{علمني الغزالي}(24) مافيش ربنا ولا حاجة ان شاء الله

https://www.youtube.com/watch?v=cCyUqaST-fI&list=PLBsIgVvbrncAHNkFLd8veDFxr1q-HieVu

قلنا ان الإيمان معرفة بالله وصلت الى حد اليقين.. و ان المعرفة دي لازم تكون معرفة صحيح مطابقة للحق.. لا مشوهة.. ولا مبنية على خيالات و أوهام بعيدة عن ثوابت الوحي..
بس فاضل نقطة محتاجين نتكلم عنها.. الناس اللي مايعرفوش ربنا أصلا.. بل بالعكس.. بينكروا وجوده..
مش بس بينكروه.. لأ.. دول بيحاربوا أي حد يقول غير كده..
و العجيب.. اننا النهاردة محشورين في النص بين فريقين.. فريق الملحدين اللي بيحاربوا الإيمان عموما و الإسلام خصوصا.. و فريق المسلمين اللي بيمهدوا الطريق للملحدين دول عن طريق نشر أفكار باسم الدين مبنية على الجهل و التخلف و الخرافات.. و بينشروها بالصوت العالي و الحنجوريات و خطاب الكراهية و التخويف..
فيقوم الملحدين يشاوروا عليهم و يقولوا شفتوا؟.. شايفين الدين وحش ازاي؟
تيجي تعقل الجماعة المسلمين اللي عاملين زي الدبة اللي قتلت صاحبها دول.. يشاوروا عليك ويقولوا شفتوا.. شوفتوا المسلمين الكيوت اللي عاوزيننا نكفر عشان يرضوا الغرب؟

{الحراق}(112) قوم ولعلك شمعة.. Encanto

https://www.youtube.com/watch?v=LT0b5eZeCN0&list=PLBsIgVvbrncBJbmFFzhjJfzK9aLoMuouz

سنة ٢٠١٥ اتعرضت مسرحية غنائية على مسرح برودواي بتحكي قصة احد الإباء المؤسسين للأمريكا..واللي اسمه "الكسندر هاملتون".. و"هاملتون" ده برضه كان اسم المسرحية.
بس الاسم الأهم... كان اسم مؤلف المسرحية واللي برضه مثل دور البطل... "لين مانويل ميراندا"
اللي بقى اشهر من نار على علم لأنه قدر يحكي قصة تاريخية مملة جدًا على شكل أغاني يحفظها طلاب المدارس... لدرجة ان الحكومة هناك هناك دعمت المسرحية عشان الطلبة في يروحو يشوفوها بتذاكر مخفضة..
وطبعًا لأن هوليود معتمدة على جذب المواهب... ديزني قالتلك هاتولنا الواد ده من شعره، ده خلا العيال ماشيين في الشارع يغنو أغاني عن الحرب الاهلية الامريكية! لازم نستغل الموهبة دي!
وفعلاً عملولنا الفيلم الغنائي اللي هنتكلم عنه النهاردة..
فيلم (انكانتو)... وانكانتو كلمة اسبانية معناها (سحر)
كتير من أفلام ديزني فيها أغاني... من اول "توي ستوري وليون كينج" لحد "فروزن" وغيرهم.. بس الأغاني المرادي مختلفة اختلاف ملحوظ... لأنها جزء من حكي القصة مش مجرد كسر ملل او تسلية..

{الأسبوع ف كيس}(292) يا بلادي انا إمتى هاكبر.. و أطول النخل و اقدر

https://www.youtube.com/watch?v=9ZOFPWaPLYE&list=PLBsIgVvbrncAeJMvwCpzZg-ow581Oh13M

