720p

480p

{الحراق}(58) الزنزانة التي أحبتني.. معجزة في الزنزانة رقم ٧

https://www.youtube.com/watch?v=p7Knz_CylgY&list=PLBsIgVvbrncBJbmFFzhjJfzK9aLoMuouz

في زنزانة رقمها 7 بيسكنها المجرمين من كل صنف ..منهم القاتل والسارق والنصاب وغيرها من الجرايم..جوه سجن بيحكمه ويتحكم فيه وفي سجناؤه وفي مأموره نفسه ..نظام عسكري ظالم اكتر اجرام وشر من نزلاؤه..ايه اللي ممكن يحصل لو عاش ما بينهم سجين ..شبههم في الملامح قدهم في الجسم ..لكن العقل والقلب قلب طفل صفحته بيضا. ما اتبقعتش ببقعة واحدة سودة..هل الإجرام والشر هو اللي هيبلع جواه الخير ..اللي متجسد في الطيبة والنقاء اللي شايلها الطفل الكبير اللي الصدفة خلته وسطهم..ولا ممكن تحصل معجزة ..في زنزانة رقم 7..

{الأسبوع ف كيس}(259) من يشمبر لنا نشمبر له

https://www.youtube.com/watch?v=5FYKayKN9QE&list=PLBsIgVvbrncAeJMvwCpzZg-ow581Oh13M

بعد التقرير اللي صدر من الأمم المتحدة عن انتهاكات النظام المصري لحقوق الإنسان..واللي وقعت عليه 31 دولة .. الحقيقة تابعت حالة من الزياط والردح وسط مجموعة من الملايات اللي بتتفرش وتتطاير يمين وشمال..ووزارة الخارجية نفسها اتقمصت دور هجرس في مسلسل الكبير اوي..وهو بيقول انتوا بتشردولنا وسط دول الكوكب ..طب على فكرة بقى احنا هنفضح انتهاكات حقوق الإنسان عندكم ..بس اللي عاجبني في الموال كله السيسي نفسه ..ولا في دماغه لدرجة ان لو محمود ساعة العصاري وهما بيشربوا شاي بلبن في البلكونة سأله..انت مش هترد على الناس دي يابابا اللي بيقولوا عندنا انتهاكات لحقوق الإنسان..هيبص له بنظرة حنان وبحكمة السنين هيقول له بصوته الدافي وحنيته المعهودة..يعني ايه يا انسان يا حودة.. أهدى يا ابني ان شاء الله مفيش انسان ولا حاجة

{تعاشب شاي}(564) العشق الممنوع

https://www.youtube.com/watch?v=2iK0Ryfq5B8&list=PLBsIgVvbrncB0M8dlzAbvjl79Nu8v_BW4

كلمة تصالح ارتبطت عند الشعب المصري واعلامه بأحداث شيقة ومهمة جدا الحقيقة .. يعني تصالح مرتضى منصور مع أحمد شوبير .. تصالح شيكابالا مع الممثل أحمد فهمي .. تصالح "الفنان" حمو بيكا مع "الفنان" عمر كمال .. هو مين في مصر عنده طاقة للخناق يعني؟ ما الناس كلها زي ما انتو شايفين كده في عصر السيسي ما شاء الله مفرهدين ومفيهومش حيل حتي يقولوا "حسبنا الله ونعم الوكيل" .. أما لو كلمة تصالح اتقالت في الاعلام المصري في سياق جد مثلا .. فغالبا الشعب بيكون متوقع حاجة من اتنين ملهومش تالت .. يا الحكومة تصالحت مع حرامية مبارك .. يا الحكومة بترفض التصالح في ديون الفلاحيين وهتفضل مخاصماهم ..
إنما تقوللي "تصالح مُرتقب" بين مصر وتركيا؟
إيه الكلام الفارغ ده؟..
خلونا النهاردة نحاول نفهم الصورة و نشوفها صح بعيدا عن الهبد و الفتي و الزيطة مابين و حوالين موضوع قنوات المعارضة في تركيا..

