{الحراق}(52) عقبال طهورك! The Purge

https://www.youtube.com/watch?v=7ajaciLTqBo&list=PLBsIgVvbrncBJbmFFzhjJfzK9aLoMuouz

كلنا لما بنتعصب بنحس اننا عاوزين نكسر حاجة او نخبط دماغنا في الحيط... باختصار عاوزين نعمل أي تعبير عنيف عن الغضب عشان الكبت وحش.
وعلي قد ما كنت عنيف على قد ما نفسيتك ترتاح اكتر... وتحس انك "اتطهرت" من جوا وطلعت المشاعر السلبية دي..
وهي دي فكرة فيلم النهاردة... فيلم "التطهير" أو The purge
الفيلم فكرته بسيطة...في المستقبل بعد ما أمريكا وصلت للرفاهية التامة لسه الناس عندها ميل للعنف والجرايم... طيب نعمل ايه؟
احنا هنعمل ليله واحدة كل سنة... تكون فيها كل الجرايم مباحة والقانون لاغي...
القتل والاغتصاب وتقطيع الجثث واستخدام الأسلحة النارية من المسدس لحد المدافع الرشاشة، الشرطة منسحبة من الشوارع والفوضي والجريمة في كل حتة ومحدش يخلي في نفسه حاجة... وأول ما النهار يطلع والناس تكون "اتطهرت" من رغباتها الشريرة.. يرجع النظام والأمن والأمان.
فكرة حلوة صح؟

{الأسبوع ف كيس}(255) فضل وأد البنات في الإسلام

https://www.youtube.com/watch?v=OKtz99WDb94&list=PLBsIgVvbrncAeJMvwCpzZg-ow581Oh13M

الناس اللي بتشكك في نزاهة العملية الانتخابية وبتنبط بالكلام ..وتقول اهو فات كام شهر ومشفناش النيابة اتحركت أو حققت مع المرشحين المتهمين بالرشوة وتوزيع الكراتين والفلوس وغيره ..ياريت يتكسفوا على دمهم ويتبطوا بقى ..النيابة العامة انتفضت واستدعت النائب هيثم الحريري بتهمة لامؤاخذة خرق الصمت الانتخابي وشرا الأصوات.. آه هيثم الحريري اللي هو كان معارض في البرلمان اللي فات وعضو تكتل 25_30..وسقط اساسا ..سمعونا يحيا العدل بقى واياك المح حد بيطعن في نزاهة القضاء المصري.. وعلى جانب آخر الشعب المصري كان الله في عونه الفترة اللي جاية ..احنا على موعد مع نقلة نوعية للفلوكسة اقوى واعنف بكتير من اللي قبلها
انتوا فاكرين لما كان لسه مدني عمل فينا ايه ؟ وقدامنا كام سنة هيتخللها كام لايف يشخط فينا ويبستفنا وهو فريق ..بس على الله تزودها بقى
عشان انت اسمك الحقيقي دانيال وباعترافك ….
و على صعيد آخر.. السيسي يصرح :
ما حدش يخلف تاني.. انا خلفت اربعة خلاص و خدت الكنبة الي ورا كلها.. اطلع يا اسطى!

{تعاشب شاي}(546) سنحاربهم بالكانضام!

https://www.youtube.com/watch?v=1MU3aqIWdBE&list=PLBsIgVvbrncB0M8dlzAbvjl79Nu8v_BW4

عارف يا مواطن يا مصري ايه السبب الي مانع مصر من انها تتقدم و تنهض ،، و تبقي دولة عظمي ،، و قطعة من اوروبا ،.،، و جزء من سويسرا ،، السبب هو انت و زملاتك المواطنين الي عمالين يخلفوا و يجيبوا عيال و يعملوا انفجار سكاني في البلد ،، خلوا عندكم دم و بطلوا خلفة بقي ،، البلد كل ما تيجي تتقدم تخبط في عيالكم تقوم راجعة تاني ،، حسبي الله و نعم الوكيل فيكم

{تعاشب شاي}(547) كيف تقضي على الصناعة بدون رووت؟

https://www.youtube.com/watch?v=ze5mZUJXasg&list=PLBsIgVvbrncB0M8dlzAbvjl79Nu8v_BW4

