{الحراق}(51) إحنا اللي دهسنا الأوتوبيس!

https://www.youtube.com/watch?v=59NOlMk1GQA&list=PLBsIgVvbrncBJbmFFzhjJfzK9aLoMuouz

الكاتب الصحفي مصطفى أمين في كتابه سنة أولى سجن ..اللي كان يعتبر واحد من مذكراته عن فترة حكم عبد الناصر بعد حركة يوليو 52 ..حكى ان في يوم دخل العقيد حمزة البسيوني اشهر مدير للسجن الحربي في التاريخ على مكتب عبد الناصر..اللي كان في بيته في منشية البكري ..واول ما شافه عبد الناصر قام وقف يسلم عليه ..لكن حمزة البسيوني فاجئه أنه ركع على الأرض يعيط ويبوس على رجله ..استغرب عبد الناصر من اللي بيحصل ومد ايده يوقف الراجل ..وقال له ايه اللي بتعمله ده ياعم انت نسيت انك هتبقى لوا في الجيش ..قال له حمزة وهو لسه بيترعش ويعيط وهو بيحاول يبوس ايده : سمعت من المشير انك حكمت عليا بالاعدام..قال له نعم ؟؟ انا كل اللي قلته اني قررت ارقيك من عقيد للوا..وانقلك من منصب قائد السجن الحربي للوا في الجيش ..قال له حمزة ما هو سيادتك كده حكمت عليا بالاعدام..انا لو خرجت من منصب قائد السجن الحربي هتقتل تاني يوم من حد من أعداء الثورة..ونزل تاني يبوس على رجله

{تعاشب شاي}(541) دوخيني يا لمونة!

https://www.youtube.com/watch?v=om2U5EmvseM&list=PLBsIgVvbrncB0M8dlzAbvjl79Nu8v_BW4

الحقيقة ان نيابة امن الدولة العليا عندنا في مصر ،، فيها ميزة مش موجودة في اي نيابة تانية في العالم كله ،، و هي انها لما بيكون عندها متهم في قضية ،، مبتسيبهوش طول الوقت في نفس القضية دي علشان ميزهقش او يمل ،، و بتاخده تلففه في كل القضايا الي موجودة عندها،، يدوبك تطلعه من القضية دي و تقوم مدخلاه في قضية تانية علي طول قبل ما يجيله برد ،، بصراحة النيابة عندنا بتبذل مجهود كبير جدا علشان تحسس المتهمين بالتجديد ،، سواء تجديد الحبس او تجديد القضايا نفسها

{عرفوه بالعقل}(44) انت عارف انك حر؟

https://www.youtube.com/watch?v=CTQVGWeGd2s&list=PLBsIgVvbrncCUHtc-Gd9d0t5wBXwC0_DO

لما بتروح تشتري جهاز معين وتدفع فيه دم قلبك وترجع بيه عالبيت وتفتح كرتونته؛ بتلاقي فيه كتالوج من الشركة المصنعة.
بتلاقي في الكاتالوج ده كلام عن المنتج وتوصيفه، ويمكن تلاقي كلام عن مصدر التصنيع، مع مجموعة من الارشادات عشان تعرف تشغله وتستفيد بيه أقصى استفادة بدون ما يعطل منك أو يسبب مشكلة في كهربة البيت. وبكده؛ الشركة بتخلي مسؤليتها عن أي مشكلة بسبب سوء الاستخدام.
تعتقد بقى إن الشركات دي لما بتعمل كدا تبقى بتمارس نوع من الوصاية عليك عشان ما بتديكش الفرصة إنك تلبس في الحيط من سكات؟!

{تعاشب شاي}(542) أبو رؤية و منشار

https://www.youtube.com/watch?v=bxZwCQiTkyQ&list=PLBsIgVvbrncB0M8dlzAbvjl79Nu8v_BW4

صحيح يا ولاد ،، الفلوس مش كل حاجة ،، لا دي مش حكمة و لا مثل و لا قول ماثور ،، و لا بنقولها علشان نصبر الفقراء و الغلابة ،، ده الاحساس الي داقه ولي عهد السعودية محمد بن سلمان بعد ما قتل جمال خاشقجي ،، بن سلمان قعد يرش مليارات يمين و شمال في الدنيا كلها ،، علشان يعمل دعايا لنفسه و يروج لافكاره و مشاريعه و رؤية ٢٠٣٠ الي عملها ،، و العالم كله يقول ابو رؤية راح ،، ابو رؤية جه ،، بس فجاة بعد جريمة خاشقجي،، ولي العهد لقي ان الفلوس دي كلها راحت عليه و منفعتهوش ،، و بدل ما يبقي اسمه في العالم ابو رؤية بقي اسمه ابو منشار ..

