فيلم الليلة من حلقة "الحراق".. فيلم ثقافي

{الحراق}(61) الطريق إلى السيكو سيكو

https://www.youtube.com/watch?v=qeUm2Oq5-3o&list=PLBsIgVvbrncBJbmFFzhjJfzK9aLoMuouz

كلنا بنسمع عن فئران التجارب اللي بتتربى ويحتفظ بيها العلما في المعامل والمختبرات لأغراض البحث العلمي والطب..وكمان تجارب رصد السلوك عن طريق أنهم يحطوا الفار جوه متاهة..وفي المتاهة بتبقى حياة الفار مرتبكة في الأول وبيخبط في الحيطان..بيتبع غريزته ويشمشم على حتة الجبنة اللي حاططهاله اللي حطه شخصيا جوه المتاهة..ومع الوقت الفار بيتعود على المتاهة ..وسلوكه اليومي للوصول لحتة الجبنة اللي بتشبع غريزته مؤقتا بيبقى روتيني..الجدران اللي حواليه مبتبقاش خلاص بالنسبة له جدران دي بقت حياته.. وحركته جوه المتاهة بتوهمه أنه مخير مش مسير من صاحب المتاهة..لكن في المقابل فيه فيران كتير نظرتهم للمتاهة ولحيطانها غيره وفرصهم كتير وبدايلهم واختياراتهم اكتر بره المتاهة ..لكن الفار جوه المتاهة تحركاته جواها بتوهمه أنه قدام اختيارات كتيرة للحركة عشان يوصل للأكل..لكن في النهاية اللي حطه في المتاهة هو اللي حط له برضه البدايل الوهمية..وهو اللي جوعه وخلاه يمشي في الطريق اللي هو رسمهوله لحد ما يوصل لحتة الجبنة

{تعاشب شاي}(569) ريسنا ملاح و معدينا

https://www.youtube.com/watch?v=hDemlx5n9d8&list=PLBsIgVvbrncB0M8dlzAbvjl79Nu8v_BW4

من حظ العالم ان واحدة من أهم الممرات الملاحية فيه تقع تحت ايدين المصريين .. قناة السويس اللي حيلتنا واقفة يا رجالة .. وحركات النقل البحري كلها تتشل في العالم كله والسفن تقف في البحر زي العربيات ما بتقف في شارع صلاح سالم بالظبط .. ليه يا ترى؟ مصر عاملة كمين وبتسحب الرخص من السفن؟ امممم لأ .. طيب في موكب رئاسي ولا موكب لشخصية عامة معدّي فموقفين القناة؟ برضو لأ ..
أومال اييه؟ ايه اللي حصل؟ قاللك يا سيدي سفينة غرزت في القناة وهي ماشية فسدتها بعد ما وقفت فيها بالعرض ..
هي ايه دي اللي وقفت بالعرض؟
السفينة يا عم اللي وقفت بالعرض والعالم بقاله كام يوم مش قاعد على بعضه ..
يا نهار أبيض على مصر دي .. متسترش في حاجة أبدا .. ده دليسيبس لو كان عرف ان قناة السويس هتقع تحت ايد مصر وهيحصل فيها كده في الآخر .. كان بعد ما حفرها سدها بالأسمنت ..
وبعدين تعالا هنا .. انت زعلان ان في سفينة وقفت في مصر؟ هو في حاجة في مصر ماشية أصلا؟

فيلم الليلة من حلقة "الحراق".. يهوذا و المسيح الأسود.. و سيتم رفع الفيلم في البوستات التالية بأحجام مختلفة مناسبة للباقات

judas.and.the.black.messiah.2021.480p

judas.and.the.black.messiah.2021.720p

{الحراق}(62) بعتني بكام يا آشري؟ Judas and The Black Messiah

https://www.youtube.com/watch?v=jtn-1BMiDbg&list=PLBsIgVvbrncBJbmFFzhjJfzK9aLoMuouz

النهاردة معادنا مع حدوتة الخاين..
كلنا نعرفه كويس بس اسمه بيختلف من قصة للتانية...
فيه كتاب مشهور اسمه (البطل ذو الالف وجه) خلاصته ان كل الابطال في التاريخ بيمرو بنفس الرحلة... من حياة عادية.. لتحدي عملاق اكبر منهم.. لحد معركة كبري بيضحو فيها بكل شيء ..وفي الاخر بينتصرو ....
الرحلة دي هتلاقيها بتنطبق على كل الابطال سواء في القصص الخيالية او الحقيقية..
او حتي عالانبياء... اللي كانو ناس عاديين.. لحد ما نزل عليهم الوحي... وخاضو معارك ضحو فيها بكل شيء وفي الاخر انتصرو.... او على الأقل فكرتهم انتصرت واستمرت... حتي بعد موتهم او مقتلهم هم كأفراد..
الخاين برضه ليه الف وجه... بس رحلتهم كلهم واحدة..

