🔊 បងប្អូនអាជីវករប្រើ ABA ឥឡូវនេះ អាចឮសំឡេងភ្លាមៗ រាល់ពេលមានភ្ញៀវបាញ់លុយចូល!
ពេលភ្ញៀវស្គែនបង់លុយតាម ABA KHQR អេប ABA Mobile ឬ ABA Merchant របស់បងប្អូនអាជីវករ នឹងបន្លឺសំឡេងបញ្ជាក់ ប្រាប់ចំនួនលុយចូល និងរូបិយប័ណ្ណភ្លាមៗ – ដូច្នេះ លុយចូលគ្រប់ ឬខ្វះ គឺបងប្អូនដឹងភ្លាមៗ មិនបាច់ផ្ទៀងមើលអេក្រង់ទូរស័ព្ទភ្ញៀវទៀតទេ។

នេះជាមុខងារមាននៅក្នុង ABA Mobile ឬនៅលើ ABA Merchant របស់បងប្អូនអាជីវករស្រាប់ៗ – មិនបាច់ស្នើសុំ មិនបាច់រង់ចាំ ហើយក៏មិនត្រូវការឧបករណ៍អីបន្ថែម ដែលត្រូវសាកថ្ម ឬថែទាំអ្វីឡើយ។ គ្រាន់តែចុចបើកមួយប៉ក់ មានសំឡេងនេះប្រើភ្លាម។
📱 ABA Mobile ឬ ABA Merchant → ការកំណត់ → បើក ABA PaySound
ជ្រើសរើសសំឡេងបុរស ឬនារី ​និងជ្រើសរើសឲ្យហៅជាភាសាខ្មែរ អង់គ្លេស ឬចិន តាមតម្រូវការ។ សំខាន់ មុខងារនេះ អាចបើកបិទបានគ្រប់ពេល។

#ABABank #ABAMobile #PaySound

🚨គេអាចកុហកអ្នកថា គេជាបុគ្គលិក ABA។ ប៉ុន្ដែអ្នកត្រូវចេះឆ្ងល់ថា តើគេជាបុគ្គលិក ABA មែន ឬអត់?

ជនឆបោក អាចបន្លំក្រោមរូបភាពផ្សេងៗ ដូចជា ប្រើប្រាស់រូបថត ឬប្រើរូបប្រូហ្វាលរបស់បុគ្គលិកឥណទាន, បុគ្គលិកផ្នែកលក់, ឬក្រុមការងារណាមួយរបស់ធនាគារ ហើយទាក់ទងទៅអ្នកតាមរយៈទូរស័ព្ទ, ផ្ញើសារ ឬឆាត ដោយនិយាយចេញមកទំនងដូចការពិត ដើម្បីឲ្យអ្នកជឿពួកគេ។

ការពិតដ៏សំខាន់ គួរកត់ចំណាំ៖ បុគ្គលិក ABA ពិតប្រាកដ ដាច់ខាត
❌ មិនសុំលេខ OTP, លេខសម្ងាត់ PIN, លេខកាត 16ខ្ទង់, លេខសម្ងាត់ ឬព័ត៌មានបើកចូល ABA Mobile របស់អ្នក
❌ មិនស្នើឲ្យអ្នក បង់កម្ចីទៅគណនីផ្ទាល់ខ្លួនរបស់ពួកគេ ឬឲ្យអ្នកបង់ប្រាក់ ដើម្បីទទួលបានរង្វាន់ ឬប្រូម៉ូសិន ឬជាថ្នូរនឹងការផ្ដល់កម្ចី
❌ មិននិយាយបំភ័យថា គណនីរបស់អ្នកនឹងត្រូវបិទ ឬទទូចឲ្យអ្នក ចុចលើលីងផ្ដេសផ្ដាស ដែលផ្ញើតាមអេបឆាត។

ប្រសិនបើអ្នកយល់ថា មានភាពមិនប្រក្រតីណាមួយ សូមទាក់ទងមកយើងខ្ញុំភ្លាមៗ!
📞 1 800 203 203 (ប្រព័ន្ធឥតគិតថ្លៃ)

#ABABank #ScamAlert

ស្គែន បាញ់លុយ រួចរាល់ - ស្រួលៗ។ ប៉ុន្ដែ ច្បាស់អត់ថាស្គែនត្រូវរហូត អត់ច្រឡំ QR​? 🤔 បើបានដាក់ក្នុងគំរូទូទាត់ប្រចាំ មិនបារម្ភខ្លាចស្គែនច្រឡំ ហើយក៏មិនពិបាកស្គែនដដែលៗដែរ។

ដូច្នេះ ពេលស្គែន ABA QR បាញ់លុយឲ្យគេ ដាក់ជាគំរូទូទាត់ប្រចាំឲ្យហើយទៅ ⭐️ ស្រួលផ្ទេរ ឬបាញ់លុយឲ្យពួកគាត់លើកក្រោយ។

