{الجوازة دي لازم تتم}(29) خدلك ساتر

https://www.youtube.com/watch?v=hIXpWLo2jq8&list=PLBsIgVvbrncASWY0xiV-6uy2HeJVtfssm

كان لي صديق فيلسوف ، بأقوال الحكماء شغوف
ذهبت إليه ذات مرة مرة طالبا رأيه في مشكلة ما ، وقولتله ألا يا فيلسوف ياخويا متعرفش ايه الحل اللي يحفظ للنفر مننا كرامته ، ولما تبدأ المعركة يقدر يلمها بسرعة قبل ما توسع منه وتجيب سقف البيت فوق دماغه ؟
فنظر إلي بعينيه العميقتين وقال : روح هاتلك كرتونة وافرشها هنا جنبي على السلم ونام ، والصباح رباح يابني .

{حدوتة عربية}(06) الدولة الأموية.. حلوة بس شقية

https://www.youtube.com/watch?v=OBLcGAhk7RI&list=PLBsIgVvbrncBI-GBODIFomvD6RVkJ618b

قرب نهاية سنة 691 ميلادية.. سافر عبد الملك ، الخليفة الأموي الرابع بعد معاوية.. سافر من العاصمه دمشق .. لمدينة الكوفة في العراق.. لأن مصعب.. أخو عبد الله بن الزبير.. و اللي كان من قيادات المعارضة.. اتقتل في معركة هناك.. ووقف عبد الملك في قصر الحكم و هو بيتأمل راس مصعب المقطوعة قدامه.. فأحد اللي كانوا معاه بان عليه انه متضايق..
فعبد الملك سأله.. مالك؟.. فقال له : رأيت في هذا القصر رأس الحسين بن علي بين يدي عبيد الله بن زياد . ثم رأيت رأس عبيد الله بن زياد بين يدي المختار بن أبي عبيد. ثم رأيت رأس المختار بين يدي مصعب بن الزبير. ثم رأيت رأس مصعب بين يدي عبد الملك.. .. .. فعبد الملك اتشائم من القصر ده و خلع منه..
ليه بدأنا بالقصة دي؟.. لأنها ببساطة بتختصر فترة طويلة من تاريخ الدولة الأموية و الصراعات اللي حصلت فيها.. أول رأس في القصة.. هي رأس سيدنا الحسين بن علي..

فيلم الليلة من حلقة “الحراق” هو فيلم “البيضة و الحجر”.. و سيتم رفعه في البوستات التالية بأحجام مختلفة مناسبة للباقات

البيضة و الحجر 720p

البيضة و الحجر 480p

البيضة و الحجر 360p

{الحراق}(57) عندما يتمهيص المثقفون.. البيضة و الحجر

https://www.youtube.com/watch?v=xV3p4wu9tf4&list=PLBsIgVvbrncBJbmFFzhjJfzK9aLoMuouz

لو انت هايص ..أو كنت لايص..تعالى يلا شوف الهجايص
ست العرايس..والبخت صايص..يلزمها رقوة من عين بصايص
وده قلب لايص..في الحب غايص..نشفيه بهدمة وحبة قصايص
الناس دي عايشة..بعقول نصايص..تنام وتصحى على الهجايص
ويل للعالم إذا انحرف المتعلمون وتمهيص المثقفون ..لكن الانحراف والمهيصة مش هيبقاله سوق وتجارته تكبر ومشروعه ينجح من غير راس مال..راس ماله الضعف والجهل والخوف..الثلاثي اللي مبيفرقش بين فقير وغني..وزير أو غفير ..متعلم أو جاهل ..الكل زباين مضمونين لأي نصاب ..طول ما قرروا بإرادتهم يسوقهم القلق تحت جناح دجال يطمنهم.. الخوف اللي بيلغي العقل ويشل القدرة على التفكير ..ويدي الفرصة لأي دجال ..مشعوذ..اعلامي ..سياسي أنه يلعب مع ضحيته بالبيضة.....والحجر ..

{تعاشب شاي}(562) أين الإنسان؟.. إنني لا أراه!

https://www.youtube.com/watch?v=Xu1hZpHiUMM&list=PLBsIgVvbrncB0M8dlzAbvjl79Nu8v_BW4

النظام المصري كان قاعد في أمان الله لا بيه ولا عليه .. يتفاجئ ان في بيان متقدّم ضد مصر من 31 دولة بينتقد التضييق على الحريات واعتقال الناشطين والتنكيل بالمعارضيين وبالسياسيين .. ده غير إن البيان بينتقد الطريقة الأمنية العنيفة من تكميم الأفواه وحرية الرأي والتعبير لعدم اتاحة مناخ مناسب للحياة المدنية .. لتغلغل للجيش .. للاختفاء القسري وبلاوي تانية كتير ..
طبعا السيسي ونظامه فضلوا يبصوا لبعض مش فاهمين ولا كلمة .. الناس دي بتقول ايه؟
يعني إيه حرّيات ومعارضيين وحرية تعبير وحياة مدنية! .. هو يعني ايه حياة مدنية أصلا .. انتو مين ومقدمين البيان ده فين؟
فيردوا يقولوا احنا 31 دولة معانا بريطانيا وفرنسا وإيطاليا وألمانيا وأستراليا ونيوزيلاندا وكندا وفنلندا وأمريكا .. والبيان ده متقدّم في "مجلس حقوق الإنسان" التابع للأمم المتحدة ..
فالنظام المصري يقول .. ما شاء الله .. هو الانسان عندكم بتعملوله مجلس مخصوص يناقش حقوقه؟

