فيلم الليلة من حلقة “الحراق”.. فيلم الموريتاني The Mauritanian
و سيتم رفعه بأحجام مختلفة للباقات في البوستات التالية

The.Mauritanian.360p

The.Mauritanian.720p

The.Mauritanian.1080p

{الحراق}(56) الموريتاني The Mauritanian

https://www.youtube.com/watch?v=734ixj-zaRo&list=PLBsIgVvbrncBJbmFFzhjJfzK9aLoMuouz

هل من حقنا اننا نعاقب الناس على حاجة ماعملوهاش.. بس احنا خايفين انهم ممكن يعملوها في يوم من الأيام؟
هل مقبول ان انسان يتحبس على ذمة التحقيق ؟
امال ايه أسطورة ان الإنسان برئ حتى تثبت ادانته؟
لو هاتحبس انسان لمجرد الشك و بدون دليل يثبت أي تهمة عليه.. يبقى ايه الفرق بين الحكومة.. و بين المافيا؟

{تعاشب شاي}(561) اقتصاد بيع الملابس الداخلية

https://www.youtube.com/watch?v=ws2tWRMgW1Y&list=PLBsIgVvbrncB0M8dlzAbvjl79Nu8v_BW4

من بداية سنة 2020 لـ سنة 2071 .. دا ان عشنا يعنى أو اتبقى مننا حد لسه عايش 2071 .. فـ دي الفترة اللي "المفروض" هتسدد فيها مصر الديون اللي عليها بعد وصول الدين الخارجي لـ 134 مليار و 900 مليون دولار .. أيوة انت سمعت صح وياريت منقولش لحد عشان الحاجات دي بتتحسد .. السيسي وصّل مديونية مصر لأرقام تعتبر هي الأعلى في تاريخها .. والرقم ده متقسّم 99 مليار و 900 مليون أصل الدين .. و35 مليار خدمة الدين أو فوايد عليه .. يعني من حسبة بسيطة كده هنعرف ان مصر بتسدد دين بفوايد وصلت لأكتر من 30% على الدين الأصلي ..
وطبعا الديون مش هي الأزمة الحقيقية .. ما كل الدول بتقترض .. المشكلة الحقيقية ان الفلوس اللي بناخدها دين بتتصرف على الأرض وعلى حاجات غير منتجة .. مفيش فلوس بتيجي من وراها .. فالديون بتجيب ديون .. لأن مفيش فلوس بترجع عوائد أو دخل تقدر تسد سيل القروض اللي بياخدها السيسي دي ..

{الجوازة دي لازم تتم}(29) خدلك ساتر

https://www.youtube.com/watch?v=hIXpWLo2jq8&list=PLBsIgVvbrncASWY0xiV-6uy2HeJVtfssm

كان لي صديق فيلسوف ، بأقوال الحكماء شغوف
ذهبت إليه ذات مرة مرة طالبا رأيه في مشكلة ما ، وقولتله ألا يا فيلسوف ياخويا متعرفش ايه الحل اللي يحفظ للنفر مننا كرامته ، ولما تبدأ المعركة يقدر يلمها بسرعة قبل ما توسع منه وتجيب سقف البيت فوق دماغه ؟
فنظر إلي بعينيه العميقتين وقال : روح هاتلك كرتونة وافرشها هنا جنبي على السلم ونام ، والصباح رباح يابني .

{حدوتة عربية}(06) الدولة الأموية.. حلوة بس شقية

https://www.youtube.com/watch?v=OBLcGAhk7RI&list=PLBsIgVvbrncBI-GBODIFomvD6RVkJ618b

قرب نهاية سنة 691 ميلادية.. سافر عبد الملك ، الخليفة الأموي الرابع بعد معاوية.. سافر من العاصمه دمشق .. لمدينة الكوفة في العراق.. لأن مصعب.. أخو عبد الله بن الزبير.. و اللي كان من قيادات المعارضة.. اتقتل في معركة هناك.. ووقف عبد الملك في قصر الحكم و هو بيتأمل راس مصعب المقطوعة قدامه.. فأحد اللي كانوا معاه بان عليه انه متضايق..
فعبد الملك سأله.. مالك؟.. فقال له : رأيت في هذا القصر رأس الحسين بن علي بين يدي عبيد الله بن زياد . ثم رأيت رأس عبيد الله بن زياد بين يدي المختار بن أبي عبيد. ثم رأيت رأس المختار بين يدي مصعب بن الزبير. ثم رأيت رأس مصعب بين يدي عبد الملك.. .. .. فعبد الملك اتشائم من القصر ده و خلع منه..
ليه بدأنا بالقصة دي؟.. لأنها ببساطة بتختصر فترة طويلة من تاريخ الدولة الأموية و الصراعات اللي حصلت فيها.. أول رأس في القصة.. هي رأس سيدنا الحسين بن علي..

