فيلم الليلة لحلقة "الحراق".. Hacksaw Ridge

Hacksaw.Ridge.2016_720

Hacksaw.Ridge.2016_480

Hacksaw.Ridge.2016_360

{الحراق}(65) سلميتنا أرصرص من الرصاص! Hacksaw Ridge

https://www.youtube.com/watch?v=qVKoAAF36j8&list=PLBsIgVvbrncBJbmFFzhjJfzK9aLoMuouz

في معضلة فلسفية مشهورة بتقولك لو انت شايف قطر ماشي بسرعة وهيدوس على خمس اشخاص مش واخدين بالهم .. وأكيد هيموتهم.
بس قدامك فرصة انك تدوس على زرار... تغير اتجاه القطر وبدل ما يموت الخمسة دول.. هيموت ٣ واقفين الناحية التانية.. هاه... هتدوس عالزرار؟
هتقولي والله ليه لأ... تلاته احسن من خمسه.
بس خلي بالك.. انت هتبقي مسؤول عن موت التلاته دول... لو متدخلتش كانو هيعيشو...انت فعلك تسبب في قتلهم بشكل مباشر... بس في نفس الوقت.. لو فضلت واقف مكانك.. في خمسة هيموتو!
هاه... هتقتل بإيدك تلات أبرياء؟.. ولا تبعد عن الموضوع كله وكل واحد ياخد نصيبه وانا مليش دعوة يا عم؟
سنة ٢٠١٦ صدر فيلم Hacksaw Ridge... واترشح ل٦ جوايز اوسكار وزوربيح جوايز تانية.
الفيلم بيحكيلنا قصة مجند امريكي اثناء الحرب العالمية التانية... بيرفض الحرب .. وبيرفض انه يشيل سلاح ولا يضرب طلقة رصاص واحدة... ومع ذلك بيحصل على (ميدالية المجد) اللي هي أعلى تكريم عسكري في أمريكا.

{تعاشب شاي}(585) سنحاربهم بالكولوبامية!

https://www.youtube.com/watch?v=2u0YP1lUt4k&list=PLBsIgVvbrncB0M8dlzAbvjl79Nu8v_BW4

ورجعنا تاني للملف الأخطر اللي بقى بيهدد المصريين بشكل صريح ..
سد النهضة .. واللي ممكن يعمله في حصة مصر المستقبلية من النيل في حالة بدأ المرحلة التانية لملء السد
و المفاوضات أهي فشلت للمرة المليون .. وأثيوبيا من الآخر كده قالت لمصر والسودان بقولكوا ايه .. اخبطوا دماغكم في الحيط .. ولا أقولكم تعالوا اخبطوها في السد
لا يا أثيوبيا .. مش دماغنا اللي هنخبطها في السد .. انتي نسيتك نفسك ولا ايه؟
دا احنا بيعنا هدومنا وقربنا نشحت من الجوع ومديونين لطوب الأرض عشان نشتري سلاح ..
احنا بدل ما هنخبط دماغنا في السد .. هنخبط سلاحنا في السد ..
فجأة لقينا السيسي بيقولنا .. الحرب مُكلّفة !!
فبقى منظرنا وحش أوي الصراحة .. ها يا أثيوبيا تحبي نخبط دماغنا في أنهي حتة بالظبط في السد؟

{تعاشب شاي}(586) عزيز ماسر

https://www.youtube.com/watch?v=nLLHMwXPUgI&list=PLBsIgVvbrncB0M8dlzAbvjl79Nu8v_BW4

