بلدك، وأنت في وسط كل ده عامل زي البهلوان؛ شوية مندفع بجراءة وشوية مركز في كل خطوة عشان في الحالتين تطلع بمصلحتك منهم.
وبعدها قسّمنا المجتمع الدولي ده لمجموعتين كبار اللي هما الدول، والحركات أو الجماعات اللي جوه الدول دي... وبدأنا نعرف واحدة واحدة هنعمل معاهم إيه، إزاي هنموّلهم ونساعدهم بالفلوس، إزاي هنعمل استثمارات معاهم، إزاي هنساعد المتمردين عندهم ونديهم فلوس وسلاح وقوات من الجيش، ولو لزم الأمر نأجر محترفين كمان عشان يصفّوا رئيس الدولة اللي عندنا مشكلة معاه... يعني باختصار إزاي هنستغل كل كارت ممكن في إيدنا عشان نكسب حليف واتنين وتلاتة يبقوا هما ضهرنا فى المجتمع الدولي.

{تعاشب شاي}(836) اقتصادنا أبيض من الصيني

https://www.youtube.com/watch?v=y4Eu1cuQle8&list=PLBsIgVvbrncB0M8dlzAbvjl79Nu8v_BW4

الطبيعي ان اي دولة في العالم بيبقي عندها اقتصاد .. له ارقام و مؤشرات .. و معدلات نمو و تضخم بتاثر علي وضع الناس و حياتهم .. بس مصر بقي فيها حاجة متفردة و متوحدة و ملهاش زى و مش موجودة في اي حتة في العالم .. و تعتبر من اهم انجازات سيادة الريس السيسي .. الحاجة دى هي ان احنا ما شاء الله اللهم لا حسد .. عندنا في مصر اقتصادين مش اقتصاد واحد زى بقية خلق الله .. اقتصاد رسمي لونه فوشيا مسخسخ و بيتكلم عنه السيسي و الحكومة .. و اقتصاد تاني اسود الناس عايشينه و بياثر في حياتهم كل لحظة .. بس الاقتصاد بتاع الناس ده ميفرقش معانا اوي بصراحة .. اولا لان الناس دول نفسهم مش مهمين فاكيد مش هنهتم بالي هم شايفينه .. ثانيا لاننا مش معقول هنصدق كلام شوية ناس عرر و هنكدب السيسي الامين اوي و الشريف اوي .. مش محتاجة يعني !

{حدوتة إسرائيلية}(08) أرضك بتنده

https://www.youtube.com/watch?v=iTqjqkRsr3Y&list=PLBsIgVvbrncBwfV9fP7smSrSv5LU39esP

اتكلمنا في الحلقة اللي فاتت عن سياسات إسرائيل بخصوص الهجرة.. و ازاي قدرت تدمج الناس اللي جايين من خلقيات ثقافية مختلفة تماما.. في بوتقة واحدة.. و ازاي قدرت تدير الثروة البشرية دي و تنميها.. بس دي كانت مرحلة الحشد.. هات أكبر عدد تقدر عليه عموما بغض النظر عن الكفاءات..
خلونا النهاردة بقى نتكلم عن الكفاءات.. و نشوف ازاي ان على عكس دول كتير بتعاني و بتشتكي من ”هجرة العقول“.. ان الكفاءات بتطفش من عندها.. ان إسرائيل استغلت الميزة دي لصالحها.. و حولتها لـ“إعادة تدوير الكفاءات المهاجرة“.. يعني خلي الواحد من دول يهاجر.. و يجيبلنا الطرائف و اللطائف من جميع أنحاء العالم.. و يرجعلنا تاني..
ازاي عملوا ده؟.. تعالوا نشوف.

