អតិថិជនជាទីគោរព! ថ្មីៗនេះ យើងខ្ញុំបានសង្កេតឃើញមាន ការកើនឡើងនៃសកម្មភាពឆបោកនៅលើបណ្ដាញសង្គម និងកម្មវិធីឆាតផ្សេងៗដូចជា ហ្វេសប៊ុក និងតេឡេក្រាម។

ជនឆបោក អាចហែគ (hack) អាខោនកម្មវិធីឆាតរបស់អ្នកណាម្នាក់ ហើយប្រើអាខោននោះ ឆាតទាក់ទងទៅមិត្តភក្តិ ឬក្រុមគ្រួសារ ដើម្បីខ្ចីលុយ ឬឲ្យគេផ្ញើលុយឲ្យ។

សូមបង្កើនការប្រុងប្រយ័ត្នខ្ពស់បំផុត ប្រសិនបើមានមិត្តភក្តិ ឬក្រុមគ្រួសារប្រាប់ឲ្យអ្នកផ្ញើលុយ ឬខ្ចីលុយ ព្រោះអាខោននោះ អាចនឹងត្រូវប្រើប្រាស់ដោយជនឆបោក ឬ hacker។ ដើម្បីកុំឲ្យធ្លាក់ក្នុងល្បិចរបស់ពួកគេ អ្នកគួរតែទូរស័ព្ទទៅនិយាយ ឬជួបជាមួយមិត្តភក្តិ ដែលកំពុងស្នើសុំនោះសិន ដើម្បីបញ្ជាក់ថា ជារូបគេពិត ឬមិនមែន ជាពិសេស នៅពេលគេប្រាប់ឲ្យអ្នកផ្ញើលុយនោះទៅអ្នកផ្សេងម្នាក់ទៀត ឬភាគីទីបី ដែលមិនមែនជាបុគ្គលកំពុងស្នើសុំផ្ទាល់។
ដើម្បីសុវត្ថិភាពរបស់លោកអ្នក យើងខ្ញុំបានរៀបចំអត្ថបទខ្លីមួយអំពីគន្លឹះការពារអាខោនបណ្ដាញសង្គម និងកម្មវិធីឆាតរបស់អ្នកឲ្យមានសុវត្ថិភាព។
សូមអាន និងចែកចាយបន្ដនូវព័ត៌មាននេះ ទៅកាន់ក្រុមគ្រួសារ និងមិត្តភក្ដិរបស់អ្នក។ bit.ly/3TaOP7M

#ABABank #ScamAlert

🛡អតិថិជនជាទីគោរព! យើងខ្ញុំ សូមរំលឹកលោកអ្នកអំពីសកម្មភាពឆបោកថ្មីៗនេះ ពាក់ព័ន្ធនឹងការបន្លំកូដ QR នៅតាមហាង។ ជនឆបោកបានព្រីន កូដ QR ផ្ទាល់ខ្លួនរបស់គេ ហើយយកទៅបិទពីលើកូដ QR របស់ម្ចាស់ហាង —ការធ្វើបែបនេះ ទឹកប្រាក់ដែលអតិថិជនបង់ នឹងចូលទៅគណនីរបស់ជនខិលខូចទាំងនោះ។

យើងខ្ញុំតែងតែយកចិត្តទុកដាក់ចំពោះសុវត្ថិភាពរបស់លោកអ្នក ដូច្នេះ យើងខ្ញុំបានរៀបចំអត្ថបទមួយដែលនិយាយអំពីគន្លឹះសំខាន់ៗ ត្រង់នេះ bit.ly/437vJmS ដែលលោកអ្នកអាចអនុវត្តបាន ដើម្បីការពារកុំឲ្យធ្លាក់ក្នុងអន្ទាក់ជនខិលខូច ពេលទូទាត់ប្រាក់តាមកូដ QR។

🛡Dear customers, we want to alert you on a recent scamming activity involving QR codes at stores. Scammers are printing their own QR codes and placing them over legitimate ones, tricking customers into sending payments to their accounts.

We care about your safety and have prepared an instruction on how to protect yourself from such QR code scams. Check it out here bit.ly/42PmBUl and share it with your friends and family.

#ABABank #ScamAlert

សាររំលឹកដ៏សំខាន់សម្រាប់អតិថិជនទាំងអស់៖ មិនត្រូវប្រាប់ ឬបង្ហាញគេជាដាច់ខាត សម្រាប់រាល់លេខសម្ងាត់ (PIN) 4ខ្ទង់, ពាក្យសម្ងាត់, កូដផ្ទៀងផ្ទាត់ដែលទទួលពីសារ SMS / សារជូនដំណឹងរបស់ ABA Mobile! ប្រសិនបើមានគេស្នើសុំព័ត៌មានទាំងនេះ មានន័យថា គេកំពុងប៉ុនប៉ងបោកបញ្ឆោតអ្នកហើយ ទោះបីបុគ្គលនោះអះអាងថាខ្លួនគេជាបុគ្គលិក ABA ក៏ដោយ។

សូមអានគន្លឹះសុវត្ថិភាពរបស់យើងខ្ញុំ ដើម្បីដឹងពីវិធីការពារគណនីរបស់អ្នកពីជនឆបោក រួចហើយសូមជួយចែករំលែកព័ត៌មាននេះទៅកាន់មិត្តភក្តិ និងគ្រួសាររបស់អ្នកឲ្យបានដឹងផង! https://bit.ly/3exI404

Important reminder to all customers: never reveal to anyone your ABA Mobile PIN, Secret Word, or One-Time Password from SMS/push notification! Even those claiming to be an ABA staff and requesting such information are attempting to scam you.