المصريين أو حتى غير المصريين .. بييجي في بالهم من وقت للتاني .. انهم يقارنوا بين مبارك والسيسي .. بحكم ان في ناس عاصرت حكم ده وحكم ده ..
مبارك اللي كان بالنسبالهم صاحب كاريزما وحضور حتى لو كانوا عارفين من جواهم انه على رأس منظومة ملهاش حدود من الفساد .. وسايب البلد لشلة حرامية .. كان عليه واحدة " الأخوة المواطنون " تخليك تسيب اللي في ايديك على طول .. كلامه كان قليل وظهوره كمان قليل.. ورغم انه كان عسكري .. الا انه حافظ على مسافة ثابتة بينه وبين الجيش طول فترة حكمه .. وفي آخر أيامه حيّده تماما وحط كل ثقته في منظومة أمنية من الداخلية وأمن الدولة .. وبعد 30 سنة من الفساد والظلم والنهب والتعذيب .. قدر المصريين انهم يكسروا حاجز الخوف جواهم ويواجهوه .. ويوجهوا نظامه وداخليته وكل دولته العميقة ..
السيسي بقى .. رغم انه بيتشارك مع مبارك في كونه عسكري .. إلا انه ميتقارنش بيه ..
هتقولي ليه يعني؟
هقولك يا سيدي انت مستعجل ليه .. ما أنا جاي مخصوص أقولك ليه!

{الأسبوع ف كيس}(262) حكمتك يا رع!

https://www.youtube.com/watch?v=78NP8g-1EXw&list=PLBsIgVvbrncAeJMvwCpzZg-ow581Oh13M

أيا كان خلافك مع النظام ده ومؤيديه واعلامه..لكن لازم تعترف أنه بيتميز عن المعارضة بالعزيمة والإصرار والاتحاد على هدف واحد..الكفتة ..مهما اختلفوا وفرقتهم الاماكن والظروف ..الكفتة بتجمعهم على شواية واحدة..الريس يرسم خط احمر في ليبيا ويدق صاجات الحرب ويخمس بكام طيارة على الممر ويدعم حفتر.. الله عليك يا اسد..الريس يمسح الخط الاحمر ويحلق لحفتر ويدعم الحكومة الشرعية.. الله على اخلاصك في لم الشمل ياريس..الريس يقاطع قطر اللي بتدعم الإرهاب الله عليك يا دكر..الريس يصالح قطر الشقيقة..يا سلام عليك يا ابو قلب أبيض يا مجمع الأشقاء..الريس يقول احنا فقرا اوي عندك حق يا ريس..الريس يصرف مليارات على الفناكيش الله ينور مصر تقدر ياريس..الريس يرفع صباعه ويهدد ويرسم خط احمر على سد النهضة.. أيوه كده يا كبير اتق شر الحليم إذا غضب افرم يا سيسي..

{تعاشب شاي}(587) صراع اللباوي

https://www.youtube.com/watch?v=tL5TfYYR8-w&list=PLBsIgVvbrncB0M8dlzAbvjl79Nu8v_BW4

في العالم العربي .. بتلاقي نموذج سياسي متكرر في معظم الدول العربية تقريبا .. بتختلف الجمهوريات عن الملكيات في الاسم والشكليات بس .. لكن العيلة اللي بتحكم من ورا الكواليس مبتختلفش .. آل سعود في السعودية وآل زايد في الامارات وآل خليفة في البحرين .. عيلة مبارك ومن بعده عيلة السيسي في مصر وعيلة الحريري في لبنان وعيلة بوتفليقة في الجزاير .. كلها عائلات سيطرت أو لسه بتسيطر على الحكم لسنين طويلة جدا .. العائلات دي مع الوقت بتبدأ تعتقد انها مش بس بتحكم الناس .. دي بتملك الناس .. ومُلكهم ده مش من حق أي حد انه ينازعهم عليه أو يشاركهم فيه .. البلد كلها بتتحول لتركة وحق مكتسب ليهم ولعيالهم ..
بس عيلة الأسد .. غير أي عيلة من العائلات دي .. اختلافهم جاي من اختلاف سوريا نفسها كبلد عن أي بلد تانية .. وتحسهم فعلا اسم على مسمى .. وكأنهم عايشين في غابة فيها الأسد ومراته وأشباله وزُمرة كاملة من وراه بتتخانق على مين اللي يحكم الغابة ..

