راجَعلي مِن گلبّك خسّر ؟

شگالولك عَلية وصَار وجهك سيفّ
وتعرُفني التكتلك والحَجي مصدّگة
شجرة ومو بدية وتِدري وكتك ريحّ
وتحَملني ذنب مِن طيحت الورگة
خُلگ ساتِر ولك سوّيت خُلگي ويَاك
شكد موتّ وجِثث ماضيگت خلگة
مو من صالحك عَالجرُف تِزرع عودّ
مَا تدري على ساعة تفيض وتغرِگة .

لـ الشهَيد الحَي عليّ رِشم
تلهَث أيامي وعُمر تركض وراك
والدقايق غُربة والحظة قطارّ
دير وجهَك ما يهِم بجَروحي خيرّ
واظحه حچاياتي وحرّوفي نهارّ
وياي طبعَك يشبه أوضاع العراق
خير للغُربة وعلى اهله يصيرّ نار
ركضت شهگاتي ودموعي وراك
شلون ركضت عوزّنه بوكِت الحصارّ
فحَطت خُلگي وبعد زعلك طويل
ودرّب الملاگه عليّ شبعدَه صار .

صبار أنتَ توجع حِضن اليضمك ! .

خاويت النوارس من وصلني الشيب
أبيض صار لون عيوني والنية .

ولَتطلب سبب تغييري
هسة من گمت تتأخر بــ رَدَك
عرفت اللهفة كلها تحولَت لغيري،
الطير العندي لو حَط أعلى غِير بيوت
ماسَمي بعد طيري ..

گدامك طحت
ما شفت وچهك گام
هاك أبسـط مثال
وشــوف وتصــور .

اذا ضَنيت ارِدلك انتَ غلطان
يا دمعة الرضت ترجع للعُيون .

وفجرّك هوىْ يمُرني و ما إشتميته
اثر طعنتك زنجّر و الخناجر بيض
عَكس گلبك وياي الما صِفت نيته
أنا دمعة غريب بكُل سهولة تطيح
جدمي لذكرياتك ليش وَديته ؟
فراغك و الگبر يتشابهن بالعِين
منو المِنهن يعيش بروحي وصيته ؟

راحن مِن وكِت بسّ ماگلت خسران
صحَ عاتِب عليهن بس گلت فِدوة .

مرسَومه بـ جلدنا ذيچ الانياب
الجرِح لو طاب هم يترِك نياشِين .
لـِ الگاطِع .

راح تِشوفني بكُل الخَسارات
ورَاح تحطنِي أول مِن تعدهَا .

شسويت شوف شسويت
ماگدرتها وغصيت
بالحطب غطيت النار
ردت اليصير وما صار
انوبه جبتلها جروح
حطيت فوك جروحي
شوف شلعبت بروحي .

ما ترضا عليه حتى من اصير وياك
ومن گد ما حرت وياك ، محتارك
ع مودك للمحاكم و التهم طبيت
وشلت عنك التهمة و فرحوا كبارك
واجيت تزورني ومن شفت بيدي قيود
اشتهيت تغيظني و سلمت بـ سوارك .

عاتبتك گبل ظني العتاب يفيد
وانه ادري النهر ما ينعدل مجراه
تطش ع الجمر ماي و يسمعك صوت
وما تعرف الماي ، الجمر صاح أشاه
گتلك ضل عوج نقطة ضعف ما بيك
الشص حگه انوكل لمن عدل مگفاه
تضم سرك بجره تريده ما ينگال
يجي غراب و يشمر بالحصة و يلگاه
و جرب جيب بدوي وحطه بالبستان
واخذ الناي منه و گله عيش هنا
يحرثلك الگاع يچمل البستان
بس غفله و يزرف خشبة المسحاه
يحچيلي بحرب و ملاگة مال سيوف
و هو زنجار سيفه واصل لـ يمناه .

واهَس ليل جَرحي شگد سوالف بيَ
عَليَّ كل ذكرىٰ مَرت تنحسب لچمة .

والچَرح بيّه بقىٰ
لَو بيّك مِاعَفتة
بسَ هِيَ رحَلة عُمر
وكَلشِي انتهِىْ بوكتَة
قصٌة وطَواها آلزمِن
رحَلة انتهِت وبثمَن
وبَين جبيَر الفَرق
ويِن آنه ويِن انتَ .

تعال أوزن همومي وجيب ميزان
وشوف شگد عذاب الروح زايد
أنسحبو من حياتي هواي خلان
وبقيت بهل زمان لوحدي أعاند
سواد الليل يبقى وتطفى الالوان
وأعيد بذكرياتك والمشاهد .

لتحاول تمثل عَلي ،
ترسم بوجهك لهفة
صاعود مو توني صرت
شوفني سلاية نخل
أعرفها من يا سعفة .