السيسي الاسبوع ده في جولته بالصعيد..وبعد ما حطم رقمه الشخصي في الهري لما عمل من وداننا جزامة..قال لك بص يا ابو كامل .. انا عاوز ربنا يوم القيامة يشيلني كل حاجة عملتها ..ومش عارف هو حد افتاله إن فيه حاجة غير كده هتحصل..ولا احمد موسى وعمرو اديب هيقفوله تحت باطاته يشيلوا معاه ..ولا هو بيسأل كامل الوزير وبيختبر ولاؤه.. ومستنيه يقول له عنك انت والله يا ريس ..ريح سيادتك وانا هشيل عمايلي وعمايلك... انت حتى في دي بتطلب وتتشرط ياعم ؟ .. وبعدين احنا ايه علاقتنا..ما انت ليك رب بتكلمه ويكلمك ما تطلب منه يشيلك احنا مالنا بالحوار ده.. ثم إن بذمتك انت عايز تشيل حاجة !!.. دي الست لما كانت بتقولك بس ربنا يديك على أد نيتك كان بيركبك 100 عفريت …

{تعاشب شاي}(827) مهرجان بن هلسان

https://www.youtube.com/watch?v=MgD8iq7Ysj4&list=PLBsIgVvbrncB0M8dlzAbvjl79Nu8v_BW4

الاخ ابو منشار محمد بن سلمان ولي عهد السعودية .. بقاله فترة رافع شعار بحب السيما .. و عمال يفتح في دور عرض و ينتج افلام و يعمل مهرجانات سينمائية يعزم فيها نجوم من كل العالم .. و محدش بقي فاهم هو بيعمل كده ليه .. هل مثلا بقي بيحب الفن و السينما فجاة كده و لا فيه سبب تاني .. انا شخصيا خايف بصراحة يكون بيعمل كده علشان يستدرج المعارضين بتوعه للسينمات و دور العرض و يقتلهم جواها في الضلمة و لا من شاف و لا من درى .. اصل واضح ان موضوع القنصليات ده بقي مش شغال و بينكشف بسرعة !

{تعاشب شاي}(828) عزبة النخل

https://www.youtube.com/watch?v=RXot0x8Z8M0&list=PLBsIgVvbrncB0M8dlzAbvjl79Nu8v_BW4

كلنا عارفين ان سيادة الريس السيسي نقطة ضعفه المشروعات .. هو بيحب يعمل مشاريع طول الوقت و يفتتحها و يفرح بيها .. مش مهم بقي المشاريع دى هتنتج ايه اساسا و ضرورية و لا لا.. و هتكسب و لا هتخسر .. المهم اننا نعمل مشاريع و خلاص علشان التنمية متاكلش وشنا .. و ده بيخلي السيسي معندوش وقت يدرس المشاريع دى و يخططلها قبل ما يعملها .. و لا حتي عنده صبر يعمل مناقصات بين الشركات المختلفة زى ما بيقول القانون علشان ينفذها .. فبيضطر يتغاضي عن الحاجات التافهة دى في سبيل هدف سامي و هو ان المشروعات تتعمل بسرعة.. علشان نلحق نركب قطر التقدم قبل ما يفوتنا .. صحيح احنا بنكتشف بعد كده ان المشاريع دى فشلت و ان قطر التقدم داس علينا و مركبناهوش و لا حاجة .. بس مش مهم .. المهم ان الريس يفتتح مشروعات و يعمل انجازات و ينبسط .. هو انبساط الريس ده شوية و لا ايه ؟

{حدوتة إسرائيلية}(07) لم علينا عبيدك يا رب

https://www.youtube.com/watch?v=9KcJp1bQk-E&list=PLBsIgVvbrncBwfV9fP7smSrSv5LU39esP

و قفنا مع رحلتنا في الحلقة اللي فاتت و قلنا ان الطفرة الاقتصادية التانية في إسرائيل كانت محتاجة ٣ حاجات.. موجة مهاجرين جديدة.. و حرب جديدة.. و صناعة جديدة للاستثمارات الأجنبية..
فخلونا نبدأ النهاردة و نتكلم عن سياسات إسراذيل بخصوص الهجرة.. و ازاي قدرت تدمج الناس اللي جايين من خلقيات ثقافية مختلفة تماما.. في بوتقة واحدة.. و ازاي قدرت تدير الثروة البشرية دي و تنميها؟