Read our tips to learn how to keep your bank account safe and share it to your friends and family! https://bit.ly/45FviCm

#ABABank #ScamAlert

👉 មើលវីដេអូតាមលីងនេះ៖ https://youtu.be/Nwf-HhfqvuA

ល្បិចកលជនឆបោក ត្រូវបានលាតត្រដាង! មកដឹងពីល្បិច និងគន្លឹះសំខាន់ៗ ដើម្បីការពារខ្លួន កុំឲ្យក្លាយជាជនរងគ្រោះ! 🤫🚫
លោក សុខគា នឹងបង្ហាញលោកអ្នក រាល់ល្បិចជនឆបោកតាមរយៈសាច់រឿងជនរងគ្រោះម្នាក់ អមដោយចម្រៀងចាប៉ីកំប្លុកកំប្លែងដ៏ប៉ិនប្រសប់របស់គាត់។ សូមទស្សនាវីដេអូនេះរហូតដល់ចប់ ដើម្បីដឹងរាល់ល្បិច និងវិធីការពារខ្លួនអ្នក ពីល្បិចបោកប្រាស់របស់ជនឆបោក។ 💪🧠

ពេលទស្សនារួច កុំភ្លេចចែករំលែកវីដេអូនេះជាមួយមិត្តភក្ដិ និងក្រុមគ្រួសារផងណា៎ ដើម្បីចែករំលែកចំណេះដឹងដ៏សំខាន់នេះ និងជួយឲ្យពួកគាត់បង្កើនការប្រុងប្រយ័ត្ន! 🌟🗣

Unveiling Scammers: Learn their Tricks and Tips to Avoid Falling Victim! 🤫🚫
Our talented Chapei Dang Veng singer Sok Kea takes you on a journey through various scammer tricks. Watch this video until the end, and you will be equipped with the knowledge and skills that are essential in protecting yourself against their deceitful tactics. 💪🧠

Don’t forget to share this video with your friends and family to spread the knowledge and help them stay vigilant! 🌟🗣

#ABABank #ScamAlert

👉 មើលវីដេអូតាមលីងនេះ៖ https://youtu.be/SfpeLwYs7r4

ប្រើសេវាធនាគារជាមួយ ABA គឺលឿន ស្រួល និងសុវត្ថិភាពបំផុត។ ⚠️កំហុសអាចកើតឡើងបានគ្រប់ពេល ប្រសិនបើអ្នកផ្ទេរប្រាក់ទៅឲ្យអ្នកណាម្នាក់ទាំងប្រញាប់ប្រញាល់ ដោយមិនបានមើលឈ្មោះ និងលេខគណនីទទួលឲ្យបានច្បាស់លាស់។

ក្នុងវីដេអូថ្មីនេះ លោកអ្នកនឹងឃើញពីការធ្វេសប្រហែសរបស់ នារី ដែលសឹងតែខាតបង់លុយកាក់​។ លោក សុខ គា បានមកដល់ទាន់ពេល — ដែលនេះ ជាការដាស់តឿនដល់​យើងទាំងអស់គ្នា ឲ្យចេះពិនិត្យឈ្មោះអ្នកទទួល និងលេខគណនី ម្ដងហើយ ម្ដងទៀត ជានិច្ច មុនចុចផ្ទេរ។

សូមចែករំលែកវីដេអូនេះ ដើម្បីបង្កើនការយល់ដឹង និងចែកចាយចំណេះដឹងដល់មិត្តភក្ដិ ឬគ្រួសារ ចៀសវាងកុំឲ្យខាតបង់លុយកាក់!

Banking with ABA is secure, quick, and convenient. ⚠️ Mistakes can happen when you are too rushed into transfers without verifying the receiver's name and account number.

In our newest video, witness the gripping moment when Neary's carelessness nearly led to a devastating outcome. Our talented Chapei Dang Veng singer Sok Kea's timely intervention serves as a reminder to us all: always double-check the receiver's name and account number.

Share this captivating story to raise awareness and empower others to protect themselves! 🗣️💪

#ABABank #ScamAlert

👉 មើលវីដេអូតាមលីងនេះ៖ https://youtu.be/OyqqE_V4hXc

ជាមួយ ABA លុយកាក់របស់លោកអ្នក មានសុវត្ថិភាពបំផុត។ ជនខិលខូច មិនអាចប៉ះពាល់ប្រាក់របស់អ្នកបានឡើយ លុះត្រាតែលោកអ្នក ប្រគល់កូនសោសុវត្ថិភាពទៅឲ្យពួកគេ។

ហេតុនេះហើយ ពួកគេតែងតែព្យាយាម ប្រើល្បិច ធ្វើឲ្យលោកអ្នកបង្ហាញ ឬប្រាប់ព័ត៌មានសម្ងាត់ដល់ពួកគេ។ ព័ត៌មានសម្ងាត់ទាំងនោះ មានដូចជា លេខសម្ងាត់/ពាក្យសម្ងាត់ ABA Mobile, លេខកាតទាំង 16 ខ្ទង់ ឬលេខ CVV និងព័ត៌មានសំខាន់ៗមួយចំនួនទៀត។

