✔️السكريات الثنائية (Disaccharide):
تتكون من وحدتين من أحادية السكريات

✔️من الأمثلة عليها:
🔹المالتوز(maltose): يأتي من تحلل النشا

🔹السكروز(sucrose):وهو سكر المائدة ويتم
الحصول عليه من قصب السكر

🔹اللاكتوز(lactose): سكر اللبن

▪️من كتاب مقدمة الكيمياء الحيوية للدكتور معاوية حسين العبيد

▪️From book of introduction to biochemistry for Dr. Moawia Hussein Elabeid

#biochemistry

#كيمياء_حيوية

✔️عديدة السكريات (Polysaccharide):
تتكون من أكثر من عشرة وحدات من السكر

✔️وتنقسم ل:

◾عديدة السكريات المتجانسة(homopolysaccaharide)
▪️مثل النشا والجلايكوجين

◾عديدة السكريات غير المتجانسة (heteropolysaccharides)
▪️مثل جلايكوبروتينات(glycoproteins)


▪️من كتاب مقدمة الكيمياء الحيوية للدكتور معاوية حسين العبيد

▪️From book of introduction to biochemistry for Dr. Moawia Hussein Elabeid


#biochemistry

#كيمياء_حيوية

✓الكيمياء الحيوية

هي مادة تكاد تكون من أهم مواد الطب
بسبب انها الأساس في فهمك للأمراض

والعجيب ان اغلب الطلبة بيعتقدو انها مادة غير مهمة وبصراحة مافي حد يلومهم لأنهم وقت دراسة الكيمياء الحيوية بيدرسوها نظري فقط بدون مايعرفو تداخلها مع الطب وأهميتها

الفكرة في انك بتعتبر ان المادة غير قابلة للفهم هي انها تتداخل مع علوم ثانيةوهي الكيمياء وأحياء الخلية وعلم وظائف الأعضاء وعشان تفهم الكيمياء الحيوية الأفضل انك تفهم هالعلوم

(ببساطة عشان المادة تكون سهلة وبسيطة بالنسبة لك ادرس اساسيات المادة دي وتداخلاتها مع هذي العلوم )

👩🏽‍⚕️نصيحة أخيرة
الشعور اللي يجيك في بداية دراسة الطب انك ماتعرف شي عنه وانك راسك فاضي وفي فراغات عايزة تتعبى بالذات في السنوات الاولى دى شعور طبيعي
حتقطف ثمرة دراستك وفهمك لمن تدخل المستشفى وتعرف ان دراستك للمواد الاساسية هي اللي خلتك دكتور شاطر

الكيمياء الحيوية أساس الطب

#biochemistry

#كيمياء_حيوية
#طرق_مذاكرة_كيمياء_حيوية

الكاربوهيدريتات (النشويات)

عارف ليه بتاكلها اصلا؟
بتاكلها عشان جسمك يستفيد منها ويطلع طاقة

طيب انت بتاكل نشويات معقدة او بتاكل ثنائية السكريات أو أحادية

الناتج في النهاية انك عايز تهضمها وتمتصاها عشان تستفيد منها
وكل ماكانت المواد معقدة اكثر
محتاجة انها تتكسر في البداية من الفم (مع ان الأكل بيبدأ تكسيره من هنا فعلا)
وحيمشي للأمعاء عشان يتكسر لأجزاء اصغر
ودى كله بمساعدة انزيمات لتكسير المواد دي والناتج في النهاية عايزين جولوكوز

الجولوكوز دى بيدخل الخلية عن طريق نواقل أو قنوات الجولوكوز فإذا كان الجولوكوز مثلا عايز يدخل الكبد والبنكرياس حيدخل عن طريق قناة اسمها (GLUT2)

الجولوكوز كدى دخل جوى الخلية (أنا بقصد هنا أي خلية في الجسم) بواسطة القناة بعدها حيتكسر عشان عايزين الطاقة دي
وحيتكسر بواسطة عدة تفاعلات اسمها glycolysis (تكسير الجولوكوز)
والناتج في النهاية طاقة (ATP)