بعد كام اسبوع من دلوقتي هتستعد مصر كلها للاحتفال بعيد العُمّال، بس همّا فين العُمّال دول يا حسرة! منجلكوش في عُمّال بقى،
ده يا إما السيسي شرّدهم ورماهم في الشارع هما وعيالهم بعد ما قطع أرزاقهم وقفلّهم المصانع والشركات،
يا إما معتقلين في سجون أمن الدولة بتهمة الانضمام لجماعة ارهابية عشان اعترضوا على قفل المصانع والشركات .. وإحنا اللي يعترض على أي حاجة عندنا يبقى إرهابي دي مش عايزة كلام! .. إنما العُمّال! بح خلاص إحنا مبقاش فاضل عندنا مصانع بعد ما السيسي ريّحنا منها ومن الارهابيين اللي فيها دول، بس مش دي المشكلة! ما تولع المصانع على العُمّال هو احنا وش مصانع .. احنا وش كباري بس.

{تعاشب شاي}(548) كلكم تامر أمين!

https://www.youtube.com/watch?v=Pz51Al04AF0&list=PLBsIgVvbrncB0M8dlzAbvjl79Nu8v_BW4

الإعلامي تامر امين قل أدبه على الصعايدة وأهل الريف ..واتكلم عنهم بعنصرية وطبقية وقامت الدنيا ومقعدتش ..بس هتقعد عادي كمان كام اسبوع او شهر لحد ما الدنيا تهدى ويتسحل المواطن في عصفورة جديدة ..وابن النظام المطيع المطبلاتي المعتق ..مش بالساهل النظام اللي وجوده اصلا قايم على العنصرية وإشاعة الطبقية ونشرها كمان ..أنه يستغنى عنه .. لكنه كان لازم ياخد له قلمين من أسياده..اللي يسكٌتوا أو يراضوا الشعب ..على طريقة ابني واديله انا جوز اقلام ع الهادي عشان افض خناقة هتفتح علينا فتحة مش وقتها ..وبعد كده ارجعه يكون الموضوع اتنسى..وهنا بقى ييجي السؤال اللي فجرته قضية تامر امين..هو المجتمع المصرى بيعاني فعلا من العنصرية ؟ طب هل فيه طبقات معينة بتمارس ضدها العنصرية والطبقية دونا عن غيرها ..ولا العنصرية هي اللي بتعاني مننا ؟…

{حدوتة عربية}(05) صراع العروش

https://www.youtube.com/watch?v=fC1C-try-3Y&list=PLBsIgVvbrncBI-GBODIFomvD6RVkJ618b

شفنا ازاي النبي "ص" كان شخصية استثنائية في تاريخ العرب.. الوحيد اللي نجح في انه يوحدهم تحت لواء "رسالة التوحيد"..
و خلونا نقف وقفة هنا بس عشان نوضح نقطة بسيطة قبل ما نكمل..
ناس كتير من إخواننا الشيعة اعترضوا على الحلقة اللي فاتت لما قلت ان النبي ”ص“ ما أوصاش بالخلافة لحد من بعده و ترك المسألة للاجتهاد البشري عادي..
اعترضوا و قالوا ان النبي ”ص“ أوصى بالخلافة لسيدنا علي.. فهل ده حصل فعلا؟

{تعاشب شاي}(549) بل سنحاربهم بالزن

https://www.youtube.com/watch?v=HWBQvJUOuhM&list=PLBsIgVvbrncB0M8dlzAbvjl79Nu8v_BW4