{عرفوه بالعقل}(46) العبودية في الإسلام

https://www.youtube.com/watch?v=PSL5mAoeXk4&list=PLBsIgVvbrncCUHtc-Gd9d0t5wBXwC0_DO

لما بنوصل للكلام في الأحكام الشرعية والفقهية بعد ما بنكون تجاوزنا وخلصنا من إثبات وجود الخالق وصحة الإسلام وكل الأمور دي، بيكون الخيار العقلاني هوا إننا نسلم بالأحكام دي، يعني اقتناعك بكون الشريعة دي من عند ربنا اللي هوا حكيم وخبير وما بيظلمش حد؛ بيؤدي منطقيا للتسليم بكل حكم شرعي مادام ثبت إنه من عند ربنا، دي نتيجة عقلانية 100 %، لكن ده طبعا ما يمنعش إننا نحاول نفهم ونستكشف حكمة ربنا في أوامره ونواهيه، أما بقى لو واحد ملحد مثلا فمالهومش حق في السؤال ولا الاعتراض، ده لو كان متسق مع قناعاته وأفكاره، لأن كونه معتقد بنسبية الأخلاق ما يديهوش حق في محاكمة حد بمعيار أخلاقي معين، ده غير إنه مادام شايف الكون نشأ بالصدفه ووفقا لنظرية الانتخاب الطبيعي وإن البقاء الأقوى وإننا ما نمتلكش إرادة حرة عشان هيا شوية جزئيات بتتفاعل وخلاص، فبناءا على ده كله يكون حصول حاجه زي (الرق) حتمية اقتضتها الطبيعة، مشكلتك معاها مش مع الإسلام!!!

{تعاشب شاي}(563) افتحولي الريف ده.. الجاموسة والدة!

https://www.youtube.com/watch?v=JUla7ENvb9E&list=PLBsIgVvbrncB0M8dlzAbvjl79Nu8v_BW4

السيسي طلع الشهر الي فات و اعلن عن بداية تنفيذ مشروع تطوير الريف المصري ،، الي هيتعمل في ١٥٠٠ قرية بحالهم ،، طيب يا سيسي اهدي شوية ،، احنا عارفين ان معندكش في المشاريع يا ما ارحميني ،، بس المشروع ده ضخم و مكلف و محتاج تخطيط ،، قالك هو التخطيط حاجة مهمة صحيح ،، بس مش معقول نخليها تعطل مشروع كبير زي ده يعني ،، احنا نعمل المشروع الاول علشان الوقت و بعد كده نبقي نخططله بقي علي رواقة ان شاء الله..

فيلم الليلة من حلقة “الحراق”.. معجزة في الزنزانة ٧ .. و سيتم رفعه بأحجام مختلفة مناسبة للباقات في البوستات التالية

720p

480p

{الحراق}(58) الزنزانة التي أحبتني.. معجزة في الزنزانة رقم ٧

https://www.youtube.com/watch?v=p7Knz_CylgY&list=PLBsIgVvbrncBJbmFFzhjJfzK9aLoMuouz

في زنزانة رقمها 7 بيسكنها المجرمين من كل صنف ..منهم القاتل والسارق والنصاب وغيرها من الجرايم..جوه سجن بيحكمه ويتحكم فيه وفي سجناؤه وفي مأموره نفسه ..نظام عسكري ظالم اكتر اجرام وشر من نزلاؤه..ايه اللي ممكن يحصل لو عاش ما بينهم سجين ..شبههم في الملامح قدهم في الجسم ..لكن العقل والقلب قلب طفل صفحته بيضا. ما اتبقعتش ببقعة واحدة سودة..هل الإجرام والشر هو اللي هيبلع جواه الخير ..اللي متجسد في الطيبة والنقاء اللي شايلها الطفل الكبير اللي الصدفة خلته وسطهم..ولا ممكن تحصل معجزة ..في زنزانة رقم 7..