{تعاشب شاي}(570) قطر الغلابة

https://www.youtube.com/watch?v=9cK28m1kxOE&list=PLBsIgVvbrncB0M8dlzAbvjl79Nu8v_BW4

لما اتكلمنا كتير عن ان النظام المصري نظام دموي وايديه مبتنشفش أبدا من دم المصريين .. ناس كانت بتقول متبالغش أوي كده .. فتقولهم مش ممكن التعامل في حياة المصريين يكون بالاستهتار ده! .. دم المصري رخيص كده ليه بالنسبالهم؟ .. يقولولك استهتار ايه ده قضاء وقدر .. ما الحوادث دي بتحصل كل يوم في كل حتة برة مصر ..
بس الكلام ده مش حقيقي .. لأن في فرق شاسع بين الحوادث اللي بتحصل في كل حتة برة مصر وبين اللي بيحصل في مصر .. برة مصر دم الناس غالي .. ولما بتحصل حادثة لازم يحصل تحقيق ودراسة للحادثة عشان متتكررش تاني .. لازم يتعرف أسباب الحادث عشان لو في مشكلة تتعالج .. تتحل .. انما في مصر احنا بعد أي حادث بنشوف المشاكل ايه ونزودها .. ونكررها ..
.

{تعاشب شاي}(571) قف للمعوم وفه التطبيلا

https://www.youtube.com/watch?v=WYVMQlE_hjA&list=PLBsIgVvbrncB0M8dlzAbvjl79Nu8v_BW4

والله وعملوها الرجالة ورفعوا راس مصر بلدنا .. حصوة في عين اللي ما يشوفنا واحنا بنكارك للسفينة ولا صلاش على النبي .. القناة سلكت الحمد لله .. والمولد انفض .. والسفينة زمانها بتتزفّ وبيتعلق عليها الكهارب واتكتب عليها العين صابتها ورب العرش نجّاها .. أما دي كانت سفينة نحس صحيح .. مش عايزين نشوف وشك تاني .. متعتبيش قناة السويس أبدا .. احنا لولا ان العالم مركّز معانا .. كان زماننا أسرنا قبطان السفينة زي ما أسرنا قائد الأسطول الأمريكي السادس .. وصادرنا اللي عليها .. بس يالا .. تتعوّض .. أهو منبناش من موضوع السفينة دي غير ان العالم سفّ علينا شويتين ..
وبعدين في تفسير منطقي وعلمي لكل اللي حصّلنا ده .. وهو اننا محسودين .. أيوة ومحسودين .. قناة السويس تتسد وحادثة قطر في الصعيد وعمارة تقع فوق دماغ سكانها وكوبري ينهار من قبل ما يلحق حتى يخلص .. كفاية بقى .. العالم مركّز معانا سيبونا في حالنا ..
أنا قلقان على سيادة الريس .. زمانه قاعد حزين على الكوبري اللي وقع ده ..

فيلم الليلة من حلقة الحراق.. "ثرثرة فوق النيل"

ثرثرة فوق النيل 720

ثرثرة فوق النيل 480

ثرثرة فوق النيل 360

{الحراق}(63) صرصرة فوق النيل

https://www.youtube.com/watch?v=uFHMEdnEfmk&list=PLBsIgVvbrncBJbmFFzhjJfzK9aLoMuouz

الموت اللي بالحيا هو غياب الامل في مستقبل أحسن..الموت هو استسلام النفس ويأسها من محاولة تغيير أو تحسين الواقع ..الموت هو اللامبالاة وفقدان إحساس الشخص بأهميته ودوره في الحياة..هو شعوره بأنه مش ملتزم يمشي باعراف أو قواعد أخلاقية..ولا مهتم يأثر أو يتأثر باللي بيحصل حواليه سواء سلبا أو إيجابا..حلقة النهاردة مع نجيب محفوظ في روايته اللي اتكتبت سنة 1966 .. في توقعات مرئية واضحة وصريحة للنكسة أسباب ونتايج..ومتعملتش فيلم غير سنة 71 بعد موت عبد الناصر بسنة وأثناء حرب الاستنزاف اللي كانت من توابع النكسة..لكن تفضل شخصياته وطريقة سرده وأفكاره صالحة لحد النهاردة..تنور كشاف وتدي جرس انذار وتشاور على سكتين ..هل الحياة رغم الفساد والقبح والاستبداد تستحق المحاولة والامل في فرصة تانية للي حسوا أنهم ضاعوا واتهمشوا وفقدوا اي رغبة في أنهم يفوقوا.. ولا النظام حشيشه بيكيف والحياة جوه دخان العوامة تحلى من غير اي احساس بالمسئولية..ويحلى معاها الفرفشة الوهمية مع شوية هجايص لا تقدم ولا تأخر..مجرد ثرثرة.. فوق النيل