{علمني الغزالي}(25) ما هو الإسلام

https://www.youtube.com/watch?v=8hzMetW7Y4k&list=PLBsIgVvbrncAHNkFLd8veDFxr1q-HieVu

و مازلنا في رحلتنا مع الشيخ الغزالي و كتاب ”الجانب العاطفي من الإسلام“.. و اتكلمنا في الحلقة اللي فاتت عن ”الإحسان“.. خلونا نكمل النهاردة.. و نتكلم عن الإسلام.. ايه هو؟

{الأسبوع ف كيس}(293) النبي عجوت

https://www.youtube.com/watch?v=zDF2atfW_xo&list=PLBsIgVvbrncAeJMvwCpzZg-ow581Oh13M

كل مؤتمر وانتوا طيبين..انتهى منتدى شباب السيسي زي ما انتهى اللي قبله بنفس النتايج..الولا حاجة..مجرد ملايين اتصرفت في السنتريش لإشباع نشوة انسان مختل مغرم بالحديدة، وحواديت ابو رجل مسلوخة وأمنا الغولة ومصر الفقيرة اللي مش لاقية تاكل..وهتقولي حقوق انسان هقولك جيف مي ون دولار.. بس طبعا للتجديد وكسر الملل عشان الناس تحس أنها شافت حاجة جديدة.. السيسي قرر يحول المنتدى لسيرك..مش تعبير مجازي المرة دي هو خلاه سيرك فعلا .. ورئيس جمهورية قاعد فاشخ ضبه يتفرج على عروض الساحر ويسقف زي بوحة وهو بيغني سيد يا سيد..وما اكتفاش بكده ده جاب بطلة مسلسل لاكاسا دي بابل..وهما استغلوا براءته أو جهله ..وطلعوله فرقة عشانا عليك يا رب يغنوله في وشه بيلا تشاو..اللي هي اغنية ثورية إيطالية كانت بتتغنى ضد موسوليني اساسا ..اللجنة المنظمة بقى تقريبا اتفاجئت إن الحاجة انتصار قالت له والنبي يا عبده عايزة اشوف العمدة الآلى

{تعاشب شاي}(837) الفرعون المتسول

https://www.youtube.com/watch?v=pta2R2z5ITI&list=PLBsIgVvbrncB0M8dlzAbvjl79Nu8v_BW4

للاسف الناس الحقودة في العالم مش عاوزين يسيبونا في حالنا .. الغل الي جواهم من ناحية زعامة الريس السيسي مجننهم و مخليهم عمالين يشنعوا عليه و يتكلموا عنه و يشتموا فيه .. مرة يقولوا انه منقلب و مرة يقولوا انه ديكتاتور و مرة يقولوا انه قتال قتلة .. و لسه من كام يوم كاتب و محلل اقتصادى امريكي اسمه سبرينج بورج طالع هو كمان يتكلم وحش عن الريس .. و يقول ان مصر علي ايده بقت متسولة و بتشحت علي ابواب الجوامع و بتستلف من طوب الارض .. قطع لسانك … بقي السيسي خلي مصر تشحت ؟ .. اه هو خلاها تشحت ماشي بس عادى يعني فيها ايه لما مصر تشحت علشان تجيب مصاريفها و توفر فلوس الكبارى و العاصمة الادارية الي الريس بيبنيهم .. مش احسن ما تقعد عواطلية في البيت كده لا شغلة و لا مشغلة !

{عرفوه بالعقل}(49) هل حرم القرآن الموسيقى؟

https://www.youtube.com/watch?v=-j-Go-9Syjo&list=PLBsIgVvbrncCUHtc-Gd9d0t5wBXwC0_DO

بدأنا بالكلام عن قضية الموسيقى و الغناء و حكمهم الشرعي.. و اتكلمنا عن المبادئ العامة اللي هانشتغل بيها..
فخلونا نبدأ ندخل في الجد النهاردة.. و نتكلم عن الأدلة بالتفصيل.. و خلونا نبدأ بالأدلة من القرآن..