الموضوع عايزله تفصيل اكثر طبعا بس اديتك الفكرة العامة ليه أحنا بناكل نشويات

#biochemistry
#كيمياء_حيوية

♣️عملية تكسير الجولوكز (Glycolysis):

▪️عملية التكسير دي بتحصل عشان الجسم ينتج طاقة (ATP)

قلنا في البوست السابق ان الجولوكز بيدخل الخلية عن طريق نواقل أو قناة ولمن يدخل جوا الخلية تحديداً في السيتوبلازم (cytoplasm) بيحصل عدة عمليات عشان نحصل على طاقة ودي بنسميها عملية تكسير الجولوكز

♣️خمس نصائح عشان عملية تكسير الجولوكز تكون ساهلة بالنسبة لك

▪️أعرف وين تحصل هذي العملية مثلا في عملية تكسير الجولوكوز بتحصل في السيتوبلازم (cytoplasm)

▪️اعرف أي مادة بيبتدي بيها للتفاعل واي مادة بينتهي فيها التفاعل

▪️قسم التفاعلات دي لأقسام مثلا في عملية تكسير الجولوكز بنقسمه ل قسمين (قسم يستهلك طاقة وقسم ينتج طاقة)

▪️في التفاعلات دي عندنا انزيمات بتعتبر مفتاح للتفاعل ومن غيرها العملية دي حتنتهي وهي الkey enzyme

▪️واخيرا التفاعلات الأفضل انك اول ماتدرسها انك تشوفها فيديو وعلى شكل صور
عشان يسهل عليك قراءتها من المرجع لاحقا

#biochemistry
#كيمياء_حيوية
#طرق_مذاكرة_كيمياء_حيوية

♣️من طرق مذاكرة مادة الكيمياء الحيوية (Biochemistry):

من أسهل وأهم الطرق للمذاكرة انك تعرف معنى المادة والدرس اللي تدرسهم

◾مثلا
مادة الكيمياء الحيوية (Biochemistry): معناها:دراسة التفاعلات الكيميائية اللي بتحصل في الكائن الحي يعني مقسومة لقسمين وهي: Bio
يعني Biology ومعناه الأحياء وChemistry تعني كيمياء


وبالتالي تجمع الكلمتين والناتج الكيمياء الحيوية (Biochemistry)


▪️من الأسهل انك تعرف معنى الكلمة عشان تكون عارف من ماذا تتكون المادة عشان يسهل عليك معرفة تقسيمها

#biochemistry
#كيمياء_حيوية
#طرق_مذاكرة_كيمياء_حيوية

♣️عملية تكسير الجولوكوز (Glycolysis)

اخر بوست اتكلمنا عنه ان الجولوكوز بيدخل الخلية عن طريق قنوات وبيحصله تكسير

💥تنبيه

قبل شرح عملية تكسير الجولوكوز انصحك يكون جمبك صورة لعملية تكسير الجولوكوز
سواء من مرجع او انت ملخصها
عشان وانت تقرا البوست تتابع معاي حبة حبة من الصورة برضو

وبرضو افضل شي تابع بصورة يكون معاها شكل المركب الكيميائي لأننا حنشرح ماذا حصل للمركب الكيميائي يعني مثلا اضفنا له فوسفات او نزعنا منه هايدروجين وهكذا فضروري تتابع شنو حصل في المركب الكيميائي

◼️خلينا نتفق ان عملية تكسير الجولوكوز ممكن تحصل في وجود الأكسجين او في نقص الأكسجين
ونحن هنا حنتكلم عن عملية تكسير الجولوكوز في وجود الأكسجين


◼️ في عملية تكسير الجولوكوز عندنا عشرة تفاعلات حنقسمهم لقسمين :
▪️قسم بيستهلك طاقة في بداية التفاعل وعددهم خمسة
▪️وقسم بينتج طاقة وكمان عددهم خمسة

