🔥كيف تستمتع وانت بتذاكر موادك الطبية؟
اول طريقة عشان تذاكر موادك الطبية وانت مستمع
انك تشوف تفضيلاتك للمذاكرة اول شي
يعني ضروري تعرف
🔹هل انت بتحب تشوف فيديوهات ؟
🔹ولاتسمع تسجيلات؟
🔹ولاتقرا من مراجع ؟
🔹ولا تحب شخص يشرح قدامك؟
لمن تعرف ترتيب التفضيلات دي حتسهل عليك المذاكرة ولو شوي
لو مابتعرف ايش هيا تفضيلاتك
جربهم كلهم
او اتذكر اخر مرة ذاكرت ساعات طويلة وانت مرتاح ؟ واتذكر الفترة ديك كنت شغال بأي طريقة ؟؟

🔥ثاني نقطة في موضوع المذاكرة
انك تعرف كيف دماغك بيشتغل وطريقته المفضلة في تجميع وحفظ المعلومات
عشان كدى ضروري تعرف أسرار المخ في موضوع الذاكرة والتذكر
وانا هنا جيت اساعدك في النقطة دي بالذات
ودى تخصصي
لأني مريت بنفس تجربتك لمن كنت طالبة طب
كنت اذاكر بالساعات وانسى
وكنت اذاكر واجيب درجات ضعيفة
مع اني كنت بذاكر
بس ماكنت بعرف أنه في طرق معينة
إذا عملتها راح اجيب اعلى الدرجات
حتى اني ممكن اذاكر وأنا مستمتعة

🔹الفترة الجاية حجيب امثلة من مادة الكيمياء الحيوية وحنحاول مع بعض نبسطها بطرق الذاكرة الخارقة

🔥خليك متابع

#ذاكر_موادك_الطبية_بطرق_الذاكرة_الخارقة
#Biochemistry
#كيمياء_حيوية

بتعرف انك ممكن تذاكر موادك الطبية بطرق الذاكرة الخارقة 🤔؟

حنتكلم في البوست دى عن طريقة فعالة لمذاكرة مادة الكيمياء الحيوية( Biochemistry)
والطريقة دي تعتبر تقنية من تقنيات عملية الحفظ والتذكر
(((وهي تقنية الربط التسلسلي)))
ومعناه انك تربط بين معلومتين والربط يكون بواسطة حركة

♠️اديك مثال ممل الآن من درس في مادة الكيمياء الحيوية
وهي عملية Glycolysis (تكسير الجولوكوز)
هي عبارة عن دخول الجولوكوز Glucose للخلية ولمن يدخل الجولوكوز
يتحول ل جولوكوز -٦-فوسفات
(glucose -6-p)
‏
والجولوكوز-٦-فوسفات يتحول ل
فركتوز -٦-فوسفات
(fructose -6-p)
والفركتوز-٦-فوسفات يتحول ل

فركتوز -١٫٦ فوسفات
(Fructose 1,6-p)
والفركتوز ١,٦فوسفات حيتقسم لمركبين
المركب الأول اسمه دهب DHAP
والمركب الثاني اسمه جليسر الدهايد -٣ فوسفات
GA,3-p
😵خلينا لحد هنا ونوقف
أنا صدعت من العمليات الكتيرة دي
شفت كيف ان العملية معقدة وحفظها صعب😵

♠️طيب ايش رايك الخصلك الجزء دى بتقنية للحفظ اسمها تقنية الربط التسلسلي

♠️حاليا حألخص الجزء دى بالتقنية دي
اتخيل ان في جولوكوز كبير لونه احمر وعنده يد ورجل جالس يتمشى ولقى باب فراح فتحو
ودخل جوا الخلية
ولمن دخل اتعرف على فوسفات جوا الخلية وارتبطو
هنا اصبح اسمهم بعد الارتباط
جولوكوز -٦-فوسفات

الجولوكوز-٦-فوسفات كان شخص كريم واتوفى وعنده صاحب اسمه فركتوز يحبه
الفركتوز قال لازم أتزوج الفوسفات لأن صحبي الجولوكوز مات وزوجته الفوسفاته عندها اطفال ومحتاجة رعاية فلازم اتزوجها
هنا على طول بعد زواجهم بسنة اصبح اسمهم
فركتوز -٦-فوسفات

المشكلة الفركتوز بان على حقيقته وكان طماع واناني وقال انا عايز اثنين فوسفات ارتبط بيهم والدنيا صغيرة فأحسن اتزوج فوسفات تانية
وهنا اصبح اسمه فركتوز ٦,١-فوسفات

حاليا الفركتوز ٦,١فوسفات كان اناني ومابيعدل بين الفوسفات الاثنين
فطلبو الطلاق وانفصلو منه
وكل واحدة كونت نفسها
وهنا اصبح عندنا مركبين بعد الانفصال
المركب الأول اسمه دهب
والمركب الثاني اسمه جليسر

♠️شفت كيف هنا الطريقة ممتعة
حتى انك مستحيل تنساها
دي طريقة من طرق الحفظ والتذكر
وهي انك تربط بين شيئين عن طريق حركة
أنا هنا ربطت بين كل مركب والثاني عن طريق حركة وغرابة وكوميديا