{تعاشب شاي}(838) إحياة ابوك هاجر!

https://www.youtube.com/watch?v=2myseP-rBO4&list=PLBsIgVvbrncB0M8dlzAbvjl79Nu8v_BW4

في يوم من ذات الأيام تبص لنفسك وتبص حواليك تلاقيك شاب ملو هدومك اتخرجت من الجامعة بعد 18 سنة تعليم .. كلك نشاط وحيوية وإقبال على الحياة .. فشيطانك وزّك انك تدور على شغل في بلدك الحبيب مصر .. وتلف على إعلانات الوظايف اللي دورت عليها بعدسة مكبرة ومفيش فايدة .. مفيش شغل .. بتلاقيك خريج هندسة ولا تجارة ولا حقوق ولا آداب ومفيش حاجة تناسب مؤهلك .. فتكتئب .. وتروح تقعد على القهوة جنب إخواتك ..
وبعد كام سنة من القعدة على القهوة .. كلك يأس وإحباط .. تغفل ساعة مكانك من البؤس .. يجيلك الأستاذ غسان مطر في المنام ويقولك .. أنت بتعمل ايه عندك القهوة ؟ ما تقوم تعمل الصح !! فتقوله يعني أعمل ايه؟
أنت طبعا اتخضيت دلوقتي .. ايش جاب غسان مطر في الحلم وصح ايه ده اللي عاوزني أعمله ..
فيرد عليك أستاذ غسان ويقولك اعمل الصح وسافر يابني .. هاجر يا ضنايا .. دوّر على شغل في بلد تاني ..
سفرك ده هيخليك وطني أكتر من الأستاذ أحمد فلوكس ومن الأستاذ أحمد عز .. ومن الأستاذ أمير كرارة ..
حضر شنطك وعلى أول طيارة ..

{تعاشب شاي}(839) الأيدي المتحرشة!

https://youtu.be/sOnChs9sML8

فيه ناس كتير كانوا فاكرين ان اسوا حاجة عملها رجل الاعمال محمد الامين في حياته .. هي انه دعم انقلاب السيسي و شارك فيه و صرف عليه مليارات .. بس الي اكتشفناه بقي ان الامين طلع عمل في تاريخه القذر حاجات اسوا من كده بكتير .. زى انه اتحرش و اعتدى جنسيا علي اطفال و بنات قاصرات في ملجأ ايتام .. سامحنا يا محمد يا امين احنا كنا ظالمينك بصراحة .. انت طلعت اوسخ مما تخيلنا بكتير اوي و الله!

{تعاشب شاي}(840) حكايتي مع الـADHD

https://www.youtube.com/watch?v=I2CU_wZDp_o&list=PLBsIgVvbrncB0M8dlzAbvjl79Nu8v_BW4

رمضان اللي فات أظن.. فيه مسلسل اتعرض اسمه ”خلي بالك من زيزي“.. المسلسل لفت انتباه ناس كتير لمرض أو اضطراب اسمه فرط الحركة و تشتت الذهن.. أو Adhd.. و ده شئ كويس جدا..
خصوصا و ان عندي قصة عجيبة مع الاضطراب ده حابب احكيها النهاردة.. و انا عادة ماباحبش احكي حاجة عن حياتي الشخصية.. لكن بعد ماشفت المسلسل مؤخرا بس.. و اتضايقت جدا لأنه ما وعاش الناس بخصوص المرض قد ما قدمه بشكل مش حقيقي.. كناس حافظين مش فاهمين.. و المصيبة كمان انه خوف الناس من العلاج.. اللي ممكن يغير حياتهم و حياة أولادهم زي السحر حرفيا..
فانا النهاردة حابب استأذنكم اني أحكي حكايتي لأني أظن انها ممكن تفيد ناس كتير و تغير حياتهم للأحسن..