✔️القسم الاول اللي يستهلك طاقةم

١_الجولوكوز لمن يخش الخلية عن طريق القنوات بيحصل تكسير للجولوكوز في السيتوبلازم وعشان الجولوكوز يكون ثابت جوا الخلية ومايطلع نثبته بالفوسفات P عشان كدا بيتحول من جولوكوز لِ جولوكوز _٦_فوسفات يعني بنخت فوسفات في الكربون رقم ستة

(From glucose to glucose_6_p)

✨ ودى بيتم عن طريق انزيم اسمه hexokinase ودى موجود في معظم الانسجة
وانزيم glucokinase ودى موجود في الكبد
والبنكرياس
و kinase يعني حنعمل فسفرة ومحتاجين طاقة
حنحول من ATP ل ADP
يعني بدل مركب الادينوسين اللي رمزه حرف A المركب دا كان فيه ثلاث فوسفات يعنيTri phosphate ( Tri معناه ثلاثة)
شلنا منه فوسفات وصار ادينوسين فيه اثنين فوسفات يعني Di phosphate ( Diمعناه اثنين)

والتفاعل دا irreversible (غير عكسي)

٢_ ال جولوكوز_٦_فوسفات بيتحول ل نظيره او الisomer وهو فركتوز_٦_فوسفات
ومعناه يعني بدل كان عندنا جولوكوز فيه فوسفات في كربونة رقم ستة
اتحول لنظيره وهو فركتوز فيه فوسفات في كربونة رقم ستة

✨عن طريق انزيم اسمه isomarese يعني نظير

٣_من فركتوز_٦_فوسفات ( fructose-6p)
ل فركتوز ٦٫١ بيز فوسفات
(fructose-1,6- bis p)
يعني الفركتوز ضفنا ليها فوسفات في كربونة رقم ١ وكلمة bis معناها اثنين (يعني الفركتوز فيه اثنين فوسفات في كربونة رقم ١ورقم ٦ )

✨ عن طريق انزيم اسمه PFK_1)phosphofructokinase_1 )
يعني فركتوز عليه فوسفات
وزي ماقلنا kinase يعني طاقة من ATPل ADP
ودى irreversible برضو

٤_من فركتوز _١_٦_ بيز فوسفات (fructose_1,6_bis p)
من ٦ كربونات حنقسمه ل مركبين كل واحد فيه ثلاثة كربونات وهم :
◽Dihydroxyacetone-p (DHAP)
دا اسمه دهب للتسهيل

◽Glyceraldehyde-3p

المركبين ديل لازم تحفظهم ديل اصغر سكر فيهم ثلاث كربونات

✨ التفاعل دا عن طريق انزيم اسمه aldolase لأن المركبين الدوز .
على فكرة اسم الانزيم غالبا بيكون على اسم المركب او الطريقة اللي بيتم بيها التفاعل

٥_ال DHAPبيتحول ل Glyceraldehyde-3p

✨ الانزيم اللي شغال هنا اسمه isomarese لأن المركبين نظائر لبعض

وكدا خلصنا القسم الأول من
عملية تكسير الجولوكوز اللي فيها بنستهلك طاقة وفيها انزيمين irreversible يعني مابيتعكسو


✔️القسم الثاني اللي ينتج طاقة

٦_من من Glyceraldehyde-3p ل 1,3Bisphosphoglycerate
وهنا من فوسفات واحدة ضفنا كمان تاني واحدة
لكن فوسفات غير عضوي وصارو اثنين فوسفات للمركب
وشلنا هايدروجين والهايدروجين حيمشي للNAD ويصبح NADH