{تعاشب شاي}(572) النيل مجاشي

https://www.youtube.com/watch?v=rStUdT4xHwM&list=PLBsIgVvbrncB0M8dlzAbvjl79Nu8v_BW4

فجأة ، و أثناء الاحتفال اللي اتعمل يوم الثلاثاء عشان تعويم السفينة اللي كانت واقفة بالعرض في مجرى قناة السويس، و عطلت العمل في القناة و عطلت أغلب التجارة العالمية، في الاحتفال ده السيسي قال كلمة عن اهمية قناة السويس ، و لضم فيها الكلام عن أخطر و اهم ملف بيواجه و بيتحدى المصريين دلوقت . اللي هو ملف سد النهضة .
عارفك ممكن تقول عادي يعني .
ما هو السيسي كذا مرة اتكلم في الموضوع ده .
لكن لا يا معلم .
اللي مش عادي و مش طبيعي و اللي مش متعودين عليه من السيسي ، هو انه اتكلم بصراحة ولاول مرة عن احتمالية استخدام العنف ضد السد . او الحل العسكري . مش بس كده ، ده كمان وجه رسالة للعالم و قال ان لو حصل ومصر استخدمت العنف ضد السد فده هيعمل حالة عدم استقرار في المنطقة كلها !

{تعاشب شاي}(573) جواسيس آخر زمن

https://www.youtube.com/watch?v=-53ZC6u__a4&list=PLBsIgVvbrncB0M8dlzAbvjl79Nu8v_BW4

المرحوم عمار الشريعي ساب لينا مقطوعة موسيقية من أروع ما تم تأليفه لعمل جاسوسي تلفزيوني مصري و هي مقطوعة المسلسل الشهير " رأفت الهجان "
المقطوعة اللي ارتبطت في ذهن كل مواطن مصري بأي قصة جاسوسية او أي كلام عن أي جاسوس في الدنيا , و اللي بتشتغل تلقائياً في دماغه وهو بيبدل ميت جنيه
مقطوعة , و هو بيخلع من الكمسري في القطر .. أو و هو بيعدي من كمين بصباع حشيش

جاسوس مصري بالنسبة للمواطن يعني بطل مصري طول بعرض , وسيم , رياضي .. هو دا الجاسوس المصري اللي على حق ربنا , زي ما اداهولنا الاستاذ نبيل فاروق في الكيلاس لما ألف لينا روائع أدهم صبري

لكن عزيزي المواطن .. هل خطر في بالك يوم ممكن نشوف فيه جاسوس مصري بيتقفش من قفاه و يتربط على عامود و ياكل علقة مكلهاش هشام الحرامي .. مع الاعتذار للأستاذ هشام الحرامي اللي رغم العلقة اللي كلها ع الأقل كان بيقاوم و ثابت على موقفه و بيقول " ياعمممم شهنؤوللك " , لكن جاسوسنا اللي بنتكلم عنه النهاردة قر و اعترف بكل حاجه من أول قلم !

{حدوتة عربية}(07) الدولة العباسية الطبيب فلسفية

https://www.youtube.com/watch?v=rVK9nvZmn30&list=PLBsIgVvbrncBI-GBODIFomvD6RVkJ618b

سنة 871.. واحد من أثرياء البصرة.. اسمه ابن وهب القرشي.. طقت في دماغه يتفسح شوية في الكرة الأرضية.. خصوصا و ان الباسبور بتاع الدولة الإسلامية كان بيدخله أي بلد عادي من غير فيزا.. فقام واخد نفسه و طالع على الصين.. و لما وصل هناك.. قالك لا مش كفاية الواحد يتفسح و يعمل شوبينج.. لأ ده انا لازم اقابل الامبراطور ذات نفسه.. فطلع على العاصمة تشانغآن.. و طلب مقابلة الامبراطور تانغ... و فعلا قدر يقابله.. و الملوك دايما أو عادة مهووسين بانهم يقارنوا طول صباعهم بصوابع الملوك التانيين.. عشان يعرفوا مين صباعه أطول..
فالامبراطور سأل ابن وهب.. قال له :"فما منزلة سائر الملوك عندكم ؟".. ابن وهب ماحبش يحرجه.. فعمل عبيط و قال له : "ما لي بهم علم"

فالملك قال لمترجمه يقول له : "إنا نعد الملوك خمسة: فأوسعهم ملكاً الذي يملك العراق (اللي هو خليفة المسلمين).. لأنه في وسط الدنيا.. والملوك محدقة به.. ونجد اسمه ملك الملوك..