{كشف حمادة}(841) القاضية ممكن!

https://www.youtube.com/watch?v=3i_ZHHxs_O4&list=PLBsIgVvbrncAh0AZmC-LIXEQWlSbz7MZq

كتير مننا يعرف المثل العربي المشهور جزاء سنمار ، واللي ميعرفش ادينا هنقول له..بيقولك بقى يا سيدي والعهدة على الراوي ،ان في كتب السير كان فيه إمارة في دولة الفرس ، كان حاكمها ملك اسمه النعمان.. الملك ده طلبت معاه يبني قصر مفيش منه اتنين على الأرض..حصين وعالي ،وفي نفس الوقت شكله حلو وملفت للنظر .. الأسطورة بتقول إن كان فيه مهندس اسمه سنمار ..المهندس ده هو بابا الشغلانة في المنطقة كلها .. استدعاه النعمان وكلفه يبني القصر بالشروط دي..وقال له الميزانية مفتوحة ياعم سنمار عيش.. قعد عمك سنمار سنين يبني القصر، ويشرف على كل تفاصيله اللي هتحمي مولاه الملك نعمان ، وتأمنه وتحصنه من أعداؤه..سنمار خلص القصر وجه الملك نعمان يعاين المبنى..القصر عجب النعمان اوي وقال لسنمار ايه يا عم الحلاوة دي ..ده انت جامد جدا يا جدع ..اشرح لي بقى ياعم سنمار تفاصيل القصر ، بأوضه وممراته وسراديبه ، وطبعا منسيش يسأله ان كان فيه حد غيره يعرف اسرار القصر ..سنمار كان هايص بقى وهو شايف النعمان راضي عنه وعن شغله..

{حدوتة إسرائيلية}(09) مافيش حرب ولا حاجة ان شاء الله!

https://www.youtube.com/watch?v=MdkxOlWZtcg&list=PLBsIgVvbrncBwfV9fP7smSrSv5LU39esP

مازلنا في رحلتنا مع الاقتصاد الإسرائيلي.. و كنا قلنا ان بعد العشر سنين اللي مر فيهم الاقتصاد بأزمة كبيرةو انهار.. عشان يقوم تاني كان محتاج موجة مهاجرين جديدة.. و حرب جديدة.. و صناعة جديدة للاستثمارات الأجنبية..
اتكلمنا عن الهجرة و عن الموارد البشرية.. و خلونا النهاردة نتكلم عن الحرب.. هو ازاي أصلا اقتصاد يقوم في وقت حرب؟.. و ازاي مستثمرين أجانب يتجننوا في عقلهم و يخاطروا بفلوسهم في منطقة مش مستقرة لا سياسيا ولا عسكريا؟. ايه السر؟.. تعالوا نشوف..

{علمني الغزالي}(26) ما هو الإحسان؟

https://www.youtube.com/watch?v=kVAB_7TEdCw&list=PLBsIgVvbrncAHNkFLd8veDFxr1q-HieVu

اللي إذا اتحققوا بشكل كامل.. لابد ان الإحسان ييجي بعدهم كنتيجة طبيعية..
{إِنَّ الَّذِينَ آمَنُوا وَعَمِلُوا الصَّالِحَاتِ إِنَّا لَا نُضِيعُ أَجْرَ مَنْ أَحْسَنَ عَمَلًا (30)} (الكهف)
اللذين آمنوا.. الإيمان. اللي هو حسن معرفة الله وتمام الثقة فيه… و عملوا الصالحات.. اللي هو الإسلام.. التطبيق العملي للإيمان.. إنا لا نضيع أجر من.. أحسن.. عملا.. الإحسان..
طيب ايه هو الإحسان برضه؟

{عرفوه بالعقل}(50) هل حرم النبي ﷺ الموسيقى؟

https://www.youtube.com/watch?v=in1b0OdSRnE&list=PLBsIgVvbrncCUHtc-Gd9d0t5wBXwC0_DO

و مازلنا في رحلتنا مع قضية الموسيقى و الغناء و حكمهم في الإسلام من خلال كتاب دكتور عبد الله الجديع ”الموسيقى و الغناء في ميزان الإسلام“.. و قلنا اننا هانناقش كل الأدلة بالتفصيل..
ناقشنا في الحلقة اللي فاتت الأدلة من القرآن.. و النهاردة هانناقش الأدلة من السنة.. و في الحلقات الجاية هانناقش أدلة الإجماع و مذاهب الصحابة و التابعين و غيرها من الأدلة.. فخلونا نبدأ النهاردة مع الأدلة من السنة..