{الجوازة دي لازم تتم}(30) ماتقوم تطمن على حدودك

https://www.youtube.com/watch?v=um4GizUfFNE&list=PLBsIgVvbrncASWY0xiV-6uy2HeJVtfssm

بيقولك مرة واحدة قاعدة بتفطر مع زوجها وفجأة شاورت على بلكونة الجيران وقالت شوف غسيل جارتنا مش نضيف إزاي ؟ ودة مش النهاردة بس ، كل مرة بلاحظ ان غسيلها مش نضيف .
تاني يوم وهما قاعدين نفس القعدة يامؤمن ، قالتله شوف سبحان الله غسيلها النهاردة نضيف على غير العادة ، تفتكر ليه ؟؟
وقبل ما ترد عليا وتقولي انك مسحت الشباك من برة وان العيب مني علشان علشان إزاز شباكنا هو اللي مش نضيف وإني كان لازم اصلح عيوبي قبل ما أنشغل بعيوب الأخرين وتعملي فيها عميق ، أحب أفهمك اني شوفتك وانت نازل من عندها امبارح بالليل !

{تعاشب شاي}(565) رقصني يا جدع.. على نهضة و نص!

https://www.youtube.com/watch?v=cG3PXBQYf0o&list=PLBsIgVvbrncB0M8dlzAbvjl79Nu8v_BW4

واحده من أهم القضايا اللي بقت محور حديث الشارع المصري في الفترة الأخيرة هي أزمة سد النهضة , و أزمة سد النهضة هي دايماً الورقة الاخيرة اللي بيحسس عليها المواطن المعارض للرئيس.. في نهاية نقاشه مع المواطن المقاول المؤيد للإنجازات المعمارية.. العاشق للكباري , بعد ما يزهق المعارض من صياحه في حب الخرسانة المسلحة.. و يقرر يخرجه من كابينة الونش اللي راكبه.. و يجيبله كوباية شاي و سيجارة كوكو عشان يفصله من الوردية , و يسأله عن موقف مصر من سد النهضة الأثيوبي .. ها يا سيدي عملنا ايه في سد النهضة ؟

فيلم الليلة من حلقة "الحراق".. فيلم آسف على الإزعاج.. و سيتم رفعه في البوستات التالية بأحجام مختلفة مناسبة للباقات

آسف على الإزعاج 720p

آسف على الإزعاج 480p

آسف على الإزعاج 360p

{الحراق}(59) أنا مش عارفني

https://www.youtube.com/watch?v=AUeEAQlzNmc&list=PLBsIgVvbrncBJbmFFzhjJfzK9aLoMuouz

فيه ناس بتعيش طول عمرها تسأل نفسها ..هو انا ليه في نظر الناس شخص سئ وحاسس اني مكروه ومش مرغوب فيا؟ ليه الناس مبتحبنيش ودايما يشوهوني أو يسخروا مني ويهينوني..يمكن عشان انا اشيك منهم أو ناجح عنهم أو اخلاقي اعلى منهم ..وقدراتي اكبر من اني اعيش وسطهم.. وتميزي وعبقريتي اللي مخلياهم يحقدوا عليا..دي كل الاحتمالات اللي بتدور في دماغهم..أو بمعنى أصح الحجج والمبررات اللي بتريح بيها نفسها..وبتثبتها طول الوقت في عقلها عشان تعطله عن التفكير في حل حقيقي لمشكلتهم..فتكبر المشكلة مع الوقت وتتحول لقناعة كاملة ان المشكلة في الغير ..لكن بشوية تفكير وحساب حقيقي للنفس..ممكن يكتشفوا ان الاحتمالات اللي حطوها في عقلهم كان ناقصها أنهم يحطوا معاها احتمال واحد كمان ..ان المشكلة فيهم هما ..بس هما اللي اختاروا الاحتمالات الاصعب وكبروها وبروزوها..