{تعاشب شاي}(829) و طلعت السعادة مضروبة!

https://www.youtube.com/watch?v=Zo4OGNwMBjc&list=PLBsIgVvbrncB0M8dlzAbvjl79Nu8v_BW4

حكام دولة الامارات العربية المتحدة الشقيقة .. بقالهم كام سنة مصدعينا بحوار السعادة .. و ليل نهار يقولوا ان الامارات هي اكتر دولة بتوفر السعادة للمواطنين بتوعها .. و ان الي امه دعياله و عايش في الامارات بيبقي علي طول قاعد في هنا و سرور و كوبايات في صواني بتدور .. و ان الامارات هي اكتر دولة متقدمة في مؤشر و تصنيف السعادة العالمي الي بيصدر عن مؤسسات تابعة للامم المتحدة .. و كل يوم و التاني نسمع انها خدت جايزة في السعادة .. و بعد كل الوش ده .. نكتشف من خلال تقارير امريكية .. ان جوايز السعادة الي عمالة تتدلدق من الامارات و هي ماشية دى كلها ملعوب في اساسها .. و ان ولاد زايد كانوا بيكرمشوا فلوس في ايد مؤشر السعادة العالمي علشان يتحرك ناحيتهم و يرفعهم في التصنيف.. يعني حتي مؤشر السعادة ذات نفسه طلع مرتشي و مش سالك .. لا حول و لا قوة الا بالله !

{تعاشب شاي}(830) القانون لا يعرف ولاد الناس

https://www.youtube.com/watch?v=Dn4Kk9KJ0oc&list=PLBsIgVvbrncB0M8dlzAbvjl79Nu8v_BW4

لو سألت أي حد بيشتغل في مجال القانون في العالم..سواء كان محامي أو وكيل نيابة أو قاضي..أو حتى بيشتغل في السلطة التنفيذية زي الشرطة مثلا..وقلت له ايه هو تعريف القانون.. الإجابة هتكون قاطعة ومباشرة أنه مجموعة من القواعد اللي بتنظم التعاملات بين الناس وبتظبط سير المجتمع..هو اللي بيتحط من خلاله الأسس اللي بتحدد واجبات الفرد وحقوقه..وهو اللي بتحدد نصوصه الجزاء والعقاب لو حصل تجاوز أو مخالفة للقواعد اللي محطوطة ومتفق عليها..يعني القانون من الآخر هدفه تحقيق العدالة..لكن لو كررت نفس السؤال في مصر هتكون الإجابة مختلفة ..لو سألت قاضي مثلا هو اللي هيرد عليك بسؤال..وهيطلب منك تحديد الحالة الأول متسألنيش سؤال عام كده ..فلو سألته ايه التوصيف القانوني لمجموعة شباب خطفوا بنت واغتصبوها وقتلوها مثلا عقوبتهم هتكون ايه.. هيبص لك بريبة كده ويقولك انت تعرف حد من اللي اغتصبوها؟ طب متعرفش البت بنت مين ؟؟ فلو قلت له خلاص نغير الموضوع طالما قفشت كده ..

{عرفوه بالعقل}(48) تيجي نوزن برة؟

https://www.youtube.com/watch?v=DK2P1wK7F-0&list=PLBsIgVvbrncCUHtc-Gd9d0t5wBXwC0_DO

و خلونا نبدأ مع قضية الموسيقى و الغناء بالتفصيل مع كتاب دكتور الجديع ”الموسيقى و الغناء في ميزان الإسلام“.. أنا تخيلت ان هايكون مفهوم اننا هانمسك الكتاب و نفصله على كذا حلقة.. بس يبدو اني ما قدرتش اوضح ده بالشكل الكافي..
على أي حال.. خلونا نبدأ النهاردة.. بمقدمة نحدد فيها شوية تعريفات و قواعد لازم نتفق عليها الأول قبل ما ندخل في صلب الموضوع.. عشان نكون كلنا واقفين على أرضية واحدة و مايظهرش اختلافات بسبب فهم خاطئ لكلمة أو مصطلح.. أو بسبب عدم معرفة الأصول و القواعد اللي بنتعامل بيها مع المصطلحات دي و مع الأدلة الشرعية..