عشان كدى اسم الانزيم نفس طريقة حصول التفاعل وهو

✨ الانزيم اسمه
Glyceraldehyde-3p dehydrogenase
يعني زي ماقلنا احنا ضفنا فوسفات في كربونة رقم واحد والناتج صارو اثنين فوسفات في كربونة رقم واحد وكربونة رقم ٣
عشان كدا قلنا Bisphospho ( يعني اثنين فوسفات)
وقلنا dehydrogenase لأننا نزعنا او شلنا هايدروجين وكلمة de معناها ازالة


٧_من 1,3Bisphosphoglycerate ل 3phosphoglycerate
يعني المركب الأول كان فيه اثنين فوسفات لمن شلنا منه فوسفات في كربونة رقم واحد أصبح اسمه
3-phosphoglycerate
والمركب دا فيه طاقة عالية يعني حيدينا ATP

✨ والانزيم اللي يشتغل هنا على اسم المركب + اضفنا ليهو كلمة kinase
وأحنا قلنا ان كلمةkinase يعني حنعمل فسفرة عن طريق تحويل ال ADP ل ATP
(وكدا اصبح اول تفاعل بنحصل فيه على طاقة)

٨_من 3phosphoglycerate ل
2-phosphoglycerate
يعني بدل الفوسفات تكون في كربونة رقم ثلاثة صارت في كربونة رقم اثنين حصل ليها تحويل من مكان لمكان

✨ بما اننا حركنا الفوسفات من كربونة لكربونة يبقى غيرنا يعني mutase يعني حركنا واسم الانزيم هنا mutase

9_من 2-phosphoglycerate ل
Phosphoenolpyruvate (PEP)
الناتج عبارة عن فوسفات ( phosphate)
اينول (Enol ) عالي الطاقة

✨ عن طريق انزيم اسمه Enolase

10_من phosphoenolpyruvate ل pyruvate
ولأن الphosphoenolpyruvate عالي الطاقة حننتج ATP

✨ عن طريق انزيم اسمه pyruvate kinase وقلنا kinase يعني طاقة
وهنا برضو من ADP ل ATP
والانزيم دا irreversible
(دا تاني تفاعل نحصل فيه على طاقة)

◼️بعد كدا الpyruvate بيدخل المايتوكوندريا ويخش في عدد من التفاعلات عشان يدينا طاقة


♣️ ال pyruvateهو الناتج النهائي لعملية تكسير الجولوكوز في وجود الأكسجين
وبكدا نكون خلصنا الدرس


◼️أهم معلومة افهم التفاعلات افهمها الفهم أهم من الحفظ
◼️واعرف ال 3 key enzymes وهم اللي يبظبطو التفاعل وهم :
#Glucokinase/Hexokinase
#Phosphofructokinase-1
#Pyruvatekinase


#biochemistry

#كيمياء_حيوية

glycolysis

🔷ماذا بعد عملية تكسير أو تحلل الجولوكوز ؟
(after glycolysis)

🔹 اخر شي قلنا في عملية تكسير الجولوكز
في وجود الأكسجين الناتج الأخير هو الpyruvate

🔹 الpyruvateحيدخل المايتوكوندريا وحيخش في سلسلة من التفاعلات
وأول تفاعل اننا عايزين نحوله ل Acetyle CoA
عشان يخش الcitric acid cycle
(اللي هو الناتج النهائي في عملية تحلل الجولوكوز في وجود الأكسجين )

🔹 وعشان يتحول ل Acetyle CoA محتاجين انزيم للتفاعل دى والانزيم هو
pyruvate dehydrogenase
وكلمة De معناها ازالة

🔹 عندنا co Factors(عوامل مساعدة) بدونهم
انزيم pyruvate dehydrogenase ماحيكون شغال كويس
✨ والco factor هم خمسة ونختصرهم بجملة
(Tender loving care for Nancy)
T for thiamin
L for lipoic acid
C for Coenzyme A
F for FAD(H) from Riboflavin
تحت الهايدروجين في رقم اثنين في ال FADH
N for NAD(H) from Niacin