{تعاشب شاي}(588) الشاطر أحمس و الهكاكسة

https://www.youtube.com/watch?v=0ZtuUkZSVgw&list=PLBsIgVvbrncB0M8dlzAbvjl79Nu8v_BW4

سنة ١٩٤٠ امريكا كان فيها انتخابات مولعة ،، و الامريكان مكانوش لا علي حامي و لا علي بارد ،، و قاعدين مستنيين يعرفوا مين الي هيكسب ،، روزفلت الي كان واثق من الفوز ،، و لا ليندبرج المرشح الي نازل قدامه،، و الي كان ميال ناحية الالمان الي ماسحين بكل دول اوروبا ارضية الكوكب ،، و دايب في دباديب هتلر و بيموت في شنبه ،، للاسف نتيجة الانتخابات بتظهر ،، و ليندبرج بيكسب روزفلت و بيمسك حكم امريكا ،، و بيتحالف مع الالمان ضد دول اوروبا ،، و بيخلص علي كل يهود امريكا ،، و دي كانت بداية تحول امريكا لدولة نازية ،، اتخضيتوا ؟ ،، لا متقلقوش ده مش التاريخ الي حصل ،، دي احداث رواية المؤامرة ضد امريكا ،، الي كتبها الاديب الامريكي فيليب روث ،، يا نهار ابيض ،، و ازاي يكتب حاجة زي كده روث وش النملة ده ،، ده مش بس شوه التاريخ ده دلق علي وشه مية نار ،، اكيد الناس في امريكا لما قروا الرواية صادروها و بعدين ربطوا الكاتب ده في شجرة و نزلوا فيه بالكرابيج زي ما الباشوات كانوا بيعملوا مع الفلاحين زمان ،،

{تعاشب شاي}(589) بلحنة الـMATRIX

https://www.youtube.com/watch?v=KIOReJbEoDs&list=PLBsIgVvbrncB0M8dlzAbvjl79Nu8v_BW4

بصوا هو السيسي عموما كلامه العادي مش مفهوم اساسا .. بس هو قرر يعلي في مستوي عدم الفهم زيادة .. و بقالنا فترة كل ما نشوف وشه نلاقيه ماسك لنا في كلام غريب كده .. شمول مالي علي حوكمة علي رقمنة علي بلحنة .. و عاوز يلم معلومات البلد كلها و يحطها في حفرة تحت الارض في العاصمة الادارية .. متعرفش بقي المعلومات دي بعد الاف السنين هتتحول لبترول مثلا هيبيعه .. و لا هتبقي اثار و هيتاجر فيها و لا ايه بالظبط .. ما هو اكيد الموضوع ده فيه وراه مصلحة لسيادته هو و نظامه .. ده السيسي يعني اكيد مش هيعمل حاجة لمصلحة البلد او الشعب لا سمح الله

{حدوتة عربية}(08) الخليفة خلف الله خلف خلاف المخالف!

https://www.youtube.com/watch?v=xE1q4OeiQAw&list=PLBsIgVvbrncBI-GBODIFomvD6RVkJ618b

في أواخر سنة 938.. أبو الحسن العروضي.. معلم الخليفة الراضي راح يزوره.. فعدى على منطقة في العراق بيحكمها والي تركي.. اسمه بجكم.. و كان يوم عيد عندهم من أعياد الفرس القديمة.. فلقى مهرجان و هيصة و الناس بتحتفل و تنبسط و بتاع.. بشكل ماشافهوش قبل كده في حياته..
.. فلما وصل للخليفة الراضي بالله.. لقاه قاعد مهموم.. و لقاه ماسك دينار دهب من اللي صكهم بجكم.. الوالي التركي.. الدينار كان عليه صورة بجكم بسلاحه.. و مكتوب عليه:
إنما العز فأعلم..
للأمِير المعظم ..
لسيد الناس بجكم ..
.. فقال الراضي لأبي الحسن:." أما ترى صنع هذا الإِنسان، وما   تسمو إليه همته، وما تحدثه به نفسه؟ "

طب هو الخليفة كان مهموم ليه؟ حس بقلق.. المفروض الوالي ده شغال عنده!.. يقوم يصك عملة يحط عليها صورته و يمجد في نفسه؟ ده كده يتخاف منه لأنه أكيد طامع في الخلافة نفسها.. .