សូមកុំចាញ់ល្បិច និងកុំប្រាប់ពួកគេពីព័ត៌មានសម្ងាត់ទាំងនោះឲ្យសោះ។ សូមទស្សនាវីដេអូដ៏សំខាន់មួយនេះ ដើម្បីដឹងពីវិធីការពារ កុំឲ្យចាញ់ល្បិចជនឆបោក!
ពេលទស្សនារួច សូមជួយចែករំលែក ដល់មិត្តភក្តិ និងក្រុមគ្រួសាររបស់អ្នកផងណា៎ ដើម្បីឲ្យពួកគាត់ដឹងពីវិធីការពារខ្លួនដូចអ្នកដែរ។

#ABABank #ScamAlert

អតិថិជនជាទីគោរព!
យើងខ្ញុំបានសង្កេតឃើញមាន សកម្មភាពបោកប្រាស់តាមសារ SMS ដោយជនឆបោកសុំឱ្យអតិថិជន​ បើកលីង ក្លែងបន្លំក្នុងសារ SMS និងបំពេញព័ត៌មានគណនី​ឡើងវិញ។ ទង្វេីនេះ ជាការឆបោកសុទ្ធសាធ!

ប្រសិនបើលោកអ្នកធ្លាប់ទទួលបានសារ SMS បែបនេះ សូមកុំបើក ឬចុចលីង ក្នុងសារនោះឲ្យសោះ! ទោះក្នុងកាលៈទេសៈណាក៏ដោយ សូមកុំប្រាប់ ឬផ្ដល់ព័ត៌មានសម្ងាត់ ទិន្នន័យផ្ទាល់ខ្លួន និង/ឬកូដផ្ទៀងផ្ទាត់ដល់នរណាម្នាក់ជាដាច់ខាត់។ រាល់បញ្ហាពាក់ព័ន្ធ សូមជូនដំណឹងមក ABA ភ្លាមៗ តាមរយៈលេខ 1 800 203 203 (ឥតគិតថ្លៃ ក្នុងប្រទេសកម្ពុជា)។

ក្នុងករណីដែលលោកអ្នកបានបើក ឬចុចលីងនោះ និងបានបញ្ចូលព័ត៌មានតាមពួកគេរួចហើយ សូមធ្វើការផ្លាស់ប្តូរពាក្យសម្ងាត់ (Secret Word) របស់អ្នកឡើងវិញ ហើយប្តូរលេខ PIN 4 ខ្ទង់ នៃ ABA Mobile របស់លោកអ្នកឲ្យឆាប់ជាទីបំផុត។

សូមអានគន្លឹះសុវត្ថិភាពរបស់យើងខ្ញុំ ដើម្បីដឹងពីវិធីការពារគណនីរបស់អ្នកពីជនឆបោក រួចហើយសូមជួយចែករំលែកព័ត៌មាននេះទៅកាន់មិត្តភក្តិ និងគ្រួសាររបស់អ្នកឲ្យបានដឹងផង! https://bit.ly/3exI404

#ABABank #ScamAlert

🛡 ធនាគារយើងខ្ញុំប្ដេជ្ញាយ៉ាងមុតមាំចំពោះសុវត្ថិភាពរបស់លោកអ្នក។ ហេតុនេះហើយ ទើបយើងខ្ញុំតែងតែ ផ្ដល់គន្លឹះសំខាន់ៗជាប្រចាំ ដើម្បីជួយឲ្យលោកអ្នកការពារព័ត៌មានហិរញ្ញវត្ថុរបស់ខ្លួន ពីល្បិចជនឆបោកតាមប្រព័ន្ធបច្ចេកវិទ្យា។

នៅចាំវិធីការពារទេ? ងាយៗ — កុំចុចលីងតាមសារ ដែលឲ្យលោកអ្នកផ្ដល់ព័ត៌មានសម្រាប់បេីកចូលគណនីធនាគារ ព័ត៌មានផ្ទៀងផ្ទាត់អត្តសញ្ញាណ ឬបញ្ជាក់ព័ត៌មានគណនី ជាដេីម។

សូមចងចាំថា ធនាគារ ABA នឹងមិនធ្វើការទាក់ទងតាមទូរស័ព្ទ ឬផ្ញើសារ ដើម្បីស្នើសុំព័ត៌មានសម្រាប់បើកចូល ABA Mobile លេខកូដទទួលតាមសារ ឬលេខកាត 16 ខ្ទង់របស់អ្នកឡើយ។

ប្រសិនបើលោកអ្នកមានការសង្ស័យ ឬដឹងថាខ្លួនរងគ្រោះ ពីការបោកបញ្ឆោតតាមអនឡាញ សូមទាក់ទងមកយើងខ្ញុំជាបន្ទាន់ តាមរយៈ 1 800 203 203 (តេនៅកម្ពុជា ឥតគិតថ្លៃ)។
លោកអ្នក ក៏អាចរាយការណ៍ភ្លាមៗដល់នគរបាលជាតិប្រឆាំងបទល្មើសបច្ចេកវិទ្យាតាមរយៈ www.hotline.police.gov.kh តេទៅកាន់ទូរស័ព្ទប្រចាំការ 24/7 ដែលមានលេខ 023 726 822។

