ازيكم يا شباب اخباركم ايه 🙈
اتمنى تكونوا كلكم بخير و اللى فى امتحانات ربنا يعينه.
اعتقد الحالات اللى قلناها دى اشهر حالات هتقابلكم فى الطوارئ عموما .. الفترة الجاية هحاول اقولكم اشهر الحالات اللى بتقابلنا عموما مش طوارئ بس و التعامل معاها كممارس عام من غير رغى كتير ((تشخيص و علاج)) و امتى الحالة تبقى محتاجه اخصائى او عالاقل نايب عشان متجازفش و تتعامل معاها .. هنبقى ندردش كل يوم شوية كده ان شاء الله 🙏

Acute pharyngitis

او من الاخر التهاب الزور
شكوى المريض و اعراضه بتختلف من شخص للتانى، يعنى مثلا قد يكون شكوته الاساسية ان فى حرقان فى زوره لما يجى يبلغ او مش قادر يبلع اصلا لدرجة انه مش عارف ياكل. او يجى معاه اعراض مصاحبه زى الصداع او السخونية او دور البرد، و ممكن يكون دور برد عادى او عنده سخونيه و انت المفروض تسأله هل فى صداع او وجع فى الزور !!
الفحص طبعا مهم بإنك تبص على زوره بخافض لسان هتلاقى redness و ممكن تشوف pus و طبعا لازم تفرق بينها و بين ال tonsillitis بردو لو شوفت tonsillitis بتبقى باينة و منتفخة من الجانبين .. و التفريق بين انه viral او bacterial بأسئلة بسيطة و هى :
فى كحة ولا لا ؟
فى رشح او عطس ولا لا ؟
دول بيكونوا فى الغالب viral و علاجه انى بشوف ال symptoms اللى عنده و اعالجها

اما ال bacterial بتكون غالبا مفيهاش العطس ولا الكحة و قد يكون معاها nausea او abdominal pain
و دى علاجها انى لازم ادى كورس Antibiotic زى ال amoxicillin و اشهر اتنين فى السوق هم ال Hibiotic و ال Augmentin و ده لو adult بياخد قرص ١ جرام كل ١٢ ساعة لمدة اسبوع

اما بقى بالنسبة للاعراض؛
الصداع او وجع الزور او السخونية عموما : ممكن احسن حاجه paracetamol زى الباندول او dolibrane و ده بيتاخد قرص كل ٨ ساعات

الكحة: اى دوا شرب يهدى الكحة و دول كتير اشهرهم ال oplex و ده بيتاخد ٣ مرات فى اليوم بردو .. فى ادوية كتير زى tussin, tussistop, all-vent, guava, ..

اما لو فى رشح و الم فى الوش يعنى معاه التهاب جيوب انفيه بقى ف يفضل ازود alphintern او ambezim دول ادوية ضد الالتهاب و التورم بيتاخد ٣ مرات فى اليوم قبل الاكل بساعة

البرد طبعا ليه ادوية كتير بردو زى ال congestal و ال comtrex و 1,2,3 و Panadol cold and flu

يفضل بردو تزود ڤيتامين سي و زنك
و فيتامين سي ليه اشكال كتير مثلا فوار زى vitacid c او كبسولات زى c retard او sanso c اى حاجة فيهم من مرة لمرتين فى اليوم
اما الزنك فيه كتير بردو كبسولات زى octozinc او sanso zinc مرة فى اليوم

السخونية لو عالية طبعا مننساش الكمادات مع خافض للحرارة كويس زى حقنة ديكلوفيناك صوديوم اللى هى ال declophen او ال voltaren و ممكن لو اقل من ٣٩ تعلق بيرفلجان او injectmol اللى هو باراسيتامول محلول وريدى
لو السخونية عالية اوى ممكن فى (طوارئ مستشفى غير الجامعة لأن العيان السخن اوى المفروض يطلع ع الحميات) تعلق محلول عليه الديكلوفين او الفلوتارين و بعدها تعلق الباراسيتامول مع الكمادات هتجيب نتيجة كويسة عشان المحلول مهم لل rehydration


السخونية لو استمرت اكتر من يومين طبعا لازم تدى مضاد حيوى قوى و يفضل حقن زى ال cefotax ١ جرام كل ١٢ ساعة او ال ceftriaxone ١ جرام كل ٢٤ ساعة ع الاقل لمدة ٣ ايام

للتذكير المعلومات دى لل GP و طبعا فى حالة ان المريض معندوش اى contraindications للادوية اللى فوق ما لو لقيت الحالة مش بسيطة و فيها حاجات complicated اكتر من كده اكيد لازم تحولها على تخصص و متتكسفش تقول "معرفش الحالة محتاجة اخصائى" 🙏

Allergic conjunctivitis

دى حالة حساسية و مختلفة عن ال conjunctivitis العادية اللى بتكون سببها infection، مش بتختلف كتير يعنى بالنسبة لل GP لكن ده عيان هيجيلك بشكوى ان فجأة عينه بدأت تحرقه و بتدمع و مش مستحمل يفتحها فى النور، لما هتبص عليها هتلاقيها محمرة شبه الصورة كده و هيحس انه عاوز يهرش فيها كتير و هتلاقى هيستورى ل contact مع حاجة غريبة، الأشهر هى مياه البسين اللى فيها كلور او ساعات من الشمس او التراب.
فى الاول لازم تستبعد وجود اى foreign body ان مفيش حاجه دخلت فى عينه بال history و ال examination و بتجيله كتير ولا حاجه عارضة اول مرة او بتجيله كل ما يقرب من حاجه معينة