{تعاشب شاي}(590) الدولة الكاتعة

https://www.youtube.com/watch?v=62JnA-2npVw&list=PLBsIgVvbrncB0M8dlzAbvjl79Nu8v_BW4

في الافلام و المسلسلات و الروايات ، اللي فيها اي دور لشخصية الدجال او العراف او المشعوذ، دايما بتلاقي الدجال ده لما بيحاول يثبت قوته ، بيحاول يثبتها من خلال تهديد الزبون بتاعه او تخويفه . تلاقيه مثلا يقوله هاسخطك كرسي حمام او رجل كنبة او ملة سرير او شطافة ! !
و عمرك ما تلاقي عراف او دجال يقول للزبون بتاعه وهو بيحاول يثبت له قوته ، هاخليك سعيد او هاعمل لك حاجة تخلي صحتك احسن ، او هاساعدك في شغلك .
لو ركزت هتلاقي ان الاسلوب ده او المنطق ده ، هو نفس المنطق او الفكر او المزاج بتاع الدول بتاعتنا . الدول اللي كانت بتتسمى زمان عالم تالت . و دلوقت مش لاقيين لها تصنيف من كتر ما هي بره اي تصنيف !
في الدول دي - اللي هي بالمناسبة ، متخلفة عن غيرها في كل حاجة ، رغم انها عايشة وهم القوة على شعوبها بس - الدولة عشان تحكم المواطن و تسيطر عليه ، و تضمن انه يمشي في طوعها ، و تحت سيطرتها ، لازم الانظمة تحط على المواطن كأنه فار في مصيدة . مش انسان في بلد بيحترمه و عاوز مصلحته !

فيلم الليلة من حلقة "الحراق".. NightCrawler

Nightcrawler.2014.720p

Nightcrawler.2014.480p

Nightcrawler.2014.360p

{الحراق}(66) صرصار الليل.. NIGHTCRAWLER

https://www.youtube.com/watch?v=o9WGRXE719A&list=PLBsIgVvbrncBJbmFFzhjJfzK9aLoMuouz

فيه جملة مشهورة في عالم الاعلام - سواء المكتوب او المرئي او المسموع - بتقولك ايه:
"لو كلب عض راجل، فده مش خبر، الخبر... ان الراجل هو اللي يعض الكلب"
وقتها الناس هتقف عشان تتفرج...
هيشترو الجرنان او المجلة اللي هتنشر الخبر...
وهيتفرجو عالبرنامج اللي هينقل الحدث...
وهيسمعو الخبير الاستراتيجي اللي هيحلل الحدث...
هل سألت نفسك قبل كده... ليه عمرك ما فتحت الاخبار لقيتهم بيتكلمو مثلاً عن إن في مستشفى كذا النهاردة فيه عشر مواليد أمامير بصحة كويسة وزي الفل جم للدنيا بدون مشاكل.. واهاليهم احتفلو بيهم.
مع ان لو عشر مواليد ماتوا او نزلو مشوهين... ده هيبقي الخبر الأول في كل النشرات... مش كده؟
الاخبار الصادمة... بتجيب مشاهدات اكتر.. مشاهدات أكتر يعني إعلانات اكتر.. يعني فلوس أكتر.
بطل فيلم النهاردة فهم الليلة دي... فهم ان علاقة الاخبار الصادمة برصيدك في البنك ...علاقة طردية...
كل ما تصدم الناس اكتر.. هيلزقو قدام التلفزيون اكتر.