#ABABank #ScamAlert

🛡យើងខ្ញុំបន្ដប្ដេជ្ញា​ចំពោះសុវត្ថិភាពរបស់លោកអ្នក ហើយជាប្រចាំតែងតែផ្ដល់នូវគន្លឹះសំខាន់ៗ ដើម្បីធានាថា លុយនៅក្នុងគណនីរបស់អ្នក​ រក្សាទុកយ៉ាងមានសុវត្ថិភាព។ ជនឆបោក មិនអាចលួចលុយរបស់អ្នកបានទេ ប្រសិនបើអ្នកមិនឲ្យសោទៅពួកគេ ដើម្បីបើកចូលគណនី! ដូច្នេះហើយទើបយើងខ្ញុំ តែងតែក្រើនរំលឹកអ្នក៖ ដាច់ខាតមិនត្រូវបញ្ចេញព័ត៌មានលម្អិតអំពីការចូលគណនី ABA Mobile លេខកូដ OTP ដែលទទួលបានពីសារ SMS ​និងសារដំណឹង ឬលេខទូរស័ព្ទភ្ជាប់គណនី ជាមួយធនាគារឡើយ – ទោះបីជាមានបុគ្គលណាម្នាក់អះអាងថា ខ្លួនជាបុគ្គលិក ABA ក៏ដោយ។ សូមចងចាំថា ធនាគារ ABA នឹងមិនស្នើសុំព័ត៌មានសម្ងាត់ទាំងនោះពីអតិថិជនណាម្នាក់ឡើយ។

ខណៈការបង្កើនការប្រុងប្រយ័ត្នមានភាពចាំបាច់ "សោមុខ" ដែលជាមុខងារសុវត្ថិភាពថ្មីរបស់ ABA Mobile ​ផ្ដល់នូវខែលការពារដែលមិនអាចបំបែកបាន! មុខងារនេះ ប្រើប្រាស់ផ្ទៃមុខផ្ទាល់ជាក់ស្ដែងរបស់លោកអ្នកធ្វើជាសោ ដែលអ្នកផ្សេង ដាច់ខាត មិនអាចលួចយក ABA Mobile របស់លោកអ្នក ទៅប្រើបានឡើយ។

ប្រសិនបើអ្នកសង្ស័យថាមានករណីក្លែងបន្លំណាមួយ សូមជូនដំណឹងមក ABA ភ្លាមៗតាមរយៈលេខ 1 800 203 203 (ដោយមិនគិតថ្លៃ នៅក្នុងប្រទេសកម្ពុជា)។

#ABABank #ScamAlert

🛡ប្រើសេវាធនាគារជាមួយ ABA មានសុវត្ថិភាព​ និងទំនុកចិត្តខ្ពស់ ហើយយើងខ្ញុំធានាថា ​ទឹកប្រាក់ក្នុងគណនីរបស់អ្នកត្រូវបានការពារយ៉ាងរឹងមាំ ជាមួយសុវត្ថិភាពពង្រឹងបន្ថែមពីក្រុមហ៊ុនសន្តិសុខបច្ចេកវិទ្យាលំដាប់កំពូលៗរបស់ពិភពលោក។ ជនឆបោក មិនអាចប៉ះពាល់ ឬលួចលុយរបស់អ្នកបានទេ ប្រសិនបើអ្នកមិនឲ្យសោទៅពួកគេ ដើម្បីបើកចូលគណនី! ដូច្នេះហើយ ទើបយើងខ្ញុំតែងតែរំលឹកលោកអ្នកជាប្រចាំ ដោយផ្ដល់នូវគន្លឹះសុវត្ថិភាព ដើម្បីការពារអ្នកកុំឲ្យចាញ់ល្បិចឆបោក ដែលជនខិលខូចតែងតែព្យាយាមបោកឲ្យលោកអ្នកប្រាប់ ឬផ្ដល់ព័ត៌មានសម្ងាត់ទៅពួកគេ។ ខាងក្រោមនេះ គឺជាចំណុចដែលអ្នកគួរធ្វើ និងចំណុចដែលអ្នកមិនត្រូវធ្វើ៖

✅ គួរធ្វើ៖
🔐 បង្កើនកម្រិតលេខសម្ងាត់របស់អ្នក៖ ពង្រឹងសុវត្ថិភាពគណនីរបស់អ្នក ដោយដូរមកប្រើលេខសម្ងាត់ 6ខ្ទង់។ លេខសម្ងាត់ច្រើនខ្ទង់ ធ្វើឲ្យអ្នកដទៃ​ពិបាកតាមមើល ឬស្មានដឹង។
👤​បើកមុខងារ សោមុខ៖ ប្រើផ្ទៃមុខរបស់អ្នក ធ្វើជាសោ! មុខងារ សោមុខ នៅក្នុង ABA Mobile ​បន្ថែមខែលការពារមួយជាន់ទៀតដែលមិនអាចបំបែកបាន។ មានមុខងារនេះហើយ អ្នកនឹងមានទំនុកចិត្តខ្ពស់បំផុត ព្រោះគ្មានអ្នកណាអាចធ្វើប្រតិបត្តិការ ឬចូលគណនីរបស់អ្នកដោយគ្មានផ្ទៃមុខរបស់អ្នកឡើយ ទោះបីគេដឹងលេខសម្ងាត់របស់អ្នកដោយ។ មុខងារនេះ មិនអាចយករូបថត ឬវីដេអូ មកបន្លំធ្វើជាអ្នកឡើយ។
📈 តាមដានប្រតិបត្តិការ៖ ឧស្សាហ៍ចូលមើលគណនី ដូច្នេះ រាល់ប្រតិបត្តិការមិនអាចរំលងពីភ្នែករបស់អ្នកបានឡើយ។ ប្រសិនបើអ្នកឃើញមានភាពមិនប្រក្រតីណាមួយ សូមទាក់ទងមក ABA ភ្លាមៗតាមលេខ 1 800 203 203 (ប្រព័ន្ធទូរស័ព្ទឥតគិតថ្លៃក្នុងប្រទេសកម្ពុជា)។