{تعاشب شاي}(566) أم مصر!

https://www.youtube.com/watch?v=YA84WspeOWs&list=PLBsIgVvbrncB0M8dlzAbvjl79Nu8v_BW4

لو عاوز تعرف حالة الأم و الأمهات في مصر بل حالة و و ضع المرأة عموما ، أحب أقولك ان "المثالية" فيما يتعلق بالام مش مرتبطة بالكفاح و تحمل ظروف قاسية في سبيل ان المرأة تربي عيالها او تقف جنب جوزها . لا . المثالية ان الام تكون ام من فئة مرضي عنها من قبل النظام في مصر و ميكونش ليها علاقة باي حاجة من الحاجات اللي بتزعج النظام يعني مثلا تكون ام لطفل مريض كافحت معاه في رحلة علاجه فتفكر النظام بتقصيره في حق المرضى الفقرا.
او انها تكون ام لشاب معتقل فتفكر النظام بملف المعتقلين .
او انها تكون ام لطفل او شاب عبقري او عالم فتفكر النظام بالعلم و الدراسات اللي مش بيحبها و لا بيرتاح لها و بيحذر الناس منها زي ما السيسي قال في يوم انه مش بيحب دراسات الجدوى!

فيلم الليلة لحلقة "الحراق".. فيلم "حياة من ورق".. و سيتم رفعه في البوستات التالية بأحجام مختلفة مناسبة للباقات

Paper.Lives.2021 480p

Paper.Lives.2021 720p

{الحراق}(60) علي يوك!.. Kağıttan Hayatlar

https://www.youtube.com/watch?v=ZeDVxmrkSNQ&list=PLBsIgVvbrncBJbmFFzhjJfzK9aLoMuouz

الضحك قاسي في عالم يبكي فيه الاطفال،،اهداء لكل طفل عاش حياته في الشارع ،، بالجملة دي بيبدا الفيلم التركي حياة الورق من انتاج نتفليكس ، و احنا شوفنا الجملة دي من هنا ،، و قلنا باااس ،، الجواب بيبان من عنوانه ،، الفيلم شكله هيبقي دراما و مآسي ،، ما هو بيتكلم عن معاناة اطفال الشوارع ،، اكيد مش هيبقي فيلم كوميدي يعني ،، فاحنا ناخدها من قصيرها ،، و نشيل الفشار من جنبنا ،، و نحط مكانه مناديل ،، علشان شكلنا هنعيط و نتشحتف اكتر من الفنان حمادة هلال في اغنية دايما دموع

{تعاشب شاي}(567) زيادة الندامة

https://www.youtube.com/watch?v=YqZQPj2W9lE&list=PLBsIgVvbrncB0M8dlzAbvjl79Nu8v_BW4

لما تلاقي مواطن مصري فرحان و مزقطط و متفائل بسبب قرار زيادة الحد الادني للاجور الي طلعه السيسي من كام يوم ،، خده من ايده كده بالراحة و اساله سؤال واحد ،، انت مواطن و لا كوبري ؟ طيب طالما انت مش كوبري ،، السيسي هيصرف عليك فلوس البلد بتاع ايه ؟ ،، هو السيسي بردو هيحدف كتاكيت ،، ده مش بعيد لو لقي معانا احنا كتاكيت ييجي ياخدها مننا و الله

{علمني الغزالي}(13) كله بالفلوس

https://www.youtube.com/watch?v=wuW4IV_MOgQ&list=PLBsIgVvbrncAHNkFLd8veDFxr1q-HieVu

