{تعاشب شاي}(1119) المبسوطون. في الأرض

https://youtu.be/DNQIG-z43hs

في ظل المناخ التشاؤمي المهبب الي بيعيشه الناس في مصر اليومين دول .. بسبب الفقر والجوع الي محاوطينهم من كل ناحية , و انهيار الاقتصاد وإلغاء الدعم و ارتفاع الدولار وزيادة الأسعار و باقي البلاوي الي نازلة ترف علي دماغهم ..لقينا فيه خبر حلو و يبل الريق و يدعو للتفاؤل وسط السواد ده كله .. و الخبر ده هو إن فيه عيلتين من مصر ظهروا في لستة اغنى عائلات قارة افريقيا الي نشرتها مجلة فوربس .. و هم عيلة ساويرس و عيلة منصور .. يعني الحمد لله مش كل الناس في البلد فقرا زي ما بيتقال .. فيه عيلتين بحالهم اهو عايشين كويس و اشيتهم معدن و بيلعبوا بالمليارات لعب .. اهي الاخبار الحلوة الي زي دي هي الي بتدي امل لباقي المواطنين و بتخليهم ينتعشوا كده و يموتوا من الجوع و هم مبسوطين و الضحكة مالية وشوشهم

{تعاشب شاي}(1120) نديم القطشاوي.. و مناطحة الجبال.

https://youtu.be/GZG-8R3udMg

ام الدنيا .. مصر .. هوليود الشرق.. وعلى مدار قرون كتير كانت هي سيدة الشاشات العربية.. والرائدة في الاعلام والفن والصحافة.. وكانت قبلة الفنانين العرب.. من سوريا ولبنان والمغرب وتونس وغيرهم.. أي حد عاوز يتشهر وشايف ف نفسه الموهبة.. يلمّ اشياؤه ويشدّ الرحال لأم الدنيا..
وفي الناحية التانية.. فيه بلاد بتحاول مؤخرا تاخد الأضواء دي.. وتبقى هي قبلة الشرق ومركز الشرق الأوسط.. وعلى راس القايمة .. دولة الامارات..
اللي شكلها كده عجبتها اوي تجربة باسم يوسف بخفة دمّه وقصقصته للتصريحات عشان يرمي ايفيه يموّت م الضحك ويخلّي مصر تستنّى برنامجه م الاسبوع للتاني عشان يفرفشوا شوية..
قوم دعبسوا يمين وشمال وطلعولنا بواحد كان نفسه يبقى باسم يوسف.. بس ألشت منه وبقى نسخة لبناني من أحمد موسى ورجل المؤخرة.. مضروبين ف الخلاط..
ولحد هنا ملناش دعوة.. ياكش يجيبوا احمد التبّاع يعملوله توك شو.. مايخصّناش..
بس لمّا القصقصة والتزييف دول يكونوا على عالم كبير.. يبقى عيب ومايصحّش.. ولمّا يكونوا عن شخص متوفّي كمان تبقى قلة أدب ومش جدعنة خالص يعني..
ومن هنا .. هنردّ نيابة عن الدكتور يوسف القرضاوي .. على الاعلامي اللّوزعي نديم قطيش.. مقدم البرامج في سكاي نيوز عربية ..

{تعاشب شاي}(1123) ولا عزاء للعلماء!

https://youtu.be/XPrGP-MN4mg

يوم الاتنين الي فات كنا علي ميعاد مع خبر حزين و هو وفاة العالم الإسلامي الكبير الشيخ يوسف القرضاوي .. و لان القرضاوي يعتبر واحد من أكبر علماء المسلمين في آخر خمسين سنة ده غير انه عضو سابق في هيئة كبار العلماء في الأزهر الشريف .. الكل توقع ان مؤسسة الأزهر والشيخ احمد الطيب هاينشروا نعي رسمي بعد وفاة القرضاوي, بس الحقيقة ان ده محصلش ان شاء الله , و لحد دلوقتي لا شوفنا نعي و لا تعزية و لا اي حاجة ابدا ماتفهمش ليه .. هل مثلا الجماعة في الأزهر ماوصلهومش الخبر و ماعرفوش بيه .. ولا يكونش حزنهم الشديد على موت الملكة اليزابيث التانية نساهم .. و لا ايه الموضوع بالظبط ؟