{تعاشب شاي}(831) خير مناهج الأرض

https://www.youtube.com/watch?v=zs34BlhacmA&list=PLBsIgVvbrncB0M8dlzAbvjl79Nu8v_BW4

فيه ناس فاكرة ان كل الانظمة المستبدة الي حكمت مصر مكانتش بتهتم غير بقتل الناس و حبسهم و قمع الحريات و تكميم الافواه و الحاجات دى .. و الحقيقة ان الكلام ده مش صحيح .. المستبدين الي حكموا مصر كانوا بيهتموا بحاجات تانية بردو زى التعليم مثلا .. لا مش بيحسنوا جودته او بيطوروه لا سمح الله .. هم كان اهتمامهم بيه محصور في انهم يغيروا المناهج بتاعته بس علشان تبقي بالشكل الي يخدم المستبد و يطبله و يلمعه و يفخمه و يشيطن اعداءه و يشوه تاريخهم .. احنا بصراحة التعليم عندنا في مصر ملطشة معاه علي الاخر و مالوش اهل يسالوا عليه و مش عارف يلاقيها منين و لا منين .. من التشويه الي الحكام بيعملوه في المناهج و لا من المنظومة الجديدة و لا من قلة الصرف عليه و لا من الفصول الي مفيهاش تخت و لا ايه بالظبط .. طيب ما تلغوا التعليم يا جدعان و خلاص و لا حتي اقتلوه و ريحوه من العذاب الي هو فيه ده!

{تعاشب شاي}(832) آخرة خدمة العملا علقة

https://www.youtube.com/watch?v=sgzOOC0zGWc&list=PLBsIgVvbrncB0M8dlzAbvjl79Nu8v_BW4

عاوز تسيب القعدة علي القهوة و تشتغل في مصر .. بس كده ؟ .. و ماله يا حبيبي احنا عنينا ليك و بنحب نشجع الشباب جدا .. تعالي استلم الشغل فورا .. بس هنحتاج منك شوية حاجات بسيطة كده لا تذكر يعني .. و هي انك تشتغل تحت ضغط.. و تحقق التارجت المتلتل الي عليك.. وانك تستحمل اهانات مديرك و هو رابطك في طرابيزة الاجتماعات و بيجلدك بكرباج سوداني .. و انك متقبضش كمان لو امكن يعني .. انت عارف الفلوس مش كل حاجة .. ايه ده مقدرتش تستحمل ده كله و رميت نفسك من الدور التالت .. اخص .. ده انت طلعت خرع اوي . طيب طالما انت مدلع كده و عاوز تتعامل معاملة ادمية .. بتقدم علي شغل ليه و تقرف الشركات معاك .. و بعدين تعالي هنا انت ازاي ترمي نفسك و تموت قبل ما تخلص الشغل الي وراك .. مفيش اي احترام لقدسية العمل خالص كده .. حسبي الله و نعم الوكيل !

{تعاشب شاي}(833) عاصمة بلا رعاع

https://www.youtube.com/watch?v=8Lp3MEuntTA&list=PLBsIgVvbrncB0M8dlzAbvjl79Nu8v_BW4

سنة 2015. وعلى بعد حوالي 50 كيلو متر من القاهرة ..وتحديدا في الصحراء الشرقية اللي بتوصل بين القاهرة والسويس..كان السيسي في اجتماع هناك مع أمير دبي ورئيس وزراء الإمارات.. للاعلان عن البدء في إنشاء مشروع عاصمة إدارية جديدة..واللي كانت من خطط السيسي الأساسية لإنشاءها..هو نقل كل المؤسسات الحكومية والوزارات والبرلمان..ومراكز البنوك الكبيرة وحتى السفارات فيها ..وطبعا على رأس كل دول قصر رئاسي لجنابه فيها اكيد.. أثناء الاجتماع بقى سأل السيسي واحد من منفذين المشروع عن المدة المتوقعة للانتهاء من المشروع..فلما رد وقال له 10سنين.. السيسي انزعج جدا وقال له ولا حتى سبعة..الرد اللي بيعكس استعجال السيسي ولهفته على ان المدينة العظيمة الفخمة دي تتعمل في اسرع وقت ممكن..وهنا تظهر شوية اسألة ..يا ترى ايه اللي يخلي السيسي مستعجل كده على الإنتقال من القاهرة.. العاصمة الأقدم ومركز السلطة الاقتصادي والبشري التاريخي..وينقل نفسه وحكومته بالكامل لأطراف البلد..و