{كشف حمادة}(70) وزير المش غلابة

https://www.youtube.com/watch?v=8HYYqqPNcJ4&list=PLBsIgVvbrncAh0AZmC-LIXEQWlSbz7MZq

في كل حاجة في الدنيا ، السياسة او الطب او الفيزيا او الهندسة او اي حاجة ، فيه اسماء مرتبطة بكل مجال ، الاسماء دي سمعتها سابقاها . بصرف النظر هي وحشة ولا كويسة . و بصرف النظر عن حجم الانجاز اللي عملته في مجالها . يعني مثلا، في السياسة الدولية فيه اسماء زي كنيدي وكيسنجر و تاتشر و ميركل و غيرهم . في الفيزيا مثلا فيه اينشتاين . في المقاولات مثلا فيه عثمان احمد عثمان . في المخابرات فيه عمر سليمان !
في السياسة في مصر بقى ، فيه عاطف صدقي و كمال الشاذلي و فتحي سرور .. و كمال الجنزوري .
الاسماء السياسية دي ، مكنتش بس بتلعب سياسة .
دي كانت لعقود طويلة هي السياسة .
و هي بوابة العمل في السياسة .
و كل اسم منها كان حلقة في سلسلة طويلة ملهاش آخر .
و الحاجة الوحيدة اللي جابت آخرها هي ثورة يناير ..
و لا اقولك .. تصدق ان حتى ثورة يناير معرفتش تجيب اخرهم !!
لان كمال الجنزوري مثلا رجع يشتغل سياسة حتى بعد ثورة يناير .

{علمني الغزالي}(14) دولة تلميع الأُكر

https://www.youtube.com/watch?v=TBPJkPBy_BE&list=PLBsIgVvbrncAHNkFLd8veDFxr1q-HieVu

و نستكمل رحلتنا مع الشيخ الغزالي.. و خلونا النهاردة نبدأ مع كتاب جديد.. كتاب ”الإسلام و الاستبداد السياسي“..
و خلونا النهاردة نحاول نجاوب على سؤال.. و ماله الاستبداد؟.. مش احسن من الـ.. احسن من ال ايه؟.. مافيش حاجة أوحش من الاستبداد!

{تعاشب شاي}(574) السجان صديقي

https://www.youtube.com/watch?v=bVB0iyO131Q&list=PLBsIgVvbrncB0M8dlzAbvjl79Nu8v_BW4

تخيل لما دولة زي امريكا بجلالة قدرها ،، تصرف و تكلف و تبني معتقل بالشيء الفلاني .. علشان تلم فيه الناس الي قبضت عليهم بتهمة الارهاب و فين يوجعك ،،و بعدين تيجي تعين حارس طول بعرض علشان يبقي مسئول عن متهم منهم ،، يخوفه و يعذبه ويضربه و يهينه و يذله و يحرمه من ابسط حقوقه الانسانية ،، و بعد كده تكتشف ان الحارس بدل ما يعمل الحاجات دي كلها و يطلع المتهم من دينه ،، قام هو الي دخل دين المتهم ،، اكيد امريكا لما عرفت القصة دي استغربت اوي و قالت ايه ده ؟ ،، هو انا بنيت المعتقل بفلوس حرام ولا ايه ؟

{الأسبوع ف كيس}(261) سفينة مشيها بطال

https://www.youtube.com/watch?v=RA29pAgZ9GY&list=PLBsIgVvbrncAeJMvwCpzZg-ow581Oh13M

بمناسبة وقفة مهيب الركن المخيفة واستخدامه لسبابة احمد حلمي في فيلم جعلتني مجرما .. وهو بيهدد ويتوعد وفي نفس ذات الوقت وبنفس الصباع قال إننا مستمرين في المفاوضات..اللي هو انا مصمم اعملكو خرم في دماغكم..يحضرني في هذا المقام الرفيع قصة لجحا..اللي دخل الجامع يصلي ولما خرج ملقاش الشبشب.. فوقف في وسط الشارع يزعق ويهلل ويقول الشبشب ده لو مظهرش هعمل زي ما عملت قبل كده وقد أعذر من انذر..قام الحرامي قلق وحط الشبشب مكانه وجري..قام الناس قالوا لجحا شبشك اهوه يا جحا لقيناه..بس قولنا هو انت لما ملقيتش الشبشب قبل كده عملت ايه..قالهم ابدا روحت البيت حافي…