មិនបាច់រកមើល QR ក្នុងរូបថត ឬក្នុងឆាត មិនបាច់ពិបាកសុំ QR គេ ម្ដងហើយម្ដងទៀត។ គ្រាន់តែចូលគំរូទូទាត់ ចុចតែមួយប៉ក់ ផ្ញើដោយទំនុកចិត្ត។

នៅពេលស្គែន ABA QR របស់សមាជិកគ្រួសារ, មិត្តភក្ដិ, អ្នករួមការងារ ឬអ្នកដែលត្រូវបាញ់លុយឲ្យញឹកញាប់ សូមកុំភ្លេចដាក់ គំរូទូទាត់ប្រចាំ ឲ្យហើយ ដើម្បីបាញ់លុយលើកក្រោយ បានលឿនស្រួល មិនចេះច្រឡំ។

#ABABank #ABAScan #Favoritefeature

👉 មើលវីដេអូលើ YouTube ចុចលីងនេះ៖ https://youtube.com/shorts/OxQDWq9UymY

💡ដឹងអត់? អ្នកអាចនិយាយជាមួយ ABA Mobile ដើម្បីប្រឹក្សាអំពីផែនការហិរញ្ញវត្ថុ​! សួរភ្លាម ឆ្លើយភ្លាម ជាមួយចម្លើយដែលត្រូវតាមលក្ខខណ្ឌហិរញ្ញវត្ថុផ្ទាល់ខ្លួនរបស់អ្នក។

ដូច​ ប៉ូលី នៅក្នុងវីដេអូនេះអញ្ចឹង។ គាត់បង្ហាញពីការឆ្លើយតបរបស់ ណាវី ដែលផ្ដល់យោបល់អំពីគោលដៅសន្សំលុយទិញកុំព្យូទ័រថ្មី។ ក្នុងវីដេអូនេះ ប៉ូលីក៏ផ្ដល់គន្លឹះគ្រប់គ្រងលុយកាក់ 3ចំណុចផងដែរ។

📱ចុចប៊ូតុង ណាវី នៅក្នុង ABA Mobile
🎙ចុចប៊ូតុង 🔊ឲ្យជាប់ ដើម្បីសួរសំណួរ (មានពេលដល់ 10វិនាទី)។
🚀សួរភ្លាម – ណាវី ឆ្លើយភ្លាម។

មោទនភាពបង្កើតឡើងដោយស្នាដៃខ្មែរយើង ដើម្បីឲ្យលោកអ្នកបានប្រើសេវាធនាគារកាន់តែឆ្លាតវៃឈានមុខ និងសាងទម្លាប់គ្រប់គ្រងហិរញ្ញវត្ថុកាន់តែប្រសើរ។

#ABABank #FinancialTips #Navi

👉 មើលវីដេអូលើ YouTube ចុចលីងនេះ https://youtube.com/shorts/xC96yiZ0YII

🌏🇰🇭 ខ្មែរនៅប្រទេសណា ក៏បើក ABA Mobile ប្រើបានដែរ – គឺបើកគណនី ABA ដំបូង ពីទូរស័ព្ទដៃផ្ទាល់ មិនបាច់ទៅដល់ធនាគារ។
XieOy រស់នៅប្រទេសជប៉ុនបានជាង 6ឆ្នាំ ទើបតែបានដឹង – ហើយថា គាត់គួរតែបានដឹងឆាប់ជាងនេះ ស្រួលបើកប្រើតាំងពីយូរ!

នៅក្នុងវីដេអូនេះ XieOy ​បង្ហាញគ្រប់ជំហាននៃការចាប់ផ្ដើមប្រើ ABA ពីក្រៅប្រទេស - ចាប់ពី ដោនឡូត ABA Mobile រហូតដល់បើកគណនីរហ័សដោយជោគជ័យ។ គាត់បើកដោយប្រើលិខិតឆ្លងដែនខ្មែរ និងលេខទូស័ព្ទរបស់គាត់នៅជប៉ុន។

អ្នកនៅក្រៅប្រទេស មិនបាច់ចាំយូរដូច ដូច XieOy។😄 បើកគណនី ABA ដំបូងរបស់អ្នកឥឡូវ − បើកភ្លាម ប្រើបានភ្លាម - ផ្ទេរលុយទៅមកជាមួយអ្នកផ្ទះនៅខ្មែរ, បើកកាតនិម្មិតភ្លាមៗ និងមុខងារជាច្រើនទៀត ឥតគិតថ្លៃ។ អ្វីដែលត្រូវការ គឺ អត្តសញ្ញាណប័ណ្ណ ឬលិខិតឆ្លងដែនមានសុពលភាព និងលេខទូរស័ព្ទក្នុងប្រទេសដែលកំពុងរស់នៅ។