{الحراق}(136) حتى لا يطير الدخان

https://youtu.be/MV0Yc09SyZU

الحشيش مخدر بيحب اللمة والصحبة ، ونادرا ما تلاقى حد كييف قاعد بيشربه لوحده ..قعدة الحشيش قعدة تعاونية الكل فيها بيخدم على بعضه ، ما الكيف مناولة مش مقاولة والكل لازم يتكيف..الشخص اللي بيتعاطى الحشيش شايفه احسن وسيلة لترويق الدماغ وظبط المزاج والهروب من التفكير في المشاكل ، وكل مدمنيه او حتى اللي اتعافوا منه أجمعوا إن لحظة تعاطيه بيجيلهم إحساس مؤقت بالراحة.. الحشيش بيترجم الأفكار وأحلام اليقظة لحقيقة وواقع يقدر المتعاطي وهو قاعد يعبر عنها بكل حرية.. الحشاش وسط الدخان يقدر يتحول لفيلسوف أو شاعر أو رجل أعمال أو زعيم سياسي..ممكن يشوف إن بلده أجمل بلد ، ورئيسه احسن رئيس ، والصحة عال العال والتعليم زي الفل والفن والرياضة وصلوا للعالمية..مفيش حاجة هاتفصله عن الحاجات الحلوة دي ، طول ما دخان الحشيش معبي المكان والجوزة دايرة تلف على كل صحبة الأنس والفرفشة..اهم حاجة محدش يفتح الشباك ..الشباك هايسرب الدخان واللي هيبص منه هيشوف الواقع و الحياة على حقيقتها..وهي دي القاعدة الأولى ..ممنوع حد يفتح الشبابيك ...حتى لا يطير الدخان ..

{تعاشب شاي}(1124) استفتاء الشيخ أحة!

https://www.youtube.com/watch?v=LGa_ejBGTzM&list=PLBsIgVvbrncBkyw6cDkn-jUfmYbKmuFVa

هانلاقي خطبة طويلة عريضة.. المفروض انها عن وفاة الشيخ القرضاوي.. لكن يمكن ٩٠٪ من الكلام فيها عن الإخوان.. مش عن الشيخ القرضاوي.. و الباقي حنجلة و رقص و شغل بهلوانات عشان يطلع القرضاوي إرهابي و يربطه بداعش و بالقتل و الدم بالعافية..
عن طريق المغاليات المنطقية و استخدام اللغة الملغومة.. أو الكذب المحشي.. اللي هو يقولك كذبة مبنية على أكاذيب تانية ضمنية.. و كأنها حقائق.. فتبقى مش عارف ترد على الأكاذيب الضمنية ولا الكذبة اللي اتبنت عليهم.. اللي هو تفتح الكذبة تلاقي جواها كذبة.. تفتح الكذبة اللي جواها تلاقي كذبة تالتة.. و هكذا..
و النكتة.. و البائس و المثير للشفقة.. ان هو نفسه تحسه مش مقتنع باللي بيقوله.. لأنه عارف يقينا انه كذب.. و هو شخصيا قال عكسه قبل كده..
يا اخي عيب والله.. شئ بائس و مثير للقرف مش الشفقة..
عيب يا عدنان.. يا فلسطيني.. يا غزاوي.. يا غير محترم.. عيب انك تنفذ أجندة دولة خليجية بتحارب الفلسطينيين و بتدعم إسرائيل و بتطبع معاها علناً .. عيب تنبطح لدول و تبيع نفسك ليهم.. ضد شيخ الفلسطينيين. نفسهم سموه ”شيخ الانتفاضة“ حتى في حياة الشيخ احمد ياسين الله يرحمه!
كل الدنيا عارفة القرضاوي دعم القضية الفلسطينية إزاي و دفع ثمن غالي لده بشهادتك انت..
قول لنا بقه انت عملت ايه لفلسطين؟ لأهلك؟ و لا عملت ضدها مع اعداءها؟
بجد يا عدنان.. لك الحق أن تفخرا.. بانك عرص..