{تعاشب شاي}(834) الليلة السيرك تعالوا دي فرجة تساوي جنيه قولوا هيه!

https://www.youtube.com/watch?v=JAu4QBsUClg&list=PLBsIgVvbrncB0M8dlzAbvjl79Nu8v_BW4

السيسي دخل في مرحلة كوميدية من الانفصال عن الواقع .
اه والله زي ما باقولك كده .
زمان – و زمان ده لغاية كام يوم فاتو لما كان بيلف في الصعيد – زمان لما كان بيمسك الحديدة اللي بيعشقها، و يقعد يهري و يفتي و ينظر، كنا بنقول ان الراجل ده مش عاوز يعترف بالواقع اللي حواليه و الي كله فساد و فقر و عشوائية بسبب سياساته !
دلوقت يا معلم الراجل عدى المرحلة دي ، و دخل في مرحلة انه بيجود على نفسه !
و ده اللي حصل بشكل واضح جدا في النسخة الجديدة من منتدى شباب العالم اللي عامله السيسي اليومين دول !
ازاي الكلام ده ؟
و ايه ابرز الاكاذيب اللي طلع علينا السيسي بيها في افتتاح المؤتمر ؟
هنتكلم عن ده دلوقت ..

{تعاشب شاي}(835) وزيرة تايهة يا ولاد الحلال

https://www.youtube.com/watch?v=E_shbAf1D1Q&list=PLBsIgVvbrncB0M8dlzAbvjl79Nu8v_BW4

في أي دولة في العالم..سواء كان نظامها ديمقراطي أو نظامها بلحاوي..سواء كان تعيين الوزرا والمسئولين بمقاييس الكفاءة والتخصص والانجاز..أو بمقاييس الطبلة والطاعة والثقة في الولاء ..مفهوم أن كل ده طالما فيه العنصر البشري يبقى عادي أن ممكن يحصل فساد وسرقة.. وعادي جدا إن وزير يتقفش بعمل غير اخلاقي أو رشوة..تكون نتيجتها يأما عزله أو محاسبته أو بتوصل السجن لو ثبت فساده..لكن في مصر وفي واقعة فساد معلنة كمان من اعلام النظام وقضاءه..أنها جريمة رشوة متهميها الرئيسيين مش مجرد حتى موظفين في وزارة..اي فساد فيها له تأثير مباشر على صحة ملايين وكمان في أزمة وبا عالمية..ده الفساد طالع من قلب مكتب الوزيرة شخصيا..لكن لما تسأل هي بريئة ولا متهمة..طب اتشالت ولا في اجازة..طب هترجع للوزارة ولا هترجع على المطبخ..طب عايشة ولا حية.. جعانة ولا شعبانة.. عريانة ولا ملبوسة.. كل دي اسألة منطقية في بلد المنطق فيها جاله سعال ديكي والإجابة عنه هي صوت صرصور الحقل.. يا ترى انتي فين يا طاهرة....