🚫កុំធ្វើ៖
❌កុំប្រាប់ ឬផ្ដល់ព័ត៌មានសម្ងាត់ឲ្យគេ ទោះគេជាអ្នកណាក៏ដោយ៖ កុំប្រាប់/បង្ហាញ លេខសម្ងាត់, ព័ត៌មានសម្រាប់បើកចូលគណនី ABA Mobile ឬកូដ OTP។ សូមចងចាំថា ធនាគារ ABA នឹងមិនស្នើសុំព័ត៌មានទាំងនោះពីអតិថិជនណាម្នាក់ឡើយ!
⚠️ កុំចុចលើលីងផ្ដេសផ្ដាស៖ ​ចៀសវាងដាច់ខាត កុំចុចលើលីងដែលមិនស្គាល់ប្រភព — ​លីងនោះ អាចជា​លីងបោកបញ្ឆោត Phishing​។

​សូមបង្កើនការប្រុងប្រយ័ត្ន និងការពារលុយកាក់របស់អ្នក ដោយអនុវត្តតាមជំហានងាយៗទាំងនេះ! ប្រសិនបើអ្នកសង្ស័យថាមានករណីក្លែងបន្លំណាមួយ សូមជូនដំណឹងមក ABA ភ្លាមៗ។ អ្នកក៏អាចទាក់ទងទៅកាន់ នគរបាលជាតិប្រឆាំងបទល្មើសបច្ចេកវិទ្យា www.hotline.police.gov.kh ឬលេខទូរស័ព្ទប្រចាំការ 023 726 822 ដើម្បីរាយការណ៍អំពីករណីឆបោក ឬក្លែងបន្លំ។

#ABABank #ScamAlert #SafeBankingTips

ជាមួយ ABA Mobile អ្នកអាចប្រេីប្រាស់យ៉ាងងាយស្រួល និងសុវត្ថិភាព។ ប៉ុន្តែ សូមកុំភ្លេចផ្ទៀងផ្ទាត់មុនផ្ទេរ ដេីម្បីកុំឲ្យផ្ញេីខុស! យើងខ្ញុំសូមរំលឹកលោកអ្នក សូមពិនិត្យព័ត៌មានឲ្យច្បាស់ ដូចជាឈ្មោះ និងលេខគណនីអ្នកទទួល, ចំនួនទឹកប្រាក់ មុនចុចផ្ទេរ។

មួយវិញទៀត សូមប្រុងប្រយ័ត្ន នៅពេលមានអ្នកណាម្នាក់ សុំឲ្យអ្នកផ្ញេីលុយឲ្យ។ មុននឹងផ្ញើ សូមខលបញ្ចាក់ជាមួយអ្នកដែលស្នើសុំនោះជាមុនសិន ដើម្បីប្រាកដថា ពិតជាចេញពីមនុស្សដែលអ្នកស្គាល់ប្រាកដមែន ព្រោះថា ពេលខ្លះពួកឆបោក អាចបន្លំធ្វើជាមិត្តភក្ដិ ឬសាច់ញាតិរបស់អ្នក ដើម្បីឲ្យអ្នកផ្ញើលុយទៅពួកគេ។

ដើម្បីសុវត្ថិភាព យើងខ្ញុំបានរៀបចំអត្ថបទមួយអំពី របៀបក្នុងការការពារខ្លួនអ្នកពីជនឆបោក។ សូមអាន រួចចែករំលែកអត្ថបទនេះជាមួយមិត្តភក្ដិ និងក្រុមគ្រួសារផងណា៎។ https://bit.ly/3exI404
បង្កើនការប្រុងប្រយ័ត្ន ខណៈប្រើប្រាស់សេវាធនាគារដ៏ងាយស្រួលជាមួយ​ ABA Mobile!

