មនុស្សម្នាក់ៗ មានរបៀបប្រើប្រាស់ខុសៗគ្នា។ រាល់មតិយោបល់ សុទ្ធតែមានតម្លៃជួយជំរុញឲ្យយើងខ្ញុំសម្រួលបទពិសោធកាន់តែប្រសើរសម្រាប់អ្នកប្រើប្រាស់គ្រប់រូប។

កាលថ្ងៃទី1 ខែកក្កដា ថ្មីៗនេះ ធនាគារ ABA មានកិត្តិយសទទួលស្វាគមន៍ ឯកឧត្តម ចាប តូ អនុរដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងគណៈប្រតិភូអម ដើម្បីជួបពិភាក្សាអំពីលទ្ធភាពដែល ABA Mobile អាចបម្រើសេវាកាន់តែប្រសើរ ជូនបងប្អូនប្រជាពលរដ្ឋមានពិការភាពភ្នែកនៅកម្ពុជា។

តាមរយៈកិច្ចសន្ទនា និងបទបង្ហាញផ្ទាល់ ក្រុមឌីជីថលរបស់យើងខ្ញុំ បានជ្រាបកាន់តែច្បាស់ អំពីបទពិសោធនៃការប្រើប្រាស់ប្រចាំថ្ងៃរបស់បងប្អូនដែលមានពិការភាពភ្នែក។ ទស្សនៈ និងការលើកឡើងទាំងនេះ នឹងជួយជំរុញដល់ការពង្រឹងសមត្ថភាពថ្មីៗ ធ្វើយ៉ាងណាឲ្យ ABA Mobile កាន់តែងាយស្រួលប្រើសម្រាប់គ្រប់គ្នា និងប្រកបដោយបរិយាបន្ន។

ក្នុងនាមធនាគារឌីជីថលឈានមុខរបស់កម្ពុជា យើងខ្ញុំប្តេជ្ញាពង្រឹងសមត្ថភាព ABA Mobile ជាបន្ដបន្ទាប់ ដើម្បីបម្រើសេវាជូនអតិថិជនគ្រប់រូបបានកាន់តែប្រសើរ និងរួមចំណែកដល់វឌ្ឍនភាពបរិយាបន្នហិរញ្ញវត្ថុនៅទូទាំងប្រទេសកម្ពុជា។

#ABABank #ABAMobile #MoSAVYR

សូមអបអរសាទរដល់អាជីវករឆ្នើមប្រចាំខែមិថុនា នៅខេត្តព្រះសីហនុ និងខេត្តព្រៃវែង​ និងខេត្តកំពត! 🎉🎉

យើងខ្ញុំមានសេចក្តីរីករាយសូមប្រកាស អាជីវករចំនួន 33 រូបដែលបានឈ្នះពីការចាប់រង្វាន់ – 8 រូប មកពី ផ្សារលើខេត្តព្រះសីហនុ 5 រូបមកពីផ្សារ​សាមគ្គីខេត្តកំពត​ 5 រូបមកពីផ្សារ​ ព្រៃវែង ដោយក្នុងម្នាក់ៗទទួលបានទឹកប្រាក់ 1000,000រៀល។ 05 រូប មកពីផ្សារស្វាយអន្ទរ ខេត្តព្រៃវែង ដោយក្នុងម្នាក់ៗទទួលបានទឹកប្រាក់ 600,000រៀល 10 រូបមកពីផ្សារពាណិជ្ជកម្មខេត្តព្រះសីហនុដោយក្នុងម្នាក់ៗទទួលបានទឹកប្រាក់ 400,000រៀល។ ​​✨

អាជីវករខាងលើ បានចូលរួមចាប់រង្វាន់ តាមរយៈការប្រើប្រាស់ ABA PAY រាល់ពេលគិតលុយពីភ្ញៀវ!

ប្រូម៉ូសិនរបស់យើងខ្ញុំ កំពុងបន្ត!

ប្រសិនបើលោកអ្នក ជាអាជីវករនៅផ្សារលើ និងផ្សារពាណិជ្ជកម្ម ខេត្តព្រះសីហនុ និងផ្សារសាមគ្គីខេត្តកំពត ផ្សារ​ព្រៃវែងនិងផ្សារស្វាយអន្ទរ ខេត្តព្រៃវែង ហើយមានបំណងចូលរួម សូមទាក់ទងមកយើងខ្ញុំ
កុំខកខានឱកាសរបស់លោកអ្នក!

#ABABank #WinnerAnnouncement #ABAPAY