{حدوتة عربية}(04) اللعب مع الأسود

https://www.youtube.com/watch?v=HqJe7ZDxXC4&list=PLBsIgVvbrncBI-GBODIFomvD6RVkJ618b

العرب كانوا دايما عاملين زي واحد مزنوق على صخرة عالية.. و تحتيه أسدين بيتخانقوا.. اللي هم الفرس و الروم.. و أحيانا كان بيطلعلهم خازوق جديد.. اللي هم الحميرين من كفر الحمايرة في الجنوب..
بس لو كان اللقب اللي أخده "امروء القيس".. بتاع "ملك العرب" ده صحيح.. فغالبا العرب كانوا غزوا الحميريين و سيطروا ع المنطقة كلها وقتها.. لكن برضه غالبا ده حصل لفترة بسيطة.. و كمان بدعم أو أمر من حد من الأسدين التانيين.. الفرس أو الروم.. طب ليه يعني الفرس أو الروم يخلوا العرب يبسكوا على الحميريين؟.. ماهو سيادتك الملك بتاعهمم الملك.. كانت فكرة التوسع بدأت تشعشع في دماغه.. فكده مسألة وقت و يبدأ يضايق الفرس و الروم على حدودهم.. فقالوا يتغدوا بيه قبل ما يتعشى بيهم..

{تعاشب شاي}(543) لولب من بلح!

https://www.youtube.com/watch?v=qdpaPz60Y4w&list=PLBsIgVvbrncB0M8dlzAbvjl79Nu8v_BW4

كل ده واكتر كتير جدا بيتصرف ..بيتصرف على مشروع السيسي للحد من الزيادة السكانية.. اللي بتعمل ايه يا ولاد ؟ بتلتهم جهود التنمية..انا كل ده بحكي في تقرير صدر في 2019 ..مش بحكي في اللي صرفته كل الأنظمة على رغبتها في تحديد النسل من أيام عبد الناصر وقت ما كان تعداد مصر بتاع 35 مليون ..وهنا بقى ييجي السؤال..هي ايه جهود التنمية اللي الخلفة وزيادة النسل بتاكلها..وهل فعلا الزيادة السكانية ممكن تكون هي السبب اللي بيضعف الاقتصاد ويضر الاستقرار ويعطل النمو .. هل لو صحينا الصبح لقينا نفسنا 20 مليون مصر هتبقى سويسرا….

{تعاشب شاي}(544) ولاد الحرام ما سابوش لولاد الحرام حاجة!

https://www.youtube.com/watch?v=hRrvj2VCcFg&list=PLBsIgVvbrncB0M8dlzAbvjl79Nu8v_BW4

الشعوب العربية يا عيني مش عارفة تلاقيها منين ولا منين .. يعني مكنش كفاية عليهم الاحتلال اللي كان بيسرق وينهب خير البلاد .. عشان بعد الاستقلال كمان حكامهم هما كمان يسرقوهم؟ .. انزل يا محمد البلد بسرعة .. لقينا بلاد عربية وشعوب طيبة ومحتاجين حد أمين يحكمهم .. بس أمين ده هييجي منين يا حسرة .. ده احنا ربنا ابتلانا بعصابات تاكل مال النبي .. لا ده مش تشبيه .. آل سعود في السعودية واكلين مال النبي بجد مش هزار .. وما شاء الله جيرانهم ولاد زايد .. اسم الله عليهم مش أقل منهم .. مش بس واكلين فلوس شعب الامارات .. دول كمان مش مكفيهم ودايرين ياكلوا في فلوس الشعوب الغلابة اللي حواليهم .. ناطين في مصر واليمن والسودان وليبيا وتونس .. ايه يا ولاد زايد .. براحة شوية مش كده .. سيبوا شوية لحرامية البلد المأصلين اللي بيحكموها .. ده كده صدق المثل .. ولاد الحرام مسابوش لولاد الحرام "برضوا" حاجة !