لو هتدوّر للسيسي على انجازات حقيقية .. فغالبا مش هتلاقي حاجة عليها القيمة يعني .. إلا حاجة واحدة الصراحة تعتبر في حد ذاتها حنفية انجازات .. وهي الإعلام .. وبكده مش محتاج فعلا انك تعمل انجازات حقيقية طالما عندك اعلام بيقول انك بتعمل انجازات ملهاش آخر والبلد مبقاش فيها مكان خلاص تستحمل الانجازات الرهيبة دي .. أو مش محتاج انك تعمل أي حاجة أصلا طالما عندك اللي يتكلم بإسمك طول الوقت ويفرض على الناس صوتك ورأيك وان كل حاجة تمام وزي الفل .. وممكن من البجاحة ان اعلامك يوصّل الناس انهم يشكوا في نفسهم .. لو كل اللي بيتقال في الاعلام ده حقيقة .. أومال حياتنا مبتتحسنش ليه؟ فين البلد اللي بتتكلموا عليها دي؟ .. احنا بجد عايشين معاكم في نفس البلد؟

فيلم حلقة الليلة من “الحراق”.. خرج ولم يعد

{الحراق}(53) هبأ ولم يعد

https://www.youtube.com/watch?v=xpuDVP27wMI&list=PLBsIgVvbrncBJbmFFzhjJfzK9aLoMuouz

اللي يتأمل في مقولة سيدنا عمر بن الخطاب" أعتزل ما يؤذيك" ..هيلاقي ان الجميل فيها أنه مقالش تحمل ما يؤذيك أو تعايش مع ما يؤذيك..قال اعتزله ..اعتزله قبل ما تكتشف الحقيقة متأخر..انك استنزفت صحتك وتلفت اعصابك وضيعت عمرك في علاقات أو شغل أو نمط حياة يومي ..منتش لاقي نفسك فيها ولا محقق طموحك ولا لاقي سعادتك أو راحتك النفسية فيها ..أخرج من الحيطان الضيقة لو من جواك بتحب الوسع.. أخرج من زنزانة انك تعيش عشان بس ترضي حد ..أو تبقى نسخة من حد غير نفسك ..أخرج من المكان اللي اذاك ورابطك بحبال اليأس ..وبيزرع جواك كل يوم وهم انك ضعيف ومش هتقدر..وبيقنعك ان اخرك هنا وقدرك كده وان حلمك بفرصة للتغيير فات أوانه ..اديله ضهرك ومتبصش عليه حتى نظرة وداع ..اقطع حباله اللي رابطك بيها لأن قطعها اسهل ما كنت تتصور..وكون انسان مش آلة روتينية اللي تبات فيه تصبح فيه..خلي كل شئ اذاك يعتبرك في عداد المفقودين وينصب عزاك..خليه يعتبرك انسان ...خرج ولم يعد.

{الأسبوع ف كيس}(256) الشهر العقاري خير من ألف شهر

https://www.youtube.com/watch?v=xgyH2_i04tA&list=PLBsIgVvbrncAeJMvwCpzZg-ow581Oh13M

في إطار جهود النظام لرفع مستوى صحة المواطن .. بالمشاركة طبعا مع المؤسسات الخيرية اللي بتساعد البلد وبتقدم خدماتها بالمجان للغير قادرين ..قامت قواتنا الباسلة في وزارة الكهربا بإصدار التوزيع الجديد من أغنية مستشفى د. مجدي يعقوب لعلاج الأطفال بالمجان.. ورسمت له قلب وضحكة على الشبابيك بس من غير إسعاد يونس..ومعاها رسمت له فاتورة استهلاك كهربا ب 650 ألف جنيه.. آه زي ما سمعت كده ..الدولة اللي مديونة للمستشفى دي اصلا ..وفرض عليها تساعدها على قد ما رفعت هي عن كتفها علاج الآلاف وعالجتهم هي وقامت بدور الدولة في رعايتهم ..الدولة قالت له ثانك يو سير مجدي يعقوب..ايدك على 650 الف جنيه برضه ..ايه يعني بتعالج اطفال هتاكلوا مصر يعني ..بس ايه بقى بنحضرلكم اعلان في رمضان الجاي ايه..يشرح القلب كده ….