{تعاشب شاي}(842) تعليم في عيون بلحة

https://www.youtube.com/watch?v=R0f1MjojvvM&list=PLBsIgVvbrncB0M8dlzAbvjl79Nu8v_BW4

حابب أكلمكم النهاردة عن صناعة الانسان .. هتقولوا ثانية واحدة بس .. هو الانسان بيتصنع؟
هقولك أه .. وعيه بيتصنّع .. هوّيته بتتبنى .. دماغه بتترتب وتتنظم بناءً على الدور اللي بيتمهد ليه وبيُعد عشانه ..
ببساطة احنا هنتكلم عن التعليم .. التعليم اللي بيطلّع شعوب للسما وبيخسف بشعوب تانية الأرض .. ازاي العالم كله بيعتبر التعليم طوق النجاة لو المجتمع عايز ينتشل نفسه من الضياع والتوهان .. وازاي عندنا في مصر شايفينه رفاهية وبنسأل نفسينا يعمل ايه التعليم في وطن ضايع؟ ومش بس مضيعينه! احنا بنرتكب جرايم في حق ولادنا تحت مسمى "نظم تعليمية جديدة"

{الأسبوع ف كيس}(294) يسقط يسقط حكم الأندر!

https://www.youtube.com/watch?v=bNXlz9S4I-8&list=PLBsIgVvbrncAeJMvwCpzZg-ow581Oh13M

بمناسبة الجدل اللي داير عن فيلم أصحاب ولا اندر ، وبعيدا عن مناقشة أفكاره ، لأن اللي اولى بمناقشته هو الفيلم الاجنبي اللي نحتوه بالحرف ومصروه عافية كده ..فخرج الهجين الملزق ده اللي كأنك بتغمس النوتيلا بالطعمية.. بعيدا عن كل ده عايز افكرك عزيزي المواطن ، اللي تقريبا بيتهزق دلوقتي بسبب رد فعلك من فناني مصر وقوتها المايعة.. إن من فترة صغيرة كان فيه فيلم إسمه ريش ، اللي عرض نماذج من العشوائيات والفقر اللي موجودة فعلا ..وجاب شريحة من المجتمع موجودة وبتعاني معاناة حقيقية ، وعرض حياتها على الشاشة..فهاج وماج ونط وفط صفوة الفنانين وانسحبوا منه ، وطلعوا كلهم شلقوله على الفضائيات..ومنهم اللي طالب بحبس المخرج ، ومنهم اللي قال إنه شوه بس ومعرضش حلول..

{الحراق}(113) يوميات نائب في الأرياف

https://www.youtube.com/watch?v=wRMT3uNLERI&list=PLBsIgVvbrncBJbmFFzhjJfzK9aLoMuouz

لو رجعت لأصل كلمة قانون..هتلاقيها مشتقة من لفظ اليوناني بمعنى العصايا المستقيمة.. اللي استخدموها في التعبير عن الحكم بين الناس كدلالة على النظام والاستقامة..القانون في حد ذاته له تعريفه الواضح.. على أنه مجموعة من الأسس اللي بتحكم المجتمع وتنظم تعاملاته..هو اللي بيتحط من خلاله القواعد اللي بتحدد حقوق الفرد وواجباته..وهو اللي بيحدد العقوبة والجزاء المناسب في حالة مخالفة الأسس والقواعد دي ..يعني من الاخر القانون والعدل حاجتين متلازمين مع بعض..مفترض دايما إن القانون هدفه بيكون تحقيق العدل.. لكن في المجتمعات اللي بتتحكم بالاستبداد والفساد ..بنلاقي إن منظومة القضا اهم حاجة عندها الشكليات والإجراءات..القانون فيها مجرد ورق ومظاهر .. قانون بيسند ويخدم على الطبقة الحاكمة ويحمي مصالحها..نصوص مايعة ملهاش ملكة وليها اكتر من وش حسب الطلب..زي السيف وفي منتهى الصرامة على الضعيف والفقير ..ومتسامح وهادي وباله طويل مع الغني أو صاحب السلطة والنفوذ..