#biochemistry

#كيمياء_حيوية

💥استمتع بمذاكرة الكيمياء الحيوية ( طريقة قراءة الإنزيمات)

♣️من أسهل الطرق في مذاكرة التفاعلات انك تفهم معنى الانزيم اللي بيشارك في التفاعل
وعشان تفهم معنى الانزيم اللي بيشارك في التفاعل
لازم تعرف كيف بيشتغل في التفاعل
دى بيخليك تعرف كيف مركب معين اتحول لمركب ثاني


♣️خلينا ناخذ مثال لإنزيم شغال في عملية تكسير أو تحلل الجولوكوز (glycolysis)
×××××××××××××××××××××××××××××××××

✔️المثال الأول

انزيم Glyceraldehyde-3pdehydrogenase
ودى الانزيم اللي بيحول المركب دى Glyceraldehyde-3p
ل المركب دى
1,3-Bisphosphoglycerate

واسم الانزيم على اسم المركب اللي بيشتغل عليه في البداية وهو Glyceraldehyde-3p
المركب دى نزعنا منه هايدروجين والهايدروجين المنزوع محتاج حد يشيله يعني زي ال حامل او carrier الحامل دى هو ال NAD
وكمان اضفنا فوسفات غير عضوي
الناتج مركب بدل كان فيه فوسفات وحدة في كربونة رقم ثلاثة اصبح فيه اثنين فوسفات في كربونة رقم ثلاثة وكربونة رقم واحد واسم المركب اصبح1,3Bisphosphoglycerate
وBisمعناه اثنين
×××××××××××××××××××××××××××××××××

✔️المثال الثاني

انزيم phosphoglycerate kinase
ودى الانزيم اللي بيحول المركب دى 1,3Bisphosphoglycerate
ل المركب دى
3, phosphoglycerate


واسم الانزيم على اسم المركب اللي بيشتغل عليه في البداية وهو 1,3Bisphosphoglycerate
المركب دى بدل كان في اثنين فوسفات في كربونة رقم واحد وكربونة رقم ثلاثة اصبح في فوسفات في كربونة رقم ثلاثة فقط
طيب في فوسفات ثانية طارت فين؟

احنا حنعمل فسفسرة يعني kinase
( وكلمة kinase معناه فسفرة)
الفوسفاتة اللي طارت ماحنخليها في حالها محتاجينها عشان الطاقة
عشان نحول ADP ل ATP

×××××××××××××××××××××××××××××××××

♣️ الفكرة كلها شوف اسم الإنزيم ووظيفته في التفاعل اللي شغال فيه

كدا في النهاية مش محتاج تحفظ الانزيم انت بس محتاج تشوف المركب اتحول لأي مركب وتوصف التحول دى ؟

التفاعلات مهم تفهمها لأنك لو حفظتها حتنساها

#biochemistry

#كيمياء_حيوية
#طرق_مذاكرة_كيمياء_حيوية

لمن يرتبط العلم بالمتعة والإبداع 💥

#biochemistry

#كيمياء_حيوية

♠️ماذا بعد تكوين الAcetyle-CoA ؟

احنا قلنا ان الacetyle -CoA بعد يتكون حندخله في سلسلة من التفاعلات وحاليا حندخله
في الkrebs cycle عشان نحرقه
فحنتكلم حاليا عن الkrebs cycle

(( Citric Acid cycl or Tricarboxylic Acid
Cycle or Krebs cycle))

▪️ هي cycle لأنها دائرة مغلقة تبدأ من الoxaloacetate وتنتهي بال oxaloacetate

◼️ سبب التسمية
▪️ التسمية الأولى
سميت ب citric Acid cycle لأن اول مركب بينتج من الدائرة دي هو ال citrate

▪️ التسمية الثانية
وسميتTricarboxylic لأن الcitrate بيحتوي على ثلاثة كاربوكسيل قروب يعني (coo)