{تعاشب شاي}(550) الكفن مش إلو جيوب!

https://www.youtube.com/watch?v=jBHHsj5k1vM&list=PLBsIgVvbrncB0M8dlzAbvjl79Nu8v_BW4

يوم 25 فبراير.. كان معاد أسرة الرئيس الأسبق مبارك مع الذكرى السنوية الأولى لوفاته..عشان تظهر إعلاميا لاول مرة مقبرة سيادته المهيبة ..اللي لو حد شاف الصور او الفيديوهات اللي انتشرت من غير ما يقرا العنوان..كان افتكر أنه افتتاح فندق او متحف أو اكتشاف اثري لمقبرة ملك فرعوني مثلا.. وبمناسبة الذكرى دي ..في كتاب لمحمد حسنين هيكل صدر في 2012 اسمه مبارك وزمانه..ذكر واقعة حصلت بين مبارك وأمير سعودي..اتكلم معاه عن جمال مبارك وسأله عن التوريث ..فرد عليه مبارك بدهشة وعصبية : يا راجل حرام عليك اورث ابني ايه ؟ اورثه خرابة ؟ هو هيكل مقالش الأمير السعودي إن كان سكت..ولا رد عليه وقال له ولما انت بتعترف أنها خرابة قفشت في كرسي حكمها ليه 30 سنة ..وخليت خلعك من فوقه يحتاج لثورة شعبية تبعها انقلاب عليك من رجالتك نفسهم.. والحقيقة أن دي يمكن من أصدق الجمل اللي قالها مبارك واكترها صراحة ..ودي اصلا وجهة نظر أي حاكم عسكري في مصر وشعبها .

{تعاشب شاي}(551) ازاي مبارك طلع براءة؟

https://www.youtube.com/watch?v=9jeDa_vGjWM&list=PLBsIgVvbrncB0M8dlzAbvjl79Nu8v_BW4

يمكن يكون القانون ميعرفش زينب ،، بس كان يعرف مبارك و رجالته كويس اوي ،، و عرف كمان يطلعهم براءة من كل القضايا الي كانوا بيتحاكموا فيها ،، من اول قتل المتظاهرين ،، لحد الفساد و التربح و سرقة المال العام ،، الموضوع سهل وبسيط و القانون بتاعنا مفيش اكتر من ثغراته ،، يمكن احنا الدولة الوحيدة الي عندها ثغرات في مواد القانون .،، اكتر من مواد القانون نفسها و الله

{تعاشب شاي}(552) فلاحين كفر الهنادوة!

https://www.youtube.com/watch?v=-xOZiPaYm7U&list=PLBsIgVvbrncB0M8dlzAbvjl79Nu8v_BW4

لما اقولك ان الهند بقالها كام شهر فيها احتجاجات و مظاهرات و اضرابات ضخمة ،، هتقولي يعني مشارك فيها كام واحد مثلا ،، مليون و لا حاجة ،، هقولك لا خالص ،، دول مش بتوع مليون ،، احتجاجات الهند الي موجودة دلوقتي مشارك فيها اكتر من ربع مليار بني ادم ،، اه هو الرقم زي ما سمعت كده ،، اساسا الهند دي لو نزل فيها مليون مواطن بس ،، النظام هناك مش هياخد باله ان دي احتجاجات اصلا ،، هيفتكرهم افراد اسرة واحدة و نازلين يتفسحوا في الويك اند عادي

{تعاشب شاي}(553) كابل ما عداش على مصر!

https://www.youtube.com/watch?v=EIGKyXofiCg&list=PLBsIgVvbrncB0M8dlzAbvjl79Nu8v_BW4

لما التطبيع بين دول الخليج و الصهاينة بقي شغال علي ودنه ،، و بقينا كل يوم بنشوف دولة عربية جديدة بتخش بكل قوتها في حضن اسرائيل ،، الكل قال ان التطبيع ده هيعمل مشكلة لمصر ،، و الدور الاقليمي الي مصر كانت بتقوم بيه لوحدها قبل كده في المنطقة هيشاركها فيه الخليج ،، بس واضح كده ان الموضوع مش هيقف عند الدور الاقليمي .. و التطبيع ده هيعملنا مشاكل تانية ،، و هيبوظلنا حتي سبوبة كابلات الانترنت البحرية الي كنا عايمين فيها لوحدنا بقالنا سنين ،، بقولكوا ايه يا دول يا عربية ،، ما تيجوا نحارب اسرائيل تاني احسن ،، بدل التطبيع الي واقف علينا بخسارة ده