{تعاشب شاي}(1125) التحرش الأطفالي

https://www.youtube.com/watch?v=6attmlPqThA&list=PLBsIgVvbrncBkyw6cDkn-jUfmYbKmuFVa

مع دخلة المدارس كل سنة .. بيكتر الكلام عن معاناه مصاريف المدرسة وتكاليف تجهيز العيال للمعترك الدراسي .. الحاجات دي اللي بيسموها سابلايز..
والامهات كمان بتشيل همّ اللانش بوكس والصحيان بدري الصبح والمناهدة والسبع لفّات بتوع المذاكرة وحل ألغاز واجب الحساب بتاع رابعه ابتدائي..
حتى الموظفين اللي عيالهم خلصو دراسة اصلا.. بينعوا هم زحمة المواصلات اللي بتملاها الطلبة اكتر ماهي مليانة خلقة.
بس وسط كل الهلومة دي في متضررين تانيين مش متشافين.. أو صوتهم واطي ومش بيحبو يحكو لحد .. لان معاناتهم اغرب من قصص هاري بوتر .
ناس عايشين وسطينا .. ومعانا ف نفس البيت حرفيا .. ومش عارفين عنهم حاجة .. قصتهم مش سهل تتصدّق .. عشان المشاكل الكبيرة بيكون رد الفعل الاولاني ليها - اللي هوا فمجتمعنا بياخدله بتاع عشره عشرين سنه كده- بننكر انها موجودة .. بندفن النعامة كلها فالرمل سعادتك..
ايوه مين بقى اللي عايشين ف رعب كده ومكسوفين يطلّعوا صوت حتى؟

{الأسبوع ف كيس}(320) زبابيط الله.. أحباب الله

https://www.youtube.com/watch?v=AIPvGKt849A&list=PLBsIgVvbrncAeJMvwCpzZg-ow581Oh13M

{تعاشب شاي}(1130) الشباب شباب الغُلب

https://youtu.be/Ep0wZ0BF7oc

{تعاشب شاي}(1131) عيد ميلاد أسدي أنا

https://youtu.be/YPM_r8W7T5k

{تعاشب شاي}(1135) كيف تصبح ابن حقبة بدون معلم!

https://youtu.be/tcY0WjVvRWM

الـ*** قعد ساعة و نص باين يدلس على الشيخ القرضاوي.. و ماكفاهوش.. بعد الصلاة طلع قعد ييجي ساعة و نص تانيين يكمل لعب بالبيضة و الحجر و يكذب و يدلس على الشيخ القرضاوي..
فقلت مابدهاش بقى.. نشوف ايه حكايته ده.. الكفيل مشغله أوفر تايم ولا هو اللي واخد التـ**** عن حب ولا ايه بالظبط..

{الأسبوع ف كيس}(321) هاتلي الدولار اللي مع المغترب اللي هناك ده يا كامل!

https://www.youtube.com/watch?v=fvmO1iwudcs&list=PLBsIgVvbrncBkyw6cDkn-jUfmYbKmuFVa

الاسبوع ده وحرصاً مني انا شخصيا على نشر الإيجابيات ، وطالما حصل إنجاز حقيقي لازم بكل أمانة وموضوعية نتكلم عنه ..
مصر حصلت على جايزة اسرع انترنت ثابت في افريقيا ..