#ABABank #ScamAlert #FinancialTips

សុវត្ថិភាពរបស់លោកអ្នក គឺជាអាទិភាពចម្បងបំផុតរបស់យើងខ្ញុំ ក្នុងកិច្ចការបម្រើសេវាហិរញ្ញវត្ថុដ៏ងាយស្រួលជូនលោកអ្នក។ 🔐 ប្រើសេវាធនាគារជាមួយ ABA លោកអ្នកមានសុវត្ថិភាពពេញលេញ — ជនឆបោក មិនអាចប៉ះពាល់លុយកាក់របស់លោកអ្នកបានជាដាច់ខាត ប្រសិនបើលោកអ្នកមិនឲ្យសោទៅពួកគេ ដើម្បីបើកចូលគណនី! ដូច្នេះហើយ ទើបយើងខ្ញុំតែងតែផ្ដល់នូវគន្លឹះសំខាន់ៗជាប្រចាំ ដើម្បីឲ្យលោកអ្នកបង្កើនការប្រុងប្រយ័ត្ន កុំឲ្យចាញ់ល្បិចជនឆបោក។

សូមចងចាំថា លេខកូដ OTP ដែលទទួលបានពីសារ SMS, លេខសម្ងាត់ ABA Mobile, លេខកាត 16 ខ្ទង់ និងលេខ CVV របស់លោកអ្នក គឺជាសោសម្ងាត់ដ៏សំខាន់បំផុត។ ដូច្នេះ ដាច់ខាត កុំប្រាប់ ឬចែករំលែកសោទាំងនេះ ជាមួយអ្នកណាម្នាក់ឲ្យសោះ ទោះបីជាពួកគេអះអាងថា ខ្លួនគេជាបុគ្គលិកធនាគារ ABA ក៏ដោយ! គួរចងចាំផងដែរថា ធនាគារយើងខ្ញុំ នឹងមិនស្នើសុំព័ត៌មានទាំងនេះពីអតិថិជនណាម្នាក់ឡើយ។ អ្នកដែលស្នើសុំ គឺសុទ្ធតែជាជនឆបោក!

🛡 ដើម្បីសុវត្ថិភាពបន្ថែម សូមបើកមុខងារ "សោមុខ" នៅលើ ABA Mobile របស់អ្នក។ មុខងារនេះ ធានាថា ក្រៅពីអ្នក ដាច់ខាត មិនមានអ្នកណាម្នាក់អាចចូលប្រើគណនីរបស់អ្នកបានឡើយ ទោះបីជាពួកគេស្គាល់លេខគណនី និងលេខសម្ងាត់ PIN របស់អ្នកក៏ដោយ។

ប្រសិនបើអ្នកសង្ស័យថាមានករណីក្លែងបន្លំណាមួយ សូមជូនដំណឹងមក ABA ភ្លាមៗតាមរយៈលេខ 1 800 203 203 (ដោយមិនគិតថ្លៃ នៅក្នុងប្រទេសកម្ពុជា)។ អ្នកក៏អាចទាក់ទងទៅកាន់ នគរបាលជាតិប្រឆាំងបទល្មើសបច្ចេកវិទ្យាតាមរយៈ www.hotline.police.gov.kh ឬលេខទូរស័ព្ទប្រចាំការ 023 726 822 ដើម្បីរាយការណ៍អំពីករណីឆបោក ឬក្លែងបន្លំ។

#ABABank #ScamAlert

ពេញចិត្តភាពងាយស្រួល និងសុវត្ថិភាពរបស់ ABA Mobile មែនអត់? 🌟 ហេតុដូ​ច្នេះហើយ ទើបយើងខ្ញុំ តែងតែរំលឹកលោកអ្នកជាប្រចាំ ឲ្យផ្ទៀងផ្ទាត់មុនផ្ទេរ ចៀសវាងផ្ញេីខុស − ដើម្បីធានាថាការប្រើប្រាស់របស់លោកអ្នកដំណើរការដោយរលូន ត្រឹមត្រូវ និងសុវត្ថិភាពជានិច្ច។❗️

✅ មុនចុចផ្ទេរ សូមពិនិត្យព័ត៌មានឲ្យច្បាស់ ដូចជាឈ្មោះ និងលេខគណនីអ្នកទទួល ចំនួនទឹកប្រាក់។
✅ សូមប្រយ័ត្នចំពោះ QR ដែលមិនធ្លាប់ស្គែន ឈ្មោះអ្នកទទួលដែលមិនធ្លាប់ស្គាល់ ឬមានអ្នកស្គាល់ណាម្នាក់ឆាតឲ្យផ្ញើលុយឲ្យ។ ប្រសិនបើអ្នកមិនស្គាល់កូដ QR ឬឈ្មោះអ្នកដែលទទួលដែលបង្ហាញនោះទេ សូមកុំទាន់អាលចុចផ្ទេរ — ត្រូវទូរស័ព្ទទៅសួរបញ្ជាក់ជាមួយម្ចាស់ប្រូហ្វាលដែលឆាតមកនោះសិន ដើម្បីឲ្យដឹងច្បាស់ថា គណនី/ QR របស់ពួកគេពិតប្រាកដមែន។
✅ ដើម្បីចៀសវាងបញ្ហាក្លែងបន្លំប្រូហ្វាលពីជនឆបោក ​សូមផ្ទេរតាម ឆាតក្នុងអេប ABA​ Mobile វិញ — លឿនស្រួល ហើយមិនចេះច្រឡំ។ 💬 ឆាតក្នុងអេប ABA​ Mobile ជាកន្លែងសុវត្ថិភាពតែមួយគត់ ដែលជនឆបោកមិនអាចក្លែងបន្លំធ្វើជាបងប្អូនមិត្តភក្តិ ឬបុគ្គលដែលអ្នកស្គាល់បានដូចអេបឆាតផ្សេងៗឡើយ។ ផ្ញើលុយបានភ្លាមៗក្នុងឆាត ពេលកំពុងឆាត ទៅកាន់ម្ចាស់គណនីពិតប្រាកដ ហើយអាចបដិសេធសំណើសុំឆាតពីបុគ្គលដែលអ្នកមិនស្គាល់ ឬមិនទុកចិត្ត!

