اللافي💯🔥

#حسيتها من جدي
اودارت امعاي امشال
وين نعدي
سيت الصاحب في العقول اتردي
امغير سال عارفها الي واطيها
خلتني احسابي من جديد انبدي
ونعود النظر في كل ركن اوجيها
نلقا الكف من يدي الي في خدي
تستاهل العوده كل شي ميجيها
ياصاحبي حاضر انلازم حدي
اوياصاحبي تامر اللي تبيها
خوذ غايتك واحكي او صبي ضدي
نفسك الغايه في جباي عطيها
ديرني عطيب او ديرني متعدي
او خرف علي روحك او مجد فيها
#محمد_اللافي👋

#الشاعر_محمد_اللافي👋

مافيك ما حكاني
… وجبدت خبر فايت زمانه فاني
مامن علل مقبور في وجداني
… وراضي وناسي كل حد ناسيني
وماخصنيش هم فيه نعاني
…. وشيل حط مابيني وبين سنيني
اصدفت درب الصايبة وراني
…. وتما علي واجد خبر غانيني
سارح بطول الوقت في اسرحاني
…. القيت راحتي ياصاحبي خليني 👋

وجعني ي دار
#محمد_اللافي#
👋

اللافي💔🔥

#جديد_الإعصار. 🔥🕊
.
يالله جيبلي طير شاهين..
ولا صقر ويكون دامي
وللي ياخذن فيه عينين..
شوكيل وين خالط حمامي
بالك يروق ها العقل ما الدين..
ياصحابي يا تهامي
ويعيش منبسط كيف لخرين..
بعيد عن لصيف الكمامي
الله يا الله يا المعين..
عليك م الزعل جيت رامي
اتفرج علي كل مسكين..
ظيقات كي علامة علامي

⊱━━━━⊰✾⊱━━━━⊰

#الشاعر_محمد_اللافي .🔥✋🏻

#اجمل_ماقال_محمد_اللافي👋

ماملي مهموم كان البارح😔
اليوم فلسما حتي اب الداره سكر💯
خالك مع ربك نضيف وشارح💔
رزقك وعمرك بلحكار امحكر 😥
وقول يالله مجروح تصبح جارح✈
والله يذكرك وين ما الله تذكر✖
يالعقل فيش تفكر
باب الرجا فالله مايسكر خليك علرجا💥

انكان قالك عقلك عسا وعله
بوقلب طيب نالي نغزله
ونا هو الي كي مانريد ايجي
طيب صحيح امغير ماني حله
م لوذن نمتسك ولا حشاك غبي
ونا مرتشق ولوطن تحتي كله
نمشي بلجلاوي كي تقابل في
.
مايصير منها شي
اتعيب في وتحطه الوم علي
ونا نسامحك .
#راس_لبيت_الشاعر_رويعي_موسي .🔥🕊
.
#الشاعر_محمد_اللافي .🔥✋🏻
#الرباع_يوسف_بوشناف .🔥

#محمد _اللافي🥇

#افكار العقل ناسيات الركاح هك اوهك شتتن شتات🥇
#محمد_اللافي🔥

#محمد_اللافي✔️✔️👍

علينا احنا والله ماقصرنا

شرينا دناك و رفقتك و جوارك

مغير انت في عينك اتقول صغرنا

تحساب ما جرر ينفع مفيت جرارك

احسب حساب نكلابت مواج بحرنا

و احسب حساب نقلاعت جميع اسوارك

ما منلي يبكي عليه جررنا

يبي مغير كيف حالك و كيف اخبارك

و منين ما اتجي والله ما تقدرنا

ايش جاب ثلبنا هذاك شور حوارك

كبر الله مقدارك ...
شريتك و دونك لي زمان نعارك ...


هضا عقابها 💔🥀🦅🔥

المفروض مالواحد بغلا يتهور
يكمد اسراره مالحد يحكيهن .🕊
.
#الشاعر_محمد_اللافي .🔥✋🏻

#اجمل ما قال اللافي😓🕊️

وهم من قبل كانو كيف حبابي
. غليو كيف لاب وكيف لام .🕊

#محمد_الافي🕊️

حد الزعالا مانك
ويالعقل وايش عل الله ف شانك
زعلان م دهر
.
امغير ابروحك .
الناس كلها بجروح كيف اجروحك .
انكان ع دهر يقلب ايجي لميوحك .
عشره عليك ويوم في غدرانك .
ايقجن امزان الخير يبطل نوحك .
وتزها نصيب ويعمرن كيفانك .
قول يالله بكره اتدر مسوحك .
حتا انكان الوقت واجد خانك .
انكان هذ هو لونك وطب اسروحك .
امسكا علي وقوفله رحلانك .
⊱━━━━⊰✾⊱━━━━⊰
#الشاعر_محمد_اللافي .🕊🔥✋🏻

اللافي💔🔥

خـذيت علـي بيعـت لـيام
عـلي روحـي عـابي تـميت
نـعاني كيـفي كـي لاسـلام
ومششي دوبي كـان مشـيت
قعـد رجـلي غافر لوهام
انـماني ماشي منهن جيت
#اللافي .🔥✋🏻

#محمد اللافي🕊️

كل يوم فاقد من الغوالي غالي..
ويش من الغوالي فالحياة تمالي..
كل يوم فاقـــــــد خيره..
وكل يوم فاقد من لكبار شهيره..
لنقان عازتي يا هو ميش صغيره..
ما عاد ابقيلي من الغوالي والي...

كل يوم فاقد من الغوالي غالي..
ويش من الغوالي فالحياة تمالي..

شن قال👇
#محمد_اللافي_قـــــال ✍️👇
صغير غير كبرني زماني والشقا
وعقل لاعرفته عقل لا تعقيل
كبيره تحقه شيخ بوصيت للسما
حلال العقل للذيل بات دخيل
وكبيره تحقه كبار طاعو للخطا
قدام العرب تمو تقول عويل
وكبيره تحقه زين شاوي من الخلا
اليدين غير مزال الكبير يشيل
المهم سيوري نعدي للفنا
ونجي تحت سافي ما معاي خليل
ايهيلو علي تراب نمشي للقضا
ونجي للحساب ايش درت بالتفصيل
لازم نقول الحق دوبيني هنا
وحي قبل ما نصبح حساب قتيل
لازم نخلي نقش في كبد الصفا
وذكر جميل لكل فكر جميل
وحروف تتخلد مش يوم وتنتسا
وناب ثلب في شاكلت سريب خليل
لانريد به ملك لانريد ننغنى
ولا نجبرك عالسمع والتبجيل
عاجبك اصنت علم بكرا ينقرى
وراسك الجيل يسلمه للجيل
وان موش عاجبك اي دونك المالح واقربه
لاخاصني لاهرج لا تطبيل
✍️

اللافي❤️🔥