فيلم الليلة من حلقة “الحراق” هو فيلم “البيضة و الحجر”.. و سيتم رفعه في البوستات التالية بأحجام مختلفة مناسبة للباقات

البيضة و الحجر 720p

البيضة و الحجر 480p

البيضة و الحجر 360p

{الحراق}(57) عندما يتمهيص المثقفون.. البيضة و الحجر

https://www.youtube.com/watch?v=xV3p4wu9tf4&list=PLBsIgVvbrncBJbmFFzhjJfzK9aLoMuouz

لو انت هايص ..أو كنت لايص..تعالى يلا شوف الهجايص
ست العرايس..والبخت صايص..يلزمها رقوة من عين بصايص
وده قلب لايص..في الحب غايص..نشفيه بهدمة وحبة قصايص
الناس دي عايشة..بعقول نصايص..تنام وتصحى على الهجايص
ويل للعالم إذا انحرف المتعلمون وتمهيص المثقفون ..لكن الانحراف والمهيصة مش هيبقاله سوق وتجارته تكبر ومشروعه ينجح من غير راس مال..راس ماله الضعف والجهل والخوف..الثلاثي اللي مبيفرقش بين فقير وغني..وزير أو غفير ..متعلم أو جاهل ..الكل زباين مضمونين لأي نصاب ..طول ما قرروا بإرادتهم يسوقهم القلق تحت جناح دجال يطمنهم.. الخوف اللي بيلغي العقل ويشل القدرة على التفكير ..ويدي الفرصة لأي دجال ..مشعوذ..اعلامي ..سياسي أنه يلعب مع ضحيته بالبيضة.....والحجر ..

{تعاشب شاي}(562) أين الإنسان؟.. إنني لا أراه!

https://www.youtube.com/watch?v=Xu1hZpHiUMM&list=PLBsIgVvbrncB0M8dlzAbvjl79Nu8v_BW4

النظام المصري كان قاعد في أمان الله لا بيه ولا عليه .. يتفاجئ ان في بيان متقدّم ضد مصر من 31 دولة بينتقد التضييق على الحريات واعتقال الناشطين والتنكيل بالمعارضيين وبالسياسيين .. ده غير إن البيان بينتقد الطريقة الأمنية العنيفة من تكميم الأفواه وحرية الرأي والتعبير لعدم اتاحة مناخ مناسب للحياة المدنية .. لتغلغل للجيش .. للاختفاء القسري وبلاوي تانية كتير ..
طبعا السيسي ونظامه فضلوا يبصوا لبعض مش فاهمين ولا كلمة .. الناس دي بتقول ايه؟
يعني إيه حرّيات ومعارضيين وحرية تعبير وحياة مدنية! .. هو يعني ايه حياة مدنية أصلا .. انتو مين ومقدمين البيان ده فين؟
فيردوا يقولوا احنا 31 دولة معانا بريطانيا وفرنسا وإيطاليا وألمانيا وأستراليا ونيوزيلاندا وكندا وفنلندا وأمريكا .. والبيان ده متقدّم في "مجلس حقوق الإنسان" التابع للأمم المتحدة ..
فالنظام المصري يقول .. ما شاء الله .. هو الانسان عندكم بتعملوله مجلس مخصوص يناقش حقوقه؟

{عرفوه بالعقل}(46) العبودية في الإسلام

https://www.youtube.com/watch?v=PSL5mAoeXk4&list=PLBsIgVvbrncCUHtc-Gd9d0t5wBXwC0_DO