{ساسَ يسوسُ}(92) تديني جنيه.. ربنا يديك جنيه..

https://www.youtube.com/watch?v=m7hTRaq-dd4&list=PLBsIgVvbrncC_hFoIcgf8_NyqLkF1nkba

واتكلمنا في الحلقة اللي فاتت عن طريقة تعاملك مع المجتمع الجديد اللي أنت بإرادتك أو غصب عنه هتبقى جزء منه بمجرد ما تبقى رئيس دولة قد الدنيا، مجتمع البلاد اللى حواليك اللي هتتفاعل معاهم بمرور الوقت وهتلاقي فيهم دول بتساعدك، ودول بتستثمر عندك، ودول تالتة بتوقعك عشان تلاقي حجة تتدخّل بيها فى بلدك، وأنت في وسط كل ده عامل زي البهلوان؛ شوية مندفع بجراءة وشوية مركز في كل خطوة عشان في الحالتين تطلع بمصلحتك منهم.
وبعدها قسّمنا المجتمع الدولي ده لمجموعتين كبار اللي هما الدول، والحركات أو الجماعات اللي جوه الدول دي... وبدأنا نعرف واحدة واحدة هنعمل معاهم إيه، إزاي هنموّلهم ونساعدهم بالفلوس، إزاي هنعمل استثمارات معاهم، إزاي هنساعد المتمردين عندهم ونديهم فلوس وسلاح وقوات من الجيش، ولو لزم الأمر نأجر محترفين كمان عشان يصفّوا رئيس الدولة اللي عندنا مشكلة معاه... يعني باختصار إزاي هنستغل كل كارت ممكن في إيدنا عشان نكسب حليف واتنين وتلاتة يبقوا هما ضهرنا فى المجتمع الدولي.

{تعاشب شاي}(836) اقتصادنا أبيض من الصيني

https://www.youtube.com/watch?v=y4Eu1cuQle8&list=PLBsIgVvbrncB0M8dlzAbvjl79Nu8v_BW4

الطبيعي ان اي دولة في العالم بيبقي عندها اقتصاد .. له ارقام و مؤشرات .. و معدلات نمو و تضخم بتاثر علي وضع الناس و حياتهم .. بس مصر بقي فيها حاجة متفردة و متوحدة و ملهاش زى و مش موجودة في اي حتة في العالم .. و تعتبر من اهم انجازات سيادة الريس السيسي .. الحاجة دى هي ان احنا ما شاء الله اللهم لا حسد .. عندنا في مصر اقتصادين مش اقتصاد واحد زى بقية خلق الله .. اقتصاد رسمي لونه فوشيا مسخسخ و بيتكلم عنه السيسي و الحكومة .. و اقتصاد تاني اسود الناس عايشينه و بياثر في حياتهم كل لحظة .. بس الاقتصاد بتاع الناس ده ميفرقش معانا اوي بصراحة .. اولا لان الناس دول نفسهم مش مهمين فاكيد مش هنهتم بالي هم شايفينه .. ثانيا لاننا مش معقول هنصدق كلام شوية ناس عرر و هنكدب السيسي الامين اوي و الشريف اوي .. مش محتاجة يعني !

{حدوتة إسرائيلية}(08) أرضك بتنده

https://www.youtube.com/watch?v=iTqjqkRsr3Y&list=PLBsIgVvbrncBwfV9fP7smSrSv5LU39esP

اتكلمنا في الحلقة اللي فاتت عن سياسات إسرائيل بخصوص الهجرة.. و ازاي قدرت تدمج الناس اللي جايين من خلقيات ثقافية مختلفة تماما.. في بوتقة واحدة.. و ازاي قدرت تدير الثروة البشرية دي و تنميها.. بس دي كانت مرحلة الحشد.. هات أكبر عدد تقدر عليه عموما بغض النظر عن الكفاءات..
خلونا النهاردة بقى نتكلم عن الكفاءات.. و نشوف ازاي ان على عكس دول كتير بتعاني و بتشتكي من ”هجرة العقول“.. ان الكفاءات بتطفش من عندها.. ان إسرائيل استغلت الميزة دي لصالحها.. و حولتها لـ“إعادة تدوير الكفاءات المهاجرة“.. يعني خلي الواحد من دول يهاجر.. و يجيبلنا الطرائف و اللطائف من جميع أنحاء العالم.. و يرجعلنا تاني..
ازاي عملوا ده؟.. تعالوا نشوف.