🔐 បើអ្នកមិនទាន់មាន ABA Mobile នោះអ្នកកំពុងខាតប្រយោជន៍យ៉ាងច្រើន ពិសេសការប្រើប្រាស់ដ៏ងាយស្រួល និងសុវត្ថិភាពជាងគេបំផុត។

អញ្ចឹង នៅចាំអីទៀត ដោនឡូត ABA Mobile ប្រើឥឡូវទៅ! aba.onelink.me/oRF8/ABAmobile

#ABABank #ScamAlert

🚨សូមមានការប្រុងប្រយ័ត្ន ចំពោះបុគ្គលដែលអះអាងថាជាបុគ្គលិក ឬតំណាង ABA ក្នុងបណ្ដាញតេឡេក្រាម ទោះបីជារូបប្រូហ្វាល មើលទៅពិតក៏ដោយ។
ជនឆបោក អាចលួចយករូបថតបុគ្គលិក ABA ហើយតាំងខ្លួនជា ក្រុមការងារធនធានមនុស្ស (HR) ជាបុគ្គលិកឥណទាន ជាក្រុមការងារផ្នែកលក់ ឬក្រុមការងារក្នុងផ្នែកផ្សេងៗ ដោយសន្យាអ្វីមួយគួរឲ្យចាប់អារម្មណ៍ ឬបំភិតបំភ័យជាដើម។
យើងខ្ញុំ សូមបញ្ជាក់ថា៖

🚫 បុគ្គលិក ABA ពិតប្រាកដ នឹងមិនស្នើឲ្យអ្នក ឬអតិថិជន ធ្វើការទូទាត់ផ្ទាល់ទៅកាន់ពួកគេឡើយ។ ប្រសិបើមានបុគ្គលណាម្នាក់ ស្នើឲ្យអ្នកបង់លុយ ឬផ្ទេរលុយទៅពួកគេផ្ទាល់ — មិនថាបង់កម្ចី បង់លុយដើម្បីបានការបញ្ចុះតម្លៃ ឬការផ្ដល់ជូនពិសេស ឬការស្នើសុំ ឬបង្គាប់បញ្ជាណាមួយពាក់ព័ន្ធនឹងរឿងលុយកាក់ − គឺជាការឆបោកសុទ្ធសាធ!
🚫 ត្រូវទាក់ទងសួរ ABA សិន មុនធ្វើតាមការស្នើសុំ ឬការបង្គាប់បញ្ជារបស់បុគ្គលណាម្នាក់។ ទោះរូបប្រូហ្វាលនោះជាបុគ្គលដែលអ្នកធ្លាប់ស្គាល់ ឬធ្លាប់ទាក់ទងយូរមកហើយក្ដី ក៏ដាច់ខាត កុំជឿតាមការអះអាង ដែលថាពួកគេជាបុគ្គលិក ABA ពិសេសនៅពេលពាក់ព័ន្ធនឹងរឿងលុយកាក់ ឬសេវាធនាគារ។

បើមានបុគ្គលណាសន្យា ឬអះអាងផ្សេងៗ សូមសាកសួរ ABA ដើម្បីបញ្ជាក់ការពិត ជាមុនសិន ដោយតេមកលេខ 1 800 203 203 (ឥតគិតថ្លៃក្នុងប្រទេសកម្ពុជា) ឬទាក់ទងបណ្ដាញផ្លូវការផ្សេងៗទៀតរបស់ធនាគារ។

សូមមានការប្រុងប្រយ័ត្ន − ត្រូវសាកសួរធនាគារជានិច្ច មុនជឿតាមអ្នកណាម្នាក់!

#ABABank #ScamAlert

🛡 ប្រើសេវាធនាគារជាមួយ ABA ប្រកបដោយសុវត្ថិភាព និងឆ្លាតវៃ! ដឹងគន្លឹះសំខាន់ៗទាំងនេះ ជនកន្លែងបន្លំ មិនអាចបោកអ្នកបានទេ៖

1️⃣ កុំប្រាប់/ផ្ញើព័ត៌មានគណនី ឬព័ត៌មានកាតរបស់អ្នក ឲ្យអ្នកណាម្នាក់ឲ្យសោះ។ ជនឆបោក អាចបន្លំធ្វើជាបុគ្គលិក ABA ដើម្បីបញ្ឆោតឲ្យអ្នកប្រាប់ព័ត៌មានសុវត្ថិភាពគណនីរបស់អ្នក​ ដូចជាលេខគណនី, លេខសម្ងាត់ PIN ឬលេខកាត 16 ខ្ទង់ជាដើម។ ការពិត ធនាគារ ឬបុគ្គលិក ABA ពិតប្រាកដ ដាច់ខាត មិនស្នើសុំព័ត៌មានសម្ងាត់ទាំងនេះពីអ្នកឡើយ មិនថាតាមរយៈការហៅទូរស័ព្ទ ឬផ្ញើសារ ឬជួបផ្ទាល់។