..هو يقال إن الجايزة اتأخر تسلميها كام يوم على ما النت فتح في الوزارة ، واساسا الخبر كان نازل على المواقع المصرية من يومين بس كان فيه مشكلة بسيطة في التحميل واتحلت الحمد لله..وده خبر في حد ذاته يعتبر ضربة جديدة لمروجي الاشاعات ومثيري البولبولة ، اللي كل شوية يقولوا السيستم واقع في الهيئات والمرتبات والثانوية العامة ، واللي مقضينها ولولة واتصالات بالشركات يشتكولهم أن النت ضعيف يهمدوا شوية ويبطلوا كدب بقى .. والدليل اهوه اديني بكلمكم وانتوا سامعني وشايفني زي الفل اهوه ومفيش مشك......

{تعاشب شاي}(1138) من يطفئ الشمس؟

https://www.youtube.com/watch?v=ZDHMZFxJ5TI&list=PLBsIgVvbrncBkyw6cDkn-jUfmYbKmuFVa

تخيّل معايا كده انه الفيفا مثلا تقرّر انها تمسح من تاريخها ان روسيا نظمت كاس العالم اللي فات..
يعني تفتح موقع الفيفا كده .. متلاقيش نسخة كاس العالم ٢٠١٨ دي كانت بتتلعب فين..
ماهي الدنيا قافشه على روسيا بقى عشان خاطر اوكرانيا.. وكمان دول بيهدّدوا باستخدام النووي..
اقتنعت ؟ لأ ما اقتنعتش ..
ماهو ايه علاقة اختلافنا مع دولة أو جهة أو شخص.. بتغيير التاريخ .. حاجة حصلت فعلاً وبقت تاريخ.. ازاي يكون حد له الحق انه يقرر يلعب استغماية بحاجة زي دي؟
لكن الاخت الشقيقة دبي قررت انها تعمل ده..
العاصمة التجارية المنشودة في الشرق الاوسط .. وادارتها الحكيمة .. حذفت سنة ٢٠٠٠ من سجلات جايزتها.. اه والله زي مابقولك كده
جايزة دبي اللي فاز بيها القرضاوي سنة ٢٠٠٠ وخد جايزة الشخصية الاسلامية للعام .. وكسب مليون درهم اماراتي كمان .. معادتش موجودة على موقع الجايزة نفسها.. اخفوها قسريا..
والشيخ محمد بن راشد اللي كرّم القرضاوي بنفسه وباس راسه كعالم اسلامي مرموق من ٢٢ سنة يوم استلام الجايزة..

{تعاشب شاي}(1143) ما فهمتكم!.. مافهمتكم!

https://youtu.be/Qp8doJbtHN0
فجأة الدنيا ولعت في تونس تاني ، مظاهرات و اشتباكات بين الناس و الامن ، وشاب اتوفى بعد مطاردة مع الشرطة ، و غضب في الشارع ، و القوى السياسية بتتكلم عن اسقاط قيس سعيد ، و قيس سعيد بيرد زي اي حاكم عربي و يتهم خصومه بالتخريب و العمل لحساب اجندات خارجية !
ايه اللي بيحصل في تونس ؟ و ليه حصل ؟ و ممكن يوصل لفين ؟ و هل ممكن تحصل ثورة تانية زي زي ثورة ديسمبر 2010 ؟

{تعاشب شاي}(1144) لأنتشن على الطريق و أشتكي!

https://youtu.be/lapT3lHC60c

اتعودنا الفترة الي فاتت ان المواطن المصري بيبقي قاعد لا بيه و لا عليه و مرة واحدة بيلاقي فيه تريند جاي جري من السوشيال ميديا و بيخبط في وشه فجأة .. و الترند عندنا مابيجيش و يمشي كده بالساهل و في هدوء و سلام .. لا ده لازم يجر في رجله اراء و نقاشات و جدل و حوارات و خناقات و تقطيع هدوم و انقسام بين الناس .. سواء بقي التريند ده كان عن موضوع عميق او حوار تافه. و بيتكلم عن السياسة او الاقتصاد او الدين و لا حتي بيحكي عن فيديو انتش واجرى .. احنا مايفرقش معانا موضوع الترند.. و كده كده هانثير الجدل عادي مهما كان نوعه او مقاسه.. ده احنا بقينا في مصر اليومين دول بنحب الجدل اوي يمكن اكتر ما بنحب سمو معالي الريس السيسي بذات بلحته !