لما بنوصل للكلام في الأحكام الشرعية والفقهية بعد ما بنكون تجاوزنا وخلصنا من إثبات وجود الخالق وصحة الإسلام وكل الأمور دي، بيكون الخيار العقلاني هوا إننا نسلم بالأحكام دي، يعني اقتناعك بكون الشريعة دي من عند ربنا اللي هوا حكيم وخبير وما بيظلمش حد؛ بيؤدي منطقيا للتسليم بكل حكم شرعي مادام ثبت إنه من عند ربنا، دي نتيجة عقلانية 100 %، لكن ده طبعا ما يمنعش إننا نحاول نفهم ونستكشف حكمة ربنا في أوامره ونواهيه، أما بقى لو واحد ملحد مثلا فمالهومش حق في السؤال ولا الاعتراض، ده لو كان متسق مع قناعاته وأفكاره، لأن كونه معتقد بنسبية الأخلاق ما يديهوش حق في محاكمة حد بمعيار أخلاقي معين، ده غير إنه مادام شايف الكون نشأ بالصدفه ووفقا لنظرية الانتخاب الطبيعي وإن البقاء الأقوى وإننا ما نمتلكش إرادة حرة عشان هيا شوية جزئيات بتتفاعل وخلاص، فبناءا على ده كله يكون حصول حاجه زي (الرق) حتمية اقتضتها الطبيعة، مشكلتك معاها مش مع الإسلام!!!

{تعاشب شاي}(563) افتحولي الريف ده.. الجاموسة والدة!

https://www.youtube.com/watch?v=JUla7ENvb9E&list=PLBsIgVvbrncB0M8dlzAbvjl79Nu8v_BW4

السيسي طلع الشهر الي فات و اعلن عن بداية تنفيذ مشروع تطوير الريف المصري ،، الي هيتعمل في ١٥٠٠ قرية بحالهم ،، طيب يا سيسي اهدي شوية ،، احنا عارفين ان معندكش في المشاريع يا ما ارحميني ،، بس المشروع ده ضخم و مكلف و محتاج تخطيط ،، قالك هو التخطيط حاجة مهمة صحيح ،، بس مش معقول نخليها تعطل مشروع كبير زي ده يعني ،، احنا نعمل المشروع الاول علشان الوقت و بعد كده نبقي نخططله بقي علي رواقة ان شاء الله..

فيلم الليلة من حلقة “الحراق”.. معجزة في الزنزانة ٧ .. و سيتم رفعه بأحجام مختلفة مناسبة للباقات في البوستات التالية

720p

480p

{الحراق}(58) الزنزانة التي أحبتني.. معجزة في الزنزانة رقم ٧

https://www.youtube.com/watch?v=p7Knz_CylgY&list=PLBsIgVvbrncBJbmFFzhjJfzK9aLoMuouz

في زنزانة رقمها 7 بيسكنها المجرمين من كل صنف ..منهم القاتل والسارق والنصاب وغيرها من الجرايم..جوه سجن بيحكمه ويتحكم فيه وفي سجناؤه وفي مأموره نفسه ..نظام عسكري ظالم اكتر اجرام وشر من نزلاؤه..ايه اللي ممكن يحصل لو عاش ما بينهم سجين ..شبههم في الملامح قدهم في الجسم ..لكن العقل والقلب قلب طفل صفحته بيضا. ما اتبقعتش ببقعة واحدة سودة..هل الإجرام والشر هو اللي هيبلع جواه الخير ..اللي متجسد في الطيبة والنقاء اللي شايلها الطفل الكبير اللي الصدفة خلته وسطهم..ولا ممكن تحصل معجزة ..في زنزانة رقم 7..

{الأسبوع ف كيس}(259) من يشمبر لنا نشمبر له

https://www.youtube.com/watch?v=5FYKayKN9QE&list=PLBsIgVvbrncAeJMvwCpzZg-ow581Oh13M

بعد التقرير اللي صدر من الأمم المتحدة عن انتهاكات النظام المصري لحقوق الإنسان..واللي وقعت عليه 31 دولة .. الحقيقة تابعت حالة من الزياط والردح وسط مجموعة من الملايات اللي بتتفرش وتتطاير يمين وشمال..ووزارة الخارجية نفسها اتقمصت دور هجرس في مسلسل الكبير اوي..وهو بيقول انتوا بتشردولنا وسط دول الكوكب ..طب على فكرة بقى احنا هنفضح انتهاكات حقوق الإنسان عندكم ..بس اللي عاجبني في الموال كله السيسي نفسه ..ولا في دماغه لدرجة ان لو محمود ساعة العصاري وهما بيشربوا شاي بلبن في البلكونة سأله..انت مش هترد على الناس دي يابابا اللي بيقولوا عندنا انتهاكات لحقوق الإنسان..هيبص له بنظرة حنان وبحكمة السنين هيقول له بصوته الدافي وحنيته المعهودة..يعني ايه يا انسان يا حودة.. أهدى يا ابني ان شاء الله مفيش انسان ولا حاجة