لو استبعدت الحاجات دى و اكدت انها allergic
باختصار هنبقى عاوزين قطرة زائد مرهم للعين و ممكن ازود اقراص ضد الحساسية

Symptoms:-
- redness mostly in both eyes
- watery discharge
- itching & burning sensation
- photophobia

Treatment:-
- Dexatrol eye drops من مرة ل ٤ مرات فى اليوم لمدة اسبوع
- Toprin ointment مرة قبل النوم
- Telfast 120 tabs مرة فى اليوم

المفروض خلال يومين تلاتة الاعراض بتبدأ تروح و هى اصلا ممكن تروح لوحدها من غير علاج بالادوية دى او بدايلهم ..

مين عارف الجهاز ده اسمه ايه و بيعمل ايه و مين بيستخدمه ؟ 😁

Automated external defibrillator

AED
Automated External Defibrillator

ده مش معمول عشان الدكاترة ولا المستشفيات بس، ده اصلا معمول عشان يتحط فى الاماكن العامة و الناس كلها تعرف تستخدمه ..

و ده فى حالة ان حد اغمى عليه او فقد الوعى بشكل عام
مجرد ما تطلع الجهاز و تلزق الباتشات بتاعته على صدر العيان ((زى الرسمة اللى ع الجهاز بالظبط)) و تشغله هو هيقيس كل حاجه لوحده و يديك اوامر

يعنى من الاخر متفكرش 😁 هو الجهاز سواء عربى او انجليزى هيعمل كل حاجه و اللى انت هتعمله بس تسمع كلامه

فى الاغلب لو حالة توقف قلب او arrhytmia الجهاز هيطلب منك تضغط على زرار الصدمات و هيكون منورهولك كمان

الجهاز ده انت بتدرب عليه عملى لو هتاخد BLS

بس كده

Updated Channel index 🙏

YouTube channel:
https://youtube.com/@ahmedfouda7752?si=-KzGSRLbiUCGEepB


ER

1⃣ Introduction
2⃣ Patients triage
3⃣ Vitals & history taking
4⃣ Gastroenteritis
5⃣ Renal colic
6⃣ Myositis
7⃣ Epistaxis
8⃣ Anaphylaxis
9⃣ Hypoglycemia
🔟 Hyperglycemia
1⃣1⃣ Acute pharyngitis
1⃣2⃣ Allergic conjunctivitis

Surgery

Surgical sutures 1
Surgical sutures 1 on YouTube

Tools
Tools on YouTube

Simple interrupted sutures
Simple interrupted sutures on YouTube

Mattress sutures
Mattress sutures on YouTube

Inverted simple and figure of eight sutures
Inverted simple and figure of eight sutures on YouTube

Intravenous intervention

Intravenous infusions
Intravenous infusions on YouTube

Cannulas introduction
Cannulas introduction on YouTube

Cannulas insertion technique
Cannulas insertion technique on YouTube

AED
Pediatric cases
Emtyazology book
Doctor's guide book

ان شاء الله الفترة الجاية خلال اسبوعين كده نكمل مواضيع اكتر كمان و انزلكم حالات جراحة و الخياطة ،، 🙏

السلام عليكم يا رب تكونوا بخير
الفيديو ده فيه حاولت ألم فيه معظم الكلام النظرى اللى اى حد لازم يعرفه قبل ما يبدأ ال stitching
المختصر المفيد يعنى

و ده اللى هيخليك ((تبدأ)) تتعلم، لكن طول مانت شغال و طول مانت بتشوف حالات مختلفة لازم تبدأ تدور على مصادر اوسع و فيديوهات اكتر و تطور من نفسك و من معلوماتك متكتفيش انك بقيت بتعرف تخيط و خلاص لأنى أى hand skill بطبيعتها انت اللى بتعلم نفسك محدش هيعلمك فيها لكن ممكن حد يخليك تبدأ ..

اتمنى الفيديو يكون مفيد و هعمل بعده فيديوهات لل sutures نفسها و ال technique بقى، بالتوفيق 🙏

https://youtu.be/yQFLRbNHiTg?si=vflwgnEZkuu7M28w

لينك الفيديو على اليوتيوب 🙏

كل الادوات اللى تتعلق بالخياطة و الغرز
Tools used for surgical sutures

Simple interrupted sutures
اول و أهم نوع غرز و اكتر حاجه بنستخدمها فى الاستقبال

ده لينك فيديو شرح الادوات على اليوتيوب
Tools

https://youtu.be/WsIP6ZXeJH0?si=bG-1v8IeNtqXDvQ5

Simple interrupted sutures
ده الفيديو على اليوتيوب
https://youtu.be/oQDuNLfjLBQ?si=Pc1m6JYcBlQYto0Y

Mattress sutures (vertical & Horizontal)