2️⃣ កុំចុចលើលីងណាមួយ ដែលអ្នកមិនស្គាល់ប្រភពច្បាស់។ ជនឆបោក អាចប្រើល្បិចដោយផ្ញើលីងក្លែងបន្លំ តាមសារ SMS, អ៊ីមែល ឬបណ្ដាញសង្គមរបស់អ្នក ដើម្បីនាំអ្នកទៅកាន់វិបសាយដែលមើលទៅដូចវិបសាយពិត ប៉ុន្ដែវាគ្រាន់តែជាវិបសាយបន្លំ បង្កើតឡើងសម្រាប់លួចព័ត៌មានសម្ងាត់ សម្រាប់បើកចូល ABA Mobile របស់អ្នក ឬដំឡើងកម្មវិធី/សូហ្វ៊ែរគ្រោះថ្នាក់ នៅលើទូរស័ព្ទរបស់អ្នក។

3️⃣ កុំដោនឡូត ឬធ្វើតាមការណែនាំផ្សេងៗ ពីជនដែលអ្នកមិនធ្លាប់ស្គាល់ គ្រាន់តែឮសំឡេង។ ជនឆបោក អាចបញ្ចុះបញ្ចូលអ្នកឲ្យដោនឡូតអេបក្រោមហេតុផល "ផ្ទៀងផ្ទាត់សុវត្ថិភាពគណនី" ឬ "មានផ្ដល់រង្វាន់ធំ ឬប្រូម៉ូសិនបញ្ចុះតម្លៃ" ជាដើម។ អេបទាំងនោះ អាចនឹងមានបង្កប់មេរោគ ដែលជនឆបោកប្រើដើម្បីចូលកាន់កាប់ទូរស័ព្ទ ចូលទិន្នន័យ និងព័ត៌មានគណនីរបស់អ្នកបាន។

💬 សូមទាក់ទងសួរ ABA សិន មុននឹងជឿ ឬធ្វើតាមការស្នើសុំ ឬការបង្គាប់បញ្ជារបស់បុគ្គលណាម្នាក់។ ទោះរូបប្រូហ្វាលនោះជាបុគ្គលដែលអ្នកធ្លាប់ស្គាល់ ឬធ្លាប់ទាក់ទងយូរមកហើយក្ដី ក៏ដាច់ខាត កុំជឿតាមការអះអាង ដែលថាពួកគេជាបុគ្គលិក ABA ពិសេសនៅពេលពាក់ព័ន្ធនឹងរឿងលុយកាក់ ឬសេវាធនាគារ។

📞 ប្រសិនបើមានបញ្ហា ឬសង្ស័យណាមួយ សូមសាកសួរ ABA ដោយទូរស័ព្ទមកលេខ 1 800 203 203 (ឥតគិតថ្លៃក្នុងប្រទេសកម្ពុជា)

#ABABank #ScamAlert

🚨ដឹងអត់? ជនឆបោក អាចក្លែងបន្លំអត្តសញ្ញាណរបស់អ្នកណាក៏បាន មិនថាគ្រួសារ បងប្អូន ឬអ្នកដែលអ្នកស្គាល់ សូម្បីតែបុគ្គលិក ABA! ប៉ុន្ដែ កុំបារម្ភ! អ្នកអាចការពារខ្លួនអ្នកបានយ៉ាងងាយស្រួល —ទាក់ទងសួរ ABA មុនជានិច្ច មុននឹងជឿ ឬធ្វើតាមការស្នើសុំ ឬការបង្គាប់បញ្ជារបស់បុគ្គលណាម្នាក់ ពិសេសពាក់ព័ន្ធនឹងលុយកាក់។

🚫 យើងខ្ញុំ សូមរំលឹកលោកអ្នកថា ​បុគ្គលិក ​ABA ពិតប្រាកដ ដាច់ខាតមិនស្នើសុំឲ្យអ្នកធ្វើការទូទាត់ប្រាក់ណាមួយដោយផ្ទាល់ឡើយ។ ប្រសិនបើមានបុគ្គលណាម្នាក់ ប្រាប់ឲ្យអ្នកទូទាត់ប្រាក់ឲ្យពួកគេដោយផ្ទាល់ក្រោមហេតុផលដូចជា បង់កម្ចី, ទទួលបានរង្វាន់ ឬប្រូម៉ូសិនផ្ដាច់មុខ ឬប្រតិបត្តិការហិរញ្ញវត្ថុណាមួយ – ទង្វើនោះ គឺជាការបោកប្រាស់ទាំងស្រុង!

មិនថាតាមរយៈការហៅទូរស័ព្ទ ឬផ្ញើសារ ឬឆានែលទំនាក់ទំនងណាមួយទេ ដាច់ខាត សូម កុំជឿតាមបុគ្គលដែលទាមទារឲ្យអ្នកធ្វើប្រតិបត្តិការបែបនោះ ដោយអះអាងថាគេជាបុគ្គលិក ABA ទោះបីជារូបប្រូហ្វាលទំនងជាត្រឹមត្រូវពិតប្រាកដ ឬជាបុគ្គលដែលធ្លាប់ស្គាល់ ឬធ្លាប់ទាក់ទងយូរមកហើយក្ដី។

ប្រសិនបើមានបញ្ហា ឬសង្ស័យណាមួយ សូមសាកសួរ ABA ដោយទូរស័ព្ទមកលេខ 1 800 203 203 (ឥតគិតថ្លៃក្នុងប្រទេសកម្ពុជា)។

#ABABank #ScamAlert