♠️المدرب وليد اتكلم عن التقنية دي في اليوتيوب
في كورس الذاكرة الخارقة
قال :دماغنا بيحب الغرابة والكوميديا
وانك كل ماكان حفظك معتمد على الغرابة والكوميديا
كل ما كان التذكر اقوى
واكيد الحفظ حيكون ممتع

شفت كيف انك ممكن تحفظ بطريقة ممتعة وسهلة ؟
دماغنا عنده طرق ييحبها في الحفظ
ف مهم تعرف الطريقة اللي بيحبها

🔥طيب ايش رايك تاخذ درس من دروس الكيمياء الحيوية وتطبق التقنية دي

#كيمياء_حيوية
#Biochemistry

#ذاكر_موادك_الطبية_بطرق_الذاكرة_الخارقة

اتكلمنا في البوست الفات عن طريقة للتذكر والحفظ وربطناها مع مادة الكيمياء الحيوية Biochemistry

🔥اليوم عندنا تقنية جديدة للحفظ والتذكر اسمها (((الترابط الأساسي)))
ومعناها:انك تربط شي تعرفو بشي ماتعرفو
خلينا ناخذ مثال حي عن درس من دروس مادة الكيمياء الحيوية
🔷في درس دائرة كريب Krebs cycle
عشان تحفظ المركبات محتاجة وقت وجهد
أنا لخصت المركبات دي في جملة وهي
اميمة واسعد اتزوجو وجابو بنت اسمها ساندي
ساندي اتزوجت وجابت ٦ اطفال
٣ بنات و٣ توأم (التوأم الثلاثي عبارة عن بنتين وولد)
🔹اميمة هي مركب Oxaloacetate
🔹اسعد هو مركب Acetyl CoA
🔹الإبنة اسمها ساندي هي مركب citrate
🔹الحفيدة الأولى اسمها اسوم هي مركبIsocitrate
🔹الحفيدة الثانية اسمها كتايا وهي مركب Alfa keto glutrate
🔹الحفيدة الثالثة اسمها سكينة وهو مركب succinyl co A
🔹التوأم الاول اسمها سكر وهو مركب succinate
🔹التوأم الثاني اسمه فادي و هو مركب Fumarate
🔹التوأم الثالث اسمها ملاك وهي مركب Malate

أنا كدى حفظت المركبات داخل العملية دي بكل سهولة
وتاني ماراح انساها
لأني ربطت اسامي اشخاص اعرفهم بمركبات كيميائية ما بعرفها
ودي طريقة تسمى الترابط الأساسي

🔹شفت انك ممكن تذاكر بسهولة واستمتاع

المجال الطبي حفظه كثير وفهمه برضو
وعشان تقدر تلم أكبر قدر من المعلومات
ضروري يكون عندك سيستم معين تمشي عليه لفهم المواد
وفي نفس الوقت تقدر تسترجع المعلومات دي بكل متعة

🔥حنواصل برضو في البوست الجاي عن طرق للتذكر والحفظ
اول شي اسمع التسجيل اللي رسلته واستمتع

#كيمياء_حيوية
#ذاكر_موادك_الطبية_بطرق_الذاكرة_الخارقة
#Biochemistry

المرة الفاتت اتكلمنا عن تقنيتين اثنين بيساعدونا على الحفظ

اليوم حنتكلم عن التقنية الثالثة للحفظ واسمها
(تقنية حفظ العناصر دون ترتيب)
وهذا انك تربط شي حافظه (يعني ثابت)
بشي مو حافظه
وتربط بينهم الاثنين بحركة🛣️

مثال على كدى درس سلسلة نقل الإلكترونات
Electron transport chain
كان اتكلمنا ان عندنا خمسة بروتينات
او Complex لنقل الإلكترونات
الأول اسمه NAD dehydrogenase
الثاني اسمه succinate dehydrogenase
الثالث اسمه Cytochrome b,c complex
الرابع اسمه Cytochrome A,A3 complex
الخامس اسمه ATP synthase

الخمسة بروتينات عرفنا أنهم خمس اشياء واختصرنا كل واحد منهم:
الأول اسمه نادي رياضي 🤽
الثاني اسمها سكينة تقطيع🔪
الثالث اسمها بستان او حديقة🎡
الرابع اسمها ايثار 💆🏾‍♀️
الخامس اسمه سانتا 🎅🏽

💦دول كلهم الخمسة حنسيمهم قائمة النادي الرياضي
نسبة لإسم اول بروتين
احنا كدى حافظينهم

طيب المشكلة وين؟🤔
المشكلة ان كل بروتين جواه ولد او بداخله مكونات بتنقل الإلكترونات
وعشان نحفظها
حنتعلم كدى بطريقة تقنية حفظ العناصر دون ترتيب
((عشان لمن اجي اسألك من مكونات النادي الرياضي او NAD dehydrogenase
على طول تقول))