{تعاشب شاي}(1164) شوفتوني و انا باعمل الخير؟

https://youtu.be/oddmrX3VLck

لو رحت لكل شعب في العالم .. وقلت له أنت مشهور بإيه أو شايف نفسك إزاي .. هتسمع إجابات كتيرة .. حاجات زي مثلا.. إننا مشهورين بالتطور وخلافه .. أو إننا شعب الله المختار ... وكلام كدا. بس لو جيت للشعب المصري وسألته.. هيقول لك الجملة الشهيرة بتاعة "احنا شعب متدين بطبعه".

والجملة دي متوارثة من زمان .. طب هل فعلا احنا متدينين بطبعنا ولا دي مجرد جملة تنضاف للجمل الإنشا بتوع إن مصر أم الدنيا وأبو الدنيا .. هيا بنا نشوف.

{تعاشب شاي}(1176) إعلام الجواري

https://youtu.be/LRMfNgBkxPg

اتاكدنا من كام يوم بما لا يدع مجالا للشك خالص , ان معالي الريس الزعيم عبد الفتاح السيسي قلبه حجر و معندوش ذرة رحمة او انسانية .. لا مش علشان داير يقتل في الناس و يحبسهم و لا علشان ارتكب مجزرتين .. دي حاجات عادية أي مستبد و قتال قتلة زي سيادته بيعملها في شعبه و مفيهاش مشكلة ..بس الي مكناش نتخيله بقي, ان جناب المشير ميرحمش حتي المطبلاتية و الخدامين بتوعه الي بقالهم سنين بيلحسوا جزمته , و يسيب الواد يوسف الحسيني واقف علي حيله كده لمدة ساعة و تلت وقت مكالمة معاليه , و ميخافش عليه احسن يجيله انزلاق غضروفي و لا تمزق في عضلات الضهر و لا شد في العضلة لمؤاخذة الخلفية من طول مدة الوقفة .. لا يا سيادة الريس انت طلعت قاسي اوي بصراحة

{تعاشب شاي}(1177) هل السيسي خايف من ١١/١١؟

https://youtu.be/-5xDh5ixTNM

هل السيسي عنده حاجة يخاف منها فعلا؟.. و ايه هي يا ترى؟ المنطقة كلها اليومين دول على كف الرحمن و داخلة على منعطف تاريخي زي مابيقولوا.. السيسي شكله أنبوبته بتفضى خلاص.. و الملك عبد الله في أيامه الأخيرة و المملكة خلاص على وشك انها تشيل السيفين اللي ع العلم و تحط مكانهم منشارين.. و الصراع على أشده في أمريكا في الانتخابات النصفية بتاعت الكونجرس بين الديموقراطيين و الجمهوريين.. أو الفيلة و الحمير.. و لو الديمقراطيين نجحوا.. بايدن مش هايحل بن منشار من ع المفشخة لأنه كان بيلعب ضده لحساب الجمهوريين.. و قطر واضح ان فيه حملة إعلامية دولية شديد ضدها حاليا عشان يضربولهم كاس العالم..

بس سيبونا من كل ده دلوقت.. و خلونا مع السيسي.. اللي واضح انه يا اما عنده معلومات.. يا اما قلبه حاسس ان فيه انقلاب بيتحضر ضده.. و ان موضوع دعوات مظاهرات ١١ - ١١ دي مجرد واجهة شعبية كالعادة لانقلاب عسكري..

{تعاشب شاي}(1179) لا مناخ في قمة المناخ

https://youtu.be/4YGURUtztBU

{تعاشب شاي}(1180) سنغزوهم بالقولف!

https://youtu.be/7P5iKYCGGn0

{تعاشب شاي}(1181) هنا المبلحة!

https://youtu.be/I1V9lyIzN54

{تعاشب شاي}(1182) ماحدش نزل!

https://youtu.be/y_OWkvjMKb8