{عيانين بالإبداع}(02) المرض المش بطال

https://www.youtube.com/watch?v=Lqb8dycyIw0&list=PLBsIgVvbrncDhUgCH6RUClfyYvcA7z51K

انا اتفاجئت الحقيقة برد الفعل على الحلقة بتاعت الADHD.. احنا فعلا أكتر مما كنت متخيل..
و ده الحقيقة شجعني أكتر اني اشارككم في رحلتي لعل ده يفيد ناس تانية و يساعدهم انهم هم كمان يشاركوا في توعية اللي حواليهم و مساعدتهم..
فخلونا نسمي.. و نبدأ..
عندنا رغي كتير النهاردة فمعلهش استحملوني..

{كشف حمادة}(73) رزق السيسي

https://www.youtube.com/watch?v=2aC3WSDh1Xo&list=PLBsIgVvbrncAh0AZmC-LIXEQWlSbz7MZq

لو حبيت تسأل في العموم كده ايه هي مهنة الصحافة؟ .. ومين هو الصحفي ؟ ..هتكون الإجابة النموذجية، إن الصحفي ده واحد مهمته في الحياة جمع الاخبار وتحليلها، والتحقق من مصداقيتها ونشرها للناس، عشان يتيح لها معرفة اللي بيدور حواليها من أحداث في كل شئون الحياة .. هتكون الإجابة إن الصحافة هي السلطة الرابعة ، اللي بتراقب وتحاسب باقي السلطات اللي موجودة في الدولة، وبتكشف الحقيقة وتوصلها للناس..أما لو سألت نفس السؤال في مصر، يطلع مين الصحفي في وجود الحكم العسكري؟ .. فتكون له اجابتين..الإجابة الاولى هي نفس اللي انا قلته ده ، بس اللي هيجاوبك يأما صحفي معتقل، يأما صحفي طفش أو اتطرد من شغله، وبيشتغل دلوقتي على عربية كبدة وبيلف الساندويتشات في نفس ورق الجرايد اللي كان بيكتب فيها.. اما الإجابة التانية ..فهتكون إن الصحفي هو الشخص الانتهازي المطبلاتي، اللي استبدل توضيح الحقايق للناس باخفاءها

{تعاشب شاي}(843) انفصام في البلحية

https://www.youtube.com/watch?v=le37q2etiHQ&list=PLBsIgVvbrncB0M8dlzAbvjl79Nu8v_BW4

ثورة 25 يناير 2011 عاملة عند سمو الرئيس السيسي حالة انفصام في البلحية .. مرة تلاقيه بيشتم فيها و بيهاجمها و فارشلها الملاية .. و بيقول انها سبب كل الدمار و الخراب الي حصل في البلد.. و مرة يقول انها كانت ثورة علي الظلم و الفساد .. يوم يقول علي الثوار ارهابيين وعملاء و يوم تاني يقول عليهم مخلصين و وطنيين .. جرى ايه يا سيسي ما تثبت كده علي حال و حدد موقفك من الثورة .. و ارسالك علي نخلة !

{تعاشب شاي}(844) ديكتاتور برو ماكس 4K

https://www.youtube.com/watch?v=fQ-93eDPnQk&list=PLBsIgVvbrncB0M8dlzAbvjl79Nu8v_BW4

هو يعني ايه انسان يبقى عبد؟
يعني حد تاني يبقى وصي عليه وعلى حياته وبياخد قرارات بالنيابة عنه وبيتحكم فيه ..
بيتحكم في أكله وشربه ونومه وشغله .. بيتحكم في أبسط اختياراته في الحياة .. يتجوز ولا لأ .. يخلف ولا لأ .. يسمع كلام حد تاني ولا لأ ..
العبودية زمان كانت كده ..
أما دلوقتي بقى فالعبودية هي آآآآآ ..
ثانية واحدة كده ؟ هي دي العبودية زمان ولا العبودية دلوقتي ..؟ معلش أصل فيهم شبه من بعض ..
بس هل هو فيه فعلا فرق بينهم؟
خلينا نشوف