اللي جرب يطلع من بلادنا العربية عموما و يتعامل مع ثقافات تانية في الشرق أو الغرب.. ممكن يلفت نظره حاجة واضحة جدا.. جايز ينظرلها بسلبية.. ان قد ايه العالم برة.. خصوصا في الغرب.. مادي جدا.. و ممكن ينظرلها بإيجابية و يقول انه عملي وواقعي جدا..
في حين اننا في بلادنا العربية عايشين في عالم الشعارات الرنانة و بينضحك علينا بكلمتين.. و مابننزلش أبدا لمستوى اختبار الشعارات دي عشان نشوف شغالة و بتجيب نتايج ولا مجرد هري..
الإشكالية دي قديمة جدا.. لدرجة ان المفكر اللبناني الأمريكي ”أمين الريحاني“.. في أواخر القرن ال١٩ قال كلمة عجيبة قوي..
"أنا الشرق عندى فلسفات! ..من يبيعنى بها دبابات وطائرات“..
للأسف.. احنا غرقنا في الشعارات.. لأن المجال العملي مسدود قدامنا.. فاكتفينا بالتنظير.. اللي فضل يزيد.. و يزيد.. و يورم.. و نقعد نتخانق حوالين الشعارات.. و هي كلها هري أساسا لو نزلت لأرض الواقع مالهاش أي قيمة حقيقية..

{الأسبوع ف كيس}(260) أخرم يا سيسي!

https://www.youtube.com/watch?v=1JpRTRYozuw&list=PLBsIgVvbrncAeJMvwCpzZg-ow581Oh13M

في الوقت اللي لا صوت فيه يعلو على مشكلة سد النهضة بصفته قضية حياة ووجود وأمن قومي..فتلاقي كل الناس بتقول رأيها سواء اعلام أو مثقفين أو مواطن عادي ..ما بين اللي شايف إن العمل العسكري هو الحل ..أو اللي شايف إن المفاوضات والحل السياسي أسلم..كان لازم تكون للخبرة والحنكة دور في المدعكة دي بقى ..وهنا ييجي دور الأكاديميين بقى والمتخصصين..وش قفص الدكترة والعلم والخبرة .. الدكتور النابغة معتز عبد الفتاح استاذ العلوم السياسية هو اللي جاب الناهية ولخص الحوار والهري ده كله ..الراجل قرر يوجهنا ويوجه السيسي نفسه لاستثمار نجاح تطبيق نظرية الحفر ع الناشف..اللي جربها في التفريعة وفي مصلحة المواطن واثبتت كفاءتها..وراح مشغل الطاسة المتكلفة دي وقالك الخرم هو الحل ..اخرموا السد يا رجال ..احنا هنخرم ومعانا الحق ولا يضيع خرم وراءه مُطالب..وانا مش عارف كانت تايهة عننا فين الفكرة دي ..انا شخصياً قاريها من كام سنة في مجلة تايوانية اسمها ..وتهد السد ليه...اخرمه واجري يا مونبيه...

{تعاشب شاي}(568) الرئيس الصندوق نقدي

https://www.youtube.com/watch?v=MNz62Fci8xY&list=PLBsIgVvbrncB0M8dlzAbvjl79Nu8v_BW4

في الكام سنة الي فاتوا ،، عرفنا و شوفنا في مصر عدد كبير جدا من الصناديق ،، عندك مثلا صندوق الانتخابات الي اصواته بتتزور ده ،، و عندك صندوق تحيا مصر وصندوق مصر السيادي الي مفاتيحهم في ايد السيسي لوحده ،، و منعرفش الفلوس الي فيهم بتروح فين ،، احنا اصلا منعرفش هم فيهم فلوس اساسا و لا السيسي حاطط فيهم غياراته و لا بيستخدمهم في ايه بالظبط ،، و فيه كمان صندوق النقد الدولي ،، ده بقي الي بيسلفنا و بيدينا قروض بمليارات بقاله كام سنة ،، و كل ما السيسي يشبط في كوبري الصندوق ميكدبش خبر و يبعتله قرشين علشان يعمله ،، طيب الصندوق ده بيعمل معانا كده ليه .. بيحبنا اوي كده ،، و لا شايفنا غلابة فبنصعب عليه و بيصرف علينا ،، و لا خلفنا و نسينا ،، و لا ايه العبارة بالظبط ؟