{علمني الغزالي}(25) ما هو الإسلام

https://www.youtube.com/watch?v=8hzMetW7Y4k&list=PLBsIgVvbrncAHNkFLd8veDFxr1q-HieVu

و مازلنا في رحلتنا مع الشيخ الغزالي و كتاب ”الجانب العاطفي من الإسلام“.. و اتكلمنا في الحلقة اللي فاتت عن ”الإحسان“.. خلونا نكمل النهاردة.. و نتكلم عن الإسلام.. ايه هو؟

{الأسبوع ف كيس}(293) النبي عجوت

https://www.youtube.com/watch?v=zDF2atfW_xo&list=PLBsIgVvbrncAeJMvwCpzZg-ow581Oh13M

كل مؤتمر وانتوا طيبين..انتهى منتدى شباب السيسي زي ما انتهى اللي قبله بنفس النتايج..الولا حاجة..مجرد ملايين اتصرفت في السنتريش لإشباع نشوة انسان مختل مغرم بالحديدة، وحواديت ابو رجل مسلوخة وأمنا الغولة ومصر الفقيرة اللي مش لاقية تاكل..وهتقولي حقوق انسان هقولك جيف مي ون دولار.. بس طبعا للتجديد وكسر الملل عشان الناس تحس أنها شافت حاجة جديدة.. السيسي قرر يحول المنتدى لسيرك..مش تعبير مجازي المرة دي هو خلاه سيرك فعلا .. ورئيس جمهورية قاعد فاشخ ضبه يتفرج على عروض الساحر ويسقف زي بوحة وهو بيغني سيد يا سيد..وما اكتفاش بكده ده جاب بطلة مسلسل لاكاسا دي بابل..وهما استغلوا براءته أو جهله ..وطلعوله فرقة عشانا عليك يا رب يغنوله في وشه بيلا تشاو..اللي هي اغنية ثورية إيطالية كانت بتتغنى ضد موسوليني اساسا ..اللجنة المنظمة بقى تقريبا اتفاجئت إن الحاجة انتصار قالت له والنبي يا عبده عايزة اشوف العمدة الآلى

{تعاشب شاي}(837) الفرعون المتسول

https://www.youtube.com/watch?v=pta2R2z5ITI&list=PLBsIgVvbrncB0M8dlzAbvjl79Nu8v_BW4

للاسف الناس الحقودة في العالم مش عاوزين يسيبونا في حالنا .. الغل الي جواهم من ناحية زعامة الريس السيسي مجننهم و مخليهم عمالين يشنعوا عليه و يتكلموا عنه و يشتموا فيه .. مرة يقولوا انه منقلب و مرة يقولوا انه ديكتاتور و مرة يقولوا انه قتال قتلة .. و لسه من كام يوم كاتب و محلل اقتصادى امريكي اسمه سبرينج بورج طالع هو كمان يتكلم وحش عن الريس .. و يقول ان مصر علي ايده بقت متسولة و بتشحت علي ابواب الجوامع و بتستلف من طوب الارض .. قطع لسانك … بقي السيسي خلي مصر تشحت ؟ .. اه هو خلاها تشحت ماشي بس عادى يعني فيها ايه لما مصر تشحت علشان تجيب مصاريفها و توفر فلوس الكبارى و العاصمة الادارية الي الريس بيبنيهم .. مش احسن ما تقعد عواطلية في البيت كده لا شغلة و لا مشغلة !

{عرفوه بالعقل}(49) هل حرم القرآن الموسيقى؟

https://www.youtube.com/watch?v=-j-Go-9Syjo&list=PLBsIgVvbrncCUHtc-Gd9d0t5wBXwC0_DO

بدأنا بالكلام عن قضية الموسيقى و الغناء و حكمهم الشرعي.. و اتكلمنا عن المبادئ العامة اللي هانشتغل بيها..
فخلونا نبدأ ندخل في الجد النهاردة.. و نتكلم عن الأدلة بالتفصيل.. و خلونا نبدأ بالأدلة من القرآن..