{تعاشب شاي}(545) العبد لله.. مسك الحديد.. صفاه!

https://www.youtube.com/watch?v=ghgKo_w9n6Q&list=PLBsIgVvbrncB0M8dlzAbvjl79Nu8v_BW4

تصدق يا مواطن يا مصري انت مفيش فايدة فيك ،، يعني انت شايف السيسي من يوم ما مسك عمال يقتل و يحبس في الناس و يخرب في البلد و يغير في الدستور و مفيش بلوة الا و عملها ،، و بعد كل ده ،، مستغرب انه صفي شركة الحديد و الصلب و فككها و قطع عيش العمال الي فيها ،، ده كتر خيره انه قفلها و قطع عيشهم بس ،، و مهدهاش علي دماغ العمال و هم شغالين فيها ،، علشان يخلص من الشركة و العمال بضربة واحدة ..

فيلم الليلة في حلقة (الحراق).. The Purge .. بأحجام مختلفة مناسبة لأصحاب الباقات

{الحراق}(52) عقبال طهورك! The Purge

https://www.youtube.com/watch?v=7ajaciLTqBo&list=PLBsIgVvbrncBJbmFFzhjJfzK9aLoMuouz

كلنا لما بنتعصب بنحس اننا عاوزين نكسر حاجة او نخبط دماغنا في الحيط... باختصار عاوزين نعمل أي تعبير عنيف عن الغضب عشان الكبت وحش.
وعلي قد ما كنت عنيف على قد ما نفسيتك ترتاح اكتر... وتحس انك "اتطهرت" من جوا وطلعت المشاعر السلبية دي..
وهي دي فكرة فيلم النهاردة... فيلم "التطهير" أو The purge
الفيلم فكرته بسيطة...في المستقبل بعد ما أمريكا وصلت للرفاهية التامة لسه الناس عندها ميل للعنف والجرايم... طيب نعمل ايه؟
احنا هنعمل ليله واحدة كل سنة... تكون فيها كل الجرايم مباحة والقانون لاغي...
القتل والاغتصاب وتقطيع الجثث واستخدام الأسلحة النارية من المسدس لحد المدافع الرشاشة، الشرطة منسحبة من الشوارع والفوضي والجريمة في كل حتة ومحدش يخلي في نفسه حاجة... وأول ما النهار يطلع والناس تكون "اتطهرت" من رغباتها الشريرة.. يرجع النظام والأمن والأمان.
فكرة حلوة صح؟

{الأسبوع ف كيس}(255) فضل وأد البنات في الإسلام

https://www.youtube.com/watch?v=OKtz99WDb94&list=PLBsIgVvbrncAeJMvwCpzZg-ow581Oh13M

الناس اللي بتشكك في نزاهة العملية الانتخابية وبتنبط بالكلام ..وتقول اهو فات كام شهر ومشفناش النيابة اتحركت أو حققت مع المرشحين المتهمين بالرشوة وتوزيع الكراتين والفلوس وغيره ..ياريت يتكسفوا على دمهم ويتبطوا بقى ..النيابة العامة انتفضت واستدعت النائب هيثم الحريري بتهمة لامؤاخذة خرق الصمت الانتخابي وشرا الأصوات.. آه هيثم الحريري اللي هو كان معارض في البرلمان اللي فات وعضو تكتل 25_30..وسقط اساسا ..سمعونا يحيا العدل بقى واياك المح حد بيطعن في نزاهة القضاء المصري.. وعلى جانب آخر الشعب المصري كان الله في عونه الفترة اللي جاية ..احنا على موعد مع نقلة نوعية للفلوكسة اقوى واعنف بكتير من اللي قبلها
انتوا فاكرين لما كان لسه مدني عمل فينا ايه ؟ وقدامنا كام سنة هيتخللها كام لايف يشخط فينا ويبستفنا وهو فريق ..بس على الله تزودها بقى
عشان انت اسمك الحقيقي دانيال وباعترافك ….
و على صعيد آخر.. السيسي يصرح :
ما حدش يخلف تاني.. انا خلفت اربعة خلاص و خدت الكنبة الي ورا كلها.. اطلع يا اسطى!

{تعاشب شاي}(546) سنحاربهم بالكانضام!

https://www.youtube.com/watch?v=1MU3aqIWdBE&list=PLBsIgVvbrncB0M8dlzAbvjl79Nu8v_BW4

عارف يا مواطن يا مصري ايه السبب الي مانع مصر من انها تتقدم و تنهض ،، و تبقي دولة عظمي ،، و قطعة من اوروبا ،.،، و جزء من سويسرا ،، السبب هو انت و زملاتك المواطنين الي عمالين يخلفوا و يجيبوا عيال و يعملوا انفجار سكاني في البلد ،، خلوا عندكم دم و بطلوا خلفة بقي ،، البلد كل ما تيجي تتقدم تخبط في عيالكم تقوم راجعة تاني ،، حسبي الله و نعم الوكيل فيكم