{الأسبوع ف كيس}(259) من يشمبر لنا نشمبر له

https://www.youtube.com/watch?v=5FYKayKN9QE&list=PLBsIgVvbrncAeJMvwCpzZg-ow581Oh13M

بعد التقرير اللي صدر من الأمم المتحدة عن انتهاكات النظام المصري لحقوق الإنسان..واللي وقعت عليه 31 دولة .. الحقيقة تابعت حالة من الزياط والردح وسط مجموعة من الملايات اللي بتتفرش وتتطاير يمين وشمال..ووزارة الخارجية نفسها اتقمصت دور هجرس في مسلسل الكبير اوي..وهو بيقول انتوا بتشردولنا وسط دول الكوكب ..طب على فكرة بقى احنا هنفضح انتهاكات حقوق الإنسان عندكم ..بس اللي عاجبني في الموال كله السيسي نفسه ..ولا في دماغه لدرجة ان لو محمود ساعة العصاري وهما بيشربوا شاي بلبن في البلكونة سأله..انت مش هترد على الناس دي يابابا اللي بيقولوا عندنا انتهاكات لحقوق الإنسان..هيبص له بنظرة حنان وبحكمة السنين هيقول له بصوته الدافي وحنيته المعهودة..يعني ايه يا انسان يا حودة.. أهدى يا ابني ان شاء الله مفيش انسان ولا حاجة

{تعاشب شاي}(564) العشق الممنوع

https://www.youtube.com/watch?v=2iK0Ryfq5B8&list=PLBsIgVvbrncB0M8dlzAbvjl79Nu8v_BW4

كلمة تصالح ارتبطت عند الشعب المصري واعلامه بأحداث شيقة ومهمة جدا الحقيقة .. يعني تصالح مرتضى منصور مع أحمد شوبير .. تصالح شيكابالا مع الممثل أحمد فهمي .. تصالح "الفنان" حمو بيكا مع "الفنان" عمر كمال .. هو مين في مصر عنده طاقة للخناق يعني؟ ما الناس كلها زي ما انتو شايفين كده في عصر السيسي ما شاء الله مفرهدين ومفيهومش حيل حتي يقولوا "حسبنا الله ونعم الوكيل" .. أما لو كلمة تصالح اتقالت في الاعلام المصري في سياق جد مثلا .. فغالبا الشعب بيكون متوقع حاجة من اتنين ملهومش تالت .. يا الحكومة تصالحت مع حرامية مبارك .. يا الحكومة بترفض التصالح في ديون الفلاحيين وهتفضل مخاصماهم ..
إنما تقوللي "تصالح مُرتقب" بين مصر وتركيا؟
إيه الكلام الفارغ ده؟..
خلونا النهاردة نحاول نفهم الصورة و نشوفها صح بعيدا عن الهبد و الفتي و الزيطة مابين و حوالين موضوع قنوات المعارضة في تركيا..

{الجوازة دي لازم تتم}(30) ماتقوم تطمن على حدودك

https://www.youtube.com/watch?v=um4GizUfFNE&list=PLBsIgVvbrncASWY0xiV-6uy2HeJVtfssm

بيقولك مرة واحدة قاعدة بتفطر مع زوجها وفجأة شاورت على بلكونة الجيران وقالت شوف غسيل جارتنا مش نضيف إزاي ؟ ودة مش النهاردة بس ، كل مرة بلاحظ ان غسيلها مش نضيف .
تاني يوم وهما قاعدين نفس القعدة يامؤمن ، قالتله شوف سبحان الله غسيلها النهاردة نضيف على غير العادة ، تفتكر ليه ؟؟
وقبل ما ترد عليا وتقولي انك مسحت الشباك من برة وان العيب مني علشان علشان إزاز شباكنا هو اللي مش نضيف وإني كان لازم اصلح عيوبي قبل ما أنشغل بعيوب الأخرين وتعملي فيها عميق ، أحب أفهمك اني شوفتك وانت نازل من عندها امبارح بالليل !

{تعاشب شاي}(565) رقصني يا جدع.. على نهضة و نص!

https://www.youtube.com/watch?v=cG3PXBQYf0o&list=PLBsIgVvbrncB0M8dlzAbvjl79Nu8v_BW4

واحده من أهم القضايا اللي بقت محور حديث الشارع المصري في الفترة الأخيرة هي أزمة سد النهضة , و أزمة سد النهضة هي دايماً الورقة الاخيرة اللي بيحسس عليها المواطن المعارض للرئيس.. في نهاية نقاشه مع المواطن المقاول المؤيد للإنجازات المعمارية.. العاشق للكباري , بعد ما يزهق المعارض من صياحه في حب الخرسانة المسلحة.. و يقرر يخرجه من كابينة الونش اللي راكبه.. و يجيبله كوباية شاي و سيجارة كوكو عشان يفصله من الوردية , و يسأله عن موقف مصر من سد النهضة الأثيوبي .. ها يا سيدي عملنا ايه في سد النهضة ؟

فيلم الليلة من حلقة "الحراق".. فيلم آسف على الإزعاج.. و سيتم رفعه في البوستات التالية بأحجام مختلفة مناسبة للباقات

آسف على الإزعاج 720p

آسف على الإزعاج 480p