ما ترضا عليه حتى من اصير وياك
ومن گد ما حرت وياك ، محتارك
ع مودك للمحاكم و التهم طبيت
وشلت عنك التهمة و فرحوا كبارك
واجيت تزورني ومن شفت بيدي قيود
اشتهيت تغيظني و سلمت بـ سوارك .

عاتبتك گبل ظني العتاب يفيد
وانه ادري النهر ما ينعدل مجراه
تطش ع الجمر ماي و يسمعك صوت
وما تعرف الماي ، الجمر صاح أشاه
گتلك ضل عوج نقطة ضعف ما بيك
الشص حگه انوكل لمن عدل مگفاه
تضم سرك بجره تريده ما ينگال
يجي غراب و يشمر بالحصة و يلگاه
و جرب جيب بدوي وحطه بالبستان
واخذ الناي منه و گله عيش هنا
يحرثلك الگاع يچمل البستان
بس غفله و يزرف خشبة المسحاه
يحچيلي بحرب و ملاگة مال سيوف
و هو زنجار سيفه واصل لـ يمناه .

واهَس ليل جَرحي شگد سوالف بيَ
عَليَّ كل ذكرىٰ مَرت تنحسب لچمة .

والچَرح بيّه بقىٰ
لَو بيّك مِاعَفتة
بسَ هِيَ رحَلة عُمر
وكَلشِي انتهِىْ بوكتَة
قصٌة وطَواها آلزمِن
رحَلة انتهِت وبثمَن
وبَين جبيَر الفَرق
ويِن آنه ويِن انتَ .

تعال أوزن همومي وجيب ميزان
وشوف شگد عذاب الروح زايد
أنسحبو من حياتي هواي خلان
وبقيت بهل زمان لوحدي أعاند
سواد الليل يبقى وتطفى الالوان
وأعيد بذكرياتك والمشاهد .

لتحاول تمثل عَلي ،
ترسم بوجهك لهفة
صاعود مو توني صرت
شوفني سلاية نخل
أعرفها من يا سعفة .

الثانية صباحاً أما بعد :

- أجي مغيم سهَر يمك
و أنگط ليّل
و طرت مو بالسمَا
لا بالحچي الگلته .

مولم جدا انك في عز شبابك ولا ترغب بشي من الحياه
سواء الرحيل منها

شمسوي النيران متونسه بيه
حرمل صرت محروك كل مغربيه

أنا بحر أتود الغرق

الوگت حطني جگارة بحَلگ صافن
نسَاني وهيض العطَاب بيه

ياجذاب عندك كلبي للونسه من كلتها امي كبلك سولفتلي شعندي غيري شعندي غيرك خلفت فوكاي خمسه 🙂

الأمراض الخبيثه تحاول تطيب
جا هاي الخباثه العندج منين؟
تكلي منين غيرك نحبل نجيب!!
وحبلت هسة صارو حدها طفلين 😕

هل ترجع الدار بعد البعد انسة؟
وهل تعود لنا أيامنا الأول؟

‏اَنـا بفتَرة غَرَامك كـلشي مَـا خليتْ بعتِ كلشي اليغثك خاطـِر العشره
وعفتَني أنتَ ببـحر مابي جُـرف
ينَشـاف وبلعتَ المُوسَ هسة وحاضـن
الجمـَرة

‏حبنَي!
مو بس بالسوالف.
السوالف ما تهمني
المواقف هيه الي تحدد
وانت بيهن فشلتني!

أنا بيا حــال!
يـالتسئل ع اخـباري
بيتي ع النهر بس ماطفت ناري

انا اخبارك اشمهن
يا سمع يا شوف؟
مثل شمة ثيابي من يجون ضيوف
انت ابالي تفتر فرة الحجاج
عينك وي سمارك براسي كلها تطوف .

على إخبارك عشت
ارتاح من ترتاح
واتمرض اذا كالولي متمرض

انه اخباري غريبه بغير كاعي
وسفينه رويحتي وطايح شراعي
وعيوني مغوركه وتدور عليك
يلعندك وجودي ماله داعي 😔😔

اني اخباري
احبك
انت شخبارك؟