خلينا نبدأ🤩
العنصر الأول في القائمة هو النادي الرياضي
وهو نادي يستقبل انواع الفنون ويستقبل حيوانات
الفنون اسمه فن وهو FMN
والحيوان اسمه فيل وهو Fe
طبعا اتخيل النادي الرياضي وجواه انواع الفنون والحيوانات تتحرك بألوانها وزيد غرابة على كيفك

👩🏾‍⚕️يعني بطريقة علمية عندنا بروتين
اسمه NAD dehydrogenase
جواه مركبات بتنقل الالكترونات والمركبات دي اسمها FMN ومركب Fe

دى كله عشان نحفظ ونربط الموقع حق العنصر اللي موجود ومخزن في دماغنا اللي هم البروتينات الخمسة
اللي احنا حافظينها
نربطها بالمكونات اللي جواها بدون ترتيب
‏

💥طيب ايش رايك انت تكمل الربط لباقي البروتينات؟

💥انا حعمل مجموعة تيليغرام ووروني ابداعاتكم في الربط

💦مادة الكيمياء الحيوية مادة مليانة مركبات
وعشان تكون سهلة وممتعة استخدم فيها الخيال وطرق الحفظ الفعالة

#كيمياء_حيوية
#ذاكر_موادك_الطبية_بطرق_الذاكرة_الخارقة
#Biochemistry

دي هي البروتينات الخمسة او 5 Complex
كل واحد منهم جواه مركبات بتنقل الإلكترونات

💥دى هو رابط المجموعة اللي حنتناقش فيه كل فترة

https://t.me/+l9B7WXRPfYJmY2I0

حاليا عايزة منك انك تستخدم التقنية اللي ارسلتها اليوم في باقي الدرس دى

مساء الورد🌼

كيفكم مع أهداف المذاكرة📝

طبعا وأنا بشرح لطالبة طب في السنين الاولى
ارسلت لي شيتها الدراسي
والصورة دي كانت ملخص دروس السمستر الأول

الحاجة الحلوة اني كل يوم اشرح فيه الكيمياء الحيوية بتأكد أكثر من أهمية المادة
طبعا عشان تعرف اهميتها ولأنها أساس الطب
حاول تفهمها ولمن تمشي على مواد المستشفى
حتشكر نفسك انك اديت وقتك وجهدك لمادة
حتفهمك أساس المرض

💦معلوووووومة مهمة
وحدة من الطرق الجميلة لفهم المواد الطبية
وهي الخريطة الذهنية💠
انتو عارفين ان دروس السمستر كلها في الورقة دي؟
كدى انا حكون عارفة انا بذاكر في أي درس وليه بذاكره
والخريطة الذهنية بتخلي الدكتور منظم
في مذاكرته وفهمه لدروسه الطبية

#ذاكر_كيمياء_حيوية_بتقنيات_الذاكرة

حتكلم عن اكثر درس يستصعبه طلبة الطب
وهو درس Glycolysis او تكسير الجولوكوز
الدرس دى بعبع لأغلب الطلبة
وبيكرهه اغلبهم
لانهم مافهموه بطرق مبسطة
انا هنا حديك تريكات بسيطة بتساعدك انك تحب الدرس دى
او على الأقل تهضمه وتفهمه
يلا نقول باسم الله

الGlycolysis او تكسير الجولوكوز
لمن تكون عايز تفهم اي درس
لازم تفهم معنى الكلمة اول شي
Glyco من جولوكوز
Lysis من تكسير
يعني تكسير الجولوكوز
دي النقطة الأولى

النقطة الثانية اننا نقسم عملية تكسير الجولوكوز
لقسمين
قسم بيستهلك طاقة وعبارة عن خمس عمليات
وقسم بينتج طاقة عبارة عن خمس عمليات

النقطة الثالثة
ان الخمسة عمليات في الجزء الاول اللي تستهلك طاقة راح احكيها على شكل قصة
عندنا ابطال القصة هم الجولوكوز والفركتوز ودهب وجلال والفوسفات

💠الجولوكوز دخل جوة الخلية بعدين اتلصق فيه فوسفات وبعده جى صحبه الفركتوز متلصقة فيه فوسفات وحدة
بعد كدى جات فوسفات تانية اتلصقت فيه
فإتضايق الفركتوز وقرر يفصل كل فوسفات لحالها
فكوّنو مركبين
المركب الأول اسمه دهب
المركب الثاني اسمه جلال

حاليا حقول ليكم اسامي المركبات العلمية بالترتيب

1_Glucose
2_Glucose-6-phosphate
3_Fructose-6-phosphate
4_Fructose-1,6 B phosphate
بعدين حصل انقسام وحصلنا على مركبين
5_first molecule is DHAP المركب الأول
6_second molecule is GA3P المركب الثاني

💦 هنا استخدمت تقنية من تقنيات الذاكرة الخارقة اسمها الربط التسلسلي عن طريق قصة

💦دي كانت تريكات بسيطة عشان تفهم الدرس الأول من دروس الكاربوهايدريت

حكمل باقي الدرس دى في البوست اللي جاي
حنتكلم المرة الجاية عن القسم الثاني

#ذاكر_كيمياء_حيوية_بتقنيات_الذاكرة
#كيمياء_حيوية
#Biochemistry