▪️ التسمية الثالثة
وسميت ب Krebs نسبة لإسم العالم

◼️مكان حصولها:
بتحصل في المايتوكوندريا
واحنا بنعمل الcycle دي عشان تطلعلنا NADH و FADH+H عشان بعدين نستخدهم لإنتاج طاقة


◼️نصائح عشان الkrebs cycle مذاكرتها تكون سهلة:

▪️من المهم انك تعرف التركيب الكيميائي
لكل مركب من المركبات في العملية
لأنه حيسهل عليك معرفة كيفية تغير المركب وهل نزعنا منه هايدروجين ولا كاربون أو غيره

▪️زي ماقلنا قراءة الإنزيمات بتعتمد على تكون المادة الجديدة انت بس اعرف الناتج النهائي للمركب وحتعرف اسم الإنزيم


▪️حاول تعمل اختصار لأسامي المركبات عشان يسهل عليك تذكرهم ودى اختصار ظريف تلخيص للعملية دي ( او اخترعلك اختصار مناسب معاك)

الإختصار
Old ,call, I,keep,2sister, father and mother

Old for oxaloacetate
C for citrate
I for isocitrate
K for alfa ketoglutarate
2s the first for succnyle-CoA
the second for succinate
F for fumarate
M for malate

◼️أهميتها:
الدائرة دي مهمة غير اننا نحتاجها في انتاج مواد حنستخدمهم لإنتاج طاقة
احنا بنستخدم بعض من مركباتها في عمليات تانية
مثل الcitrate بنستخدمه كمان في بناء الأحماض الدهنية


♠️نصيحة أخيرة مهم جدا تشوف فيديو التفاعلات دي
من الدكاترة اللي بتابعهم في البايوكيمستري هم دكتور محمود الطويل ودكتورة ولاء سرحان أعمل بحث ليهم واستمتع بمذاكرة البايوكيميستري


#biochemistry
#كيمياء_حيوية
#طرق_مذاكرة_كيمياء_حيوية

💥وأخيرا اتكونت طاقة

▪️زي ماقلنا في البوستات السابقة بعد تحلل الجولوكوز حيمر بعدة تفاعلات ووقفنا عند الkrebs cycle ومنها طلعنا ب NADH وFADH

▪️ والNADH والFADH حنستعملهم عشان ننقل الالكترونات من complex للتاني واخر مستقبل للإلكترون هو الأكسجين ومن هنا حيتكون لدينا ماء

▪️طبعا الالكترونات تنتقل من حتة لحتة والبروتونات في الفترة دي بتهرب مكان لوحدها وهو مكان في المايتوكوندريا اسمه Intermembrane space (المساحة بين الغشاء)
وكل مرة تتجمع البروتونات في المكان دى
العملية دي طبعا في نفس الوقت احنا بننقل فيها الكترونات

▪️البروتونات لمن تتجمع حتعمل زي تركيز عالي وحتخش من باب يسمح لها بدخول mitochondrial matrix (المايتوكوندريا),

العملية النهائية دي بنتنتج لينا طاقة في شكلATP

◼️دى مختصر لسلسلة نقل الالكترونات وعملية الفسفرة التأكسدية

▪️طبعا اسمها نقل الالكترونات لأننا بننقل الالكترون اللي قاعد في الFADH والNADH
ننقله من حتة لحتة واخر مستقبل للإلكترون هو الاكسجين عشان كدى الأكسجين مهم لتكوين الماء

✔️يعني احنا من بداية البوستات بنتكلم عن العمليات دي عشان بس نوصل للطاقة

✔️دى مختصر مفيد والبوست الجاي حتكلم بتفصيل اكثر عن العملية دي عشان توضح بصورة أكبر
#biochemistry
#كيمياء_حيوية

حتكلم في البوست الجاي عن عملية مهمة جدا بتحصل في المايتوكوندريا (mitochondria)
اللي هي مسؤولة من انتاج الطاقة في الخلية