#ABABank #ABAInstantAccount

👉 មើលវីដេអូលើ YouTube ចុចលីងនេះ
https://youtu.be/5pBpzfPVgss

រឹងមាំ, ស្ថិរភាព, មាគ៌ាកំណើន បានធ្វើឲ្យ ABA ​នៅតែជាធនាគារពាណិជ្ជធំបំផុតរបស់កម្ពុជា។🇰🇭

សមិទ្ធផលនានារបស់យេីង បានផ្សារភ្ជាប់ជាមួយជីវិតរស់នៅ បទពិសោធ និងភាពជោគជ័យរបស់ប្រជាពលរដ្ឋខ្មែររាប់លាននាក់។ បងប្អូនអាជីវករ/អ្នកលក់ដូរ ប្រឹងប្រែងដេីម្បីជីវភាពល្អប្រសើរ។ ក្រុមគ្រួសារ ជាមួយផ្ទះក្នុងក្តីស្រមៃ។ អ្នកធ្វើការ រកស៊ី ពលរដ្ឋទូទៅ រៀបចំផែនការសន្សំសម្រាប់អនាគត។ អាជីវកម្ម/ធុរកិច្ច បន្ដបោះជំហានទៅមុខ។

ABA នៅតែបន្ដប្ដេជ្ញាក្នុងការបង្កើតឱកាសថ្មីៗ គាំទ្រប្រជាសហគមន៍នានា និងរួមចំណែកដល់ការអភិវឌ្ឍប្រទេសជាតិយេីង។

សូមអរគុណអតិថិជនគ្រប់រូបសម្រាប់ទំនុកចិត្ត និងអនុញ្ញាតឲ្យ ABA រួមដំណើរវឌ្ឍនភាពរបស់លោកអ្នក។💙

#ABABank

👉 មើលវីដេអូលើ YouTube ចុចលីងនេះ https://youtube.com/shorts/ciH7VYiQIQM

ពេលខ្លះម្ចាស់ហាង ឬម្ចាស់តូបនៅកន្លែងលក់ ពេលខ្លះចេញទៅក្រៅ។ ចំណុចនេះ មុខងារ ABA PaySound នៅក្នុងអេប ABA Merchant មានសារៈសំខាន់មែនទែនសម្រាប់អាជីវករ ឬអាជីវកម្មលក់ដូរនានា។

💁បុគ្គលិក ឬអ្នកប្រចាំការនៅហាង និងម្ចាស់ហាង អាចឮសំឡេងដូចៗ ពីទូរស័ព្ទរៀងៗខ្លួន រាល់ពេលភ្ញៀវបាញ់លុយចូលក្នុងគណនី ABA របស់ម្ចាស់ហាង – គឺមានសំឡេងប្រាប់ដំណាល ទាំងចំនួនលុយ និងរូបិយប័ណ្ណ​។

បើកមុខងារនេះ ឥឡូវ ដើម្បីការលក់ដូរកាន់តែងាយស្រួល និងមានប្រសិទ្ធភាព៖
📱ABA Merchant → ចុច ការកំណត់ → បើក ABA PaySound។

ABA Merchant គឺជាកម្មវិធីដ៏ចាំបាច់មានមុខងារសំខាន់ៗគ្រប់យ៉ាងដែលអាជីវកម្មត្រូវការ ដើម្បីទទួលការទូទាត់ និងតាមដានការលក់ដូរ - ហើយរាល់ប្រតិបត្តិការធ្វើឡើងដោយឥតគិតថ្លៃ។
👉ដោនឡូត ABA Merchant៖ aba.onelink.me/wnO2/ABAMerchant

#ABABank #PaySound #ABAMerchant

💳 កាតប្លាស្ទិក ABA របស់អ្នក អាចឲ្យអ្នកគ្រប់គ្រងបានទាំងស្រុងក្នុង​ ABA Mobile។

ផ្អាកទិញអនឡាញមួួយរយៈ? បិទមុខងារ ទូទាត់អនឡាញ នៅលើកាតរបស់អ្នក ដើម្បីសុវត្ថិភាព ចៀសវាងមានការលួចចាយ។ ត្រូវការទិញអនឡាញវិញ? គ្រាន់តែបើកមុខងារនេះវិញជាការស្រេច!

📱ចូលទៅកាត, ជ្រើសរើស កាត និងចុចបិទ/បើកប៊ូតុង ទូទាត់អនឡាញ បានគ្រប់ពេល។

ក្រៅពីនេះ អ្នកក៏អាចកំណត់កម្រិតចាយតាមកាត, ផ្អាកកាត/បើកដំណើរការកាតវិញ, និងដាក់ប្ដឹងតវ៉ាពេលមានបញ្ហារឿងកាត ដោយចុចតែពីរបីប៉ក់ប៉ុណ្ណោះនៅក្នុង ABA Mobile។
គ្រប់គ្រងកាតបានទាំងស្រុង – មានគ្រប់យ៉ាងនៅក្នុង ABA Mobile ផ្ទាល់។

#ABABank #ABACardSecurity