{تعاشب شاي}(591) الرجل الأخضر..

https://www.youtube.com/watch?v=5igNJJaVOis&list=PLBsIgVvbrncB0M8dlzAbvjl79Nu8v_BW4

اللي بيميز حُكّامنا العرب عن أي حكام تانية في العالم إنهم حُكّام محافظين ..
محافظين على كراسيهم .. محافظين على استبدادهم .. محافظين على فسادهم .. بيحافظوا على القيم الجميلة النبيلة اللي مفتقدينها زي انهم يحافظوا على اعتقال الناس .. يحافظوا على إخفاؤهم قسريا .. يحافظوا على تصفيتهم أحيانا .. أو حتى تقطيعهم بالمنشار في سفارات بلدهم .. كلها حاجات جميلة وتنموية وبتبيّن قد ايه حكامنا محافظين .. وبمناسبة حكامنا المحافظين فأنا عندي خبرين .. خبر حلو وخبر وحش
الخبر الحلو ان حُكّامنا قرروا انهم يحافظوا على البيئة ويحموا الكوكب كله من أخطار تغير المناخ ..
الخبر الوحش انهم صحيح حافظوا على البيئة .. بس فشخوا الانسان نفسه ..

{تعاشب شاي}(592) مصر هبة التحنيط

https://www.youtube.com/watch?v=PhEo10N3G28&list=PLBsIgVvbrncB0M8dlzAbvjl79Nu8v_BW4

لما تلاقي نفسك زهقت و قرفت من اخبار البلد اليومين دول ،، الي مليانة تطبيل لسيادة الريس ونظامه و مشروعاته و كباريه و رؤيته الثاقبة ،، و كلام عن رسوم و ضرايب جديدة هتتفرض علي الناس و تفقرهم زيادة ،، و اخبار حوادث القطرات الي مبتخلصش ،، و تقرر بكل حنين للماضي انك تهرب من الواقع المنيل ده ،، و ترجع اربعين سنة لورا علشان تشوف البلد كانت عاملة ازاي ساعتها و اخبارها ايه ،، هتبص تلاقي حاجات كتير اوي مختلفة و متغيرة ،، بس فيه حاجة سبحان الله كانت موجودة وقتها زي دلوقتي بالظبط و فضلت محافظة علي نفسها طول السنين دي و متغيرتش ، و هي التطبيل للريس و الي بيعمله ،، و ده طبيعي يعني ،، هو سيادتك فاكر ان مصر من اربعين سنة كان بيحكمها جيفارا مثلا ،، ما هي نفس عينة الرؤساء الي موجودة في البلد و معندناش غيرها ،،

{الأسبوع ف كيس}(263) كُتَّعٌ كُسَّلٌ بُلَّحُ

https://www.youtube.com/watch?v=CjzPQ2Tku00&list=PLBsIgVvbrncAeJMvwCpzZg-ow581Oh13M

رمضان كريم وكل سنة وانتم طيبين..اليوم السابع نشرت نصيحة غالية من المؤسسة البريطانية للتغذية بتنصحنا فيها كمسلمين أننا نحرص على البلح في الفطار زي ما كان النبي "ص" بيعمل ..ودي لفتة طيبة بنشكر اخواتنا في بريطانيا عليها ..أنهم بيفكرونا بسنة بنعملها من مئات السنين..لما لاحظوا تقريبا ان المفتي مش فاضي من كتر ما بيطبل ووزير الأوقاف ماسك عصايا وعمال يجري ورا الأئمة ويقفل جوامع عشان الصلاة طولت في التراويح..وكمان لفتة ذكية من اليوم السابع أنها متجيبش بنفسها سيرة البلح ..وتلبسها لبريطانيا عشان حساسية الموضوع ده السياسية ..بس على الله بقى متجوش آخر الشهر وتعملوا إحصائية..ان المصريين أكلوا بلح ب 500 مليار جنيه..انتوا اللي جبتوا الانجليز يوصونا اهوه احنا مكناش هناكل بلح لولا أنهم فكرونا كتر خيرهم.. على جانب آخر عجبتني جدا بوستات ..لا هما بوست واحد وكله نسخه من بعضه.. بيشرح بشكل مطول فكرة اعلان شيريهان..